Barthélemy Magistri

“ Pendant que les sciences fleuriront, l'on redira ses oracles; qu'on ne regrette plus celuy, qui est chargé de coronnes éternelles : que l'on ne donne plus de larmes sur sa félicité : que l'on ne couure son monument que de roses et de lys, pour tesmoignage des douces odeurs, que nous laissent ses vertus. ”

“ Noblesse : comme a fait par son conseil, celuy que Dieu a destiné l'heritier de ses domaines, et de ses vertus, s'alliant à la puissante Maison de Valpergue, qui tire son origine des anciens Rois de Lombardie. Mais puisque le principal fondement de sa Noblesse esclattera beaucoup plus en luy seul : ie veux seulement m'arrester, sur le caractere de sa propre vertu : deferant à ce beau trait de S. Ambroise, que la Noblesse, n'a point de meilleure marque, que celle de la sainteté : les hommes sont la race des hommes : mais les Vertus sont la race des ames. ”

“ Comme Louys de Sales , ce parfait Chrestien , et vertueusement Noble, disoit et monstroit aux occasions, que la Noblesse doit estre deffenduë, au mesme prix que la vie , estant couronnée de l'honneur , ainsi qu'ell'est fondée sur la vertu. Il disoit encore, que le Christianisme apprend, que la plus haute Noblesse, et le plus solide honneur, estoit de mettre les vices sous les pieds, et les vertus sur la teste. ”

“ Monseigneur, Puisque les Princes sont sur la terre les expresses images de la Diuinité, en tout ce que la subordination rend souuerainement à sa source ; ils ne doiuent pas moins voir et connoistre tout ce qui se passe au dessous d'eux, dans l'ordre de la dépendance Legitime, qu'ils ont droit, d'en exiger les hommages, comme les vrais soleils, et les originaux des lumieres qui brillent sur leurs Estais. ”

“ Autant de temps que le Soleil dardera ses lumieres, les merites de Loüis de Sales esclatteront : autant qu'il y aura de bouches de gens de bien au monde, qui auront connu ses qualités, autant il y aura de voix pour ses loüanges : pendant qu'il y aura de vraye Noblesse en terre, l'on esleuera des trophées à la pieté. ”

“ Ciceron dit beaucoup mieux, que comme le soldat ne peut quitter la sentinelle, où on l'a posé, que son commandant ne l'en leue : de mesme l'homme ne peut abhorrer la vie, que Dieu n'en ayt disposé, et peut receuoir, comme vn bien fait diuin, tant d'occasions d'en sortir comme d'vne prison ennuyeuse.
Ce n'estoit que dans le mesme sentiment, de S. Paul, et en proferant les mesmes termes d'vn ardant souhait, que Louys de Salles s'escrioit, ie desire d'estre d'estaché, pour estre auec Jesus-Christ. ”

“ Ce n'est pas tousiours que la Nature, est si prodigue de ses biens; elle se contente, en plusieurs, d'orner la maison, sans se soucier de son hostesse : Et s'il y a vne belle apparence au dehors, il y a peu de remply au dedans : mais en Louys de Sales, tout estoit accomply, et iamais l'esprit ne desmentit, la belle monstre du corps; l'entendement estoit vif, et perçant ”

“ C'estoi t vn Paradoxe, souuent proferé par Louys de Sales, et mesmes repeté à sa mort, que, où la vertu, et la pieté n'est pas hereditaire, la gloire ne le peut estre, pour quelque consideration qu'on puisse alleguer. La Noblesse peut bien passer, auec le sang des peres, en leurs propres enfants : mais iamais l'honneur ne passe aux seconds, qu'auec la vertu, et le merite des premiers. ”

“ Ce n'est pas le bruit, ny les esclairs qui font les beaux iours, c'est le calme, et la serenité qui nous les rendent agreables : et si la mansuetude donne la paisible iouyssance de la terre, et les delices d'vne paix multipliée : si les plus terrible Supérieurs sont les moins obéis : le pere le plus fascheux, le moins respecté de ses enfants; le plus cruel maistre, le moins aymé de ses seruiteurs.
Nous estonnerons-nous, que Louys de Sales (outre qu'il
a iouy de l'heritage de tous ses freres dans vne entiere tranquilité) ait esté honnoré de ses enfans, comme vn Sainet ”

“ Il a vescu en sorte, qu'il n'a deu rien craindre en sa mort. Et comme la Nature a obligé à la mort esgalement tous les hommes, la mort pourtant n'est pas esgale à tous : l'oubly, et la louange, en font la distinction. Et ceux là seuls doiuènt désirer la vie, qui la sçauent finir, par vn honnorable endroit, qui tesmoigne leur salut, et exige la loüange d'autruy, c'est pOllrquoy, quand ie voy les feux de tant de flambeaux allumez, signe ordinaire de l'immortalité; et au lieu de larmes, tant d'estoilles parsemer son tombeau, pour vraye marque de sa gloire. ”

“ Si nous pouuions comprendre les veritez, que nous receuons par la Foy, combien nous serions aisément consolez - en la mort de ceux à qui nous auons quelque deuoir de
sang, d'amitié, ou d'honneur : nous nous imaginons qu'ils sont morts, et en la mort; et ils ne le sont plus ; ils le furent seulement au dernier instant de cette vie.
Ha! que nous sommes bien trompez, quand nous appelIons morts, ceux qui ont passé cette vie mortelle, et viuans ceux qui la passent encores. Nous nommons, viuants ceux qui meurent tous les iours, parce qu'ils n'ont pas acheué de mourir ”

“ Dans la corruption de ce siecle, où il se treuue tant de petits houbereaux de Noblesse, qui pensent de se faire estimer courageux par la profession de l'impieté, et n'ont quasi qu'vne seule honte, qui est de n'estre pas assés eshontez : où les brauaches, ne sçauent donner autre ornement à leur langage que les blasphemes; et ne pouuans estre vaillans du bras, tranchent hardiment de la langue : le nediray pas seulement que Louys de Sales n'a iamais blasphémé, ny vsé d'aucune imprécation, ou malediction : mais encores que l'on ne l'a iamais ouy iurer, ny sa foy, ny son ame. ”

“ En effect, vn esprit mondain, considerant l'Euangelique simplicilé de Louys de Sales, se pourroit faire accroire, qu'il n'estoit point asses r'affiné, dans les addresses d'vn grand homme du siecle : que l'exces de la deuotion, esmoussoit nécessairement en luy la vigueur des sens : et que la tendresse de sa conscience estoit incompatible auec les principes des plus hautes Politiques. ”

“ Que si ie n'ay de l'art, ny de la nature, assez d'addresse, pour m'acquitter de cette entreprise, ie fonderay mon excuse, sur la modestie du Defunct, qui a tousiours plus desiré, de se recommander par sa propre vertu, que par les louanges d'autruy, comme celuy, qui auoit estably en sa propre conscience, le principal theatre de sa gloire. ”

“ Mon cœur qui est de pierre, és choses celestes, jette des eaux, pour ses suiets ; mais Dieu soit beny, tousiours doucement, dans les sentimens d'amour, et de dilection : car depuis que Nostre Seigneur a aimé la mort, et qu'il a donné sa mort, pour objet à nostre amour, ie ne puis vouloir mal à la mort, ny de parens, ny d'amis, pourveu qu'elle se fasse,, en l'amour de cette mort sacrée de mon Sauueur ; Pleurons donc vn peu sur les Trespassez, disoit-il, car N. Seigneur pleura bien vn peu sur son cher Lazare ; Que ce ne soient pourtant pas des larmes de regret, mais d'vne ”

“ C'estoit à la façon des bons anciens, au temps que les hommes nommoient les terres; non pas comme à present, que les terres nomment les hommes ; Tant de petits villages, de granges, de prés, et de champs brauent dans le papier, et tiennent à la gehenne nos memoires, pour nommer vn homme, qui se deuroit plutost nommer, et renommer de vertus, qui font les vrais héritages des hommes. ”

“ La Nature fut employée, pour luy former vn corps, capable de soustenir les impressions de cet esprit diuin, que Dieu y vouloit loger; de sorte qu'outre la belle composition, de ses membres, la majesté de son visage, et les attraits de ses yeux, qui triomphoient des cœurs; l'harmonie d'vne complexion parfaite s'y est rencontrée, auec tant d'auantage, que durant vne si longue
vie, il n'eut iamais douleur en la teste, ny mesmes en tout son corps, iusques apres les soixante et dix ans. ”

“ C'est dans cette rettraitte, que l'homme sage fait chez soy, tant loüee par le grand Empereur Antonin, qu'il asseure, qu'en tous les Palais, et en toutes les delices des Rois du monde, il n'y a rien de comparable, à la maison d'vne bonne conscience; C'est là où l'ame de Louys de Sales se replioit dans soy-mesme, où elle entroit comme dans vn monde nouueau, vn monde intelligible, vn monde paisible, vn monde riant, dans la serenité des airs, et des esclattantes lumieres, ainsi que parle S. Cyprien. ”

“ Monsieur le Comte de Sales a véritablement finy la sienne tout bellement, et si doucement, qu'à peine s'est-on apperceu de son dernier moment : mais ce n'a pas esté, qu'après auoir souffert les douleurs, et les tourmens d'un vray martyr, l'espace de neuf iours comme si la grace auoit voulu suppléer à son âge, et à sa foiblesse les moyens de
meriter la mesme coronne des crucifiez, qu'elle ne voulut pas manquer à son B. Frere, pour les rendre semblables en leur vie, et en leur mort. ”

“ La modestie aussi qui paroissoit en l'humilité de ses vestemens, (et lesquels il receuoit comme par maniere de présents de ceux, qu'il auoit chargez de l'œconomie de ses biens,) ne l'empeschoit pas, quand il en estoit temps, de manifester la profession, qu'il faisoit de la propreté, et de l'honneur : Il n'y auoit au monde si bel habit, qu'il ne rendit plus beau, en le portant. ”

“ Ha 1 n'estoit la sainte Eternité où toutes nos iournées aboutissent, nous aurions raison de blasmer nostre condition humaine : mais jettons nos affections dans ce grand iour, qui n'a point de nuict, là où nous nous revnirons tous, pour ne iamais plus estre separez, et confiez à la vanité de cette vie périssable. Moderons nos regrets, par l'esperance que nous auons de ne demeurer gueres séparés ; mais
que dans peu de temps nous snyurons au Ciel, lieu de nostre repos, celuy que nous aimons. ”

“ C'est icy l'abus des gens du monde, qui veulent estre sages, hors de Dieu : ils croyent que les grandeurs du Christianisme, fondées en la pieté, et en la Iustice, se peuuent heureusement conseruer, par les ruses et par les maximes, qui sont communes aux Payens, et aux Infidelles : ils se figurent la perfection Chrestienne comme vn oyseau, qui n'est pas de leur prise, et vne qualité disproportionnée à leur Estât ”

“ C'est sur ces hautes montagnes de contemplation, où son ame s'est tant de fois blanchie, dans la beauté des vertus, et espurée dans le precieux alambic des charitez éternelles, où toutes les grandes ames se deïfient. C'est dans cet esloignement du monde, qu'il se treuuoit tousiours proche de Dieu, et disposé pour consoler tous ceux qui l'abordoient, et verser dans leurs cœurs, l'abondance des suauitez, qu'il puisoit és sources celestes, par des maximes d'vne Philosophie toute diuine. ”

“ Mais, Messieurs, si la fin de ce discours, doit faire voir l'heureuse lin de sa belle vie : si, comme l'on dit, il n'y a rien de si delicat en la statue, ny de si mal-aisé à polir que les ongles : et rien aussi qui fasse voir plus clairement le chef-d'œuure d'vn homme consommé en vertus qu'vne bonne mort : si le plus important mestier du monde, est celuy de bien mourir : et comme on ne l'exerce qu'vne fois ”

“ Nous imitons les Peintres qui ne sçauent représenter les Anges qu'auec des corps, parce que iamais ils ne furent veus autrement; ainsi nous nommons les Defuncts morts, parce que nous ne les auons iamais veus, sinon en la mort de cette vie, ou en la vie de cette mort. ”

“ Et si, comme dit le mesme Seneque, l'ame et la vie d'vn vieillard, ne tient qu'un peu au dessus des levres, et qu'auec un petit souffle elle s'en iroit aisément : tout ainsi que le feu , qui ne treuuant de quoi se nourrir, s'esvanoüit de soy même.
Si enfin selon l'ordinaire, les vieillards meurent comme une chandele, c'est à dire, sans violence ”

“ Ç'esten cecy, qu'il peut seruir d'Idée à tous les seculiers, en ce qui touche la continence des mariez, pour auoir sçeu bannir toutes les amourettes de son cœur, et s'estre resoulu d'aimer parfaitement, celles à qui Dieu l'attacha par le lien coniugal, conuersant auec tant d'honnesteté, de douceur, et de rauissement, qu'il sembloit que ce fut vne compagnie d'Anges sur la terre. ”

“ Ouy, et Non, par sa candeur l'auoient tellement accrédité, que ses paroles ne laissoient iamais ny doute, ny equivoque aux oreilles de personne. Aussy comme il estoit inviolable en ce point, et portoit son cœur sur ses leures, il auoit coustume de declamer en semblables termes contre le mensonge, et les iuremens. Que sert-il, de faire monter les serments par estages iusques aux nuës, pour asseurer vne verité, puis qu'à force de iurer, on la prend enfin pour vn mensonge? Et apres tout, on ne gaigne rien à mentir, sinon de n'estre pas creu, quand on dit vray ”

“ Il faut cependant pour ne pas redoubler nos persécutions, auoir tousiours de grands yeux, de grandes oreilles, et vne bien petite bouche; et ne se seruir de la langue, que rarement etvtilement : Il y a des temps, où il faut parler, et d'autres où le silence est tres-necessaire : Il faut penser, à ce que l'on dit; mais il ne faut pas tousiours dire ce que l'on pense ”

“ Mon Pere, Celuy qui a commencé l'ouurage l'acheuera. Ouy, mon Fils, dit-il; par trois fois, l'acheltera, l'achellera, l'acheucra. Nostre B. Pere le disoit ainsi en mourant. Si grande et présente estoit sa memoire en ce dernier article, que mesmes il prononça quelques Vers de la sainte Philosophie de Boëce, y changeant quelques mots, pour les appliquer à son Estât, qui seroient icy à propos, si ie n'auois resoulu, de ne dire point de Latin, à moins que d'auoir voulu,
(pour représenter les dernières paroles de ce grand homme, comme il les a dittes) prononcer ce discours presque tout en Latin. ”

“ Ce n'estoit pas dans le seul. esclat des sublimes connoissances, qu'il puisoit la force charmante de cet ascendant, qu'il auoit sur les hommes les plus farouches : mais c'estoit plutost dans cette esgalité de bénignité, qui sans chatoüiller personne, emportoit les volontez, pour plier au poids et à la grauité de ses sentimens ”

“ Ce grand, admirable et Bien-heureux Prélat, tesmoigna bien l'estime, qu'il faisoit de la grande vertu, et science eminente de ce cher Frere, quand auant que de donner le iour à son Liure tout diuin, qûi esbloiiit les.
yeux, et les esprits des plus doctes, et des plus saints : il le luy monstra, pour en dire son sentiment, pour y adiouster ou diminuer, et pour y inserer les plus delicates Poësies, dont il est entremeslé. ”

“ Ptolomée disoit, que iamais les grands personnages ne naissent sans vne conspiration du Ciel, qui ramasse ses meilleurs Astres, et ses plus fauorables influences, pour les saluër, aussi-tost, qu'ils saluent le iour. ”