Alain Bouchart

“ Si prierent Brutus quil luy plust les deliurer de la prison ou ilz estoient, ce quil pouoit faire facillement car ilz estoient la en la ville, tant prisonniers que autres gens des parties de Troye qui se y estoient renduz, vii mille hommes sans les femmes & enfans. En icelle ville y auoit vng ieune cheualier grec nomme Assaracus qui estoit filz dune Troyenne. A celle cause auoit moult grant desir que les Troyens feussent deliurez des prisons & de la seruitudc de Pandrasus. Et auoit Assaracus plusieurs villes & chasteaulx es enuirons. ”

“ Brutus se acoincta de luy & promist aux Troyens les deliurer des prisons de Pandrasus. Les Troyens capitaines en Grece firent Brutus leur duc.Et en lendroit les Troyens le firent leur duc. Ce fait Brutus mist force de Troyens qui n’estoient pas prisonniers en garnison es villes & cites d Assaracus. Et le surplus leur fist tenir les boys & forestz. Et puis apres il escripuit au roy Pandrasus comment il le prioit que il voulsist mectre hors de captiuite les Troyens quil detenoit en ses prisons, & par misericorde leur restituer leur liberte. ”

“ Brutus print congie de son beau pere Pandrasus & entra en ses nauires auecque sa femme Ygnogen & ses Troyens, mist de ses nauires les voilles au vent, tirant a laduenture par la mer sur les parties meridionales & apres quilz eurent passe plusieurs dangiers & perilz ilz descendirent es parties des Maures ou ilz auitaillerent leurs nauires des viures dont mestier auoient. ”

“ Pour plus facillement paruenir a la haultesse dhonneur, c’est chose moult conuenable a toute personne qui du precieulx don de sapience desire faire son tresor & sa richesse, de reduire souuent a sa memoire les faiz des precedans hommes notables qui ont dit ou fait choses dignes de recordacion & icelles bien retenir : car en ce faisant & en lisant les histoires qui escriptes en ont esté, nous pouons veoir a quelle fin les vngs & les aultres par bien ou mal faire sont paruenuz. ”

“ Par quoy ne doibt personne escripre histoire daucuns faitz sinon diceulx qui sont de son temps. Histoire selon son vray entendement est la recollection par escript des faitz presens a lescripuant lesquelz pour leur vetuste & antiquite se peuent par apres eslongner de memoire des hommes. ”

“ Touteffois elle porta ceste fortune paciemment, tant par ce que les douleurs ainsi extremes des dames diceluy temps nestoient de gueres longue duree, que aussi par ce quelle demoura royne paisible du royaulme de la grant Bretaigne dont elle auoit auparauant esté desheritee, & y regna par le temps de cinq ans paisible, car les roys Malganus & Ennin maritz de ses deux seurs estoient lors trespassez, lesquelz delaisserent deux ieunes enfans Maryanus qui filz estoit de Malganus & Cymedage filz du roy Ennin. ”

“ Les Troyens qui lors estoient la plus noble generation de la terre furent espars par le monde en diuers lieux & voirrons cy apres a laide de Dieu que deLes Bretons bretonnants parlent le langaige de Troye. ce peuple de Troye sont yssuz les Bretons de nostre Bretaigne armoricque, aussi leur langage breton est le vray & ancien langage de Troye comme iay leu en aulcunes histoires. ix ans apres ceste destruction que lors Cartaige fut premierement fondee, Ascanius filz de Enee qui de Troye estoit venu en Italie eust ung filz nomme Siluius. Ce Siluius apres la mort de Ascanius regna en Italie. ”

“ Albanatus assembla soubdainement gens darmes escossoys pour combatre mais peu luy valut, car des la premiere bataille que Humber luy bailla, Albanatus fut occis & ses Escossoys mis en fuite, & pour auoir aide & secours a recouurer leur pays les Escossoys apres la mort de leur roy Albanatus se retirerent par deuers le roy Locrius son frere. ”

“ Et par traicte de paix faicte entre eulx les Troycns recouuererent leur liberte & Le mariage de Brutus & de Ygnogen fille du roy Pandrasusfut faict le mariage de Brutus & de Ygnogen fille dudict roy Pandrasus car aultrement Pandrasus eust este mis a mort. Au bien duquel mariage le roy Pandrasus leur donna moult grant nombre de tresors & richesses & leur donna entre autres biens troys cens nauires aduitaillez lesquelz Brutus equipa de Troyens a bien grant nombre, car il tendoit a passer la mer auec ses Troyens pour conquerir royaulmes & pays nouueaux. ”

“ Esculapius filz de Apollo augmenta la science : mais il fut frape dung coup de fouldre dont il mourut : a ceste cause lart & cure de medecine perit, & fut cest art depuis ignore sans en user par cinq cens ans iusques au temps de Artaxerces que par Ypocras fut la science renouuellee. Ypocras fut excellent philosophe & medecin. Lon trouue xxiii liures quil a composez.
⸿ Comment Bellinus & Brennus conquirent les Gaulles & des chaussees que Brennus fit faire par les chemins qui encores sont appellees les chaussees de Brenault. ”

“ Ce quilz firent. Et au matin Brutus saillit dvne aultre part auecques bon nombre de gens hors de ce chasteau sur Groffarius & ses gens, lesquelz par ce moyen se trouuerent en telle necessite que Groffarius apres la bataille qui fut moult aspre & dure fut contraint de leuer son siege & s’en fuir. Turnus le troyen nepueu de Brutus fist en ceste bataille de plus beaux faictz darmes que nulz aultres quelzconques apres Corineus. Et dict le bruit, que Turnus de son espee occist celuy iour six cens hommes des gens de Grofarius. ”

“ Et dit notamment que lon doit retenir a memoire les choses dessusdictes sans les mettre en oubly : car, comme recite Marcus Varro, les oreilles de ceulx qui ne retiennent ce que on leur recite, resemblent a vng tuyau ou goutiere par qui passe leaue incessamment sans y faire residence. ”

“ Il fut aduerti de la venue de Brutus, fi luy fist la guerre, en laquelle guerre y eut plusieurs beaux faictz darmes dune part & daultre : mais Grofarius ny peust pas longuement resister & fut contrainct a sen fuir plus auant es aultres parties de Gaule par deuers ses parens & aliez. Et est assauoir que pour lors y auoit es parties Es Gaules y auoit lors dix ou douze royaumes.de Gaule dix royaulmes selon Vincent ou douze selon la Martiniane. Chacun roy auoit son royaulme a part. ”

“ Le second liure traictera des roys de nostre Bretaigne armorique depuis celuy Conan Meriadec iusques a saint Salomon dernier roy qui mourut tout plain de sainctete par cruel martyre lan de grace ixc. Le tiers liure fera mencion des ducz de Bretaigne qui en droit de souuerainete ont regne en ceste Bretaigne depuis Alain le grant premier iusques au duc Pierre Mauclerc enuiron lan mil iic & xiii. ”

“ Du iiii eage.La iiiie aage commenca au regne de Dauid & dura iusques a la transmigracion de Babylone qui contient iiii c iiiixx iiii ans selon les Hebrieux & selon les lxx interpreteurs contient quatre cens iiiixx v ans. Du cinquiesme eage.La cinquiesme aage commenca a la transmigracion de Babilone alors que la cite de Hierusalem fut destruicte & le temple brusle & dura iusques a lan de grâce que nostre Sauueur Jefus naquit, qui font v c iiiixx x ans. Et lors commenca le Le commencement de la vie eage.vie eage qui durera iusques au iour du grant iugement. ”