Françoise Pascal

“ Ie sens mourir mon cœur d’une mort continuë,
Et qui me fait reuiure alors qu’elle me tuë :
O ! maux pleins de douceurs aymable cruauté,
Aggreable langueur, chere felicité ;
Delicieux tourment, delectable amertume,
Doux feux qui me brulez sans que ie me consume !
Que feras tu mon corps percé de tous costez ?
Que ferez vous mes yeux n’ayant plus de clartez ? ”

“ Desire que bien-tost tu luy sois immolé,
Sçachant que pour les Dieux ton cœur est si zelé :
Les Oracles l’ont dit, & la Deesse mesme
Tesmoigne d’en avoir vn desir tout extreme.
Enfin Endymion, tu vois bien que les Dieux
Te vont faire sans doute habitant dans les Cieux :
L’on voit bien que la terre est du tout incapable
De porter si long-temps vn homme incomparable :
Les Dieux t’en retirant, pour te favoriser,
Font voir qu’ils n’ont dessein qu’à t’immortalizer.
ADMON aux autres.
Ha ! que vois-ie bons Dieux ! quel genereux courage ! ”

“ C’est par cette raison MADEMOISSELLE, qu’Endymion a cherché l’honneur de vous apprendre les auantures ; que si elles sont assez heureuses, pour trouuer quelque petite place dans vostre estime : il pourra dire, que la gloire d’estre aymé d’vne Deeffe, ne luy est pas plus auantageuse, puisque vous luy permettez de voir le iour : il pourra dire encor, qu’il vous doit plus qu’à cette Deeffe, qui le faisoit incessamment dormir. Enfin MADEMOISSELLE, c’est vne grace que ie n’osois bonnement esperer ; car vous qui estes vne merueille du corps & de l’esprit, dont vous pouuez produire mille belle choses ”

“ Car s’il la considere comme le plus bel Astre du Ciel, il sçait aussi que vous estes vn des plus beaux Astres de la Cour, & toutes les adorations, & les vœux qu’il luy rend, n’empeschent pas qu’il n’ait pour vous l’admiration qu’en a des-ja vne partie de la Terre, & qu’il n’aduoüe, que la nature a formé en vous quelque chose de celeste, puisque elle n’a non plus espargné à vous rendre considerable par vostre illustre, & haute naissance, qu’elle s’est monstrée prodigue à departir toutes ses graces en vostre personne, vous rendant vn Miracle de nostre Sexe. ”

“ Depuis que le sommeil eust assoupy tes sens,
Par l’ordannance souueraine,
Qu’en receut la fameuse Ismene ;
Qui fait voir qu’en effet ses charmes sont puissans.
Mais sans differer dauantage,
Viens prendre place aupres de moy,
C’est le payement de ta foy,
Toy seul auras cet auantage.
Apres t’avoir montré les celestes palais,
Tu verras encore la place,
Que Diane te fait la grace
De te donner vn iour, apres tant de souhaits.
ENDYMION entrant dans le char.
Ha ! Deesse, c’est trop ; des si foibles seruices
Se verront ils payez d’eternelles delices ? ”

“ Heureux Endymion, d’où te vient ce bon-heur,
Vit-on iamais mortel, receuoir tant d’honneur
D’estre consideré d’vne beauté diuine,
D’vn miracle des Cieux ; de moy ie m’imagine,
Que c’est auec raison qu’on t’adore en tous lieux ?
Puisque mesme on te voit dans l’estime des Dieux !
L’on voit dessus ton corps des merueilles si rares,
Qu’elles peuuent toucher les cœurs les plus barbares !
Mille ieunes beautez au seul bruit de ton nom,
Vont soupirant pour toy.
ENDYMION.
Vont soupirant pour toy. Cesse Polydamon
Cesse de me flatter... Mais que vois-ie parestre,
Cette femme m’approche. ”

“ Il adore Diane, & ne s’aperçois pas
Qu’il se consume en vain pour de si beaux appas.
Aymable Endymion, Diane est trop seuere ;
C’est en vain qu’à l’aymer ton ame perseuere.
Si les Dieux tous puissans n’osent pas l’approcher,
La flamme d’vn mortel peut elle la toucher ?
Pourtant Endymion est le plus beau du monde,
Il n’est point de mortel qu’icy bas le seconde :
Ie sçay bien que les Dieux, apres ses qualitez,
N’ont pour le surmonter que leur diuinitez.
Il le faut soulager dans l’ennuy qui le presse,
Afin qu’il puisse voir quelque iour sa Deesse. ”

“ M’a presque ouuert son cœur, sa flame m’est cõnuë,
Quoy qu’elle en veuille déguiser,
Sa rougeur me la fait connoistre ;
Et sa douleur la fait paroistre,
Puisque rien ne peut l’appaiser.
Qu’elle est à plaindre en ce combat,
Elle n’oseroit me l’apprendre,
Et me le voudroit faire entendre ;
Ainsi son esprit souffre en ce triste debat.
L’amour, et la douleur, auecque la contrainte
Causent dedans son cœur vne mortelle atteinte :
Ouy malgré les vœux, & sermens,
Que i ay fait pour toy, ma Deesse,
Ie sens que sont tourment me blesse,
Sans des amoureux sentimens ”

“ Mais luy mesme voulut luy choisir ce cousteau,
Qui parût à ses yeux si leger, & si beau ;
Qu’elle accepta bien-tost ce present aggreable,
Qui luy deuoit vn iour estre si fauorable :
Puis qu’elle connoissoit par sa legereté,
Qu’il ouurirait vn cœur auec subtilité.
Qu’on luy deuoit un iour faire vn grand sacrifice,
Dont le cousteau pourroit seruir à cet office.
Cette victime encor satisfait tant les Dieux,
Que bien tost la Deesse en descendra des Cieux :
Vous la verrez venir toute resplendissante,
D’une maniere enfin beaucoup reconnoissante,
Elle mesme l’a dit ”

“ MOn cher Lecteur, puisque mon Agathonphile s’estoit autant acquis de censeurs, que d’incredules ; ie ne sçay ce que ie dois attendre d’Endymion. Ie sçay bien que tu y trouueras moins de fautes, qu’au premier ; mais ie te prie pourtant de croire, que personne n’y a meslé de son stile, comme quelques-vns l’ont creu d’Agathonphile, quoy qu’effectiuement, ceux qui ont tant soit peu d’experiẽce à la Poësie, puissent bien iuger, que ces vers ne sçauroient estre sortis d’vn grand genie ”

“ La Deesse, & les Dieux : mais reconnois les graces
Que Diane te fait en quel lieu que tu passes :
Et sçaches qu’au iourd’huy tu t’es mis au hazard,
De receuoir icy plus de cent coups de dard,
Des Nymphes, de long temps à qui Diane mesme
Donne tous ses pouuoirs par sa douceur extreme :
Et que les hommes font leurs cruels ennemis
Qu’on en a iamais veu à qui il fut permis
De ioüir vn moment de sa douce presence,
Sans que l’on n’ayt bien-tost puny son imprudence :
Vois que pour contenter leur cruelle fureur,
Elle a trompé leurs yeux en te perçant le cœur. ”

“ ENDYMION.
Vn doux charme flatteur, & plein de tromperie :
Mais n’importe, mon cœur en est trop satisfait,
Sans oser m’estonner du chemin que i’ay fait,
M’estant abandonné sous les charmes d’Ismene,
Qui cause maintenant la mort où l’on me meine.
Enfin n’en parlons plus, Allons sans differer,
Adorons ce beau iour au lieu de murmurer :
Courons,
STHENOBE’E.
Courons, Endymion, ton courage me tue, [illisible]
L’heure de ton trespas n’est pas encor venue :
I’ose encor esperer vn doux euenement ;
FELICIE bas.
O Dieux ! qu’elle est à plaindre en son aueuglement. ”

“ De la voir en Diane, enfin i’en suis d’accord ;
Car en Hecate au moins sçaches que cet abord
Nous rends tous insensez, ou transformez en pierre ;
Ou bien tous escrasez par vn coup de tonnerre
ENDYMION.
Ismene, mes souhaits sont de la voir ainsi
Que ie la viens de voir en cette place icy.
ISMENE.
Hé bien, tu l’y verras, & sçaches qu’à mes charmes
Iusques aux immortels ie fais rendre les armes :
Ouy ie contenteray tes desirs innocens,
Et puis rendre des Dieux les efforts impuissans :
Mais va t’en donc chercher ta loge solitaire,
Et ne demande pas le fonds de ce mystere. ”

“ Et tesmoignez aux Dieux, que vostre repentir
De leur iuste courroux vous peut bien garantir :
Ils sont doux & clements, malgré vostre murmure,
Par vos soubmissions Ismene vous asseure,
D’estre recompencez des deuoirs qu’on leurs rends,
Et les Albaniens seront aux premiers rangs
De ceux qui chaque iour leurs font des sacrifices,
C’est nous, à qui les Dieux se montreront propices.
se tournant deuers Sthenobée.
Sthenobée, il est temps d’accomplir leur souhait,
Donne moy le cousteau :
STHENOBE’E luy ayant donné le cousteau tombe esuanoüye de l’autel en bas, & ses Filles la reçoiuent. ”

“ Qui faisoient retentir la forest de ses plaintes :
Sçachant le desespoir où se porte l’amour,
Ie l’ay voulu reuoir dans ce triste sejour :
Mais qu’ay ie veu, bons Dieux ! au lieu du personnage,
I’ay veu touchant le Myrthe vn Olivier sauuage :
Apres tant de langueurs ses voeux sont exaucez,
Il a tarit ses pleurs, ses tourmens sont passez :
Ces rameaux vont ioignant ceux la de son amante,
Qui peut faire iuger combien elle est contente
De voir ce cher Berger.
ESCLAVE.
De voir ce cher Berger. O merueille des Dieux !
Trop heureux Hermodan, pouvois tu iamais mieux
Te rencontrer ? ”

“ Mais Dieux ! quel hurlement, quelle horrible tempeste, [illisible]
Quel foudre, iustes Cieux, vient escraser ma teste ?
Enfin que ferons nous pour nostre reconfort,
Il nous faut preparer à receuoir la mort.
Ah ! quel enchantement, quelle horrible furie !
Ismene que ton art est plein de tromperie :
Viens donc me secourir, comme tu m’as promis,
Dans les extremitez, où tu me vois soûmis.
Ha ! bons Dieux soubs mes pieds ie sens trembler la terre. [illisible]
Ie n’attends que la mort par vn coup de tonnerre. ”

“ Grands Dieux soyez de mesme à nos vœux fauorables, [illisible]
Moderez le courroux dont vous fustes capables.
ALCIONNE’E.
Approchons de l’Autel, & faisons nos deuoirs,
Laissant agir les Dieux de leurs diuins pouuoirs :
Et parsemons de fleurs cet Autel venerable,
STHENOBE’E.
Ismene, en tes sermens seras tu veritable ?
FELICIE.
I’entends les instrumens, auecque mille voix,
Dont les sons esclattants font retentir nos bois :
C’est sans doute le peuple auecque la victime. ”

“ Il paroist vn bois d’arbres touffus, & au deuant des autres est vn Myrthe qui les surpasse en hauteur, & qui a mesme quelque forme d’vne personne : & à l’ouuerture du theatre l’on voit vn char parmy les nuës attellez de deux dragons ; & l’on void Endymion & Ismene dedans. ”

“ Mais Dieux ! elle se meurt, sa veuë languissante
Le fait voir...
ENDYMION.
Le fait voir... Ie la vois, cette beauté mourante.
Ha ! Deesse du moins espargne cet obiet,
Ne la fait pas mourir pour si peu de subiet :
Hé quoy ! pour m’auoir plaint, tu la fais criminelle ?
Tu couure ce soleil d’vne nuë eternelle ?
Endymion voit Diane qui descend du Ciel dans vn char attellez de cheuaux blancs. Mais Thymœtes viens donc, viens donc auparauant,
La Deesse paroist, & me voicy viuant.
Elle s’irritera.
THYMŒTES luy donnant le cousteau. ”

“ Digne d’estre immolé ?
ADMON.
Digne d’estre immolé ? Ce glorieux trépas
Ne doit appartenir qu’à des ames si belles,
Comme est cét estranger, dont les vertus sont telles
Qu’on le doit bien iuger, par dessus les mortels,
Digne d’estre immolé sur nos sacrez autels.
THYMŒTES.
Allons tous de ce pas consulter les oracles
Pour sçauoir si les Dieux...
Scène DEUXIEME.
CLINDOR, THYMŒTES, ADMON, [illisible] PYRIDOR, STHENOBE’E.
CLINDOR.
VOila deux beaux miracles ! ”

“ Quoy qu’Endymion mette toutes les beautez terrestres au dessous de celle de Diane, il n’en fait pas de mesme de vous, soit qu’il vous croye ou mortelle ou diuine, & qu’il ait oüy faire le mesme recit de vos perfections, qu’il fait de celles de cette Deeffe. ”

“ Qui le dit Sthenobée ?
STENOBE’E.
Qui le dit Sthenobée ? Helas ! ils sont allé
Pour consulter l’Oracle.
ALCIONNE’E.
Pour consulter l’Oracle. O Dieux ! est il possible ? [illisible]
Non, il faudroit auoir vn cœur trop insensible
Pour respandre à ce iour le sang d’vn Demy-dieu ;
Ma chere Sthenobée ostons nous de ce lieu,
Et sçachons s’il est vray qu’il faille qu’il perisse
Empeschons s’il se peut ce cruel sacrifice.
STENOBE’E.
Helas veuillent les Dieux ruiner le dessein
Que nos Prestres ont pris, quoy qu’il soit iuste & saint. [illisible]
Fin du troisiéme Acte. ”

“ Elle luy protesta de les rendre contens,
Pourueu qu’on luy donna cinq ou six iours de temps.
On luy donne ce temps avec beaucoup de ioye,
Mais c’estoit luy donner le chemin & la voye
Qui leur deuoit couster tant d’ennuis & de pleurs ;
Puisque les Dieux touchez de ses viues douleurs,
Permirent que dans peut cette beanté diuine
Vit couurir son beau corps d’vne dure racine. ”