Hélinand de Froidmont

“ Por ce est fox qui seur s'ame acroit, Qu'ele n'a gaige qu'el emploit, Puis qu'ele vient nue à l'estor.
XXII.
Mors, moult as bien assis le monde, De totes pars à la réonde Tu lieves seur toz ta baniere ; Tu ne trouves qui te reponde Ne par force ne par faconde, Tant par as espoentant chiere.
Tu nos assaus en tel maniere , De près getes à la perriere, De loing menaches à la fonde : Tu tornes chou devant derriere, Car premeraine fais le biere C'on atendoit tierce ou seconde.
Malherbe a dit :
Le pauvre en sa cabane , où le chaume le couvre , Est sujet à ses lois ”

“ Mors, je t'envoi à mes amis, Ne mie conme à anemis, Ne conme à gent que je point hace ; Ains proi Dieu qui el cuer m'a m is Que ce lor soille k'ai pramis, Qu'il lor doinst longe vie, et grace De bien vivre tot lor espace; Mais tu qui joes à la cache De chiaus où Dex paor n'a mis, Moult fais grans biens par ta manache : Car ta péors purge et saache L'ame aussi con par un tamis. ”

“ Mors est le rois qui tout atrape, Mors est le mains qui tot agrape, Tout li remaint quanq'ele aert; Mors fait à tous d'ysembrun cape, Et de la pure terre nape, Mors à trestoz égaument sert, Mors toz secrés mostre en apert, Mors fait de franc home cuivert, Mors acuivertist Roi et Pape, Mors rent cascun ce qu'il desert, Mors jent au povre quanqu'il pert, Et toit au riche quanqu'il hape. ”

“ Mors, qui est véue et escrite En le vielle face despite, Se repont bien en jovenciax, Et plus entor chiaux se delite Qui par fierté li dient, fui-te ; C'est en ces cointes damoisiax Qui vont as kiens et as oisiax, Qui font homaige as bons morsiax, Qui plus ardent que lesche-fruite : Et tu lor joes des coutiaux, Et lor afubles tex mantiaux Ke de plain midi lor anuitc. ”

“ Cil qui o Dieu ira, moult se doit pou prisier, Por son petit servise le fera si paier.
De chascun fera roi plus riche que Lohier, Il lor donra chastiaus sanz chauz et sanz mortier, Jà lor très grant richesce ne porra abaissier, Quar ce est paradis où sont li aumosnier. ”

“ Mors,' en cui miréoir se mire L'ame quant des cors se deschire-, Et bien voit en son livre escrit Qu'il nos covient por Dieu eslire Cele vie qui est le pire Selonc le corporel délit; Di mes amis que tout eslit Ont fait en Paradis lor lit Por souffrir dolor et martire : Or facent dont ce qu'il m'ont dit, Car ame qui Dieu ment s'ocit, Et moult a entre faire et dire.
XII.
Mors, qui deffens à estoier L'avoir que cil doit emploier Ainçois qu'il oie tes assaus, As prinches te vuel envoier Ki trop suelent chiaus gerroier
Ki sueffrent les frois et les caus. ”

“ Prendons chi le bien qui nos vient, Après que puet valoir si vaille : Mors est le fin de le bataille, Ame et cors à nient devient.
XXXIV.
Piecha que ceste error conmenche De cele seculer sentence Dont fu la vies phylosophie, Nascui ceste pesme science Ki toit à Dieu se providence, Ki dist qu'autres siècles n'iert mie ; Selonc che a la meillor partie Chil qui s'abandone à folie, Que cil qui garde continence : Car certes s'il n'est autre vie, Entre ame à home et ame à truie N'a donques point de différence. ”

“ Se Dex ne rent repos por laste A celui qui n'a pain ne paste, Ou qui por lui s'est essilliés En l'ordure où li cors se gaste Por faire s'ame sobre et caste, Fox est cil et moult engigniés, Quant por Dieu s'est si avilliés, Ke en blanc ordre est kevilliés, Quant d'aler à Dieu ne se haste. ”

“ Mors fait à cascun se droiture, Mors fait cascun droite mesure, Mors poise toz à juste pois, Mors venge cascuns de s'injurc, Mors met orguel à porreture, Mors fait falir la guerre as Rois, Mors fait garder decrès et lois, Mors fait laissier usure et crois, Mors fait de souef vie dure, Mors as porées et as pois Done savor de bon craspois En encloistre où on crient luxure. ”

“ Mors, en sainte ame et en eslite, Kel char qu'el ait, maigre ou porfite, N'as de poesté fors moult poi : Lues qu'el est hors le claime quite, Por ce est saiges qui s'aquite Endementiers qu'il a de quoi ; , Car en ame qui est sans foi, Qui laist son cors vivre sans loi, Mors permanablement habite. ”

“ Dont fu bien sains Laurens truilliés Ki fut rostis et graeilliés, Et fist por Dieu de son cors haste.
XXXVIII.
Bien nous ont monstre tuit li saint Qui tant furent por Dieu destraint, Ke ce que Dex dist n'est pas fable, Ne ce n'est contrueve ne faint Chou que sainte Escripture paint De mort, de vie parmanable.
Bien ont doné tesmoing créable Ke li torment sont pardurable Où cil seront cui le char vaint :
Or sont assis à haute table Prince del ciel et conestable ”

“ Mors, se rice home à ti pensassent, Jà lor ames là ne cachassent Où n'a mestier or ne argent ; Jà lor vix cors si n'aaisassent, Ne lor ongles si n'aguisassent Por escorchier les povres gens : Car en chiaus fiches-tu tes dens Plus en parfont et plus dedens Ki deseur le povre gent passent Ke Dex abandone à tous vens, Ki de lassus tence as dolens, La fain d'avarice trespassent. ”

“ Mors, douce as bons, as max amere, A l'un ies large, à l'autre avere, Les uns cache, les autres fuit; Tex ne la crient qui la compere, Et prent le fil devant le pere, Et kieult le fleur devant le fruit, Et le cors boute ains qu'il s'apuit, Et toit l'ame ains qu'ele s'aquit, Et fiert anchois qu'ele s'apere ; Mors, vait conme lerres par nuit, Et l'en-dormi en son déduit Semont tost avant de li rere. ”

“ Mors, prové ai, de rien n'en dout, C'autant ne vaille peu con mout, De tote rien qui muert et seche Mors mostre ke noiens est tout, Et quanque glotrenie englout, Et quanque lecherie leche.
Mors fait que saige rien ne peche, Por ce que riens ne li conteche Où ele puit doner un bout. ”

“ Por ce n'est nus mieldres confors Que Dieu prier par bone amors En jouene cuer enracinée.
Kexque li cors soit blans ou sors, Mieus retrait adès cestui mors Dont l'ame est primes abevrée.
XXVII.
Ke vaut quanques Ii siecles fait?
Mors à une heure tot deffait, K'el ne goe mie à refaire; Ke vaut quanq'avarice a trait?
Mors en une heure tot fortrait, Qui ne pert nul giu par mestraire.
Mors fait les plus emparlés taire, Les plus joans plorer et braire ; Mors fait tos jors de bel tans lait, Mors fait valoir et sac et haire Autant con porpre et robe vaire ; Mors contre tos desraine au plait. ”

“ « En « ceux (les vers) que j'ay veus en la librairie cc de Sainct-Victor, il y a qu'un abbé de leur « maison en est l'autheur, qui est chose non cc véritable. »
J'ai cherché inutilement dans ce manuscrit ce qui avait pu donner à Loisel l'opinion que ces vers fussent d'un abbé de Saint-Victor. Il aura probablement questionné sur Thibaud de Marly, quelque religieux de cette abbaye, qui lui aura répondu qu'il en avait été abbé. ”

“ Mors, qui saisis les terres franches, Qui fais ta keus de gorges blances A ton raséoir afiler; Ki la soif à l'aver estances, Qui l'arbre plain de fruit esbrances Que li rices n'ait que filer; Qui te paines de lui guiler, Qui par lonc mal le fais piler, Qui li ostes du pont le plan ces : Di as enfans Dant Gilemer Ke tu fais l'aiguille enfiler Dont tu lor dois coudre les mances.
X.
Mors, di l'oncle, di le neveu C'or nous convient par petit treu Passer à moult petit d'avoir, Por ce ont li saige assés en peu; Mais li avers n'aura jà preu,
Car il ne set noient avoir. ”

“ Suen ierent li trésor, li argent, li denier, As riches se voldra tot avant acointier, Et as povres donra à boivre et à mengier, Les biens rovera fere por plus parengignier.
Par trestotes les terres iront si messagier, Qui diront que c'est Dex por plus monteplier Lor mal et lor dolor et lor grant encombricr.
As bons clers le feront par clergie cuidier, Et par lor covoitise s'i tendront chevalier, Et autres genz par force ne l'oseront lessier. ”

“ S'autres siecles n'est, donques viaus Ait ci li cors toz ses aviaus Et faiche quanque li delite ; Vive li hom conme porchiaus, Car tous pechiés est bons et biaus Se vertus n'a point de merite.
Dex ! que feront dont cil hermite Ki por Dieu ont lor char afflite Et béu tant d'amers jussiaus, S'après la mort est quite et quite ?
Trop ont le pior vie eslite Tuit cil del ordre de Cistiaux. ”

“ Les Vers mon seignor Tebaut de Malli. et dans un autre manuscrit : VEstoire li romans mon seignor Tiebaut de Mailli*. Dans les vers sur la Mort, l'arrangement des rimes est exactement le même dans toutes les stances ; mais dans cette pièce-ci on trouve des séries de trente, quarante, et même cent vers sur la même rime. Elle roule sur le mépris du siècle,
1 Le copiste a mal à propos ajouté un i après l'a, car dans l'histoire de la maison de Mailly, je n'ai trouvé personne du nom de Thibaud dans les XIIe et XIIIe siècles. ”

“ Hom n'est pas fait por vivre à gas.
XL III.
Dex , qui nos forma uns et uns, Ou il est or fel et enfruns Au povre, ou il est ses vengerres : Car ce voit bien as iaus cascuns Ke meillor de soi foule aucuns.
De Noiron qui tant fu pecicrres, Ki fut sor toz fel et lechierres, Fu penés me sire sains Pierres, Et plus eut deseur toz dehuns Cil sains, et quant il fu pcschicrres Et puis qu'il devint préeschierres Fu tous jors des meilleurs li uns.
XLIV.
Moult fu li tans à chiaus divers, A l'un estes , à l'autre y vers ; Cil fu blâmés, cil losangiés, Paradis fu l'un, l'autre enfers. ”

“ Mors, va à chiaus qui d'amors cantent, Et qui de vanité se vantent, Si les apren si à chanter Con font cil qui por clie t'encantent, Qui tot hors del siècle se plantent Que tu n'es puisses sozplanter. ”

“ Or ait cascuns merchi de soi, Car qui n'en prent hastiu conroi Ne puet falir à mort soubite.
XXVI.
Mors est soubite à droit nomée Quant le vie n'est ordenée Anchois que l'ame isse del cors; Et l'ame qui s'en est alée Miex li venist qu'aine ne fust née, Tant par troeve chier tans dehors. ”

“ LASTE : lassitude, fatigue; lassitudo.
LE : cet article masculin est mis souvent pour le féminin la.
LECHERIE : gourmandise, libertinage; luxuria.
LECHIERRE : débauché, libertin; luxuriosus.
LEGIER : facile, aisé; de legier : facilement.
LERRE : larron, voleur; latro.
LEU : loup ; lupus.
LEu, liu, : lieu ; locus.
LIÉMIER: limier, chien dressé pour la chasse.
LIEVER : lever.
Lius : heu.
LOÉIS, Lohier : Louis.
LOIER : salaire.
LONC : selon.
LONGE : longue ; longa.
LOSANCIÉ : loué, flatté; laudatus.
LOSENGIER : flatteur, trompeur par caresses.
LuÉs : aussitôt. ”

“ Ki sougis à Dieu ne volt estre : Or a le fu d'enfer à mestre; Mal est caufés qui tous est ars.
XL VII.
Se cil qui les gregnors biens ont En cest siecle, et les grans max font, S'en alassent si sans juise, Et passassent si quite au pont Con cil qui par mesaise i vont A l'eise que Dex a promise : Donc déist l'en en plaine eglise Qu'en Dieu n'éust point de justise ; Mais ce n'iert pas : anchois auront Li gros poisson à leur assise Ki or menguent le menuise Ne de nului jugié ne sont.XLVIII.
Tuit atendons conmunalment Primes mort, et puis jugement. ”

“ Mors, tu deffies et guerroies Chiaus qui de tailles et de proies Font les forfais et les outraiges ; Toz les tormens en chiaus emploies Ki d'autrui dolors font lor joies, Neporquant c'est mais li usaiges Par trestoz en nos segnoraiges : Icil tempeste, icil oraiges Cache lor ames maies voies ;
Certes ce n'est nus vasselages Faire son preu d'autrui damages, Et d'autrui cuir larges coroies.
XLI.
Mors, tu keurs là où orguel fume Por estaindre quanqu'il alume, Les ongles sans oster i fiches Et riche qui art et escume Seur le povre cui sanc il hume.
Ha ! rikece, por qoi nos triches ? ”