Léopold Devillers

“ Item, sour l'amende devant ditte, fait on le ban que nuls barbyeres, d'ores en avant, ne puist nourir ne vendre nulle biestaille, vollille ne autre nourchon acoustumée à uzer créature humaine.
Item, que nuls barbyeres, sour l'amende devant ditte, ne penge bachin hors de se maison en jour de dimence, en jour d'apostele, en jour Nostre Damme, ne ossi ne face œvre de sen mestier,s'ensi n'est que ce soit en cas de nécessité, à le discrétion de le loy, sour encoure en l'amende ditte. ”

“ Item, que nuls cabareteres, braderes ne revenderes ne soit tels ne si hardis qui accatte ne fâche accater as machecliers nulles cars qui aient estet sour le maisiaul outre le terme que par l'anchien usaige y doit yestre, ensi que par les bans de le ville est déclaret, car si trouvet estoit qu'il le fesissent, il seroient à le loy de le ville ossi bien li venderes que li accateres et toutes fois et quantes fois ce avenroit et le viande perd ue. ”

“ Pour chou que venut est à congnissanche que pluiseurs hommes demorans en le ville de Mons u au dehors se avanchoient et sont souvent avanchis de yaus embattre et aller estuver en le compagnie des femmes, et pareillement les aucunes femmes en le compagnie des hommes :che qui estoit déshouneste cose etmal appertenens, et pour tant que, empluiseurs autres boi nes villes, on n'en use: point en tel cas, et que les boins usaiges et ordenanches on doit ès boines villes et partout observer et augmenter ”

“ Que nus ne fache loyens ne corde k'elle ne soit de boinne tille et loyal tele k'elle vient dou bos, le blanck avœck le noir, et ke nus ne puist crever le fochiel pour blankir. Et ke nus ne fache ouvrage de tille avœck canvene, mais cascun par luy. Et chou ki sera ouvret de cavene, soit faite de boine kavene et loyal, et tout de nueve kanvene, sans mettre tille rowie, et ki voet ouvrer de tille rowie se l'uevre à par li. Et ki ces bans tresspasseroit u deviers quel vendeur c'on les trouveroit, il seroit à le loy de le ville, etsiarderoit on l'ouvrage en justiche faisant (2) . ”

“ Et puellent lidit reward, toutes fois que il leur plaira, requere lesmarchans de veir leur denrées devant dittes. Et se nuls leur en estoit rebelles dou moustrer et que riens on leur en fourcelast, il poroient aler en leur maisons partout u ailleurs ù il les seroient pour ce mieulz enquere et rewarder, et poroient lever et emporter leur deffaute que il y trouveroient, sans contredit, et sour l'amende de .x. sols et le loy de le ville dessus ditte. ”

“ Pour eskiuwer pluiseurs coruptions et malladies qui avenir poroient as créatures humaines par mauvais flairs et excès abbominables qui, de jour en iour, se font et mouteplient par deffaute d'ordenance en le boine ville de Mons, meismement ou tamps présent que cescuns, pour le santet de sen corps et vivre plus seurement, est tenus de favourer et ordener à ce que ordenance soit faite par le milleur manière que li cas le requiert ”

“ Nous faisons le ban que nus carpentiers, ne nus mâchons, ne nus couvreres de tuile soit k'il ait nul vallet de sen mestier de son liu qu'il puist lewer à autruy par conquest u avantage avoir, s'il n'est coukans et levans dou tout à le coustenge dou maistre, sour .xx. sols et le loy de le ville. ”

“ HORIER, voyez HOURIER.
HOSTAIGE, hôte; demeure, logement.
HouppE, bière tout particulièrement houblonnée.
HOURIER, HOURIÈRE, homme ou femme qui vit dans la débauche et qui y entraîne les autres ; courtier de débauche. ”

“ Et se chil à cui che seroient, raccater ne les voloient, on les polra vendre pour l'amende et fraix avoir.
Item, et ossi que li porkiers de le ville fache diligence de aller de rue en rue aval le ville pour assambler ses pourchiaulx as maisons d'icheulx qui metteront pourchiaulx à se herde al eure
que aller devera as camps, par quoy chil savoir le puissent pour leurs pourchiaulx à lui baillier, et quand livrés on lui ara, que il n'en leisse nuls derière, car se par se deffaulte aucuns en est damagiés, lidis porquiers restorer le devera, mais qu'il appereche que ce soit par se couppe. ”

“ Avoecq chou que li pluiseurs qui ont en warde des seaux et falloz de le ville, point ne lez mettent en lieux ables pour les avoir, ne ne font telle diligence desdis falloz allumer et des seaux mettre avant si tost que besoins est et qu'il appertenroit, pour les porter al ayde doudit feul, et que sceut est que li pluiseurs aidiet se sont desdis seaux en aucuns de leur ouvrages, combien que mies on ne leur euist bailliet pour celi cause, qui sont coses qui grant préiudice porter poroient et non mies ensi à souffrir ”

“ Item, en otelle manière fait on le ban que nuls ne vende en ceste ville sieu ne candelle de siu devan dont que il les ait moustrees asdis rewards, et se trouvet estoit qu'elles ne fuissent boines et loyauls telles que par lesdis rewars passer se puissent sans maise ocquison, cils qui les venderoit ne meteroit à vente, seroit à .x. ”

“ Escoliers et allant aval l'euwe si avant que li jugemens des » eskevins de Mons dure as lés deviers Hion. Et qui les miete» roit, il seroit à x sols et à le loy de le ville.
« Et est assavoir que cascune bieste à corne trouvée en » autruy damage faisant kiest et doit yestre al amende de » vj deniers, et uns kevauls u jumens à XIJ deniers et li pou» trains alaitans riens, et par nuit double, et le damage rendre, » mais ke les biestes soient as bourgois u masuyers, et s'elles » sont à estraingnes, toutes ces amendes leur doublent. ”

“ A entendre est que, tous les jours et nuis de le sepmaine qui commenchera le lundi qui sera lendemain dou jour saint Mikiel proïsme venant, lidit Gérart Delan, Jakes de le Loingne et Piérart de Ville recheveront les hommes qui estuwer u baignier se voront à leur maison, et nulles ne quelconcques femmes avœcq lesdis hommes ne s'i deveront estuver ne baignier. ”

“ Encores oyés, etc. Comme autrefois par chi devant ait estet par ban publikement deffendut, sour enkéyr en certaine amende, que nuls, quels qu'il fust, ne jettast ne fesist jetter, porter ne mener fiens, escouville ne autre ordure quelconque au devant dou weils qui est au piet dou castiel (2) , ne ossi en le voie allant au derière selonq le montaigne doudit castiel, et despuis ait estet fait dou contraire, ensi que veoir on le puet, de coses qui sont déshonnestes et obhominables as voisins de là entours, et en otel manière as signeurs et autres boines gens qui là ont à passer ”

“ « Encor fait on asavoir à tous chials de cheste ville que tout » ausitost corne il oront que on batera les grandes clokes de » Saint Germain qu'il soient aparilliet, soit par jours soit par * nuit, quar on ne le batera ne sounera pour choise nulle se » che n'est propre besongne de le ville et dou païs, s'il n'est » tant seulement pour le ban devant dit. ”

“ Pour chou que li bouchier et pissonnier qui ont estaux sour quoy il vendent ou markiet de ledicte ville chars, hierens, pissons et autres denrées, ne font nulle diligence de leur estaux roster doudit markiet, ainschois les y laissent dou nuit espars, leur il font empêchement tant au devant dez maisiaus de le char comme ailleurs, qui porter poroit préiudice en pluiseurs manières ”

“ Que nulles folles femmes, quelles que elles soient, ne fachent en ceste ville ne ou jugement des eskevins de Mons demeure ne résidenche en nulle mansion ù on tiengne estuves, sour encourre celli folle femme avoecq celli qui les hostageroit chescune d'eux et pour cescune fois en l'amende de .LX. sols blans, les .IJ. pars à nos dis très redoubtés signeur et damme, et le tierch à le ville pour le fortification d'icelle, et avoecq de v. ”