Émile Barthe

“ Cal estre fols per creire uno causo parèlho :
Es per manja dema que trabalhan la bèlho !
Tant pis se per malur nous ben de malauties, Sem nascuts per soufri lous que naissen oubriès !
PIERROUNET
Mès s'a nostro soufrenso on troubabo un remedi ?
DOUMINICO
Lou soul remedi brai es d'abeire un boun credi, S'on passo per asard dins de marrits mouments.
PIERROUNET
Sen trobo be qu'ou pas gés de credi, pamens ! Alors debou creba sans qu'on lous secourigue ? E be, nou, cresi, iéu, que se fasse ou se digue, Que so qu'ai bist anèit, pot abeire de bou,
E bibi dins l'espouèr d'un abeni milhou !... ”

“ GUSTOU
Per me fa rire al mourre !
PIERRIL
Lou qu'asarto pas rés moun efant, a pas res ;
E per pla te prouba, seras saique susprés,
Que 1'on pot dins l'amour rancountra la fourtuno,
Iéu, toun paire
GUSTOU
E be, que ?
PIERRIL
Iéu, t'en ai troubat uno !
GUSTOU (estounat)
Bous ?
PIERRIL
E pus fort qu'acos, gueito s'ai reussit,
Es qu'amé sous parents abèn tout definit.
GUSTOU
Mès... mes...
PIERRIL
E te dirai, Gustou, pus fort encaro,
Es que soun paire aici déu se trouba tout-aro,
Per decida l'épòco ount bous maridarés.
GUSTOU
Atal! margas acos sans ieu ne saupre rés ? ”

“ « Lou que se porto pla, s'agis que rigue ou saute,
« Coumprend pas la doulou que soufris un malaute, « Sustout s'aquel malaute, a, de jour e de neit,
« La misero que belho al cabes de soun lèit !...
« Sos oubriè, Pierrounet, e be, l'asard pot faire,
« Que te trobes un jour dins un parel afaire ;
« Meten que lou trabal manquesso a toun mestie,
« E qu'al meme moument, per uno malautie,
« Te bejessos al leit clabelat per sieis meses,
« Quano rebenjo aurios? brabe Pierrou, ... te beses, « Sans espargnos de ier, sans espouèr en denla I...
« Me diras: « Ai d'amics, me dounaròu la ma. » ”

“ Aquel èr tout lou tems me chiringlo al cerbel!
BIROT
Sabes Margaridou, ne couneissi pas fossos, Per faire so que fas!
MARGARIDOU
Per de que sou de rossos! leu me semblo, Birot, qu'acos me rajunis,
De fourfoulha tout cop demest mous soubenis.
(fa uno pirouéto en cantant: « E Ortala ! »)
JACOUNET
Anfin, Margaridou, demoro en soucienso, Sàbes, cal que Birot aje fosso pacienso,
Per pas n'abeire prou de toun rasounoment!
MARGARIDOU, (a Birot)
Beleu te derengan ?
BIROT
Un pauquet, pel moument!
Car bous ou cachi pas, ma tantossado es preso! ”

“ Gausos tu, mesprisa sans un pel de bergougno,
So qu'ou tous abancies gagnat a soun de pougno ?... Que sèm bestios, pamens, lous paires 1 juste Dius! Fasèn beni d'efants que nous chùcou tout bius,
E pei de nostro peno aqui la recoumpenso! Asperabi de tu mai de recouneissenso,
Auri6 jamai cregut que pousquèssos un jour, Sacrifia toun paire a quauque sot amour !
GUSTOU
Per m'aima coumo cal es la soulo que tròbi !
PIERRIL
L'on sèrco, e troubaras.
GUSTOU
Fariò saiqu'un biel nòbi Toutos dins lou païs couneissou lou reng méu ; Los que bous embejas sou pas fachos per iéu. ”

“ Ouncle del pretendut, e del coustat pairal.
MOURDASSO
Sai-soi!
LANDIE (a Balajou)
Lous de la filho, anen !
BALAJOU
Moussu Cremal,
Pairi de Toupineto, emplegat dins lous olis.
CRÉMAL
Es ieu!
BALAJOU
Moussu Trespès, carrejaire de colis,
Ou per dire miou, portofais.
TRESPES
Me boila!
LANDIÈ
E lous parents direcs ?
PAIROLO e TOUPINO, (al COp )
I sem toutes.
LANDIE
Ba pla!
(Empougno uno loungo félho de papie ; al moument de la desplega ,d'un er soulenne) .
ßòu coumensa...
PADÉNO (à Coubèrtou que la picagnejo)
Finis!
COUBERTOU (a Padéno)
Teré ! que sos jaurèlo ! ”

“ Mes anfin, Pierrounet, tout acos nous dis pas, Lou rèbe qu'as agut 1...
BATISTOU
Es brai, t'acoucharas ?...
PIERROUNET
Sul cop, brabes amics, aro qu'ai bagnat l'enche f... Moun rebe sés passat un mati de dimenche:
Se precisi lou jour, es que presque toujour, Proufiti per cassa del repaus d'aquel jour! Dounc, l'aubo abio pa'ncaro enmantelat la piano, Que furàbi deja lou bosc de « Sauboplano; » (1) Lous lapins dabant iéu partissiou a troupèls,
E moun fusil abio qu'a causi lous pus bels!
(1) Pichot bosc al coustat de Laurens, renoumat per lous lupins,
Qu'un carnage !! ”

“ GUSTOU
Me cal beire abant lout de decida moun paire!
JANO
Sabes dire qu'acos ; toun paire ! toujours e11
Es pas el après tout que reglo lou sourel.
GUSTOU
Moun paire es un testut!
JANO
E tu, sos un biedase t
Te laissos pel mourral mena coumo un bièl ase, Sos pas pus un efant. as l'age de rasou.
Se m'aimos...
GUSTOU
Coumo un fol!
JANO
E be, probo me z'ou.
GUSTOU
Mès moun paire, pamens ! cal be qu'el counsentigue.
JANO
Toujours la mèlno rèsso, e bos pas que ne rigue ? De qu'as dounc dins toun cor ? d'aigo de castagnou ! Es que toun paire pot te faire dire « nou » ? ”

“ GUSTOU
Bous ou disi, moun paire, ai pas un pel de goust t -
PIERRIL
Toun paire es pas un sot, e li bei en dejoust,
M'abisi qu'as sanjat, e's so que me bourrèlo,
Despei que ta catin te monto la carrèlo.
GUSTOU (picat al biu)
Ma catin !!!
PIERRIL
E de qu'és après tout ?
GUSTOU
Ma catin ! ! !
Jano mérito pas aquel noum, car anfin,
Qu'aje pas cap de sou ni mai cap de familho,
Acos empacho pas qu'és uno brabo filho.
PIERRIL
Pot pas èstre jamai quicon de coumo cal!
Nascudo sai pas ount, filho de sai pas qual,
Es pel prumie bengut la prumieiro bengudo ”

“ Graco a'n'acos pus tard, tant lous uns que lous autres, Pourrés bous secouri, bous soustène entre bautres.
E s'un malur, per cas, tombo sus quauque oustal, Aurés pas pus besoun des leits d'un espital ! Remedis, medecis, nourrituro milhouno,
Rés bous mancara pas, se la caisso founciouno ; Pourrés dins mai d'un cas, espargna mai d'un doll... Acos, brabes amics, es lou siècle qu'ou bol !
Sem pas al tems ount l'espital poudiò bous caure ! L'espital es pas pus espitalie pel paure :
Bostres certificats passou qu'al segound plan ”

“ Pauc m'emporto, boutas; moun mal es sans renlèdi, Pourrés pas de moun déute alounga mai lou credi. Tiras de bostre esprit l'espouèr de me sauba :
Digus pot pas relene uno amo que sen ba.
L'image de la mort dabant mous uelhs s'aubouro, Bibi moun darnie jour, beleu ma darnièiro ouro. Sentissi que m'en bou, ou sentissi, boutas,
Un mal, un mal afrous que res arresto pas
Me rousego despèi loungtems : la nêit passado
La fièbre m'a représ sempre mai atissado,
E coumo ai pas pouscut cluga l'uelh de la neit,
De mati me soi dich : — « Anen, sera per bèi. » ”

“ Oh ! coumo es belo !
LA MUTUALITAT (à Pierrounet)
Béses que ma proumesso es estado fidèlo !
T'abio dich que bendrio quand serio lou moument, Soi aicis !... T'ai ausit, e toun rasounoment,
M'a proubat, Pierrounet, la grandou de toun amo! Sos lou cerbel madur que moun Obro reclamo ; Demest toutes, as soul lou sentiment del be: Coumprénes qu'un amic, es un fraire, tabé ; Coumprenes que sus terro on biu per se soustène ;
E lou pople tendrio la plaço que déu tene,
Se toutes lous cerbèls èrou moullats sul teu ”

“ Alors bou coupa court! te cal saupre d'abord, Que bei tout lou Cannou ten bol, ten bol a mort ! Se demandou per qué, tous ancians camarados, Las Trelhos dins Besies se sou pas mai dansados ; E toutes sou d'abis, e iéu Inai que digus,
Que se se dansou pas, la fauto ben de tus ! Coumo danso, pamens, n'ia pas de mai poulidos : Besiès a be toujours de filhos degourdidos ? Boulen saupre, Birot, e sem benguts esprès,
Se bos laissa soumbra lou renoum de toun bres ? Car nautres, lous ancians, que lou bièlhun cncroco, Boulen pas entarra so qu'es de nostro epoco ”

“ GUSTOU
A so que cap a pas 1 es poulido a mous uelhs !
PIERRIL
Reflechis moun efant, al prouberbi des biels : ıc La bèutat se met pas sus uno chiminieiro ».
Jano es ni mai ni mens qu'un floc de cousinieiro ; Am'uno femno atal faras de beles péts,
Bòli que dins un més t'en inourdigues lous dets !
E dire que pourrios. esten soul de familho,
Causi dins lou pais n'emporto quano filho,
Que de pourta toun noum se fariò'n grand ounou. Ne troubari6s pas cap que te diguèsso « nou » ! Juste bas te coufa de la soulo qu'aïssi ”

“ Soi pas superticius, mes per bous marida,
Abes endebengut uno dato marrido :
Es lou prumie d'Abrial, e lou que se marido
Lou jour de sant Jousèp ou lou prumie d'Abrial, Descantouno soubent lou pergami noubial.
Bol pas dire, pamens, que tlourigue sus bautres, Lou ramel safranat que passéjou tant d'autres I... Joubes, bels coumo sès, bous amusarés pas,
A serca'me lous pèds so qu'abes dins las mas. Aro, mous efantous, per claba ma charrado,
Bous soueti qu'ai mitan d'uno bèlo nisado,
Bengués biels, toutes dous, coumo Matusalem! ”

“ Gueito, es pus fort que iéu, Gustou, quand reflechissi, Que so qu'en pla trimant ai pouscut arramba, Caldra que se partage al lioc de se doubla ;
Dire que moun de-qué sera d'aquelo garso !!
GUSTOU
Diausses, bostre de-que ! n'ia pla per fa la farso! Me fòu pas d'illusius, soi l'efant d'un pegot ; Quaucun a bous ausi bous creirip lou magot,
Proll redoun per croumpa lous bes de Lagarrigo !
PIERRIL
Te laissi pas beleu uno bèlo boutigo !
GUSTOU
La boutigo d'un gnafre es pas res de famous. ”

“ Dounc, aqueste tantòs, coumo tranquilloment, Mountabo per l'escalo un barquet de ciment,
Bam! un escalou peto al mitan de l'escalo,
E lou paure Sinloun, lou cap prumie, dabafo,
E pus bite, boutas, que so qu'ero mountat!...
DOUMINICO
Encaro es un bounur qu'i siogue pas restat!
BITOR
D'un coustat ou de l'autre, acos sera tout coumo :
leu lou cresi flambat s'a pas un ped dins Roumo. Encaro se lous souèns i beniou pas de naut,
Lous souens I'empachariou de sauta lou grand saut: Mès ame cinq efants, a n'ounte boulès qu'ane ?...
Cal qu'abant quatre jours la misero l'escane ! ”

“ Pourrés lou biure alors dins tauto sa beutat,
Car soi, brabes amics, la Mutualitat !
Es bengut lou moument de me faire couneisse ;
Per que siogués quicon, cal empacha de creisse L'égouisme bufec que mestrejo assabal;
Es acos lou beré qu'entreten bostre mal :
Mes tout mal se guéris ! pourres i fa la nico,
Lou jour ounte metres ma debiso en pratico,
Ma debiso qu'à bostro neit porto soun lum ;
— « Un per toutes, d'abord, e pèi, toutes per un !... » — Aimas-bous, aimas-bous, oubries, coumo de fraires ! ”

“ Tant pis per l'amouroul I
Parlen pas mai d'acos, dès qu'acos pot pas èstre ; Gustou prendra Simouno, ou boli, soi lou mestre; Sous parents bou d'alhurs beni dins un llloument, Lous cal dins nostre oustal ressaupre dignoment: Bai-t'en carga su'l cop ta raubo del dimenche ”

“ JANO, (per la porto entredouberto)
Dintri, mès doucoment!
GUSTOU, couris cap a rCelo
Tu, Jano ?
JANO (dintro)
Iéu, Gustou! sos soul ?
GUSTOU
0, pel moument,
Justoment, moun tresor, es a tu que pensabi:
JANO
Pensos toujours a ieu quand me beses, ou sabi,
Mès un cop qu'ai birat lous talous...
GUSTOU (Tenterroump)
Moun amour,
Mès pensi pas qu'a tu tout lou manne del jour ;
Que courdure de nou ou de repetassage,
Dabant mous uelhs toujours bési que toun image,
Passi toutos mas neits...
JANO
A dourmi coumo un tuc 1
GUSTOU (desoulat)
Alors me créses pas ? ”

“ Apugo toun aurelho a la porto, ausiras
Coumo parlo a soun paire un efant que t'adoro.
(Tanco la porto darré Jano : soul, en se birant eap'à d'ount bent soun paire.)
Aro podes beni : moun àn10 te demoro!
SÈNO III
PIERRIL (en dintrant)
E be drolle, ount ne sos del trabal ?
GUSTOU (résoulgut)
Ount ne soi ?
Ai pas rés fach de bei.
PIERRIL
Pas res ! mès noum d'un goi!
Prenes dounc a prefach de te brandi la guèto ?
Sos dabant l'establit coumo un floc de petèto,
Tu lèste coumo un singe, e fort coumo un chabal.
GUSTOU
De que boules moun paire, ai pas goust al trabal! ”

“ Je puis pas définir la joie qui me treboule, j'éi la danse sanguine de m'amaginé que demin nous nous bérons tout le jour : je puis t'assoulidé que je tanqueré pas la perpe- legue de toute cete nuit, tant qu'il m'atrie de me boir d la nosse, abec ma rove que j'estrène, Cé bré que jemere mieu d'être a la plasse de Toupinéte, e toi aussi, pa bré mon peti callou ?.. me.s boute, cand je seré dans tes bras, ça sera Ie tour de Toupinéto de bisqué. ”

“ Ma maire, es pas atal qu'ai coumpres lou bounur : Besi trop claroment aro so que se passo, •
L'onrgul dins bostres cors tèn la prumieiro plaço,
Lou méu encaro es jouine e couneis que l'aluour :
Es cap'a n'el que bou e qu'anirai toujour;
M'abes pas fach per que me bende ou que me logue, Dounc de bostre coumplot coumptés pas que ne siogue: Adissias ! !! (Gustou sourtis) . ”

“ Es trop brai : a finit sa bido miserablo.
PERBENCO a Julou
Aro escouto, e beiras se soi pas perdounablo; Lou paure efant ! un cop qu'és estat rebengut, Bejen que soun darniè moument èro bengut, M'a pregat, suplicat d'uno bouès arrouïdo, De li faire un poutou, lou prumiè de sa bido ; Se l'abiòs bist, Julou, palle e tout desuèlhat, Sabi que tu tab6 n'auriòs agut pietat ; Plourabo, e malgrat ieu de lou beire, plourabi, E lou poutou que bei mati te rafusabi,
I l'ai dounat a n'el ; quand déu pas se gueri, Se rafuso pas rés a lou que ba lnouri. ”

“ Es brai.
JULOU
Alors, torno me lou,
Aquel poutou.
PERBENCO (en Vembrassant)
Tè dounc !... O ! coumo sem Inainages.
JULOU
Mes digus dira pas que sem pas estat sages.
PERBENCO
Anfinl
JULOU
Pei apres tout sèm joubes, sem countents,
Anen couri pe's prats, e bibo lou printems.
(sen bou enliassats.)
SÈNO II
Arribo Coucourdou que despei deja un pauc ero amagat darre lous aures.
COUCOURDOU, soul
O! coumo aco's urous un couple d'amourouses ! E dire qu'assabal i n'ia tantes d'urouses,
E tant d'autres, ailas ! coundamnats a soufri Sans que jamai digus serque a lou secouri!... ”

“ Coumprendrés souloment per que lou sourel brilho, Quand fares, lous oubries, qu'uno memo familho ; Car lou jour ount prendrés moun drapèu per abric, Lou jour ount l'égouisme aura pas cap d'amic,
Lou jour ount sarés qu'un, tout en demourant toutes, Lou jour ounte biurés sans abér pus de doutes,
Per bautres, sera'n jour de glorio e d'estrambord ; Coumprendrés, aladoun, qu'un pople es grand e fort, Quand sap s'aima, s'uni, dire tout so que penso, Car es de I'Unioun que nais l'lndépendenso. ”