Pietro Gasparri

“ «Post resurrectionem, facto universo completoque iudicio, suos fines habebunt civitates duae, una scilicet Christi, altera diaboli; una bonorum, altera malorum; utraque tamen et ange- lorum et hominum. Istis voluntas, illis facultas non poterit ulla esse peccandi, vel ulla conditio moriendi; istis in aeterna vita vere feliciterque viventibus, illis infeliciter in aeterna morte sine moriendi potestate durantibus, quoniam utrique sine fine. Sed in beatitudine isti alius alio praestabilius, in miseria vero illi alius alio tolerabilius permanebunt». ”

“ « Verum etsi fides sit supra rationem, nulla tamen unquam inter fidem et rationem vera dissensio esse potest; cum idem
Deus, qui mysteria revelat et fidem infundit, animo humano rationis lumen indiderit. Deus autem negare se ipsum non possit nec verum vero unquam contradicere. Inanis autem huius contradictionis species inde potissimum oritur, quod vel fidei dogmata ad mentem Ecclesiae intellecta et exposita non fuerint, vel opinionum commenta pro rationis effatis habeantur. Omnem igitur assertionem veritati illuminatae fidei contrariam omnino falsam esse definimus». ”

“ « Quoniam unus panis et unum corpus multi sumus. Quid enim, inquit, dico communicationem? Illud ipsum corpus sumus. Quid est enim panis? Corpus Christi. Quid autem fiunt communicantes? Corpus Christi; non corpora multa, sed unum corpus. Sicut enim panis, ex multis granis constans, unitus est ita ut grana nusquam appareant, sed sint quidem ipsa, non manifesta autem sit illorum differentia propter coniunctio- nem; nos et mutuo et cum Christo coniungimur. Non enim
ex altero corpore hic, ex altero ille nutritur, sed ex eodem ipso omnes ». ”

“ Cum homo a Deo tanquam creatore et Domino suo totus dependeat, et ratio creata increatae Veritati penitus subiecta sit, plenum revelanti Deo intellectus et voluntatis obsequium fide praestare tenemur. Hanc vero fidem, quae humanae salutis initium est, Ecclesia catholica profitetur, virtutem esse super- naturalem, qua, Dei aspirante et adiuvante gratia, ab eo revelata vera esse credimus, non propter intrinsecam rerum veritatem naturali rationis lumine perspectam, sed propter auctoritatem ipsius Dei revelantis, qui nec falli nec fallere potest. ”

“ Les Ordrcs religieux tirent, chacun le sait, leur origine et leur raison d'être de ces sublimes conseils evangeliques que notre divin Redempteur adressa, pour tout le cours des siecles, a ceux qui veulent conquerir la perfection chretienne: ames fortes et genereuses qui par la prière et la contemplation, par des saintes austerites, par la pratique de certaines règles s'effor- cent de monter jusqu'aux plus hauts sommets de la vie spiri- tuelle. ”

“ Pater generans, Filius nascens, et Spiritus Sanctus procedens: consubstantiales et coaequales et coomni-
potentes et coaetemi: unum universorum principium: creator omnium visibilium et invisibilium, spiritualium et corpora- lium: qui sua omnipotenti virtute simul ab initio temporis utram- que de nihilo condidit creaturam, spiritualem et corporalem, angelicam videlicet et mundanam: ac deinde humanam, quasi communem ex spiritu et corpore constitutam. Diabolus enim et alii daemones a Deo quidem natura creati sunt boni, sed ipsi per se facti sunt mali. Homo vero diaboli suggestione peccavit. ”

“ Ecclesiam in Symbolo fidei profitemur... Sane Iesus Christus de aedificio eiusmodi mystico cum loqueretur, Ecclesiam non commemorat nisi unam, quam appellat suam: aedificabo Eccelsiam meam (Matth., XVI, z8) . Quaecunque praeter hanc cogitetur alia, cum non sit per Iesum Christum condita, Ecclesia Christi vera esse non potest... Itaque partam per Iesum Christum salutem simulque beneficia omnia, quae inde proficiscuntur, late fundere in omnes homines
atque ad omnes propagare aetates debet Ecclesia. ”

“ VIII, n. 4. - Deus quidem infinite iustus est, sed suum cuique non semper huius vitae tempore tribuit, verum post mortem in iudicio tum particulari tum universali. Liquet igitur vere eos decipi, qui cum videant secundis rebus malos, adversis bonos hic saepe uti, Deum accusare iniustitiae non verentur. Atqui nec perfecta umquam est felicitas malorum, qui et peccatorum conscientia mordentur, et divinae ultionis formidine agitantur; nec afflicta bonorum conditio vacua solatio est, quos vel conscientiae tranquillitas, vel spes recreat praemii sempiterni. ”

“ «Homo ad imaginem et similitudinem Dei factus est (Gen., I, 26) , sed peccatum, anima ad vitiosas concupiscentias impulsa, deformavit imaginis pulchritudinem. Deus autem, qui hominem condidit, vera est vita. Itaque qui Dei similitudinem amisit, is perdidit vitae consortium; qui vero extra Deum est, vitam bea- tam degere non potest. Revertamur igitur ad gratiam initio nobis concessam, ex qua excidimus per peccatum; et rursus iuxta Dei imaginem exornemus nosmetipsos ». ”

“ Ainsi, travaillant sous la direction supreme du Siège Apostolique a realiser l'ideal de per- fection trace par Notre-Seigneur, et vivant sous des règles qui n'ont absolument rien de contraire a une forme que1conque de gouvernement civil, les Instituts religieux cooperent grandement a la mission de 1'Eglise, qui consiste essentiellement a sanctifier les ames et a faire du bien à l'humanite. ”

“ « Bonus Dominus hisce duobus allaborat: cogere non vult libertatem nostram, nec ut remissi simus permittit. Si enim coactione utitur, potestatem arbitrii tollit; si vero relaxatione, privat animam auxilio suo. Sciens Dominus quod si cogit, privat nos, si auxilium retrahit, perdit nos, si docet, acquirit nos; non cogit nec auxilium retrahit, ut facit Malus, sed docet, erudit et acquirit, utpote bonus ». ”

“ Et tandem unigenitus Dei Filius, Iesus Christus, a tota Tri- nitate communiter incarnatus, ex Maria semper Virgine, Spiritus Sancti cooperatione, conceptus, verus homo factus, ex anima rationali et humana carne compositus, una in duabus naturis persona, viam vitae manifestius demonstravit. Qui cum secun- dum divinitatem sit immortalis et impassibilis, idem ipse secun- dum humanitatem factus est oassibilis et mortalis; qui etiam pro salute humani generis in ligno crucis passus et mortuus, descen- dit ad inferos, resurrexit a mortuis et ascendit in caelum... ”

“ « Videbis levitas panes vinique calicem ferentes mensaeque imponentes. Et quandiu quidem preces et invocationes nondum sunt peractae, nihil aliud nisi panis calixque est. Postquam autem peractae fuerint magnae miraeque preces, tunc panis fit corpus, calix autem Domini nostri Iesu Christi sanguis....
«Veniamus ad mysteriorum perfectionem. Hic panis et hic calix ante preces et supplicationes nihil ultra naturam propriam habent; ubi autem magnae preces sanctaeque supplicationes edictae fuerint, descendit Verbum in panem et calicem, et fit corpus eius ». ”

“ « Quia in illo uno vero Deo Trinitate, non solum quod unus Deus est, sed enam quod Trinitas est, naturaliter verum est, propterea ipse verus Deus in Personis Trinitas est, et in una natura unus est. Per hanc unitatem naturalem totus Pater in Filio et Spiritu Sancto est, et totus Filius in Patre et Spiritu Sancto est, totusque Spiritus Sanctus in Patre et Filio est. Nul- lus horum extra quemlibet ipsorum est, quia nemo alium aut praecedit aeternitate, aut excedit magnitudine, aut superat potestate ». ”

“ Simul atque beata Maria Virgo, Angeli verbis assentiens, dixit: Ecce ancilla Domini, fiat mihi secundum verbum tuum, statim, idest in ipso primo illo instanti, ex purissimo beatae Mariae Virginis sinu sanctissimum Christi corpus, virtute Spi- ritus Sancti, formatum fuit, anima humana (ex nihilo creata) corpori coniuncta, et divinitas cum corpore et anima copu- lata. Ex quo factum est, ut eodem temporis puncto perfectus Deus et perfectus homo esset, et beata Maria Virgo vere et proprie mater Dei et hominis diceretur, quod eodem mo- mento hominem concepisset, qui Deus erat. ”

“ Omnes debent, pro sua quisque conditione, catho- licam doctrinam sedulo discere atque etiam curare ut, qui sibi subiecti sunt, eam ediscant; nulla enim doctrina gravior hac est, quae viam demonstrat aeternae salu- tis, in qua noster finis ultimus consistit. Quid enim prodest homini, si mundum universum lucretur, animae vero suae detrimentum patiatur ? aut quam dabit homo commutationem pro anima sua? ”

“ Pertinet autem ad naturalem cognitionem, quod anima sciat se propter beatitudinem creatam; et quod beatitudo consistat in adeptione perfecti boni. Sed quod illud bonum perfectum ad quod homo factus est, sit illa gloria quam Sancti possident, est supra cognitionem naturalem. Unde Apostolus dicit quod nec oculus vidit, nec auris audivit, nec in cor hominis ascendit, quae prae- paravit Deus diligentibus, se, ac postea subdit: Nobis autem revelavit Deus per Spiritum suum; quae quidem revelatio ad fidem pertinet. ”

“ Ergo si deviat terrena potestas, iudicabitur a potestate spirituali; sed si deviat spiritualis minor, a suo superiore; si vero suprema, a solo Deo, non ab homine poterit iudicari, testante Apostolo: Spiritualis homo iudicat omnia, ipse autem a nemine iu- dicatur (I Cor., II, z5) . Est autem haec auctoritas, etsi data sit homini et exerceatur per hominem, non humana, sed potius divina, ore divino Petro data, sibique suisque successoribus in ipso, quem confes .us fuerit petra, firmata, dicente Domino ipsi Petro: Quodcunque ligaveris etc. ”

“ Sancta catholica apostolica Romana Ecclesia credit et con- fitetur, unum esse Deum verum et vivum, creatorem ac Domi- num caeli et terrae, omnipotentem, aeternum, immensum, incomprehensibilem, intellectu ac voluntate omnique perfe- ctione infinitum; qui cum sit una singularis, simplex omnino et incommutabilis substantia spiritualis, praedicandus est re et essentia a mundo distinctus, in se et ex se beatissimus, et super omnia, quae praeter ipsum sunt et concipi possunt, ineffabiliter excelsus. ”

“ Unigenitus Dei Filius, cum ad redimendum humanum genus in mundum venisset, datis spiritualis vitae praeceptis, quibus homines ad finem sibi praestitutum regerentur universi, docuit praeterea, qui ipsius vestigiis propius insistere vellent, eos evangelica consilia amplecti et sequi oportere. Eiusmodi autem consilia quicumque, obligata Deo fide, servaturum se spondeat, is non modo omnibus exsolvitur impedimentis quae mortales a sanctitate remorari solent, ut bona fortunae, ut coniugii curae sollicitudinesque, ut immoderata rerum omnium libertas ”

“ « Quanquam etsi laicus aliquis pereuntis dederit necessitate compulsus [Baptisma] , quod, cum ipse acciperet, quomodo dan- dum esset addidicit, nescio utrum quisquam pie dixerit esse re- petendum. Nulla enim cogente necessitate si fiat, alieni muneris usurpatio est; si autem necessitas urgeat, aut nullum aut veniale delictum est. Sed et si nulla necessitate usurpetur et a quolibet cuilibet detur, quod datum fuerit non potest dici non datum, quamvis recte dici possit illicite datum ». ”

“ Si quis non confitetur, primum hominem Adam, cum man- datum Dei in Paradiso fuisset transgressus, statim sanctitatem et iustitiam, in qua constitutus fuerat, amisisse, incurrisseque per offensam praevaricationis huiusmodi iram et indignatio- nem Dei, atque ideo mortem, quam antea illi comminatus fuerat Deus, et cum morte captivitatem sub eius potestate, qui mortis deinde habuit imperium, hoc est Diaboli, totumque Adam per illam praevaricationis offensam, secundum corpus et animam in deterius commutatum fuisse: a. ”

“ Pius X, Ex motu proprio Sacrorum Antistitum, I sept. igio, Iusiurandum contra errores Modernismi:
« Ego... firmiter amplector ac recipio omnia et singula, quae ab inerranti Ecclesiae magisterio definita, adserta ac declarata sunt, praesertim ea doctrinae capita, quae huius temporis erro- ribus directo adversantur. Ac primum quidem: Deum, rerum omnium principium et finem, naturali rationis lumine per ea quae facta sunt (Rom., I, 20) , hoc est, per visibilia creationis opera, tanquam causam per effectus, certo cognosci, adeoque demonstrari etiam posse, profiteor». ”