Robert Garnier

“ Et encore, ô prodige! apres qu’on veit le feu S’estre gloutonnement de son beau sang repeu, Le prestre, contemplant le dedans de l’hostie, N’y trouva point de foye en aucune partie. O Dieux, ô Dieux du ciel qui avez soing de nous, (275) Et qui ne bruslez point d’un rigoureux courroux Contre le genre humain: Dieux qui n’estes severes Que pour nostre forfait, soyez moy salutaires! Conservez moy bons Dieux! et toy que j’ay tousjours En mes adversitez imploree à secours, (280) Amorty ces frayeurs qui me glacent les veines, O Delienne, et fay qu’elles demeurent vaines! ”

“ Qui domte le dieu Mars, ores qu’il soit d’armet, De gréve et de cuirace armé jusqu’au sommet: Qui le dieu forgeron brusle dans la poitrine Au milieu de sa forge, où le foudre il affine: Le pauvre Dieu Vulcan, qui tout estincelant (765) Aux fourneaux ensoulfrez travaille martelant, Qui tousjours ha le front panché dans la fournaise, Qui à bras decouverts va pincetant la braise, Sans qu’il soit offensé de la force du feu, De ces tisons d’Amour se defendre n’ha peu. (770) Il brusle en l’estomac, et tout sueux s’estonne Qu’en luy qui n’est que feu, cet autre feu s’entonne. ”

“ Et que le traict de feu, qui grondant, aboyant, De tempeste et d’esclairs nous va tant effroyant, Le plus souvent ne bat que les montagnes hautes , Et non pas nous meschans, qui commettons les fautes? ”

“ Que le bois d’autour en resonne. Vous les verrez de grand courroux Gratter de quatre pieds la terre, Et d’une forcenante guerre Se briser la teste de coups. (340) La biche regarde, peureuse, Incertaine lequel sera, Que la victoire imperieuse Pour son mary luy baillera. Lancez par les picqueurs, ils rusent, (345) Ores changeant, ores croisant, Ore à l’escart se forpaisant D’entre les meutes qu’ils abusent: Ore ils cherchent de fort en fort Les autres bestes qui les doutent, (350) Et de force en leur lieu les boutent, Pour se garantir de la mort. ”

“ Il a des yeux ouuerts, toutefois ne voit goutte :
Des oreilles il a, toutefois il n’écoute
On luy voit une bouche, & ne ʃçauroit parler,
Il a double narine & ne reʃpire l’air,
Ses mains ʃans maniment demeurent inutiles,
Et ʃes pieds ʃans marcher ʃont plantez immobiles. ”

“ POurquoy Dieu, qui nous a faits
D’vne nature imparfaits,
Et pecheurs comme nous ʃommes,
S’irrite ʃi griefuemment
Du mal que iournellement
Commettent les pauvres hommes ?
» Si toʃt que ʃommes nez
»Nous y ʃommes adonnez :
»Noʃtre ame, bien que diuine
»Et pure de tout mesfait,
»Entrant dans vn corps infait
»Avec luy ʃe contamine
» Nul ne ʃe peut empeʃcher
»En ce monde de pecher,
»Tant eʃt noʃtre humaine race
»Encline a ʃe deuoyer
»Si Dieu ne vient deployer
»Sur nous ʃa divine grace. ”

“ Hé bons Dieux! que feray-je? auray-je tousjours pleine La poitrine et le cœur d’une si dure peine? 460 Souffriray-je tousjours? ô malheureux Amour! Que maudite soit l’heure et maudit soit le jour Que je te fu sujette! ô quatre fois mauditte La fleche que tu pris dans les yeux d’Hippolyte : D’Hippolyte que j’aime, et non pas seulement 465 Que j’aime, mais de qui j’enrage follement. ”

“ Et font cheoir l’oppresseur en leur main vengeresse. Thesee, helas Thesee, aujourd’hui le Soleil Ne sçauroit voir malheur à ton malheur pareil: L’enfer, bien que hideux et gesne de nous ombres, N’ha pas en son enclos tant de mortels encombres, (80) Que je t’en voy, pauvre homme! hé, qu’il te falloit bien Entreprendre d’aller au lict Plutonien, Pour ravir nostre Royne ! hé, qu’à la mauvaise heure Tu entrepris forcer nostre palle demeure! ”

“ Parlé-je de mourir? hé pauvrette! mon corps Mon corps ne meurt-il pas tous les jours mille morts? (410) Helas helas, si fait: je ne suis plus en vie, La vie que j’avoy m’est de douleur ravie. Pour le moins si je vis, je vis en endurant Jour et nuict les dangers qu’on endure en mourant. ”

“ O Roine de la mer, Crete mere des Dieux , (380) Qui as receu naissant le grand moteur des cieux, O la plus orgueilleuse et plus noble des isles, Qui as le front orné de cent fameuses villes: Demeure de Saturne , où les rivages torts, (385) Remparez de rochers, s’ouvrent en mille ports, En mille braves ports qui caressez de l’onde, Reçoivent des vaisseaux de toutes parts du monde: Pourquoy mon cher sejour, mon cher sejour pourquoy M’as-tu de toy bannie en eternel esmoy? ”

“ Comme vn enfant tendret que ʃa nourrice allaite,
Et ores en rigueur ta dure main le traitte ?
O ʃeigneur noʃtre Dieu, r’amolli ton courroux,
Raʃʃerene ton œil, ʃois pitoyable & doux,
Nous t’auons offenʃé de crimes execrables
Et cognoiʃʃons combien nous ʃommes puniʃʃables :
Mais las ! Pardonne nous, nous te crions merci,
Si nous auons peché, nous repentons außi. ”

“ L’enfer qui n’est qu’horreur, qui n’est que toute rage, Qu’encombre et que tourment, ne domte leur courage. Mais soyent tant qu’ils voudront aux infernaux palus, (445) Ce n’est pas la douleur qui me gesne le plus: Un plus aspre tourment rampe dans mes moüelles, Qui les va remplissant de passions cruelles. Le repos de la nuict n’allege mes travaux, Le somme Lethean n’amortist point mes maux, (450) Ma douleur se nourrist et croist tousjours plus forte. Je brûle, miserable, et le feu que je porte Enclos en mes poumons, soit de jour ou de nuict, De soir ou de matin, de plus en plus me cuit. ”

“ Dependant vainement leurs pas. Tandis nous voyons d’avanture Vermeiller dedans un pastis Ou faire aux fraischeurs ses boutis Un sanglier à l’horrible hure, (360) Qu’une autre fois, armez d’espieux, Et de chiens compagnons fidelles, Malgré ses defenses cruelles, Nous combattons audacieux. ”

“ Font ja porter la peine ourdie aux ravisseurs. Que si le bon secours du genereux Alcide Ne t’eust ores tiré du creux Acherontide, Tu eusses ton supplice aussi bien comme luy, Pour avoir entrepris sur la couche d’autruy . (90) Mais non non, je voy bien à fin que tu endures Pour ton mal perpetré de plus aspres tortures, Pluton gros de vengence, et de colere gros, Te permet de revoir avecque ce heros Ta fatale maison: maison, où les Furies (95) Ont jusqu’à ton trespas fondé leurs seigneuries. Tu y verras l’inceste, et le meurtre, et tousjours Ton desastre croistra, comme croistront tes jours. ”

“ Ils promettent assez qu’ils nous seront fidelles, Et que leurs amitiez nous li’ront eternelles: Mais, ô deloyauté les faulsaires n’ont pas Si tost nos simples cœurs surpris de leurs appas, Si tost ils n’ont deceu nos credules pensees, (675) Que telles amitiez se perdent effacees: Qu’ils nous vont dedaignant, se repentant d’avoir Travaillé, langoureux, voulant nous decevoir. ”

“ Du monstre vostre frere est si long temps deserte? Et pourquoy ne se va vostre race estoffant Des membres merveilleux de quelque enorme enfant? Les monstres trop long temps en vostre maison cessent, Il vous faut efforcer que quelques uns y naissent. ”

“ Plustost plustost que vivre en un eternel dueil, Ne faisant jour et nuict qu’abayer au cercueil. (430) Voila mon beau Thesé qui, suivant sa coustume D’estre instable en amours, d’un nouveau feu s’allume. Voila qu’il m’abandonne, apres que le cruel M’a faict abandonner mon sejour naturel: Apres qu’il m’a ravie aux yeux de mon bon pere: (435) Et aux embrassemens de ma dolente mere , Fugitive, bannie, et qu’il a contenté Son ardeur, des plaisirs de ma virginité, Il va, de Pirithois compagnon detestable, Enlever de Pluton l’espouse venerable. ”

“ Je sors de l’Acheron, d’où les ombres des morts Ne ressortent jamais couvertes de leurs corps: Je sors des champs ombreux, que le flambeau du monde Ne visite jamais courant sa course ronde: Ains une espoisse horreur, un solitaire effroy, (5) Un air puant de souphre, un furieux aboy Du portier des Enfers, Cerbere à triple teste, Maint fantôme volant, mainte effroyable beste. ”

“ Qui ne sçait ce qu’il est, ne connoist plus personne, Immobile, insensible, elourdé , qui n’ha plus De pensement en luy qui ne soit tout confus. Mais las! ce n’est encor tout ce qui m’espouvante, Tout ce qui me chagrine, et mon ame tourmente, (230) Ce n’est pas cela seul qui me fait tellement Craindre je ne sçay quoy de triste evenement! J’ay le cœur trop hardy pour estre faict la proye D’un songe deceveur , cela seul ne m’effroye. ”

“ Et de plus en plus faicte à vostre bien proclive, Vous orner de son nom, et de sa belle olive. 20 Mais quoy? c’est le destin, c’est ce mechant destin, Que mesme Jupiter, tant il luy est mutin, Ne sçauroit maistriser: Jupiter qui d’un foudre Qu’il lance de sa main, peut tout broyer en poudre. Tandis que j’ay vescu, je t’ay veu, ma Cité, (25) Tousjours porter au col une captivité: Non telle que lon voit en une ville prise, Qu’un Roy victorieux humainement maistrise. ”

“ J’ay tousjours un combat de ces deux adversaires, (735) Qui s’entrevont heurtant de puissances contraires. Ores cetuy-là gaigne, et ore cetuy-cy, Cetuy-cy perd apres, cetuy-là perd aussi: Maintenant la raison ha la force plus grande, Maintenant la fureur plus forte me commande: (740) Mais toujours à la fin Amour est le vaincueur, Qui paisible du camp s’empare de mon cueur. Ainsi voit-on souvent une nef passagere Au milieu de la mer, quand elle se colere, Ne pouvoir aborder, tant un contraire vent (745) Seigneuriant les flots la bat par le devant. ”

“ Jamais nos cruautez ne font les Dieux cruels. « Si nous sommes meschans, pourtant ils ne sont tels: (630) » Si nous sommes ingrats à leur bonté suprême, » Si nous les oublions, ils ne font pas de mesme: » Ainçois le plus souvent que nous meritons bien » D’estre punis, c’est lors qu’ils nous font plus de bien. ”

“ Il ha le beau carquois, qui luy pend aux escelles: Il ha tousjours les yeux aveuglez d’un bandeau, Il ha, comme un enfant, delicate la peau, La chair tendre et douillette, et la perruque blonde De cheveux frisotez, comme les plis d’une onde. (780) Cyprine l’enfanta, qui sentist tost apres, Blessee enragément, la rigueur de ses tréts. Il guerroye un chacun. ”

“ Ja l’Aurore se leve, et Phebus qui la suit, Vermeil, fait recacher les flambeaux de la nuict. Ja ses beaux limonniers commencent à respandre 145 Le jour aux animaux, qui ne font que l’attendre. ”