Joachim du Bellay

“ Cet homme la pour vray jamais ne tremble, Bien que le Ciel à la Terre s'assemble.
Et ont les Dieux sa fortresse munie Contre fortune, et contre Calumnie. Le Ciel vangeur, Protecteur d'Innocence, Donne aux pervers souvent longue licence De nuyre aux bons: puis contre eux Irrité Commende au Tens, pere de verité, Decouurir tout, lors la Cause plus forte Devient soudain la plus foyble, de sorte Que la grandeur de la peine compense La tardité de la juste vengence. ”

“ Quand l'Hyver tremblant Les Eaux assemblant De Glace polie, Des Austres puissans De dueil gemissans La Rage delie. La Terre couverte De sa robe verte Devient triste, et nue. Le vent furieux Vulturne en tous Lieux Les forestz denue. ”

“ Espere Amy, espere, dure, attens Cete faveur et du Ciel, et du Tens. Et quand le Ciel n'auroit aucun soucy De tout cela, que nous faisons ici, Mais bien seroint toutes humaines choses Soubz le Pouvoir de la fortune encloses, Ne vault-il myeux (veu qu'elle fait son tour) Avoir espoir de son heureux retour, Qu'estre tousjours en peur de la ruyne? Cet Air couvert d'une obscure Bruyne S'eclersira, ces undes courroussees jusques au Ciel par l'Aquilon poussees S'apaiseront, et par l'Anchre jetee Au Port sera la Navire arrestee. O combien doulx sera le souvenir Des maulx passez! ”

“ Et ne sera gueres long tens La terre par moy habitée. Plus grand, qu'Envie, à ces superbes Viles je laisseray leurs tempestes civiles
Je voleray depuis l'Aurore Jusq'à la grand' Mere des eaux : Et de l'Ourse à l'Epaule more, Le plus blanc de tous les oyzeaux. Je ne craindray, sortant de ce beau jour, L'epesse nuyt du tenebreux sejour.
De mourir ne suys en emoy Selon la loy du sort humain, Car la meilleure part de moy Ne craint point la fatale main: Craingne la Mort, la Fortune, et l'Envie, A qui les Dieux n'ont donné qu'une vie. ”

“ Cetuy par fer, par cordeau, ou poyson Cherche de mort volontaire achoyson, Et pour trouver de ses maulx allegence, A pris de soy luymesmes la vengence, Et cetuy la, qui est myeux fortuné Que les premiers, avant que d'estre né Ensevely d'un Sommeil eternel, Fait son Tumbeau du ventre maternel. D'un egal pié la Mort, qui tout attrape, Et des petiz les humbles manoirs frape, Et des plus grands les tours hautes, et fortes. Une Mort seule en mile, et mile sortes
De maulx soudains, nouveaux, et incurables Va tormentant les Humains miserables. ”

“ Amour pourtant dedans les Cieux Enflamme le plus grand des Dieux, Hommes en terre, et en l'air les oyzeaux, Et les poyssons jusqu'au fond de leurs eaux.
O Repaire moins souhaitable, Que le Caucase inhospitable, Où le Rapteur du saint feu, va paissant L'Aigle sacré d'un poumon renaissant
Tu me fais par ta grand' froydeur Sentir plus violente ardeur Que cetuy la,
dont le doz grand, et large Soutient d'un mont la trop pesante charge. ”

“ Puis la Saison gaye A la Terre essaye Rendre sa verdure, Qui ne doit durer, Las ! mais endurer Vne autre froidure. Ainsi font retour D’un successif tour Le Jour, et la Nuyt, Par mesme Raison Chacune saison L’une l’autre suyt. Le pueril’ Aage Lubric, et volaige Au Printens ressemble. L’Eté vient apres, Puis l’Autonne est pres, Puis l’Hyver, qui tremble. O que peu durable (Chose miserable) Est humaine vie, Qui sans voyr le Jour De ce cler Sejour Est souvent ravie. Soubz le grand Espace Du ciel, le Tens passe Par course subite Theatres, Colosses En Ruines grosses Le tens precipite. ”

“ Amour ne scait abuser Et ceux, qui mal en recoyuent, Ne le doyuent, Mais eux mesmes accuser. Amour est tout bon, & beau, Son flambeau N'enflamme les Vicieux: Iuste est, & de simple foy, C'est pourquoy II est tout nu, & sans yeux, Leurs uictorieux Charroys Ducz, & Roys Doyvent a ses sainctz Autelz, Le Poetique ouurier Son Laurier, Et les Dames leurs Beautez. ”

“ Mon filz, c'est assez combatu, (Disoit la Mere au fort Gregeois,) Pourquoy ne te rejouys-tu Avecq' ces filles quelques fois?
Les Vins, l'Amour consolent Le triste coeur de l'Homme: Les Ans legiers
s'en volent,
Et la Mort nous assomme. Je te souhaite pour t'ebatre Durant ceste morte Saison, Vn plaisir, voyre trois, ou quatre, Que donne l'Amye Maison.
Bon vin en ton Celier, Beau feu, Nuyt sans Soucy, Vn Amy familier, Et belle Amye aussi. Qui de son Luc, qui de sa Voix Endorme souvent tes ennuiz, Qui de son Babil quelquesfois Te face moins durer les Nuitz. ”

“ Le Ciel favorable D’un plus honorable T’a fait receveur. De Ronsard le Nom Ne soit en Renom Par le Populaire : Amy, tu es tel, Que rien, qu’Immortel, Ne te pourroit plaire. Laisse aux Courtizants Les souciz cuyzans : Ne soit Curieux Des biens aquerir, Ou de t’enquerir Du secret des Dieux. A Deux DamoyzellesA Deux Damoyzelles Ode V. Il faut maintenant, ô ma Lyre! Sur ta meilleure Corde elire Un chant, qui penetre les Cieux Par une aussi etrange voye Que celles, à qui je t'enuoye, Sont dignes du plus grand des Dieux. ”

“ La Ieunesse (helas) nous fuyt Et la suyt Le froid Aage languissant, Adonques sont inutiles Les Scintiles Du feu d'Amour perissant.
De l'Inconstance des choses. Au Seigneur Pierre de Ronsard.De l'Inconstance des choses. Au Seigneur Pierre de Ronsard.
Ode IIII.
Nul, tant qu'il ne meure, Heureux ne demeure : Le Sort inconstant Or' se hausse, et ores S'abaisse, et encores Au ciel va montant. La Nuyt froyde, et sombre Couvrant d'obscure ombre La Terre, et les Cieux, Aussi doulx que Miel Fait couler du Ciel Le Someil aux yeux. ”

“ Le Chemin est large, et facile Pour descendre en l'obscur sejour Pluton tient son Domicile La porte ouverte Nuyt, et Jour. La gist l'Oeuvre, la gist la Peine Ses pas de l'Orque retirer A l'etroit Sentier, qui nous meine Ou tout mortel doit aspirer. Le nombre est petit de ceux ores, Qui sont les bien aymez des Dieux Et ceux, que la Vertu encores Ardente a elevez aux Cieux. ”

“ Qui apres Bisches, et Dains, Et Cerfz, auz Testes ramees Ont leurs forces animees. Regarde tes Nymphes belles A ces Demydieux rebelles, Qui à grand'Course les suyvent, Et si pres d'elles arrivent, Qu'elles sentent bien souvent De leurs Haleines le vent. Ie voy' deja hors d'Haleine Les Pauvrettes, qui à peine Pouront atteindre ton Cours, Si tu ne leur fais secours. ”

“ Son Ame cetuy cy ottroye A un venin froid, & amer. Cetuy la est donné en Proye Aux flotz auares de la Mer. Aucuns d'une Main uengeresse Veulent par la Mort eprouuer Si du mal, qui tant les oppresse, Pouront la guerisson trouver. Quelques autres uenans de naitre Auant qu'ilz aillent rencontrant Ce, qui malheureux nous fait estre, Sortent du Monde en y entrant. Mercure des mains de la Parque Prent notz Vmbres, & les conduyt Au Bord, ou la fatale Barque Nous passe en l'eternelle Nuyt. ”