Artamène

“ Non Artamene, luy dit elle d’un ton de voix assez imperieux, il n’y a encore que le Roy qui vous a pardonné ; & Mandane n’est pas satisfaite. S’il ne faut que mourir à ses pieds, luy respondit Artamene, je suis tout prest de le faire : Mais Madame, quel est le crime que j’ay commis ? & comment est-il possible qu’un homme qui vous respecte, autant qu’il respecte les Dieux qu’il adore, puisse vous avoir offensée ? dites moy donc, luy dit-elle, si ce n’est pas avoir failly, que d’avoir mesprisé la priere que je vous avois faite, de vivre bien avec Philidaspe ? ”

“ Artamene ravi d’entendre parler ce Mage de cette sorte, luy dit que si la beauté de l’ame de cette Princesse, respondoit à celle du corps, il faloit sans doute qu’elle fust admirable en toutes choses. Plus encore mille fois, luy respondit le Sacrificateur, que vous ne pouvez vous l’imaginer : car enfin elle possede la beauté sans affectation & sans vanité : elle est prés du Thrône sans orgueil : elle voit les malheurs d’autruy avec compassion : elle les soulage avec vonté : & ceux qui l’approchent plus souvent que je ne fais, disent qu’elle à des charmes inevitables dans sa conversation. ”

“ Artamene & Pharnace (car nous avons sçeu que ce vaillant homme s’apelloit ainsi) s’estant regardez un moment, comme je l’ay desja dit, pour reprendre un peu d’haleine, recommencerent un combat, où tout ce que l’amour de la gloire peut inspirer de grand & de noble, se fit voir en cette occasion. Et comme Artamene craignoit que le sang qu’il perdoit ne trahist enfin son courage, & ne l’affoiblist malgré luy ; il pressa son ennemy avec une ardeur, qui n’est pas imaginable. ”

“ Je ne m’arreste point à vous dire, quels furent leurs entretiens, en ces deux visites de la Princesse : estant bien aisé de s’imaginer, que le mal & la valeur d’Artamene, furent tout le sujet de la conversation. Mais ; Seigneur, pour reprendre les choses de la guerre, au point où je les ay laissées ; je vous diray que tant que le mal d’Artamene dura, ce ne furent qu’ambassadeurs de part & d’autre : pour convenir d’Arbitres, & pour chercher les voyes de terminer ce different. ”

“ Non Marresie ; un sentiment de tendresse & de pitié, avoit un peu troublé ma raison : car soit que je considere le Roy d’Assirie comme le Rauisseur de Mandane, comme l’Ennemy du Roy des Medes ; comme celuy d’Artamene ; ou comme le Tiran de mon Païs, j’ay deû faire ce que j’ay fait. Apres tout, Artamene est dans la mesme Armée où est mon Pere : il luy a desja sauvé la vie, il fera encore la mesme chose : & il faut esperer, veû la justice de leurs Armes, queles Dieux les protegeront, & les conserveront l’un & l’autre. ”

“ Mandane, & ne cherche que son affection. Seigneur (luy dis-je, car j’estois aupres de luy, lors qu’il s’entretenoit tout haut & tout seul de certe sorte) le moyen que cét amoureux Artamene que vous desirez qui soit favorisé le puisse estre, si Mandane ne le connoist point ? Voulez vous, Seigneur, que la plus vertueuse Princesse du monde vous aime, ne sçachant pas seulement que vous l’aimez ? Et voulez vous, reprit Artamene, que la plus vertueuse Princesse du monde, souffre que je luy parle d’amour, principalement n’estant qu’Artamene ? ”

“ Artamene n’eut pas si tost achevé de parler, qu’il se fit un bruit extrémement grand, dans toute cette assemblée : mais avec cette difference, entre le premier qui s’estoit eslevé à la fin du discours d’Artane & ce dernier ; qu’en celuy-là, l’on n’avoit entendu que des murmures & des doutes : & qu’en celuy cy l’on n’entendit que des exclamations & des loüanges, qui sembloient demander aux Dieux, aux Rois, & aux Juges, la Victoire pour Artamene. Ceux mesme du Party ennemy ne pouvoient s’empescher de le loüer ; tant il est vray que la Vertu a de charmes, & que la verité est puissante. ”

“ Artamene a de si grandes qualitez, qu’encore que sa condition soit aparemment fort basse, puis qu’il ne la veut point dire : la Princesse ne laisseroit pas d’estre excusable, quand elle auroit eu quelque legere indulgence pour luy. Non Metrobate, adjousta le Roy, vous ne croyez pas ce que vous dites : les personnes de la condition de ma Fille, ne doivent recevoir de ceux qui sont de celle d’Artamene, que des tesmoignages de respect : & le moindre soubçon d’amour, les doit faire bannir pour jamais. ”

“ Je suis trop glorieux, Madame, interrompit Artamene, que vous me faciez l’honneur de prendre quelque soin d’une chose, qui ne peut jamais estre plus avantageusement exposée, que pour le service du Roy : Mais Madame, ne craignez rien pour moy en ce combat : & pleignez moy plustost, d’avoir un si foible ennemy. Il n’a pas tenu à Philidaspe, dit alors Aribée à la Princesse, qu’Artamene ne se soit pas exposé à ce danger ; puis qu’il a fait tout ce qu’il a pû pour l’en exempter, & pour pouvoir combattre au lieu de luy. ”

“ Artamene estant son Lieutenant General, & commandant l’Avant-garde. Comme nous fusmes prests d’entrer dans le Païs Ennemy, Artamene vit à sa droite une grande Aigle, qui volant avec rapidité, sembla prendre la route de Babilone ; comme si elle eust voulu luy monstrer le chemin qu’il devoit suivre. Le vol de cet Oyseau fut regardé comme une chose d’un heureux presage : & Ciaxare ayant fait faire alte, fit offrir des Sacrifices, non seulement aux Dieux des Medes & des Persans, mais encore à ceux des Assiriens, afin de le les rendre tous propices & favorables. ”

“ Mais je vous advouë que le respect qu’il a eu pour moy, touche plus sensiblement mon cœur. Les combats qu’il a faits ; les Batailles qu’il a gagnées ; & tant d’autres actions esclatantes, qu’il a faites si vous voulez, pour meriter mon aprobation ;
ne m’apartiennent pas de telle sorte, que la gloire ne les ait pù partager avec moy : mais qu’Artamene m’ait aimée, & se empesché de me le dire jusques à la mort, par un pur sentiment de respect ; c’est Martesie, c’est ce qui est absolument pour Mandane ; c’est ce qui me fait voir parfaitement, qu’Artamene l’estimoit & la connoissoit ”

“ Mais Artamene ne l’eut pas plustost reconnu, qu’il luy dit ; Traistre, tu és donc ressuscité, pour trahir encore une fois ton Maistre ! Mais si tu veux échaper de mes mains, il faut que les tiennes m’ostent la vie. En disant cela, il fut à luy, avec une impetuosité si grande ; qu’Aribée, quoy que courageux, fut contraint de lascher le pied. Ce ne fut neantmoins reculer sa perte que d’un moment : car Artamene le pressa de telle sorte ; qu’il ne songea plus qu’à parer les coups qu’il luy portoit : cedant visiblement à la valeur d’un homme, qui ne combatoit gueres sans vaincre. ”

“ Un moment apres, l’absence d’Artamene ayant fait quitter les armes au petit nombre des siens qui ne les avoient pas abandonnées, tant qu’ils l’avoient veû combattre ; le fameux Corsaire n’ayant plus d’Ennemis qui luy resistassent, vit à trente pas de son Vaisseau, l’invincible Artamene qui nageant d’une main, & tenant son Espée
de l’autre, combatoit encore contre ce genereux Grec, qu’il avoit entraisné dans la Mer, lors qu’il y estoit tombé ; & qui estant en mesme posture que luy, faisoit voir une chose, qui n’avoit jamais esté veuë. ”

“ Il vous est facile, respondit Philidaspe, de trouver tout aisé à vaincre, vous qui n’avez à combattre que des lasches, & de simples Chevaliers. Il vous est encore plus facile, reprit Artamene, de vaincre des Rois abandonnez, & de les faire succomber sous le nombre : mais il ne vous le sera peut-estre pas tant, adjousta t’il, en haussant la voix, de vaincre Artamene tout seul, quand vous luy donnerez l’occasion de vous combattre. ”

“ Et si outre cela, elle s’assuroit encore d’Artucas, de Martesie, de Feraulas, & de Chrisante. De plus, adjousta t’il, comme assurément la naissance d’Artamene est fort basse, je voudrois contraindre ses Gens à me la dire precisement : parce que la chose estant connue telle, cette connoissance seroit trois effets : car cela rendroit son crime plus grand envers la Princesse ; son ingratitude plus noire envers vous ; & pourroit mesme guerir l’esprit de Mandane, s’il est vray, comme il y a aparence, qu’elle ait reçeu dans son cœur quelque affection pour Artamene. ”

“ En effet je suis persuadé, qu’il estoit peu de choses qui pussent resister au courage d’un homme comme luy, que l’amour animoit d’une ardeur vrayement héroïque. Comme Artamene fut paffe de l’autre costé de cette riviere, il en eut une extréme joye : s’imaginant que puis qu’il n’y avoit plus qu’à combatre pour arriver devant Babilone, rien ne l’en pouvoit plus empescher. Nous marchasmes donc droit à l’Ennemy : qui de son costé, s’estoit aussi advancé vers nous avec assez de diligence. ”

“ Qui vit jamais, adjoustoit il, une chose plus surprenante, que celle qui m’arrive aujourd’huy ? Le moyen de s’imaginer qu’Artamene, par la valeur duquel j’ay remporté tant de victoires, & vaincu tant de Rois ; ait voulu ternir sa reputation par une perfidie ? Mais le moyen aussi de penser que ce Billet que j’ay dans les mains, ne puisse estre expliqué par luy, sans penser en mesme temps, que le crime qu’il a commis est si grand, que la confusion qu’il en a, ne luy laisse pas seulement assez de liberté d’esprit, pour inventer un pretexte à cette intelligence ? ”

“ Vous n’estes pas trop sage, luy dit la Princesse, de vouloir me faire recevoir tant d’ouvrages tout à la fois : Non Martesie, adjousta-t’elle, Philidaspe n’est qu’ambitieux : & je ne voudrois pas pour mon repos, le pouvoir soubçonner d’un autre sentiment. Ce feroit avoir trop de crimes à punir, pour une personne qui n’aime pas les suplices : c’est pourquoy ne songeons qu’à Artamene. Mais pour celuy-là, dit-elle, il faut y donner ordre : & m’empescher s’il est possible de recevoir un sensible desplaisir. Car enfin, poursuivit la Princesse, j’ay de l’estime pour Artamene ”

“ Mais Dieux, adjoustoit il ; si apres les services qu’Artamene a rendus, l’on refuse une Escharpe à Artamene, parce qu’il n’est qu’Artamene ; comment peut il esperer, qu’on luy accorde jamais, la permission de dire qu’il aime, & comment peut il esperer d’estre aimé ? Non non, disoit il, ne nous attachons point à ce cruel sentiment : interpretons le refus de la Princesse de l’autre maniere, qui nous est plus advantageuse : & croyons puis qu’elle nous l’a dit, & qu’elle nous l’a dit si obligeamment ; que c’est pour nous, qu’elle a agy contre nous. ”

“ Quoy, s’escria alors Artamene, le Chef de la conspiration est entre mes mains ! & quel peut-estre cét homme que je n’ay point offensé, qui me haït si estranggement ; & qui se haït si fort luy mesme, qu’il prefere la mort de son enemy à sa propre gloire ? C’est Artane, Seigneur (repliquerent tout à la fois ces deux Chevaliers. ) C’est Artane ! reprit mon Maistre fort estonné ”

“ Je vous laisse à juger, Seigneur,
quelle fut la joye, & l’émotion d’Artamene : & si quelque passion qu’il eust pour la guerre, l’amour ne l’emporta pas sur son esprit. Il changea pourtant de couleur, à cette proposition : & n’osant l’accepter sans resistance ; Seigneur, luy dit il, les blessures qui me font porter une écharpe sont si petites, qu’elles ne m’empescheroient pas de combattre vos Ennemis, si l’occasion s’en offroit : c’est pourquoy je ne sçay si dans la crainte que j’ay, qu’il ne s’en presente quelqu’une ; je dois accepter l’honneur que vostre Majesté me veut faire. ”

“ Feraulas & moy qui n’avions des yeux que pour Artamene, remarquasmes qu’il en estoit plus accablé, que tous ceux qui l’environnoient ; que son Bouclier, quoy qu’il fust couvert d’une lame d’or, en estoit tout herissé ; & qu’ainsi il y avoit grande apparence, que plusieurs personnes concertées, n’avoient visé qu’à luy seul. Mais Artamene sans s’estonner du prejugé qu’il devoit avoir, du peril où il alloit estre exposé ; secoüant fortement son bras gauche, pour le décharger de la pesanteur des fleches qui l’incommodoient ; & se tournant vers ceux qui estoient à l’entour de luy ”

“ Artamene, luy dit il, les Dieux ne vous ont pas rendu propre à tant de choses differentes, pour ne vous employer jamais qu’à une seule : c’est pourquoy afin de ne laisser pas inutiles, les dons que vous avez reçeus du Ciel : il faut qu’apres avoir donné tant d’illustre matiere à vostre valeur, je vous en donne aussi de faire paroistre vostre prudence. ”

“ Helas ! disoit il en luy mesme, que puis-je esperer ? si Mandane parle, elle parle d’une façon qu’il y a lieu de croire qu’Artamene sera tousjours heureux, puis qu’il sera tousjours aimé : Et si j’escoute l’Oracle, le Roy d’Assirie doit un jour estre content : & Artamene ne doit pas estre moins infortuné que Mazare. Mais pendant que ce Prince s’entretenoit de cette sorte, la Princesse revenant tout d’un coup de sa resverie : Quoy, dit elle, je pourrois croire que mon cœur changeroit de sentimens ! ”

“ Ainsi Periandre nous ayant fait trouver un Vaisseau bien equipé, nous nous mismes à la voille, avec un vent tres favorable. Artamene croyant avoir bien tost une occasion de mettre en pratique, cette valeur prodigieuse, que la Nature luy à donné, & que le desir de la gloire, a porté à un si haut point ; estoit dans une joye qui n’est pas imaginable : Mais la Fortune qui estoit lasse de le faire attendre si long temps, les occasions de se signaler ; luy en donna une qu’il n’attendoit pas ; & qui pensa luy estre bien funeste. ”

“ Mais pour vous dire quelque chose d’agreable, afin de vous y obliger davantage ; sçachez que cét homme illustre, que vous vintes chercher dans nostre Isle, par le seul desir de connoistre sa vertu, est amoureux de la vostre : & que si le bien de sa Patrie ne l’eust r’apellé à Athenes, Solon eust fait pour Artamene ; ce qu’Artamene fit pour Solon. Si vous vous interessez encore en ma fortune, j’ay prié Leontidas de vous l’aprendre : & de vous assurer que je n’ay guere eu plus de passion pour la beauté de Policrite, que j’en ay pour la gloire d’Artamene. ”

“ Or, Seigneur, cette riviere est fort rapide : de sorte que les Troupes Assiriennes ayant rompu le Pont sur lequel on la pouvoit passer ; Artamene arrivant au bord de ce Fleuve, au delà duquel il voyoit des Gens de guerre, fut au desespoir de voir qu’il estoit impossible deleguayer. Il ne se laissa pourtant persuader cette verité, qu’apres une experience qui luy pensa estre funeste : car emporté par son grand cœur & par son amour, il poussa son cheval jusques au milieu du Fleuve : où la rapidité de l’eau le pensa faire perir. ”