Pierre de Fénin

“ Qui feut une merveilleuse vigueur en un homme de pouvoir ce faire. Si estoit bien signe que il avoit grand amour à son livre.
Et ainsi ces nobles hommes avoyent joye que leur
renom feust perpetuel. Et n'est mie de merveilles.
Car tout homme naturellement desire gloire. Et la cause ce dict Aristote est, pour ce que toute chose par nature tend et tire le plus que elle peut à sa perfection. ”

“ Davantaige nulles fois ne ment, et ce qu'il promet il le tient. Et veult estre obey tost et sans delay de ce qu'il commande. Il hait les mensongers et flateurs à merveilles, et d'avec soy les chasse. Il hait pareillement jeux de fortune, ne nul temps n'y joue. Ces vertus qui sont contraires à lubricité sont en luy.
Et si les signes sont par dehors de sa chasteté et continence, encores y est plus la reelle verité du faict. Car le lien de mariage garde en tres-grande loyauté et amour. Et vrayement Dieu a commis tout
tel gouverneur à Gennes comme il y convenoit. ”

“ C'est chose vraye, et nul ne le peut nier, et il y paroist, et par son moyen vostre puissance s'estend à present sur toute la mer et la terre. Quel guerdon rendrez-vous à votre bon duc et gouverneur, qui tant de biens vous a faicts et faict chascun jour de mieulx en mieulx, ou prendrez-vous merite suffisant pour guerdonner ces grands biens ? Bien luy debvez obéir, l'aimer et le garder Soigneusement, et prier Dieu pour luy, et qu'il le
vous veüille sauver : car s'il vous estoit failly, je me doubte que vostre gloire iroit au déclin. ”

“ Comment il debvoit bien remercier Dieu qui si grand grace luy donnoit, que si noble et haulte entreprise luy estoit annoncée de si vaillant homme que estoit le mareschal, et que il appercevoit bien la grâce, amour et affection que il avoit à luy et à son advancement, et le désir que il avoit que luy qui estoit jeune, et encores de petit sens et vaillance, se peust advancer en pris et los, et que il y paroissoit bien, quand luy mesme en personne, ses amis et son avoir y vouloit employer. ”

“ Et par telles manières luy veoir tenir il acquiert l'amour des gens d'armes, qui de meilleur cœur l'en servent, et l'en aiment, prisent, et honnorent, en pensant autant feroit-il de nous si nous estions affolez du corps, ou envieillis en sa compaignée. Et à ce propos est escript que ainsi le faisoit le roy Alexandre le grand, dont il adveint que il estoit par un grand hyver en la conqueste d'un pays, si va d'advanture veoir un ancien chevalier de son ost, qui estoit aux champs tout mourant de froid, et quasi tout enroidy. ”

“ Quand les mariniers veirent que de toute leur puissance ne pouvoient avant aller, dirent au mareschal que oncques en leur vie telle chose n'avoient veu, et quant estoit d'eulx ils pensoient que c'estoit miracle de Dieu, qui ne vouloit mie pour aulcun grand bien, ou pour le sauvement de luy et de ses gens, que il allast celle part : car selon qu'il leur sembloit ce vent n'estoit taillé de cesser d'un grand temps. ”

“ Car il eut plus cher avoir vacqué à cultiver science, et d'acquérir sçavoir, que à celuy de ses terres et heritaiges, laquelle occupation luy eust osté l'exercice de l'estude.
Ainsi ce bon mareschal dont nous parlons, qui vrayement tout ainsi que les anciens appelloient les saiges philosophes chevaliers de sapience, se peult bien appeller philosophe d'armes, c'est-à-dire amateur de la science d'icelles, qui aime mieulx s'estre faict en vaillance, vertu, et aultre renommée, que s'estre entendu à acquerir terres, richesses, et manoirs. ”

“ Si est vray que quand le haineux veoid son ennemy bien au bas, soit par luy, soit par autre, son ire est aussi comme amortie, et plus n'y daigne penser. Mais s'il advient que par quelque bonne fortune il se recouvre et retourne en force et prospérité, adonc revient la haine et redouble l'envie. Tout ainsi estoit-il des Venitiens envers les Genevois. Car jaçoit que ja pieça apres moult grande et mortelle guerre, ils eussent faict paix, ne feut mie pourtant, comme dict est, estainte en eulx couverte rancune. Mais icelle rancune n'a par long temps entre eulx porté nul mauvais effect. ”

“ Là y eut grande bataille donnée d'un costé et d'autre, et s'y comportèrent ceux de Paris fort vaillamment avec iceluy seigneur de Lisle-Adam, et tant firent qu'en peu de temps ils les rechasserent jusques à la Bastille : ce qui ne se passa point sans qu'il en demeuxast de morts sur la place bien trois à quatre cens, sans les blessez, dont il y eut grande quantité. Aprés cette journée les gens du Dauphin furent reduits en bien simple estât; mais nonobstant ils tenoient encor la Bastille. Au contraire, les gens du duc Jean et ceux de Paris, demenoient grande joye ”

“ Laquelle chose vrayement tous ceulx qui l'aiment et qui desirent sa santé, et longue vie, laquelle est bien seante, et comme nécessaire au monde, et Dieu luy tienne, luy debvroient déconseiller de prendre si grand soing, et si continuel , sans aucune recreation de quelque esbatement. Car comme dient les autheurs, si grande sollicitude est moult préjudiciable à la vie et santé du corps, à demeurer en si grand soing sans délaisser. ”

“ Car vous mesmes sçavez bien, et pouvez bien sçavoir que le contraire de ce que avez escript est la vérité. Et toutesfois si j'eusse voulu j'en pouvois assez prendre. Car à Lescandelour, à Famagouste, à Rhodes, tant à mon aller, comme à mon retour , et en plusieurs autres lieux sur la marine, tant à la coste de Syiie, comme ailleurs, j'ay assez trouvé de vos naves et autres vos navires en grand nombre, lesquels estoyent bien en ma puissance d'en faire ce que je vouloye : mais par tout où je les ay trouvées je les ay traictées aussi bien ou mieulx que si ce feussent navires de Genevois. ”

“ Mais ne croyez mie que le bon vaillant mareschal oubliast ses bons amis ; pourtant s'il ne les voyoit, et s'ils estoyent enchartrez, comme souvent sont oubliez des princes, dont est pitié, ceulx qui sont à cause de leurs guerres pris et destruits. Nenny certes. Mais au plus tost qu'il peut les envoya reconforter de faict et de paroles. Car argent assez et largement leur envoya, et manda que de rien n'eussent melancolie. Car il ne leur fauldroit jour de sa vie, dont ils feurent moult reconfortez. ”

“ Quand tout ce veid le saige gouverneur, adonc luy sembla temps de faire venir vers soy sa tres-chere et aimée espouse, la belle, bonne et saige madame Antoinete de Turenne, laquelle ne vivoit pas aise
loing de la presence de son seigneur, ne luy semblablement : car ils s'entreaiment de grand amour, et moult meinent ensemble belle et bonne vie. Mais alors un peu de temps estre loings convenoit. Lors par chevaliers notables, et gens de grand honneur, envoya la querir en son pays en moult bel estât, comme il appartenoit. ”

“ Mais tout ainsi que bons preudes hommes ne doibvent mie regarder à la perversité des mauvais que ils ne facent tous jours bien, et que ils ne rendent le bien pour le mal, comme nostre Seigneur le commande, ce tresvaillant preud'homme qui mieulx aimoit le bien commun de Rome que le sien propre, ne laissa pas
pour ce de monstrer le bien que il leur vouloit. Car il adveint au temps que il estoit en exil, que les Gaulois destruirent Rome. Mais luy qui de ce feut moult dolent, feit tant que il assembla ses amis, et alla contre iceulx, et les Romains qui s'enfuyoient rassembla. ”

“ Et luy qui en toutes choses sçait estre pourveu, saigement considera que avec le bon sens et advis qu'il convient avoir à bien gouverner les gens de delà , estoit aussi nécessaire pour reparer la ruine et deschéement du lieu , de s'ayder de force et de puissance contre les diverses volontez et contraires opinions qui par la division d'entre eulx communément y sont. Et pour ce par la volonté du Roy se pourveut de bonnes gens d'armes, en telle quantité comme par bon conseil eut advis que il luy convenoit. ”

“ Gomment Aristote, qui tant feut solemnel philosophe, - que oncques homme en science de philosophie ne l'atteignit, et qui en sa noble doctrine enseigne tres bonnes mœurs à suivre, et fuir le contraire, ne feust-il luy mesme convoiteux d'icelle gloire de renommée? ”

“ Et qu'il soit vray que contraire chose soit à tout vaillant homme, dit Bocace au cinquiesme livre de la ruine des nobles hommes, du roy Antiochus, duquel Antioche feut nommée, et qui tant feut hault, riche et puissant prince, que assez avoit pouvoir, richesse, et gent pour tout le monde conquérir , et qui ja avoit subjugué et conquis par force d'armes moult grand pays, ny nul ne pouvoit résister à sa force et puissance, et devant lequel toutes terres trembloient, que il feut deffaict et mis bas par sa luxure et delices. ”

“ Ceux qui avoient fait cette noire action estoient des habitans de la ville, qui s'enfuirent aussi-tost par le moyen de leurs amis hors d'Abbeville, et s'en allerent à refuge au Crotoy, vers messire Jacques de Harecour ; mais quelque temps après ils furent enfin attrappez et suppliciez. Ledit de Cohen après ce fascheux rencontre s'en retourna en son hostel : pour lors on ne peut sçavoir ni descouvrir au vray d'où cet assassinat provenoit, car la ville se trouvoit fort divisée et partagée par les menées de Jacques de Harecour , lequel y en avoit rencontré et attiré plusieurs à son party. ”

“ Vaillant homme , tu te fies paradvanture es grands biens que tu as faicts, et chascun jour, Dieu mercy, y perseveres , tant au royaume de France , dont es mareschal, où tu as par long temps et dés enfance esprouvé ta vaillance, et faict maints biens, comme en ce que tu as reparé la ruine de la cité de Gennes, et aussi aux grands encombriers que tu as faicts par maintes fois aux mescreans et Sarrasins, en l'exaussement de la foy, et en ce que tu as mis peine en la paix de saincte Eglise, et maintes autres choses profictahles. ”

“ Mais quand l'homme est si parfaict, que pour bien, aulmosne, ou oraison qu'il face, soit en secret ou en public, point ne s'y glorifie, ains le faict simplement pour l'amour de Dieu, mieulx est qu'il le face devant les gens, que en secret. La cause est, pour ce que il donne exemple à ceulx qui le voyent de faire bonnes œuvres. ”

“ Car luy seul avoient agréable, et non autre : car ils sçavoient bien que par luy seroyent gardez, portez et defendus, et que si prendre les vouloit ils luy obeiroient doucement, et loyauté, honneur et amour luy porteroient si loyaument comme bons et loyaulx subjects doibvent faire à leur seigneur, si ne voulust mie refuser cest offre que de bon cœur luy faisoient. ”

“ C'est à sçavoir que si le dict capitaine à tout son armée vouloit estre avec luy, et que tous d'un bon vouloir allassent courir sus aux mescreans , qu'ils estoient belle compaignée de bonnes gens pour leur faire une tres-grande envahie et grevance. Si manda par son messaiger bien emparlé et saige au capitaine des dictes galées toute ceste chose, et comme c'estoit son intention que au cas, au plaisir de Dieu, il auroit paix avec le roy de Cypre, son desir et volonté estoit de grever les ennemis de la foy quelque part que de leur courir sus verroit son point. ”

“ Comment les Veniliens assaillirent le mareschal, et la fiere bataille qui y feut. Et comment le champ et la victoire luy en demeura.
LE dimanche septiesme jour d'octobre, bien matin, se partit le mareschal du port de Sapience devant Modon, et se meit en voye pour tenir son chemin droict à Gennes. Mais ores estoit temps que plus ne feust cachée la felonne volonté des Venitiens, qu'ils avoyent tant gardée celément. Or leur semble veoir temps et lieu de la mettre à effect. Car assez despourveu le pouvoient prendre, et eulx au contraire estoyent bien garnis, et de leur faict advisez. ”

“ Et qu'apres ce qu'il auroit faict son debvoir de les faire certains de la vérité, de laquelle chose s'il ne le faisoit il feroit grand conscience, et s'il ne les enhortoit de leur sauvement, comme il debvoit, ils fer oient neantmoings par eulx, quand tout dict leur auroit, ce que bon leur sembleroit. Car à chose qui touche l'ame et la conscience, on ne doibt homme contraindre par force , ne aussi faire ne le vouldroit. Car ce doibt venir - de pure franche volonté, ny Dieu neveult estre servy à force. ”

“ Après que ce Roy vid qu'il ne pouvoit passer par ledit Pont-de Remy, il tira vers Araine, de là vers Amiens, et passa par devant la ville sans rien perdre : puis s'en alla loger à Bonne. La puissance du roy Charles poursuivoit tous jours ce roy Henry, tant qu'il n'y avoit souvent que de cinq à six lieuës entre les deux armées, de sorte que de jour en jour ils lescroyoient combatre, mais ils n'avoient mie place à plaisir, aussi attendoient-ils le duc de Bretagne, qui venoit à l'aide des François avec plusieurs gens. ”

“ L'an 1408 les Liegeois se rebellerent contre leur evesque, nommé Jean de Baviere, frere du duc Guillaume de Hollande, et de la femme du duc Jean de Bourgongne, parquoy cét evesque estoit fort puissant d'amis, et nonobstant qu'il fust evesque il se vouloit marier : mais la plus grande partie de ceux de Liege ne le voulurent souffrir, pour ce il y eut dissension entre les deux parties tant que l'evesque fut chassé, et en son lieu fut creé et constitué le fils du comte de Peruvez, qui les soustenoit. ”

“ Car ils estoyent en moult bel arroy de combatre, par grands batailles à cheval et à pied. Et y avoit des gens du Tamburlan bien environ six cent chevaulx, armez et couverts tant richement de fin veloux et drap d'or, et de tous habillemens riches, que oncques homme ne veid en bataille ne en faict d'armes plus belle chose, et ceulx qui dessus estoyent, estoyent armez de beaux paremens, et monstroient semblant d'estre gens de grand vigueur, et avoir desir de combatre, et sembloient estre personnes de grand honneur et de grand estât. ”

“ Doncques si les Payens sans loy eurent congnoissance de bien faire pour l'amour d'un Dieu, que debvons nous faire entre nous Chrestiens qui avons vraye congnoissance de la loy par tant de sainctes Escritures, et qui sommes du college de Jesus Christ, qui fut et est Dieu et homme? Si debvrions plus que autres estre punis si nous mesprenons. ”

“ Ce jour le duc s'y monstra très - vaillant, chassant avec le seigneur de Longueval ses ennemis si avant, qu'un long-temps après la desconfiture on ne sçavoit où il estoit, ny ce qu'il estoit devenu, dequoy ses gens estoient en grand soucy : mais il revint enfin vers son estendart, après avoir pris de sa main deux hommes d'armes, lesquels depuis il relascha sans leur faire payer rançon. Tout estant achevé, on raconta au duc comment ses gens s'en estoient fuys du combat, ainsi qu'il a esté recité cy-dessus , et qu'ils l'avoient laschement abandonné , dont il fut tres-mal content ”

“ Apres laquelle prise et demeure faicte en la ville, l'espace et temps que le cas le requiert, ayant faict bouter feux par la dicte ville, me retiray en mes galées, sans ce que moy estant en la dicte terre, ne moy retiré en mes dictes galées, feust pour lors à moy venu homme quelconque Venitien, ne autre pour eulx, me demander nulle restitution de biens, ne de proye qui y eust esté prise, comme mensongeusement l'avez escrit. Car Dieu sçait si elle m'eust esté demandée , que de bon cœur et de bonne volonté eusse faict restituer ce que de raison eust esté. ”

“ Après ledit messire Jean de Luxembourg s'en retourna à Troyes devers le duc Philippe, et mit ses gens aux villages des environs de ladite ville. Environ quinze jours après, le duc Philippe renvoya messire Jean de Luxembourg, le seigneur de Croï, le seigneur de Lisle-Adam mareschal de France , Hector de Saveuse , avec plusieurs autres seigneurs, pour remettre le siege devant icelle place d'Alibaudiere.
Ils y allèrent bien à tout douze cens combatans de bonne estoffe, et menerent plusieurs engins et instrumens de guerre, pour abatre les murailles. ”

“ Si est bien à propos de ce que devant ay dit, que bien faire et bien dire engendrent souvent haine. Si ne veuille nul juger quand fortune nuit aulcunement à ceulx qui se travaillent pour le bien public, et qui se meslent de punir les mauvais, et soustenir les bons, que ce soit pour leurs dessertes, ny que pour leurs pechez secrets Dieu leur souffre encourir telle punition. Car plustost est-il souventesfois tout autrement,
comme il appert de Job, de qui Dieu voulut esprouver la patience, qu'il souffrit persecuter, et si estoit tresjuste. ”

“ Tout premièrement dirons de la devotion qu'il a vers Dieu, et commencerons à la vertu de charité : pource qu'elle est mere et souveraine des vertus, comme le tesmoingne sainct Paul. Il a telle dévotion à faire bien aux pauvres, et telle pitié a de eulx, que il faict enquerir diligemment où il y ait pauvres mesnaigers, vieulx et impotens, ou chargéz d'enfans, ou pauvres pucelles à marier, ou femmes gisans, ou veufves, ou orphelins, et là secretement très - largement envoye de ses biens. Et ainsi par luy sont soustenus maints pauvres. ”

“ Si commencea à faire raison et justice à toute gent, et punition des mauvais selon ce que ils avoient desservy, sans espargner grand ne petit, ne quelconque homme de quelconque estat qu'il feust. A ceulx qui avoyent esté traistres et rebelles du roy de France et à sa seigneurie , faisoit publiquement trancher les testes, pendre les larrons et meurtriers, brusler les bougres, coupper membres selon les meffaicts, bannir les séditieux et mauvais, les uns à temps, les autres à perpétuité, selon que le cas le donnoit. ”

“ Qui est une grande merveille à considérer que par le sçavoir d'un seul chevalier gens tant rébarbatifs, si rebelles, et tant mal accoustumez de ne rien craindre, puissent estre ramenez à telle discipline, et à telle paix , que tout homme pourroit porter à toutes heures l'or, et le tresor sur sa teste ou en ses mains par toute la cité de Gennes, sans ce que nul luy ostast, ne luy en feist tort. ”

“ Quand le mareschal entendit ces te chose il feut moult esmerveillé, veu l'accord qu'ils avoyent agréé, et que luy mesme avoit juré et promis de non aller à l'encontre. A laquelle chose, comme preud'homme qu'il est, pour mourir ne se voulut parjurer , ne aller contre son scellé. Si respondit que ce ne pouvoit-il pas faire sauf son honneur. Si n'estoit pas legere chose de forçoyer contre si grand puissance comme estoit celle des Florentins. Car moult y conviendroit grand foi- son de gens d'armes, dont mal estoit garny pour l'heure, et grande finance d'argent pour telle chose
entreprendre. ”

“ LA vertu de justice, avec les autres biens qui sont au mareschal, reluit en luy merveilleusement, ne nul ne la pourroit mieulx garder à l'ongle qu'il la garde, comme il est nécessaire, par especial au pays de par delà, voire sans ce que il use de rigueur non deüe, ne de cruauté à creature née. Ains en tous ses faicts plus tire, comme doibt faire tout bon justicier, sur miséricorde que sur rigueur , en gardant la ligne et la balance de droict, que il veult faire à tous, en rendant à un chascun ce qui est sien. ”