Charles Frederick Ward

“ Se tu dis que ce n’est mie la coustume, si as doubté d’en
estre repris, que te chault de celle coustume? Veulz tu viure
a oppinion de gent, suis la bonne doctrine, si monstre aux
aultres qu’ilz doiuent faire, car toutes choses se commencent
une fois. Et se on t’en blasme au premier, tu en seras aprés
285loué, quant on verra la coustume bonne et belle. Ha! par
dieu! par dieu! aultrement va: tu ne le peux nier que honte
ne t’en garde. Et ou est la raison maistre Jehan de Meun?
Elle a pou de poissance quant honte le desconfist. Benoite
soit telle honte, qui desconfist tel raison. ”

“ Quel difference mettras tu entre
trayson et deceuance? Je n’y en sçay point, mais que l’un
sonne pis que l’autre. Et se tu dis doncques s’en vault il
mieulz aidier sus un aultre, que un aultre s’en aidast sur soy,
je te dis derechief que non fait. Car selon la iustice de dieu,
425cellui est plus punis qui iniure aultrui, que cellui qui est
iniuriez. Et disons encore mesmement en cas d’amours, pour
ce que la raison maistre Jehan de Meun dit que mieulx vault
etc. Vrayement j’en diray mon oppinion et m’en tiengne
a fole qui vouldra tant. He! deceuance! ”

“ We observe in this connection the glowing tributes of contemporary and succeeding writers, the numerous manuscripts, which compensate for the art of printing not then invented, the translations into English, Dutch, Italian, and other languages. Even the numerous paintings and tapestries of scenes from the romance point to its great popularity. ”

“ Si me merueil moult de toy
qui veulz autrui corigier du mesmes deffault, en quoy tu de
commun cours enchiez; et soustiens ou il te plaist, ce que
veulx confondre pour un aultre. Il est bon assauoir que
305quant le vaillant preudomme parla de Fol Amoureux, il supposa
que ycellui fust soubstrait de toute science; quant au
cas de fole amour, suppose que grant science fust en lui; et
quant il dit un grant clerc theologien, il suppose que la passion
de fole amour n’y soit point, car il conuient que son soubtil
310entendement qui point ne erre l’entendist ainsi ou plus soubtilment. ”

“ Car ce ne pouroie faire veritablement et de bonnes choses y a et bien dictes, et de tant est plus grant peril comme le bien y est plus autentiquement dit. Car mieulx autressy est ajoustees foy au mal. Et par ce ont mains soubtilz aucune fois fammes de grans erreurs parlés entrammesler auec grans vertus, verités et choses belles et bien dictes, ainsy comme dit le personnaige qu’il appelle Genius la ou il moult ennorte que l’an eschieue la malice et la male beste, famme, comme du froit serpant mucié soubz l’erbe vert. ”

“ France ne donroit pas occasion de tenser sa famme ou au
mains la ferir. Si ne fault ja dire que maistre Jehan de
600Meung ne mist pas tant seulement en son liure l’Art d’Amours [p. 71]
que Ouide fist, mais de biaucop d’autres aucteurs, car, de tant
comme il recite diuerses manieres d’assaillir, de tant aduise il
plus les garder du chastel pour eulx en deffendre, et a celle
fin le fist il. En verité, je cognois homme fol amoureux
605lequel pour soy oster de fole amour a emprunté de moy le
Rommant de la Rose, et luy ay oy jurer par sa foy que c’est la
chose qui plus li a aidié a s’en oster. ”

“ Et ne vault riens de dire que,
ja soit ce qu’il ne soit fol amoureux, si entent il par auenture
mieulx que tel [qui] l’est ou a esté—ce puet estre. Mais j’ose
bien dire que c’il meismes l’eust esté et ne le fust aparent il
entendist mieux la moitié, qu’il ne fait. Car trop plus a [p. 59]
120experience de ne say quelle puissance que n’a meismes l’effait
de viue voix. Toutevoies la verité et le bon droit sont telz
et si clers pour celluy qu’il appelle fol amoureux, qu’il ne me
greuera riens respondre aux particulieres raisons que propose
dame Eloquance theologienne, comme on li met seure. ”

“ Et par ce semble que
maintenir vueille le pechié de luxure estre nul, ains vertu, qui
est erreur et contre la loy de Dieu. Ha! quel semence et
quel doctrine! quans grans biens en peuent ensuiuir! Je croy
que mains en ont laissié le monde, et entrés en religion, ou
155deuenus hermites pour celle saincte lecture, [fol. 90 b] ou retrais
de male vie et esté sauuez de tel enortement, qui sans
faille oncques ne vint, dire l’ose a qui qu’il desplaise, fors
de courage corrompu et abandonné a dissolucion et vice,
qui peut estre cause de grant inconuenient et pechié. ”

“ VEES CI, VEES CI les parolles que dit Raison:
“Biaux amis, je puis bien nommer,
Sans moy faire mal renommer,
Appertement par propre nom [p. 62]
Chose qui n’est ce bonne non
Voire du mal seürement
Puis je bien parler proprement” [63]
etc. Il ne dit pas c’on en doye parler. Il dit qu’on en puet
parler; ce n’est pas tout ung deuoir et pouoir. Je confesse
245que querir occasion de parler de l’euure de nature, en laquelle
se fait la polucion qu’aucuns tant abhominent, et se soubtiuer
a en parler diuersement pour le plaisir c’on y auroit, trop ce
seroit mal fait. ”

“ Mais
au contraire (sauue vostre grace) je dis que c’est exortacion
de vice, confortant vie dissolue, doctrine pleine de deceuance,
320voye de dampnacion, diffameur publique, cause de souspeçon
et mescreandise, honte de pluseurs personnes, et puet estre
d’erreur. Mais ie sçay bien que sur ce en l’excusant vous me
respondrez que le bien y est enorté pour le faire et le mal
pour l’eschiuer. Si vous puis souldre par meilleur raison que
325nature humaine, qui de soy est encline a mal, n’a nul besoing
que on lui ramentoiue le pié dont elle cloche pour plus droit
aler. ”

“ Et ne croiez, cher sire, ne aucun autre n’ait oppinion que
je die ne mette en ordre ces dictes deffenses par excusacion
fauourable pour ce que femme suis. Car veritablement
mon motif n’est simplement fors soustenir pure verité, si
250comme je la sçay de certaine science estre au contraire des
dictes choses de moy niees. Et de tant comme voirement
suis femme, plus puis tesmoingnier en ceste partie que cellui
qui n’en a l’experience, ains parle par deuinailles et d’auenture.
Mais apres toutes ces choses, par amour soit consideré quel
255est la fin du dit traictié ”

“ Et
aussi n’est ce mie ton oppinion, se dieux m’aïst, quoy que tu
910dies. Et encore pour ce que tant t’efforces de excuser Meun,
et veulx gloser que ce vouloit il [fol. 102 a] entendre que on
peust excerciter la dicte oeuure licitement au moins en mariage,
vient trop mal a propos que en cel estat on doie tant excerciter
l’euure et si diligentment; et il tant et si excessiuement
915blasme la vie que il dist estre en mariage quant il dist, que tant
y a de contencion que il n’est nul tant y eust grant voulonté
qui ne s’en deust tirer arriere qui le croiroit. ”

“ La
condicion du deceueur est menteur periure, faulz semblant,
flateur, traittre, fallacieux, malicieux, agaitant, couuert, et
aultres maulz infinis; et la fin qui lui en demeure quant plus
480n’en puet, moqueur mesdisant, enuieux et souspeçonneux—
telz en sont les titres. Mais pour ce que ie ay parlé de ceulz
qui aiment honnourablement, je [fol. 98 a] puis dire ainsi
comme tu dis de cellui, qui composa la plaidoirie dessusdicte,
qu’il ne senti oncques que fu fol amoreux. Aussi croy ie que
485maistre Jehan de Meun ne senti oncques que fu honnourable
amoureux. ”

“ Mais pour ce que tu
180l’excuses et dis que ainsi se peuent appeler et selon loy et pour
monstrer la folie au Fol Amoreux, sans faille tu dis autrement
que tu ne penses (sauue ta grace) ; car tu sces bien que oncques
ne le dist en entencion que la chose peust estre appellee
saincte, mais le dist par une maniere d’une derrision plus
185aluchant, et plus grant atisement aux luxurieux. Au moins
quelque entencion qu’il eust, sçay ie bien qu’il sonne mal a
ceux qui ne se deliçtent en telle charnalité. ”

“ Pour ce selon mon
90foible auis en doit estre parlé sobrement, et non sans necessité
pour fin d’aucun cas particulier comme de maladie ou aultre
honnesteté necessaire. Et si comme naturelment les mucierent
noz premiers parens, deuons faire en fait et en parole.
Et encore ne me puis taire de ce dont trop sui mal content,
95que l’office de Raison, laquelle il mesmes dit fille de Dieu,
doie mettre auant telle parole et par maniere de prouerbe,
comme ie ay nottee en ycellui chapittre la ou elle dit a l’Amant
que en la guerre amoureuse vault mieulz deceuoir que deceu
estre. ”

“ Mais tu me feroies ycy pluseurs responses, et
diras que maistre Jehan de Meun entendoit de ceulz qui en
sont oultreement foulz. Je te respons que de toutes choses
mesmement qui sont bonnes puet on mal user. Mais puis
qu’il vouloit descripre entierement amours, il ne la deust
465mettre si extreme a une seule fin, voire fin si deshonnestement [p. 95]
touchiee. Tu me diras que ie parle contre dame Eloquence
qui parle de Fol Amoureux dont Meun parle, et ie te di que a
estre bien amoureux n’est point necessaires estre fol, ne que
on en perde sens, temps, etc. ”

“ Comme ie ne soye mie seule en la tres bonne, vraye, iuste
110et raisonnable oppinion contre la compilacion du dit Rommant
de la Rose pour les tresreprouuees exortacions qui y sont, non
obstant tel bien que il y peut auoir, soit vraye chose que entre
les autres bonnes personnes concordans a ma ditte oppinion
auint . . . . Apres que ie os escript mon epistre, lequel tu
115dis que as veu, vint en voulenté pour l’acroissement de vertu
et le destruisement de vice, de quoy le dit de la Rose puet auoir [p. 86]
empoisonné pluseurs cuers humains.... ”

“ Mais sans faille quelsque
adicions mençongeuses qu’il ait adioustees, ne peuent (Dieux
125mercis) en riens amenrir ne rendre empirees les condicions des
femmes. Ha! Hay! et quant il me souuient des faintises,
Faulz Semblans, et choses dissimulees en mariage et autre
estat que l’en peut retenir d’ycellui traictié—certes je juge
que moult sont beaulx et proffitables recors a ouir! [fol. 90 a] .
130Mais le personnage qu’il appelle le prestre Genius dit
merueilles! Sans doubte les œuures de nature fussent ja pieça
du tout faillies, se il tant ne les eust recommandees. ”

“ Augustin dist: “Qui est sans femme espousee, il pense aux
925choses de dieu pour lui plaire, mais cellui qui y est ioint par
mariage pensse les choses qui sont du monde pour plaire a sa
femme,” dont tu dis aprés que ce as tu dit pour ceulx qui [p. 107]
veullent reprendre par leur langage sans raison aucteur,
quelqu’il soit notable et non repris par auant. Si as tresbien
930prouué que maistre Jehan de Meun, quant il tant parloit de
excerciter l’oeuure de nature, que il l’entendoit en mariage. ”

“ Romains tresenorme l’ [e] xilla sans raison pour celle cause,
725comme tu [fol. 100 b] dis. Sans faille il me semble, se te
fussez bien auisé, n’amennasses ja cellui Ouide de l’Art
d’Amours en place pour excusacion de ton maistre. Mais de
tant le peux tu bien faire, que c’est le pur fondement et principe
de ce liure de la Rose, lequel est mirouer et exemple de
730bien et chastement viure, ainsi comme il l’a pris ou dit Ouide
qui d’aultre chose ne parle fors de chasteté. Ha dieux! comme
il appert que ta pure voulenté aveugle ton bon sens, quant tu
dis que sans cause fu exillé! ”

“ Aucuns
docteurs meismes dient que Salemon fist les cantiques pour
l’amour de la fille Pharaon, si fust il tenu le plus sage qui fust
deuant luy ne de son tamps. Brief, on y ameneroit plus de
mil exemples de gens qui furent clers et folz amoureux. Car
300il s’antresueffrent auxi bien ensemble qu’estre clerc et cheualereux
comme furent Pompee, Julius Cesar, Cipion, Tulle et
autres. Mais je croy pour ce que cil qui telle plaidoierie a
compilee est clerc, philozophe, et theologien sans estre fol
amoureux, qu’i [l] cuide qu’ausy soit il des autres. ”

“ Adonc pour pugnicion voire plus piteuse
que souffisante exillerent l’aucteur de telle doctrine. Et n’est
pas doubte que son liure ardirent, ou le porent trouuer. Mais
de male plante demeure toudis racine. Ha! liure mal nommé
Art d’Amours; car d’amours n’est il mie, mais art de fausse,
760malicieuse industrie de decepuoir femmes puet il bien estre
appellez. C’est belle doctrine! Est ce donc tout gaigné
que de bien decepuoir ces femmes? Qui sont femmes? ”

“ La cause si est pour ce
que la fin pourquoy i’en parleroie ne seroit pas deshonneste, et
75neantmoins se ie les nommoye par leur propre nom, et fust
ores a cause bonne, si parleroie ie deshonnestement, car la [p. 85]
premiere entencion de la chose a ia fait le nom deshonneste,
dont s’ensuit vraye [fol. 94 a] ma premiere proposicion, que la
chose fait le nom deshonneste et non mie le nom la chose. Et
80a la question que tu me fais, se ie parloie des secrez membres
d’un petit enfant lequel est innocent, se ie les oseroie bien
nommer pour ce que il est sans polucion de pechié. ”

“ Car d’auenture auint le commencement et non mie de volenté
proposee, quelque oppinion que g’y eusse, ainsi comme tu le
pueux veoir en un petit traictié, ou ie deuisay le premier [p. 111]
motif et le derrenier terme de nostre debat. Et trop me seroit
1080grief estre subgiette a tel seruitude que n’osasse respondre
a autrui verité selon ma conscience de la chose, qui ne puet
tourner a preiudice, ains puet auiser plus sage de plus auant
penser que il n’a consideré par long temps, car comme dit un
commun prouerbe, a la fois auise un fol un sage. ”

“ Or resgardés quel prometeur que de Conscience,
qui laisse dormir une cause l’espace de cent ans;—par le corps
dieu! on ne fait point d’onneur a toute celle court sainte de
Crestienté de li mettre asseure telle negligence, et en especial
a dame Eloquance theologienne, qui propose mal son fait
795principal, et emprant mauuaise querelle en la faisant maintenir
et parler par la maniere que les maistres de rethorique
ont baillié en leurs liures, ce qui n’apartient a dame Eloquance
theologienne, comme dit Saint Augustin ou quart de doctrine
crestienne. ”

“ Cellui est souuerainement
jaloux, et quant sa passion le tient plus aigrement, il va
querre son liure et lit deuant sa femme, et puis fiert et frappe
795sus et dit orde telle comme quelle. Il dit: “Voir que tu me
fais tel tour, ce bon sage homme maistre Jehan de Meun
sauoit bien que femmes sauoient faire.” Et a chascun mot
qu’il treuue a son propos il fiert un cop ou .ii. du pié ou de la
paume. Si m’est auis que quiconques s’en loue, celle poure
800femme le compare chier.
Il m’anuye moult si grant prolixité de langage. Car
comme anuy est a moy mesmes, suppose que pourra estre aux
lisans. ”

“ Aussy, se maistre Jehan de Meung
dit que naturel appetit n’est pas a religion mais au contraire,
ne vuelt il pas par ce blasmer religion et louer son contraire?
MAIS TU ME DIRAS a cecy, que je recite les bonnes paroles
550et non les mauuaises, lesquelles esmeuent a lubricité et
ensaingnent a prendre le chastel Jalousie. Et dame Eloquance
dit qu’il veult bouter hors de chasteté [99] toutes fammes. Je
respons et te dy qu’en toutes manieres de guerre c’est plus
grant auentaige d’estre deffendeur qu’asaillant, mais c’on en [p. 70]
555soit par auant auisé. ”

“ Et se maistre Jehan de Meun (se ie l’ose dire) eust
parlé parmi son liure de pluseurs choses a quoy nature humaine
est encline et qui auiennent, et puis ramené a propos et
fait sa conclusion en meurs de bien viure, tu eusses plus grant
cause de dire que il le fist a fin de bien; car tu sces se un dicteur
630veult user d’ordre de rethorique, il fait ses premisses de ce que
il veult traictier, et puis entre de propos en propos, et parle de
plusseurs choses s’il lui plaist, puis reuient a sa conclusion de
ce pourquoy il a faicte sa narracion. ”