Pierre de Fénin

“ Davantaige nulles fois ne ment, et ce qu'il promet il le tient. Et veult estre obey tost et sans delay de ce qu'il commande. Il hait les mensongers et flateurs à merveilles, et d'avec soy les chasse. Il hait pareillement jeux de fortune, ne nul temps n'y joue. Ces vertus qui sont contraires à lubricité sont en luy.
Et si les signes sont par dehors de sa chasteté et continence, encores y est plus la reelle verité du faict. Car le lien de mariage garde en tres-grande loyauté et amour. Et vrayement Dieu a commis tout
tel gouverneur à Gennes comme il y convenoit. ”

“ Nés à une époque où la raison humaine commençait à ressaisir son empire, ils out voulu profiter de ce moment de succès pour lui assurer un triomple durable, en anéantissant d'un coup et sans retour toutes les erreurs et les folies humaines. ”

“ C'est chose vraye, et nul ne le peut nier, et il y paroist, et par son moyen vostre puissance s'estend à present sur toute la mer et la terre. Quel guerdon rendrez-vous à votre bon duc et gouverneur, qui tant de biens vous a faicts et faict chascun jour de mieulx en mieulx, ou prendrez-vous merite suffisant pour guerdonner ces grands biens ? Bien luy debvez obéir, l'aimer et le garder Soigneusement, et prier Dieu pour luy, et qu'il le
vous veüille sauver : car s'il vous estoit failly, je me doubte que vostre gloire iroit au déclin. ”

“ On la vit souvent se lever la nuit, se prosterner dans l'ombre, croyant n'être pas vue, et prier Dieu pour la prospérité du roi et du royaume. Elle se plaisait dans la compagnie des personnes de son sexe, et partageait sa couche avec une ou plusieurs femmes, parmi les plus considérées de l'endroit, préférant de jeunes vierges et refusant les femmes âgées. ”

“ Comment il debvoit bien remercier Dieu qui si grand grace luy donnoit, que si noble et haulte entreprise luy estoit annoncée de si vaillant homme que estoit le mareschal, et que il appercevoit bien la grâce, amour et affection que il avoit à luy et à son advancement, et le désir que il avoit que luy qui estoit jeune, et encores de petit sens et vaillance, se peust advancer en pris et los, et que il y paroissoit bien, quand luy mesme en personne, ses amis et son avoir y vouloit employer. ”

“ Et par telles manières luy veoir tenir il acquiert l'amour des gens d'armes, qui de meilleur cœur l'en servent, et l'en aiment, prisent, et honnorent, en pensant autant feroit-il de nous si nous estions affolez du corps, ou envieillis en sa compaignée. Et à ce propos est escript que ainsi le faisoit le roy Alexandre le grand, dont il adveint que il estoit par un grand hyver en la conqueste d'un pays, si va d'advanture veoir un ancien chevalier de son ost, qui estoit aux champs tout mourant de froid, et quasi tout enroidy. ”

“ Nostre-Seigneur te donne santé et bonne vie, Charles, roy de France. Les titres de soudan, grand roy des roys, Jamarcq, Maher et Daher, seigneur sage, guerroyeur et défendeur de la loy des Mores, grand soudan des Mores et de leur foy, qui fait raison à chacun qui a,guerre l'un contre l'autre, seigneur des deux mers et de maintes terres, libéral aux esclaves de son pays des deux églises saintes, de Lameth et d'Abraham : Dieu croisse le mien et me donne bonne vie et à tout mon peuple à qui je fais prou de bien. ”

“ Après qu'il fut trespassé, il y eut grand dueil fait par ses gens, spécialement par le duc de Bethfort son frere, devers lequel vint le duc Philippe de Bourgongne, pour le reconforter, et aussi pour conclure ensemblement sur les affaires de France. ”

“ Et fut le duc de Clarence, frère du roy d'Angleterre, abattu de coups de hache ; et le roy son frère vint mettre le pied sur lui de peur qu'il fust tué, et eut un tel coup sur sa couronne qu'il fut abattu sur le genou. Et deux autres qui estoient habillés proprement comme le roy furent tués, et l'oncle du roy, le duc d'Excestre, et moult d'autres. Toutesfois assez tost après en peu d'heures, ainsi comme Dieu, qui est maistre des batailles, voulut, furent nos gens desconfits, et morts, et prins, et en fuite, lesquels estoient dix mille hommes
d'armes ”

“ Quand les mariniers veirent que de toute leur puissance ne pouvoient avant aller, dirent au mareschal que oncques en leur vie telle chose n'avoient veu, et quant estoit d'eulx ils pensoient que c'estoit miracle de Dieu, qui ne vouloit mie pour aulcun grand bien, ou pour le sauvement de luy et de ses gens, que il allast celle part : car selon qu'il leur sembloit ce vent n'estoit taillé de cesser d'un grand temps. ”

“ Je, Hervé de Mériadès, escuyer d'escurie du duc de Bourgongne, voue à Dieu, à la Vierge-Marie, aux dames et au phaisant, que, se mondit seigneur va en ce saint voyage qu'il a intention de faire, pour résister aux entreprinses du Turc et des mescréants, je iray avec lui partout où il ira en personne, par terre ou par mer ; et je iray de son commandement et ordonnance partout où il me vouldra envoyer ou ordonner d'aller par terre ; et le serviray tant et si longuement que corps aura puissance et que le pourray porter et soustenir ”

“ Si demeura là tout le jour le mareschal, et ne vouloit descendre sans tous ses gens. Car grande partie de ceulx qu'il avoit avec luy estoient malades et blessez; et y feut jusques à basses vespres, en attendant son navire, dont moult luy ennuyoit. Car il ne voyoit mie sur le port plus de trois mille Sarrasins, et d'eulx cuidoit-il bien venir à chef. Et adonc arriva son navire : mais il estoit trop tard pour descendre. Ha Dieu, comment est vray le proverbe qui dict, ce que Dieu garde est bien gardé, et l'Escriture Saincte qui dict, si Dieu est pour nous, qui sera contre nous ? ”

“ Et vous prie et requiers à jointes mains que ne faciez nulles batailles ne ne guerroyez contre nous, vous, vos gens ou subjets ; et croyez seurement que quelque nombre de gens que amenez contre nous, qu'ils n'y gagneront mie ; et sera grand pitié de la grande bataille et du sang qui y sera répandu de ceux qui y viendront contre nous. ”

“ Et comme nos gens cuidèrent passer ceste rivière , il s'y noya deux ou trois gens de bien, et ne put-on passer. Et demeurèrent lesdits Anglois en bataille d'un costé et nos gens d'autre costé. Et quand ce venoit au soir, tout le monde s'en alloit coucher ès villages, et loger leurs chevaux. Et vous certifie, quand il estoit nuit, qu'il ne demeuroit pas à mondit seigneur le connestable quatre cents combattants ; et Dieu sçait qu'il y endura. Et une nuit les Anglois vindrent gagner un gué, et le trouvèrent endroit la ville d'Avranches, qui jamais n'avoit esté trouvé ”

“ M Item, que à celui qui touchera ladite targe blanche, l'entrepreneur sera tenu de lui accomplir pour un jour, autant de lances que celui qui aura touché ou fait toucher lui voudra deviser sans retraite, par ainsi que se l'un des deux est porté par terre de tout le corps et perde sa lance, que Dieu ne veuille! ”

“ De ceux de la ville estoit capitaine le seigneur de Beaufort-àla-barbe, qui estoit homme de haute entreprinse, lequel les retint bien en son obéyssance et commandement, tant que le siège dura. Aussi estoit la ville et la cité garnye de gens qui estoient fort vaillants, et peu craignoient d'estre attaqués, sinon par trahison. Aussi quand ils sceurent la vérité qu'on les venoit assiéger, ils mirent le feu dans leurs fauxbourgs, tant de Baudimont que ailleurs : mesme ils abattirent plusieurs églises qu'ils destruisirent, afin que leurs ennemis ne s'y logeassent mie si à leur aise ”

“ Et celle nuit mondit seigneur le connestable fit le guet, et avoit soubs son enseigne quatre cents lances, et avec ce estoient à son guet : monseigneur de Cotivy, Poton , La Hire, et monseigneur de Mouy. Et en effet mondit seigneur avoit bien six cents lances et les archers, et des gens de pied à son guet. Et croy en vérité qu'il y avoit bien près de deux mille combattants, et fut le plus beau guet que je vis oncques. Et Dieu sçait comme mondit seigneur besongna ceste nuit avant qu'il fust jour clair : car il avoit mis ses gens en seureté du trait de la ville, et fait faire taudis etfossés. ”

“ Au regard de ce que mondit seigneur de Bourgongne a fait dire en outre par vous, que dès la paix faite, il délibéra et conclud de chérir le roy, le servir, l'honorer et lui obéir, et qu'il supplie au roy qu'il veuille cognoistre qu'encore est-il tel, et sera jusques à la mort, si par tort évident il n'est contraint au contraire, ce que Dieu ne veuille ! ”

“ Si se doubtoit-on que les Anglois deussent aller au-devant d'eux ; pourquoy, Le mercredy matin, veille de l'Ascension, quatriesme jour de may, mil quatre cents vingt-neuf, partirent de très grand matin d'Orléans, le bastard et la Pucelle armée, avec grande compagnée de gens d'armes et de trait, et allèrent, à estendart desployé, au-devant des vivres, qu'ils rencontrèrent, et si passèrent par-devant les Anglois, qui n'osèrent sortir ne issir de leurs bastilles, et puis entrèrent dedans la ville environ prime. ”

“ Après que ce duc eut réduit en son obéyssance Mont-le-Héry, il s'en alla de vant la ville de Corbeil, là où il fut bien un mois entier à le bloquer seulement : il avoit de grands engins jettants dedans la ville, et contre les
portes et murailles : mais nonobstant, ceux qui estoient dedans se deffendirent si bien , que ce duc n'y entra point : aussi ceux de ceste ville avoient vivres assez et gens à leur plaisir , ce qui fort les confortoit, car ils pouvoient entrer à leur plaisir par un endroit. Devant icelle place de Corbeil fut frappé d'un coup de virelon à-la jambe, Mauroy de Saint-Léger. ”

“ Néantmoins, bien que chacune des parties se monstrassent l'une contre l'autre, tenants les manières d'avoir débat entre eux, comme dit est cy-dessus, il ne laissoit d'y avoir gens allants d'un costé et d'autre, tant gentilshommes comme officiers d'armes, qui pàrlementoient entre les parties, afin qu'aucune rigueur ne s'esmeut. Finalement, il fut tant traité, qu'iceux Flocquet et Mathieu God promirent de n'entreprendre ne faire aucune violence ès pays du duc de Bourgongne, ny ès seigneuries dudit comte d'Estampes : mais qu'ils passeroient en haste le plus courtoisement que faire pourroient. ”

“ Interrogée se elle savoit point au devant d'aujourd'hui que les fées fussent mauvais esprits, respond : qu'elle n'en sçavoit rien.
Interrogée se elle ne sçait point que saintes Catherine et Marguerite bayent les Anglois, respond : « Elles aiment ce que Nostre-Sei» gneur aime, et bayent ce que Dieu hayt. »
Interrogée se Dieu hayt les Anglois , respond : que de l'amour ou hayne que Dieu a aux Anglois, ou que Dieu leur fait à leurs ames ne sçait rien, mais sçait bien que ils seront mis hors de France, excepté ceux qui y mourront; et que Dieu envoyera victoire aux François et contre les Anglois. ”