Adenet le Roi

“ Moult fierement Courte s'espée enpoigne, Qui miex fer trenche que force drap ne toigne ; Cui bien en fiert, n'estuet que mires l'oigne, Car n'i vaurroit ses sens une eschaloigne ; N'i a garant où s'eschive ne loigne, Car n'ataint targe, jà tant fortement joigne, Hiaume n'escu, ne fort clavain ne broigne, Qu'il ne decoupe et descloe et des joigne. N'est pas merveille se on ses coups ressoigne, Ne se on lui eschive ne esloigne. Li Couloignois escrioient Couloigne, Baivier Baiviere et Sassoignois Sassoigne, Flamenc Arras et Boulenois Bouloigne, François Monjoie et Bourguignon Bourgoigne. ”

“ Les principaux chefs payens étant tués (Danemon sous les coups d'Ogier, Corsuble sous ceux de Charlemagne) , l'armée sarrasine se débande ; la chasse commence ; derniers efforts de Carahuel ; il était sur le point de succomber quand Ogier vient l'arracher aux assaillants et le persuade à se rendre ; 6260-6496.
Carahuel et Ogier rentrent à Rome, mais Gloriande, qu'ils s'empressent de rechercher, avait dû se réfugier, ainsi que Sadoine et sa suite, dans une porte fortifiée de l'antique cité, dont les chrétiens étaient occupés, au moment même de l'arrivée d'Ogier, à faire l'assaut ”

“ En piez se drece devant la barounie, En haut parole, bien su sa vois oye : « Sire », fait il, « ne vous mentirai mie, Karahues a fait outrage et folie Et fausseté et très grant tricherie Et estreloy et grant forsenerie, Ainc rois paiens ne fist tel dyablie ; Qui est alez vers la Charlon partie, Je di qu'il a nostre loi relenquie Et l'ost paienne envers Charlon traye. Bien li doit estre sa terre forjugie, Tout a perdu, sachiez, à ceste fie, Cors et avoir, hounour et seignorie. Vez ci mon gage, s'il est qui le desdie, Contre tous homes en preng ceste aatie. » ”

“ Delez le roi sist Ogiers au souper, Car moult se paine de lui bien hounorer. – Ez vous Charlot, le fill Charlon le ber, Qui devers Ais vient, kanqu'il puet errer, Après son pere, pour houneur conquester, En sa compaigne maint joene bacheler Qu'avoeques lui avoit fait adouber. Au duc Tierri s'ot fait armes douner, Celui d'Ardane qui moult fist à loer. Cil ert ses maistres, car pour lui doctriner Ne couvenist nul meillor aviser, Car tés estoit, ç'ai oy recorder, Que preudons doit estre au droit deviser ; Cil qui se font de tel gent gouverner,
En doivent bien par raison amender. ”

“ A vous s'apoie toute crestientés ; Estache en estes, c'est fine vérités, Mais perdue est se ore li falés. Li rois Corsubles est dedenz Roume entrés, En sa compaigne mains paiens desfaés ; Mahons ses diex est moult par lui jurés K'à Paris iert en cest an courounés, Mais se Dieu plaist, vous le deffenderés, Bien est besoins que vous vous en hastés, Car l'apostoles est de Roume getés Et li païs est tous, desbaretés. Moult en y a de mors et de navrés Et d'essilliés et de mal atournés ; Puille et Kalabre chiet en grans povretés, La terre est arse et li païs gastés. ”

“ Tantost li dist rois Danemons ses fis : « Rois Karahues, mal nous avez baillis K'ainsi nous est Ogiers eschapez vis ; Par Mahoumet à cui je sui sougis, Mal nous a fait, faire nous porra pis, Ains que de France soit mes peres saisis, Ne que coroune ait portée à Paris. Se je en fusse creüs, je vous plevis, Jamais paiens ne fust par lui malmis. » Dist Karahues : « Faus hom soit li hounis ! Et si est il, car par droit est banis D'ounour en terre et de saint paradis. » De ce mot fu Danemons abaubis Et quois taisans, si qu'il fust amuis, Car bien savoit qu'il estoit pour lui dis. ”

“ Parmi les rens va fierement poignant, De nostre gent fist le jour maint dolant. Enmi sa voie encontre un Alemant Et li douna dou brant en trespassant Que la cervele à la terre en espant. Rois Danemons va les rens recerchant, Au dos le sivent cele gent mescréant, Qui aigrement vont les nos assaillant, Si que forment les vont adamagant ; Mais crestien moustroient bien samblant Que de morir n'avoient nul talant. Li bons rois Charles va Monjoie huchant, Namles Baivière, el poing le brant trenchant, Dont le jour fist maint Sarrazin sanglant ”

“ Se de cel champ puet estre delivrés Que vis remaigne, pour Dieu si arréés Que il reviengne, se vous onques povés, Et vous pour lui là endroit remanés ; Et se Corsubles ne puet estre acordés A ce marchié et que ne soit ses grés, A tout le mains qu'il soit remprisounés ; Koi qu'il aviengne, la vie li sauvés. » Dist Karahues : « Sire, jà n'en doutés, Car moi ou lui, se je puis, tost raurés. » – « J'espoir », dist Namles, « k'à droit en ouvrerés. » De ce n'iert ore plus lons plais demenés, Tantost li fu ses chevaus amenés, Apertement et tost s'est arréés, Lors prent congié Karahues l'alosés. ”

“ Les prouesses du Danois arrêtent les succès de l'ennemi ; les prisonniers sont délivrés, le courage se réveille ; l'empereur, touché de la vaillance d'Ogier, lève l'arrêt de mort prononcé contre lui et l'adoube chevalier ; la lutte recommence ; 1067-1206.
Les payens fuient, et Charlemagne avait déjà fait sonner le retour, quand arrivent les trois batailles restées au camp de Sustre ; leur secours étant devenu inutile, l'armée entière reprend le chemin du camp ”

“ Maint Sarrazin fu le jour vendu chier Ce que l'espée ert de si fin acier ;
Là où il torne, fait les rens fremyer. Androine encontre, .i. roi poissant et fier, Richement ert armez sor tel destrier C'on ne deüst nul meillour souhaidier ; Moult se penoit des nos adamagier, Maint en ot fait le jour deschevauchier Et maint navré, et fait grant destourbier. Ogiers le fiert sor le hiaume à ormier, N'i valut cercles le rain d'un olivier, Ne li haubers la monte d'un denier ; En la cervele li fist le bran baignier, Mort le trebuche au travers d'un sentier. ”

“ A ses très vint Karahues erranment, Lors descendi et Ogiers ensement, Et Gloriande i vint isnelement, Car n'ot talent d'arrester longuement. Ogier salue moult très courtoisement, Et li Danois, con de bon escient, A Gloriande à point son salu rent. « Par Mahoumet », dist la bele au cors gent, « Forment vous doivent servir soigneusement Tout cil qui aiment Karahuel de nient, Et obeïr et ami et parent, Car vous avez retenu noblement Toute s'ounour et tout son tellement Com vassaus preus et plains de hardement. » Et dist Ogiers : « Bele, se Diex m'ament, Diex pour le droit l'a fait certainement. » ”

“ Charlemagne, sur l'avis de ses barons, décide de marcher en Danemarche et ordonne la mort d'Ogier ; grâce à l'intercession de Naime, cette exécution est ajournée et l'enfant confié à la garde de son oncle ; 371-458.
L'armée se rassemble à Laon ; mais, quand l'empereur y fut arrivé, un messager se présente et lui expose comme quoi les Sarrasins ont envahi Rome et chassé le pape ; aussitôt les pré paratifs contre Gaufroi sont dirigés sur l'Italie ; l'armée impériale franchit les Alpes et se réunit à Viterbe, où Charlemagne procède à la distribution des commandements militaires ”

“ Rois Karahues fist forment à prisier, En son poing tint le bran fourbi d'acier ; Qui le veïst sa vie chalengier Et entour lui ferir et chaploier, A très fin preu le peüst tesmoignier. Forment se painent de lui adamagier Cil qui n'avoient talent de l'espargnier. En tant de lieus navrèrent son destrier Que il le firent telement forsainnier Que desouz lui cheï mors sor l'erbier, Et il, à loi de preu vassal guerrier, Fors de la sele se prist tost à lancier. Dedens son cuer avoit grant desirrier Que il sa vie vende à nos gens si chier K'après sa mort n'en ait lait reprouvier. ”

“ « Sire », font il, « or penssez de l'errer, Car, par celui qui tout a à sauver, Moult nous est tart que vengnons au chapler Et que puissons Sarrazins encontrer, Ne vous prions de riens fors dou haster. » – « Tel gent », dist Charles, « vueille Diex gouverner, Nes couvient pas longuement sermouner ; Liez doit rois estre qui tel gent doit guier, En cui on puet si fait conseil trouver. »
Quant Charlemaines ses barons escouta, Moult fu joians de ce qu'il li sambla Que le mouvoir chascuns moult désira ; Dedenz son cuer moult forment les prisa, De leur bonté Damedieu gracia. ”

“ « Ogier, veoir povés Le lieu où estes de maint cuer désirés, Bien en doit estre de vous vos diex loés Quant vous si joenes estes et tant valés Que de chascuns estes jà si amés. » Dist Ogiers : « Sire, si bon cuer me portés Que ce vous fait sambler que soie tés ; S'en moi ert ce que vous i esperés, A .vc. doubles en seroie amendés. » Dist Karahues : « Si soie je sauvés Que il me samble que ce soit vérités, Que plus i a que je ne di assés. Mahoumés vueille par ses saintes bontés Que courtement soiez si pourpensés K'à lui servir vous soiez adounés ; Grans meschiés est qu'estes crestiennés. » ”

“ Ez vous Sadoine, qui par le frain l'a pris, K'entour lui voit trop de ses anemis ; Puis li a dit : « Ne soiez alentis, Mais alons ent, ou nous feroumes pis, Car de François voi mons et vaus pourpris, Et vous avez des coups Ogier sentis. » Dist Karahues : « Chevaliers est faitis, Preus et vassaus, fiers et amanevis ; Pleüst Mahom, à cui je sui sougis, Qu'il se fust ore à no loi convertis, Et de ma terre fust à moitié partis. » Et dist Sadoines : « Laissiez ester ces dis, K'en ce ne gist ore pas nos pourfis, A autre chose couvient estre ententis ; De toutes pars voi nos gens desconfis. » ”

“ « Namles », dist Charles, « il vous couvient aler, Vous et Ogier, et vous pri de haster, Pour Gloriande et Karahuel sauver Et trestous ceaus, je n'en quier nul oster, Qu'il i vorront avoec aus ajouster. » – « Sire », dist Namles, « je nel quier refuser,
Qu'il valent tant c'on se doit bien percer De faire chose qui lor doie agréer. » De là s'esmut Namles, qui moult su ber, A tant de gent com lui plot à mener. Que vous feroie plus la chose durer ? A Karahuel vint dux Namles parler. Deseur la porte le prist à apeler, Et Karahues prist son chief à bouter Fors des fenestres ”

“ D'ambes pars erent large de corps despendre, Maint en y ot qui ains se laissast pendre, Ou ains vousist estre tous ars en cendre, C'on le peüst en nul costé souzprendre Par quoi envers hounour vousist mesprendre De chose nule qui feïst à reprendre. Se veïssiez sor le cheval estendre Roi Karahuel et coups douner et prendre, Hiaumes couper, targes et escus fendre Et entour lui faire place et pourprendre, Bien deïssiez qu'il n'ert pas à aprendre De chierement sa vie à nos gens vendre, Et que Corsubles avoit en lui tel gendre Qui bien sambloit k'à hounour vousist tendre. ”

“ Rois Karahues contremont regarda, Escus et targes as crestiaus ravisa Des gens Sadoine, dont moult li agrea, Car bien espoire c'Ogiers leur aidera. Une pucele vit qui son chief bouta Fors des fenestres ; tout tantost espera Que Gloriande i ert. Lors ensaigna Au bon Danois la pucele et moustra : « Ogier », fait il, « dire ai oy pieça Que vrais amis au besoing ne faurra ; Sor cele tour est la bele en cui n'a Fors que tous biens, ne jà el n'i manra ; Se ne remaint l'assaus, morte sera, S'à force est prise la porte, on l'ocirra Avoec les autres dont nus n'eschapera. » ”

“ De toutes pars estoit gent paiennie, Ou morte ou prise ou fors dou champ fuïe Où la bataille ot esté coumencie. Rois Karahues fist moult chiere asouplie, De Gloriande li souvenoit, s'amie ; Grant paour a que de duel ne marvie, Ou que ne l'aient crestien malbaillie. Ogier regarde, moult doucement li prie K'à Gloriande face pour Dieu aye, Et li souviengne de la grant courtoisie Et des grans biens dont ele est si garnie. « Voir », dist Ogiers, « ele a bien desservie M'amour, par quoi soie à sa coumandie ; A mon povoir iert par moi garantie ; » Et Karahues bounement l'en mercie. ”

“ Droit ens ou tans k'yver couvient cesser, Que arbrissel prennent à boutonner Et herbeletes coumencent à lever, Ala Adans, plus ne volt demorer, A Saint Denis en France demander Coument porra de ceste estoire ouvrer, Par quoi la puist seur verité fonder ; Car n'i vorra nule riens ajouster Fors que le voir, et mençonges oster ; Là où seront, les vorra fors sarcler. Uns courtois moines, cui Diex puisse honourer, Dant Nicholas de Rains l'oy noumer, Li fist l'estoire de chief en chief moustrer, Si coume Charles en fist Ogier mener En sa prison el bourc à Saint Omer. ”