“ Le Soleil est toujours voirement la gloire de l'air : mais jamais plus, que lors qu'il a pour son domicile le Lyon. C'est pourquoy quelques uns dient que l'on peint ordinairement Hercule, qui est le Soleil, & la gloire de l'air, affublé d'une peau de Lyon, pour monstrer qu'il n'est jamais si puissant, & si fort, que quand il est au Signe du Lyon.
En l'autre face de la mesme tour se voyoit une femme, courant toute escheuelee , & d'un visage affreux, & halé, poursuivie par un furieux Lyon, bien que selon le dire de Pline, il s'attaque moins aux femmes, qu'aux hommes ”

“ Et comme la force du Soleil ne paroist jamais mieux que par les effects, l'experience nous fait veoir, que lors qu'il est audit Signe du Lyon, il abbat & consume d'une force particuliere les nuees, qui à guise de superbes Geants s'eslevent contre le Ciel, pour en offusquer la lumiere. De maniere que le quatriesme desseing est comme un Theatre dressé aux Trophees de fa Majesté, pour les faire paroistre en leur jour, non seulement à la France, mais encore à tout le reste de la terre habitable. ”

“ Aussi les Lyons, dient les Naturalistes, ne font jamais tant de parade de leurs forces, & ne se monstrent en aucune saison si furieux, & avoir tant de cognoissance de l'excellence de leur nature, que lors que le Soleil est au Signe qui porte leur nom : & cete grande & puissante Ville ne fait jamais plus puissamment parade de ses forces, & ne croit pouvoir arriver en l'apogee d'une plus grande gloire, que lors qu'elle se considere logee au milieu des plus tendres affections de son Roy, duquel seul, comme le Lyon du Soleil, elle prend sa force, sa vie, & le lustre
brillant de sa gloire. ”

“ Car pour dire vray, les saisons sont dorees, lors que ce flambeau de l'Univers, par la vertu de sa vivisiante chaleur, meurissant les bleds, couvre les campagnes de fin or, & engendre ce mesme metal dans le profond des entrailles de la terre : d'où vient que les Philosophes discourans sur ce sujet, l'appellent le fils & chef d'oeuvre du Soleil, qui ne peut neantmoins agir, & travailler à un ouurage si esloigné , que lors qu'il est en la plus grande force de fa chaleur, & qu'il est logé dans le domicile du Lyon. ”

“ Quand vous auriez toutes les richesses, qui sont encloses dans les entrailles de la terre, tous les thresors que l'Océan tient engloutis dans le creux de ses abysmes, & que vous seriez logé dans un Palais tout d'or & d'argent, aussi bien que le Roy Salances, vous reputeriez vostre condition miserable, si vous estiez avec tous ces biens condamné à vivre dans des perpétuelles tenebres. ”

“ Dans la mesme mer les uns se noyent, & perissent miserablement, & les autres en tirent des perles, du corail, & toutes les commoditez de leur vie : ainsi dans la mer tempestueuse de la rebellion, les esprits mutins & seditieux noyent leur conscience, perdent leur renommee,& le plus íouuent la vie, au lieu que de là le Prince débonnaire prend occasion d'estaler comme un beau Soleil, les rays de sa clemence, & s'acquérir par ses charitables effects de sa misericorde, les merites d'une gloire eternelle. ”

“ Expliqué par les vers suivans,
Jamais la sagesse ne dort, Le sommeil n'est pas assez fort Pour assoupir sa vigilance, On void toujours ses yeux ouverts, Pour considérer l'insolence, Qui se commet dans l'Univers. ”

“ Dans le premier estoit un Lyon, caressant un Prince, & leschant sa sueur, & au bas la sentence de Platon,
Il n'y a rien de si naturel, que de s'accoster de son semblable ; c'est pourquoy ce Lyon genereux, qui par un instinct naturel recognoist la valeur & magnanimité du Prince, le caresse, & luy fait feste. On peut encor dire, que cete Ville, le Lyon de la France, transportée de joye, de veoir magnifiquement triompher la force & valeur de son Roy, fait à Majesté le meilleur accueil qu'il luy est possible, taschant d'essuyer ses sueurs, & adoucir ses fatigues ”

“ Es tenebres sont toujours les fourrières de quelque mal-heur, comme la lumiere l'avantcourriere ordinaire du bon-heur : c'est pourquoy les Poeces appellent le Soleil quand il se leue, & desploye sa lumiere dans nostre hemisphere, favorable, ou de bon augure ; & lors qu'il panche a l'occident, & qu'il est sur le point de voiler sa face lumineuse,
ortant la joye du monde, & laissant les creatures plongees dans le dueil, & tristesse de la nuict, ils luy donnent le nom d'infortuné, & de mauvais augure. ”

“ Ce Lyon n'estoit pas le premier, qui avoit attaque cete pauvre insensee, prototype de l'impieté : car encor qu'il soit animé d'un sang grandement chaud, & bouillant, particulierement lors que le Soleil passe par le Signe du Lyon, ainsi que remarquent les historiens ; neantmoins il a le coeur si genereux, qu'il ne s'esmeut pour peu de chose, & faut que les abominations, & les sacrileges de cete furie l'eussent justement, & sainctement esmeu, Dieu en pareilles occasions se servant de semblables armes, pour se vanger de ses ennemis. ”

“ Soubs l'allegorie d'une belle Aurore tirant les rideaux de la
nuict, & faisant descouler la manne & le bon-heur des fruicts & des fleurs sur la France, & particulierement sur cete Ville, les Lyonnois se promettoient un thresor de felicité de leur Princesse. L'Aurore est feinte par quelques uns la chere partie du Soleil, auquel elle donne un air si parfaict, que vous n'y remarquerez autre distinction, fors qu'elle estalle une lumière plus foible & féminine. ”

“ Comme au contraire l'eclipse de ce flambeau de la Nature presage souvent la mort de ceux qui sont comme des Soleils dans les Royaumes, ainsi qu'il arriva en celle d'Auguste, de Romulus, & du vray Soleil de Justice, le Redempteur des hommes. ”

“ On raconte pour une merueille extraordinaire, que le Philosophe Socrate, espris de la beauté singuliere du Soleil, demeura un jour entier à le considerer, prenant plaisir à le veoir passer son ordinaire carriere d'Orient en Occident, sans jamais l'abandonner de veuë. Et combien dans Lyon y en a-il eu de milliers, qui depuis le matin jusques bien avant dans la nuict, n'ont esté repeus d'autre aliment, que ou de l'esperance de veoir leur Soleil François, ou de la joye qu'ils recevoient de sa douce presence ? ”

“ La gloire des lys François n'est pas semblable à celle des fleurs printanieres, qui espanouyssent le matin, & font flestries le soir, leur pureté ne redoute ny les ardeurs de l'esté, ny la rigueur de l'hyver ; que ce vieillard
edenté aille faucher ceux qui prennent naissance de la terre, pour ceux-cy ils ont esté envoyez du Ciel : mais bien d'une autre façon que les Poëtes ne s'imaginent, disans que le lait qui sortit de la bouche d'Hercules quand Junon l'alletta, coulant à terre, forma cete belle fleur. ”

“ Il faut qu'il soit un Soleil pour distribuer esgalement les rayons de ses faveurs ; mais il doit aussi avoir la force de ce planete, quand il est au Signe du Lyon, pour dissiper les nuees rebelles à la lumière de ses ordonnances, & consumer les broüillars qui s'opposent à l'esclat de son authorité. ”

“ L'excellente blancheur du lys, Roy des fleurs, esleuee au sommet d'une droitte, haute, & toujours verdoyante tige, est le vray portraict d'une ame Royalle, qui conserue en son entier le lustre de la pureté ; bien y a-il cete difference, que la hauteur de la tige du lys sert à conserver sa blancheur de toute soulieüre, & la qualité relevee de Souverain, si elle n'est accompagnee de la vertu, donne mille fois plus de facilité au mal, & de lumiere pour le faire cognoistre, qu'une mediocre fortune, d'autant, dit Seneque, qu'il est comme un Soleil, en veuë de tout le monde. ”

“ Et tout ainsi que le Soleil ne s'esgare jamais du chemin ordinaire prescrit à ses courses ; aussi la justice demeure toujours reserree dans l'eternelle orniere que le Ciel luy a marqué. Que si ce pere de lumiere communique ses rayons, & ses favorables influences, aussi bien sur les petits arbrisseaux, que sur les Cedres du Liban, la Justice n'a acception de personne en la distribution de ses faveurs, rendant à un chascun ce qui luy appartient. ”

“ Qui ne cognoist par l'experience journalière, la faveur & la necessité du Soleil dans la Nature ? Soubs luy la terre verdoye, soubs luy les eaux concoivent, soubs luy les oyseaux s'esgayent dans les airs, les poissons nouent dans les mers, les animaux vivent dans les champs ; en fin soubs luy tout germe, tout est alimenté, tout meurit. ”

“ Nous laissons à part ce que Caton dit de cest arbre, qui ne peut fructifier, s'il n'est exposé aux rayons du Soleil : nous ne disons rien aussi de la Royauté que luy donnoient les Sabins : nous passons de mesme soubs silence la longue duree de sa vie, en laquelle il esgale les chesnes, & les palmes, pour dire seulement, que l'on peut colliger de toutes ces belles parties, les qualitez essentiellement nécessaires à un courage vrayement Royal, bandé seulement à rompre les efforts, qui forcent & violentent la paix de son Royaume. ”

“ Si le Soleil est une boule de fer enflammée, selon Anaxagoras, le coeur selon Hippocrate est un feu d'une force & chaleur extreme ; & s'il est vray ce qu'ont voulu dire cer-rains Philosophes, que le Soleil attire les vapeurs de l'Ocean, & les distribue aux estoilles pour leur nourriture, la mer du petit monde, au jugement d'Hippocrate, est le ventricule, dans lequel se vont rendre le boire & le manger, comme dans un reservoir toujours ouvert, & prompt a donner, & recevoir, ne plus ne moins que la mer. ”

“ L'eau de mesme eschaussee de ses rayons, formille par une heureuse multiplication en toute sorte de poissons, & le Nil enflant ses ondes, couvre l'Egypte de ses eaux, & d'un limon si gras, & si fertile, que son heureux rapport passe pour prodige. Si bien que le Soleil en tel Signe, le bon-heur de la terre de l'eau, est un riche pourtraict de sa Majesté, premiere & unique source de la felicité de ses subjects, quelque part qu'ils habitent, soit és Isles & lieux maritimes, ou en terre ferme. ”

“ Les Egyptiens voulans representer cete puissance, peignoient le navire du Soleil traisné par un Crocodile, lequel est amphiuie, habitant avec autant de facilité au milieu des ondes, que sur la terre ferme. Et les Poëtes n'ont eu autre desseing, que d'esta-blir cete verité, lors qu'ils ont feint qu'Apollon estoit né au milieu d'une belle Isle, & quand ils se sont imaginé, que ce Prince de lumiere se reti-roit le soir dans l'Ocean, comme dans son Louvre, & Palais Royal, & en sortoit le matin pour esclairer le monde. ”

“ C'est un axiome tres-veritable en matiere de gouvernement, qu'il vaut mieux l'industrie de la sagesse, que la violence de la force ; un leste contour de gouuernail fait à propos, esquivera souventesfois le choc, & rencontre d'un rocher, qui eut paravanture froissé le vaisseau,& mis en danger ceux qui estoient dedans. Et c'est aquoy visoit l'embleme du premier compartiment, où estoit un grand Lyon, abaissant la teste jusques en terre, comme affaissée du poids d'un resplendissant Soleil, qu'elle soustenoit. ”

“ Representant la bonté de nostre Soleil, qui n'employe les rays de fa gloire, que pour illustrer son Empire. Cela s'appelle vivre, disoit l'ancien Menander, ne vivre pas feulement à soy mesme ; mais se souvenir de l'advertissement que donnoit le Philosophe Platon à Archytas, que l'homme n'est mis au monde pour son regard particulier, mais pour maintenir l'honneur de sa patrie, & secourir ceux qui luy sont escheus pour sub-jects, luy restant la moindre partie du loisir pour ses propres affaires. ”

“ Or est-il qu'en aucun temps de l'annee les jours ne paroissent si ferains, ny si richement dorez des rayons du Soleil, que lors qu'il est en son Lyon : aussi jamais nostre belle Aurore Françoise n'eut tant de sujet de s'espanoüir d'ayse , voyant son Soleil couronné d'honneur & de gloire dans son bien aymé Lyon , ayant esté si long temps desrobé à ses yeux par la triste nuict, & sombre noirceur de la guerre. ”

“ C'est pourquoy la boule de nostre Pyramide monstroit un Soleil à toutes les faces, pour signifier, que l'estat universel de la grande, & florissante Monarchie Françoise n'avoit pour principe qu'un Soleil François, auquel seul il aboutit, comme la ligne à son centre, & soubs la protection & faveur duquel elle respire un doux air de felicité. ”

“ Les Lieutenant & Enseigne y marchoient en leur rang, couverts de broderie & passement d'or, comme aussi faisoit le Sieur Cholet Capitaine Penon dudit quartier, portant un pourpoint de satin, un haut de chausse de velours, le tout canelé, & tellement chamarré de clinquant d'or & argent, qu'il n'y restoit point de vuide, un chappeau de Castor gris, avec le panache blanc, & le cordon d'or & argent, un haussecol doré d'or moulu, & une picque de Biscaye. ”