Jean Bertaut

“ He ! que tastonnes-tu dans ceste obscurité
Où ta clarté, du vent de Dieu mesme allumee,
Ne pousse que les flots d’une espaisse fumee,
Et contraint à la mort son immortalité ?
Quelle plaine en l’Enfer des ces pointus encombres ?
Quel beau jour en la nuict de ces affreuses ombres ?
Quel doux largue au destroit de tant de vents battu ?
Repren cœur, mon Esprit, repren nouvelle force,
Toy, mouëlle de mon festu perce à travers l’escorce,
Et, vivant, fait mourir l’escorce, et le festu. ”

“ Mais puis que nos Amours, qui fuyent les ruines,
Sont des roses privez, nourrissons des espines
Et changeant de pasture à leurs cœur affamez
Apprenons-leur eux mesme a ne changer jamais.
Dans les esprits bien nez qui sentent bien empraintes
Les flesches de l'amour, de miel & de fiel taintes,
La presence fait naistre un amoureux effet
L'absence les renforce & le fait plus parfait.
Mourez, mes vers, mourez, puis que c'est vostre envie,
Ce qui vous sert de mort me servira de vie. ”

“ Quoy qu'autant que l'estoir digne de vostre Empire
Je fusse indigne autant de vostre cruauté.
Quand j'eus beaucoup souffert, ma longue patience
Blessee, se changea par contrainte en fureur,
La fureur m'alluma le desir de vengeance
Pouvois-je sans mourir, voir mourir mon honneur ?
L'enfer mesme voyant les langueurs de ma vie
Quoy qu'il soit insensible en print quelque pitié,
Et des sanglants cordeaux de la jalouse envie
Entortilla les nœuds de vostre autre amitié. ”

“ Heureux qui ne tient point sa vie à l'adventure,
Mais quand la mort s'approche il a tant de bon heur
Qu'il l'attend pour le moins sur le pas de l'honneur
Et pour elle jamais ne change de posture.
STANCES
Ainsi fait le Soleil, quand il monte de l'onde
Il esparpille en l'air sa chevelure blonde
Tout beau, tout rayonneux, tout brillant de clarté,
Esteint les petits feux, espard l'obscurité
Et se donne luy mesme en son triomphe au monde.
Nimphe serois-tu point ceste mesme lumiere,
Qui laisses dans le Ciel ta course coustumiere
A quelque Phaëton qui t'ait importuné ? ”

“ Où la mort ces beaux yeux de leurs traits desarmoit,
Et le feu dans sa moüelle allumé consommoit
Les lys dessus son front, les roses sur sa bouche.
L'air paraissoit autour tout noir, des nuits funebres
Qui des jours de la vie esteignent le flambeau :
Elle perdoit déjà son corps dans le tombeau,
Et sauvoit dans le Ciel son ame des tenebres,
Toute la terre estoit de dueil toute couverte
Et son reste de beau luy semblait odieux :
L'ame mesme sans corps, sembloit moins belle aux Dieux,
Et ce qu'ils en gagnoyent leur sembloit une perte. ”

“ Tandis que dedans l’air un autre air je respire,
Et qu’à l’envy du feu j’allume mon desir,
Que j’enfle contre l’eau les eaux de mon plaisir,
Et que me colle à Terre un importun martyre,
Cest air tousjours m’anime, et le desir m’attire,
Je recerche à monceaux les plaisirs à choisir,
Mon martyre eslevé me vient encor saisir,
Et de tous mes travaux le dernier est le pire.
A la fin je me trouve en un estrange esmoy,
Car ces divers effets ne sont que contre moy :
C’est mourir que de vivre en ceste peine extresme. ”

“ Tu branlerois le monde, & le ferois venir,
Comme un faix plus leger de lieu en lieu s'emporte :
Puis que ton arc si beau, ta main estoit si forte
Si tu pouvois encore au monde revenir
Dans l'amour de mon cœur s'esforce à retenir
Tu trouverois ton poinct peut estre en quelque sorte.
Pourroit-on voir jamais plus de solidité
Qu'en ce qui bransle moins plus il est agité
Et prend son asseurance en l'inconstance mesme :
Il est seur, Archimede, & je n'en doute point
Pour bransler tout le monde & s'asseure d'un point
Il te falloit aimer aussi ferme que j'aime. ”

“ Je trouve mesme noirs les cieux,
Les jours luisans sont des nuicts sombres,
Les nuicts des Enfers à mes yeux,
Les Enfers mesmes si funebres
Sont beaux au pris de mes tenebres.
Ce monde plain d'inquietudes
Qui flotte tout autour de moy,
Ce ne sont que solitudes
Toutes plaines de mon esmoy,
Mais vuides de la douce vie
Que son absence m'a ravie
Je fons comme fondroit la cire
Aupres d'un brasier enflammé,
Et plus de vous je me retire
Je sens plus mon feu ranimé,
Mais ce feu tant plus il s'augmente
Helas ! tant plus il me tourmente,
Je meurs il est certain, ma belle. ”

“ Une seule beauté s’enflamme dans mes os
Et mes os de ce feu seulement se contentent :
Les vigueurs de ma vie et du temps qui m’absentent
Du bien-heureux sejour où loge mon repos,
Alterent moins mon ame, encor que mon propos
Et mes discrets desirs jamais ne se repentent. ”

“ La chair sent le doux fruit des voluptez presentes,
L’Esprit ne semble avoir qu’un espoir des absentes.
Et le fruit pour l’espoir ne se doit point changer.
Et puis si c’est ta main qui façonna le Monde,
Dont la riche Beauté à ta Beauté responde,
La chair croit que le Tout pour elle fust parfait. ”

“ Tous ces nerfs, tous ces os, où l’Ame se depart,
De ceste orde charongne, et se tient à l’escart,
Et laisse un souvenir de nous comme d’un songe ?
Ce corps, qui dans la vie en ses grandeurs se plonge,
Si soudain dans la mort estouffera sa part,
Et sera ce beau Nom, qui tant partout s’espard,
Borné de vanité, couronné de mensonge.
A quoy ceste Ame helas ! et ce corps desunis,
Du commerce du monde hors du monde bannis ?
A quoy ces nœuds si beaux que le Trespas deslie ?
Pour vivre au Ciel il faut mourir plustost icy :
Ce n’en est pas pourtant le sentier racourcy,
Mais quoy ? ”

“ Je comparois jadis ces rages,
Dont amour frappe nos courages,
Mais, amour, je suis bien trompé.
Il faut librement que je die :
Au prix d'un mal si furieux,
J'aimerois cent mille fois mieux
Faire l'amour toute ma vie. ”

“ Qui pourfilent son corps de traits encore plus beaux
Et renaist tout ainsi qu'un Phœnix de sa cendre.
Au rapport bien heureux de si douces nouvelles
L'enfer de mes ennuis dedans l'air s'est perdu :
Que si j'ay du repos de l'avoir entendu
Qu'aurois-je pour l'avoir s'il me donnoit des aisles ? ”

“ En danger que l’Esprit ne ploye en fin sous lui.
Viens donc, & mets la main, mon Dieu, dedans ce trouble,
Et la force à l’esprit par ta force redouble :
Un bon droit a souvent besoin d’un bon appuy.
Ne crains point, mon Esprit, d’entrer en ceste lice,
Car la chair ne combat ta puissante justice
Que d’un bouclier de verre, & d’un bras de roseau. ”

“ Et contemplant le cours de ces maux que j’espreuve
Ce fleuve dis-je alors ne sçait que c’est d’aimer,
Si quelque flamme eust peu ses glaces allumer
Il trouveroit l’amour ainsi que je le treuve.
S’il le sentoit si bien, il auroit plus de flots,
L’Amour est de la peine & non point du repos,
Mais ceste peine en fin est du repos suyvie
Si son esprit constant la deffend du trespas,
Mais qui meurt en la peine il ne merite pas
Que le repos jamais luy redonne la vie. ”

“ Ce corps dont le souci jour & nuict te devore :
Il faut rompre, il faut rompre en fin ceste prison.
Tu seras lors au calme, au beau jour, à la plaine
Au lieu de tant de vents, tant de nuict, tant de geine,
Qui battent, qui noircist, qui presse ta raison.
O la plaisante Mort qui nous pousse à la vie,
Vie qui ne craint plus d’estre encore ravie ! ”

“ Mais depuis que vostre œil sur moy s'est appaisé
Je ne vous puis parler rien que de ma constance.
L'amour mesme de qui j'espreuve l'assistance
Qui sçait combien l'esprit de l'homme est fort aisé
D'aller aux changemens, se tient comme abusé
Voyant qu'en vous aimans j'aime sans repentance. ”

“ Et que l'amour luy mesme en gronde tellement
Qu'il est certain qu'en fin, quoy qu'il tarde il s'en vange.
Si tu prens un chemin après tant de destours,
Un bord après l'orage, & puis reprens ton cours,
Et l'orage aux destours il survient le naufrage
Un erreur, on dira que tu l'as merité,
Si l'amour n'est point feint il aura le courage
De ne changer non plus que fait la verité.
XXIIII.
Mon Soleil qui brillez de vos yeux dans mes yeux,
Et pour trop de clarté leur ostez la lumiere,
Je ne voy rien que vous, & mon ame est si fiere
Qu’elle ne daigne plus aimer que dans les cieux. ”

“ Il sembloit que l'amour me prestoit la main forte
Tant il avoit son front serain de tous costez,
Vous mesme, en vos discours, monstriez en quelque sorte
Je ne sçay quoy de plus que les divinitez.
Mais ce calme d'Amour ne couvoit un orage
Qui me devoit bien tost dissiper le repos :
Et vous sous les douceurs de vostre beau langage,
Desguisiez un esprit contraire à vos propos.
Quand vous me vistes pris, au lieu de ma franchise
Meritoit la faveur d'un aimable recueil,
Je n'euz, pour le loyer de si belle entreprise,
Que les esclairs tranchans du courroux de vostre œil. ”

“ Et que le mien fait voir ses mouvemens ouverts :
Ils ont raison, leurs sens sont bien dignes de honte :
Mais je ne puis rougir d'aimer si dignement,
Et plus mon bel amour tous leurs amours surmonte :
Il me le faut encore aymer plus constamment. ”

“ Mais non pas pour jamais d'un seul moment descendre.
Non pas s'il me falloit descendre dans la mort :
En somme il est, s'il faut par le ciel le comprendre,
Ferme ne plus ne moins que l'estoile du Nort. ”

“ Hé ! cuidez vous qu'on puisse ainsi vivre à demi,
Si ce n'est comme on vit au milieu des supplices ?
Luy qui vous avoit fait si prompte compagnie,
Qui couroit genereux aux dangers comme vous,
A-il tout seul laissé, dans le malheur des coups,
L'ame, de luy, de nous & de moy desunie ?
Encore que vostre coup de la coulpe s'exempte,
Et que son meurtrier aille au rang des innocens,
Si faut-il, quel qu'il soit, pour contenter mes sens
Si je ne le condamne, au moins qu'il sen repente. ”

“ Mais outre encor je sens quelque plus vive force
Qui me feroit aimer malgré moy ce Soleil :
Cette force est en vous dont la beauté puissante
La beauté sans pareil, encor qu’elle s’absente
A tué cest amant, cest amant sans pareil. ”

“ Je ne bouge non plus qu’un escueil dedans l’onde
Qui fait fort à l'orage, & le fait reculer,
Il me trouve affermi, qui cherche à m'esbranler,
Deusse-je voir bransler contre moy tout le monde.
Chacun qui voit combien tous les jours je me fonde
Sur ce constant dessein, se mesle d'en parler,
Trouble la terre & l'air afin de me troubler
Et ne pouvant rien plus, pour le moins il en gronde. ”

“ Dedans l’air qu’il poursuit au partir de la main ?
Il monte, il monte, il perd mais hélas ! tout soudain
Il retombe, il retombe, & perd sa violence.
C’est le train de nos jours, c’est ceste outrecuidance
Que ces monstres de Terre allaitent de leur sein,
Qui baise ores des monts le sommet plus hautain,
Ores sur les rochers de ces vallons s’offense.
Voire ce sont nos jours : quand tu seras monté
À ce poinct de hauteur, à ce poinct arresté,
Qui ne se peut forcer, il te faudra descendre.
Le trait est empenné, l’air qu’il va poursuyvant
C’est le champ de l’orage, hé ! ”

“ Quand je vivrois encor cent mille & mille vies,
Ne se pourroyent jamais servir si dignement
Que je ne fusse en reste à leur valeur parfaicte :
Mais croyez-le ou non, la preuve est toute faicte
Qu’au près de moy, l’amour aime imparfaitement. ”

“ Et ces fruits mi rongez dont nous le nourrissons
L’Amour mourroit de faim et cherroit en ruine :
Escrivons attendant de plus fermes plaisirs,
Et si le temps domine encor sur nos desirs,
Faisons que sur le temps la constance domine. ”

“ Les abismes d'enfer estoyent au ciel poussez
La mer s'enfloit des monts, & le monde d'orages :
Quand je vis qu'un oyseau delaissant nos rivages
S'envole au beau milieu de ces flots courroucez,
Y pose de son nid les festus ramassez
Et rappaise soudain ses escumeuses rages. ”

“ Et n’en laisse apres soy memoire qu’en la cendre.
Quand je voy que leur gloire est seulement de rendre,
Apres l’orage enflé de tant d’afflictions,
Calmes dessous leurs loix toutes les nations
Qui voyent le Soleil et monter et descendre ”