Gabriel Droyn

“ Mais de quels coings faut-il tirer le suc pour faire nostre gelee, sçauoir si c'est des malles ou des femelles. Ceux qui sont les plus ronds, les plus iaunes & les plus odorans, sont les meilleurs en tout & par tout. Ce sont vrayement ceux , que les anciens ont nommé pommes cydoniennes , comme venans de Cydon vile de Candie. ”

“ De mesme, les plus belles sciences ayant prins pied & racine en l'esprit de l'homme sage, produisent en leur temps de beaux tiges , des fleurs & des fruicts, pour conferuer & embellir la vie de l'homme. N'en desplaise à nos ancertres les Druydes, qui ne voulurent faire part au public de leurs escrits, se contétans de la viue voix, & d'enseigner de main en main. Ces bonnes gens pensoient peut estre, que les liures rendoient les hommes peu soigneux de retenir les sciences, quand ils se reposoient sur leurs escrits. ”

“ Dés le commencement si l'homme reco-gnoist que son naturel soit entierement porté à viure à soy mesme, sans faire monstre de ses actions en public, qu'il se contente de ceste vie, qui est la plus belle de toutes , sçauoir est de combatre ses passions au dedans , regler ses meurs , & se rendre vn modelle de vertu pour former les autres. Si l'esprit est assés ferme, pour supporter le tabut des affaires du monde, pour viure à la discretion du peuple , & dépendre de son iugement, & pour estre le iouet de fortune, qu'il suiu e la vie politique, & aspire aux grandes charges. ”

“ En ce mesme temps la racine d'orcanette, est pleine d'humeur rouge comme sang. Et que dirósnous du téps de la fleur des sebues , qui donne force & vigueur à toutes les ceruelles legeres. Tu me diras, le temps ne peut rien de soy , c'est trop presser son amy : vray est que le temps suit le mouuent des astres , qui donnent certaines qualitez plu-stost en vne saison, que non pas en d'autres. Et non seulement le temps, & la saison donnent de nouuelles qualitez, mais bien le lieu de la nais-sance, auquel le Ciel communique des vertus particulieres ,desquelles héritent par apres les plantes. ”

“ Voila en somme & conte final, les moyens que l'homme tient d'ordinaire pour se signaler, pour paroistre, & se retirer de la presse du commun: c'est d'acquerir quelque belle qualité, se rendre qualifié , & se maintenir auec toute asseurance en ses degrez d'honneur. Mais ie le dis à mon grand regret, ceste honneste ambition de venir au monde, se vend bien cherement ; si ce n'est à prix d'argent , c'est auec tant de peine, tant de soucy, tant de veilles & tant d'ennuits , que la meilleure & la plus douce partie de nostre vie se pert miserablement, en la quelle & poursuite de telles qualitez. ”

“ En somme ces Saturniens s'escrient, que telle fabrique ne peut estre comprinse par les sens , ny moins entrer en la pensee d'vn homme bien aduisé, comme estant contre toute euidence de raison. Ce n'est qu'vne fumee qui trouble les sens de ceux qui se laissent emporter à ceste vanité. Si ces gens-là disent vray ou non , ie m'en rapporte à tous les sous-fleurs, & leur demande vne pour toute, de voir de grace vn échantillon de ceste pierre, & s'ils ne m'en peuuent monstrer , ie leur conseille de boire à bon escient de mon syrop. ”

“ C'Est vn grand cas, que l'artifice ne sçauroit si bien imiter le naturel, que l'on ne reco-gnoisse ce qui est contrefait & sophistiqué. Ie veux que l'esprit subtil puisse tellement conce-uoir, ce qui est de la nature, & de l'interieur, que parapres il represente naisuement tous les gestes, & mouuemens naturels. Ie suis d'accord, que le peintre excellent donnera tellement les viues couleurs, que le pourtraict nous resiouyra plus que le naturel mesme. Ie diray plus que la voix du rossignol contrefaite par artifice rauist plus nos sens que le chant mesme de l'oiseau. ”

“ La peinture, & la sculpture, & les autres arsde moindre estoffe, ne s'escartent point de leur premier dessein. Mais nos bigneurs qui ont l'esprit vigoureux ? & transcendant ne peuuent borner ny assubictir leurs haultes pen-sees , ains se nourrisent tousiours de quelque haute esperance, en choysissant de iour à autre la condition de vie qu'ils iugent la meilleure, & la plus heureuse, qui est en somme d'auoir du bien, de l'honneur, & du plaisir, tellement qu'ils rompent le dés, & prennent nouuelle chance, quand la premiere ne leur vient pas a gré. ”

“ Mais quand il se vit proche de sa fin, & sur le depart de ceste vie. Ce sur lors qu'il parla franchement à son amy Phedon, & sans aucune dissimulation, de l'immortalité de l'ame. Ce qui donne de la melancholie à nos rieurs, est, que la verité fille du temps, fait voir auiour leur vanité & piperie : tellemet qu'il faut inuenter nouuelles ruses pour couurir le ieu, & la pitié quand il faut repliquer d'vn esprit vif, & present, contre ceux qui descouurent le pot aux roses. Tout le remede c'est de boire du syrop , afin d'arrester ce Mercure, qui se transforme ent tant de façons. ”

“ Mais l'odeur des plantes & des fleurs sauuages est forte & aspre , au lieu que celle des plantes cultiuees, est douce & agreable : partant monstre vne bonne temperature. Ce n'est donc pas à dire , que les pommes sauuages, pour estre plus seiches , soient de meilleure odeur. Le musc , & la canelle , auec leur ficcité, ont vne bonne & douce odeur. Mais Cela n'aduient pas tousiours. Par ainsi prenez le suc des pommes priuees , qui est de meilleur odeur , & mieux digeré. Car la
terre sauuage, ne luy peut fournir cette matiere tenuë & subtile, que nous demandons en nostre syrop. ”

“ Donnez moy doncques quelques vnes de ces belles ames, pures & nettes de toute passion , qui me puisse au vray representer ces songes, & ie luy diray l'in-terpretation. Que s'il ne s'en trouue aucune, n'est-ce pas vue pure folie , que d'entreprendre vne chose vaine. Toutefois si quelqu'vn se veut deliurer des passions, afin de bien songer , qu'il ieusne quelque temps , qu'il quitte ses plaisirs, & qu'il beuue à bon escient de nostre syrop, puis il en racontera aux autres comme ie fais. ”

“ Aux regions chaudes les hómes sont plus auisés, & plus retenus en leurs actiós. Ainsi nostre Hippocrate escript que ceux d'Asie, qui viuent en vn air sort temperé, sont de riche taille, doux & gracieux, & ceux qui viuent en l'Europe beaucoup moindres, mais plus courageux, & moins esseminés. Et entre ceux de l'Europe, les Allemás sont les plus gráds, au reste francs & ouuers. Les Italiens sont plus couuers, & retenus en leurs actiós, les Espagnols dit Tite Liue, font altiers, & gráds remueurs. ”

“ Et ceux qui sont nommez les biens de l'ame :cóme la vertu & les parties d'icelle : sçauoir prudence, iusti-ce, & temperance. Ains pour rendre le bon-heur accomply, faut qu'il soit enrichy de perfections corporelles, telles que la santé, la beauté, la force la riche-taille, la façon belle & pleine de maiesté. En quoy ie peux dire auec verité , que la beauté est le seul parangon de toutes les perfections du corps, & si ie n'en veux excepter la sáté, que plu-sieurs estiment le tresor de la vie : car la beauté est le compliment de santé. Ainsi personne ne peut estre. ”

“ En somme la vie qui n'a point de dessein asseuré , faict paroistre vne insigne folie, & qui merite en tout temps, & en toute saison d'estre fournie de l'antidote de melan-cholie. Pour regime ie ne veux dire a telles gens sinon ce que respondist Numa, a ceux qui luy presenterent le diademe Royal des Romains, que le changement de vie est dangereux , & que l'homme, lequel sans necessité, & sans estre pres-sé de la fortune y veut de gaieté de coeur, changer sa condition pour en fuyure vn autre , il faict folie, laissant le certain, pour courir à l'incertain. ”

“ Et que se-roit-ce, si on ne vouloir aucunefois plier aux vo-lontez du peuple, & que l'on voulut emporter tout de haute lutte, le miel quelque doux qu'il soit, est douloureux sur les playes : & la parole de l'homme sage doit estre temperee en sens & raison, comme disoit le Philosophe Zenon. Mais nos sages du temps , ont bien vn autre dessein, qui est de rallier le monde & la sagesse ; choses contraires de tout leur diamettre. Et Dieu sçait comme leur phantaisie est agitee de diuers mou-uemens. ”

“ Nostre siecle est heureux en ces rares esprits. Et de faict, c'est l'estude pour le iour-d'huy des beaux naturels : car toutes les autres estudes n'apportent aucun honneur ny profit : ce n'est qu'vn plaisir passager , & vne loüange de peu de duree sans fruict. Ceste science dit Platon , est assise en la poupe, & preside au gouuer-nement des estats, comme maistresse de nos mai-sons. Faict hommes riches, sages, libres & heureux. Ce n'est doncques de merueilles si la ieunesse d'esprit prompt, d'heureuse memoire & de iugement exquis, s'adonne à ceste science des loix. ”

“ Cecy se voit en l'argent & en l'estain qui se ternissent par ces eauës-là : aussi peu de gens s'en seruent pour le iour-d'huy, comme le temps faict deuenir vn chacun sage. Ie voudrois encores sçauoir de grâce, s'il est vray, que tous les metaux excepté le cuiure & le fer, donnent vn mauuais goust : ie ne le croy pas, estant fondé sur l'authorité de l'Aristote, qui nous enseigne que l'odeur & la saueur, viennent d'vne iuste proportion de l'humide auec le sec. Tellement que l'eau simple & les pierres, n'ont ny odeur ny saueur : par ce que l'humide domine entierement en l'vn, & le sec en l'autre. ”

“ Moins encores faut il croire, que les sour-ces viennent aux lieux, où les forests ont esté couppees , & qu'elles s'entretiennent de l'humeur qui seruoit auparauant de nourriture aux arbres. Ie laisse librement toutes ces opinions, les vnes comme trop esloignees de nos sens, les autres estans du tout hors de raison. Disons auec ce grand Genie de nature, que toutes les sources , tant les chaudes comme les froides, sont saictes par les vapeurs retenues soubs terre, & conuerties en liqueurs. ”

“ Il est bien vray, que les nons que l'on donne aux enfans, dependent plustost d'vne pure, & libre volonté des peres & des parrains, & du iour dedié a quelques que non pas d'vne necessité, ou inclination du Ciel, puis les Philosophes dient, que le nom est vn accidét qui de soy n'a ny force ny vertu. On pourroit dire le mesme du lieu de la naissanee, lequel reçoit du Ciel des proprietés particulieres, lesquelles se communiquét par apres aux choses qui naissent en ces lieux là. Ie confesse bien que la puissan-cedu Ciel , donne des inclinations particulie-
res , dont l'homme ne peut rendre raison. ”

“ Si tát est que la beauté, selon les sages, sont vne iuste proportion & symmetrie des parties , auec leur tout, en laquelle se voit vn beau compartiment, & vne mesure reglee, qui resiouïst non seulemét l'oeil, ains encores l'entendement, pour le seruice duquel l'oeil a esté saict ; parce que l'oeil aspire à la beauté pour contenter l'esprit, lequel desire la iouïssance de ce beau, cóme d'vn souuerain bien, iecté sur le moule de ceste parfaicte beauté, qui peut de soy mesme à iamais contenter nos desirs. ”

“ Le Philosophe Epictete estoit estropié, & neantmoins chery des dieux, comme il se vantoit. Ie dis doneques que ces beaux presens du ciel & de la nature, doiuent estre guidez par la sagesse. Autrement ce n'est que pure vanité.
Aux beaux Fils.
C'Est bien la verité, que pour rendre l'homme heureux, content & recommandable en belles parties & qualitez , faut qu'il aye en soy & hors de soy toute sorte de bien. Ie dis non seulement ceux que l'on attribuë à la bonne fortune
Cóme la noblesse, la richesse, les amys, les moyés, quantité d'enfans bien néz & vn bel aage. ”

“ A quoy ie dis que le verjus des raisins auant qu'ils soient meurs, ne sert que pour resueiller l'appetit des friands: mais ce beau raisin blanc bien nourry , qui ne vient iamais à la douceur des autres, sert à consire & à faire nostre verjus medicinal. Vray est que selon mon aduis , on peut prendre des lam-brusches, non pas vn raisin sauuage noir, duquel se faict, en Dioscoride, le vin de lambrusche: car cestuy-cy est noir & grossier, qui sont qualitez contraires à nostre dessein : mais de ce raisin duquel se prend ornanthé , qui ne vient iamais à maturité. ”

“ Il est vray que ces sour-cilleux Philosophes, qui sont semblant de dedaigner ce qu'ils ne peuuent atteindre, dient que la souueraine felicité de l'hóme, cest d'estre sage, & que pour paruenir à la sagesse, ce beau tissu posé deuát le visaige, ne sert de rien, ains faut auoir vn bel esprit, vif, & própt, pour inuenter les moyens de bien viure, le parler clair & net, pour communiquer auec les hommes, & la main à dextre, pour effctuer les cómandemens de la raison. ”

“ Qui dira que telle splendeur se puisse maintenir, sás vne grádeur de courage & d'esprit.
Ce n'est doncques sans raison que les splendides sont nommees le sucre, la douceur, & la ioye du peuple. Mais chascun ne peut atteindre à ceste supreme grandeur, la pluspart abayent à la lune sans la mordre. ”

“ Il n'est pas icy question de se fonder en argu-mens de Philosophes : comme de remonstrer, que la verité estant plongee au profond du puits de Democrite, n'est pas aysee à trouuer. Que la science de l'homme aux affaires du monde, est fort douteuse. Que toute nostre cognoissance s'acquiert par le moyen des sens, qui ne peuuent representer à l'imagination la verité des choses, sinon par vmbrages . Que les Orpheures sont trompez souuent à la premiere touche de l'or, En somme que la verité se peut desguiser par vne infinité d'artifices. ”

“ Mais l'estude dóne tant de peine, de soucy & de difficulté, que les cer-uelles les mieux timbrees en sont esbranlees, & les foibles se renuer sent de fond encyme. Mes-mes en ce temps où il faut apprendre les langues estrangeres, mot par mot, comme les perroquets auant que de rien sçauoir: c'est à dire, auát que de pouuoir discerner les vrayes opinions par raison & iugement : ou bien auant que d'a-uoir la cognoissance des choses eternelles : c'est la vraye science qui peut vnir la raison auec l'en-tendement, & l'entendement auec la diuinité. ”

“ Or fus que telles gens boiuent de mon syrop à longs traicts, & si i'en veux reseruer à ceux qui sont le miel & la douceur du peuple, car leur splendeur & grandeur estant subiecte au reuers de fortune, ne se peut si bien maintenir qu'il ne furuienne quelque tristesse comme chascun sçait,que ioye, espe-rance, tristesse, & crainte ont les cheueux enlacés tellement les vns parmy les autres, qu'elles s'entrefuiuent d'ordinaire. Le soleil ne darde pas toujours, & en tout temps ses rayons ardens, ce seroit pour tout griller, & dissiper nostre chaleur. ”