Robert de Boron

“ Et il ses plaies li lava ;
Et quant Joseph vist le veissel
Et le connut, mout l’en fu bel ;
Meis de ce mout se merveilloit
Que nus ne seut où mis l’avoit,
Qu’en sa meison l’avoit repus,
C’onques ne l’avoit véu nus. ”

“ Par jour et par nuit ne s’en murent.
Sachiez qu’il est resuscitez
De mort à vie, or m’en crez.
Tantost en Enfer s’en ala
Et touz ses amis en gita,
En Paradis les ha menez,
Comme Diex est lassus muntez. ”

“ Au prophete son vis torchasse.
Erramment le sydoine pris
Et li torchei mout bien sen vis,
Car il si durement suoit
Que touz ses cors en degoutoit.
Je m’en ving, et il l’emmenerent
Outre batant, mout le fraperent. ”

“ Dou prophete et s’ainsi estoit
Qu’il aient si preudomme ocis ;
Il respondent qu’il est ainsis.
Au pelerin unt tant donné
Que riches fu tout son aé ;
Et Verrine pas n’oublierent,
Meis granz richesces il donnerent. ”

“ Nous ne voliuns pas ainsi,
Car trestout cil qui se funt roi
Dient contre ten pere et toi ;
Et Pylates adés disoit
Pour ce mort pas ne deservoit.
Nous ne voulsimes pas soufrir :
Qui roi se feit il doit morir. ”

“ De mal feire ; car vous veez
Que de mal feire vient li maus,
Et pour bien feire est li hons saus.
Nous avuns de saint Augustin,
Bien feire atreit la boenne fin.
Qui de mal ne se vieut tenir,
En boen estat ne puet morir. ”

“ « Je ne sai où est, s’il n’est là
Où je le mis quatre jours ha ;
Et, se lui pleist que pour lui muire,
Bien sai ce ne me puet rien nuire. »
Chiés un riche homme l’ont mené,
Forment l’ont batu et frapé. ”

“ S’a l’uns à Pilate mandé,
Qui mout estoit ses boens amis.
En sa lestre fist sen devis
Que de ce mout se merveilloit,
Qu’il un homme pendu avoit
Et n’avoit pas esté jugiez :
Si en estoit mout courouciez. ”

“ Cil ont leur gueites assemblées
Tout entour le sepulchre, armées ;
Et Joseph d’ilec se tourna
Et en sa meison s’en ala
Li vrais Diex, en ces entrefeites,
Comme sires, comme prophetes,
En enfer est errant alez ”

“ Que il devoit resusciter,
Et qu’il mie n’ou bailleroient
A Joseph n’à homme qu’il voient.
Nychodemus se courouça,
Et dist jà pour eus n’ou leira
Qu’il ne li baille meintenant
Maugrez trestouz leur nés devant. ”

“ En toutes choses que poïmes
Que nus le pourrait essaier ;
Une ne péumes tant cerchier
Que riens y péussiens trouver
Qui neent li péust grever,
Car en lui ne trouveroit-on
Nule chose se tout bien non. ”

“ Car tout estoient adversaire
A Jhesu la gent de pute eire.
Ainsi doutoit ses ennemis,
Jà soit ce qu’à Dieu fust amis.
Jhesus peu deciples avoit,
Et de ceus l’uns mauveis estoit,
Pires plus que mestiers ne fust. ”

“ Par quoi fust en dampnation.
Ne il ne l’avoit deservi,
S’il s’en vousist partir ainsi ;
Meis trop feule fu la joustice,
Dont mout de seigneur sunt en vice,
Et force n’i voust mestre mie,
Ainz voust soufrir leur enreidie. ”

“ Meis ele mout li contredist
Qu’ele pour riens ce ne feroit,
En teu viuté ne se metroit
Meis li vallez tant l’a priée
Qu’à darrien l’a conchiée
Par l’aïde de l’Ennemi,
Qui fist dou pis qu’il peut vers li. ”

“ Li Juif n’en serunt pas lié.
Vaspasyens prent à huchier
Qu’il voisent la tour depecier,
Qu’il ha Joseph leenz trouvé
Tout sein de cors et tout heitié.
Quident que ce estre ne peust,
C’ouques n’i menja c’on séust. ”

“ Cil troi sunt une seule chose,
L’une persone en l’autre enclose.
Diex voust que ses fiuz char préist
De la Virge et que de li naschist,
Et il si fist puis que lui plust ;
Pour rien contredist ne l’éust. ”

“ En son demeinne, en son pooir,
Et les eut tant cum plust au Pere
Que li Fiuz naschi de la mere.
Par fame estoit hons adirez,
Et par fame fu recouvrez ;
Fame la mort nous pourchaça,
Fame la vie nous restora ”

“ Que nous en suns toutes perdues ;
Ne feit joie li ne autrui.
Uns preudons a pallé à li,
Qui la nous ha si atournée.
Trop est pensive et adolée,
Que ne croit nului se lui non ;
En grant peinne est et en friçon. ”

“ Touz les miracles leur conta,
Si cum les vit quant il fu là ;
Et a dist que, quant il estoit
Lau Pilates povoir avoit,
L’empereres force ne fist,
Meis que son fil li garissist ;
Et qui ce croire ne vouroit,
Que il sa teste i meteroit. ”

“ Li Juif dient que ce sunt
Merveilles s’il ha tant duré,
Qu’il y ha longuement esté,
C’onques n’i bust ne n’i menja
Ne confort nul éu n’i ha.
Li rois dist pas ne quideroit
Qu’il fust morz, s’il ne le veoit ”

“ Tout ce feit-il pour plus honnir
Et pour les suens plus maubaillir,
Toute la chose ha feit savoir
Par le païs à sen povoir ;
Fist tant que li monz touz le seut,
Et de tant plus grant joie en eut. ”

“ Assez feit chevaus amener
Et as queues les feit nouer,
Que touz trahiner les fera,
Jà un seul n’en echapera.
Ainsi fist le treitre destruire.
Li autre n’unt talent de rire ;
Meis mout durement s’esmaierent. ”

“ Que n’aroie à lonc tens contez ;
Meis il ne garissoit neent,
Ne garessit entierement.
Et li riche homme le haoient
De Judée, qu’il ne povoient
Saner ausi comme il povoit
Ne feire autel comme il feisoit. ”

“ Gentius et avenanz et beles.
Li Ennemis pas ne s’oublie ;
As chans ala lau la meisnie
A ce riche homme repeiroit,
Car il tout à estrous beoit
Comment les péust engignier
Et le riche homme couroucier. ”

“ Adonc pour la honte qu’il unt,
De la meison issu s’en sunt.
Un en y eut qui mout ploura
Et mout leide chiere feit ha.
Quant li services fu finez,
Si s’est chaucuns d’ilec levez.
Entre les autres sunt alez ”

“ As autres bestes s’en revint
Et à dis chevaus qu’il avoit
Et fors et cras, que mout amoit ;
Li Ennemis touz les occist
Ainz que passast la mie-nuit.
Quant li preudons la chose seut,
Mout grant duel en son cuer en eut ”

“ Meis toutes occises les ha.
Li preudons fuit la compeignie
Des gens, car il ne l’aimme mie.
Li Ennemis s’est mout penez
Et traveilliez et pourpensez
Comment plus le couroucera :
A sen fil vint, que mout ama ”

“ « Dame, une semblance
Avez d’omme en grant remembrance
En meison, que vous aourez :
le vous pri que la nous moustrez,
Se il vous pleist et vous voulez.
Riens n’i perdrez, jà n’en doutez. »
La fame fu toute esbahie,
Quant ele ha la parole oïe ”

“ Et le deduit dou cors n’avoient ;
A un juene vallest ala,
Qui dou tout sen tens emploia
En viuté et en lecherie,
En mauveistié, en ribaudie.
A l’einnée suer l’a mené,
Mout li ha requis et proié
Qu’ele sa volenté féist ”

“ Devant que li tierz hons venra
Qui descendra de ten lignage
Et istera de ten parage,
Et Hebruns le doit engenrer
Et Enygeus ta suer porter ;
Et cil qui de sen fil istra,
Cest liu méismes emplira. ”

“ Toute la chose li conta,
Ce qu’eut oï dou pelerin,
De chief en chief dusqu’en la fin.
Quant l’empereres l’eut oï,
Si s’en merveilla mout ausi
Et dist : "Estre ce voir pourroit
Qu [e] tu m’as conté orendroit ? ”

“ Il dient tout par vérité :
« Granz est de Dieu la poesté.
Fous est qui pourchace folie
Pour ceste dolereuse vie. »
Brons et sa femme lonc tens furent
Ensemble tout ainsi con durent,
Tant que il eurent douze fiuz
Et biaus et genz et parcréuz ”

“ Que souz lui à gouverner soient.
Quant d’aucune rien douterunt,
A lui conseillier se venrunt :
S’einsi le funt, bien leur venra ;
S’il n’ou funt, maus leur sourdera,
A Bron le pere ha commandé
Et à sa femme l’a rouvé ”

“ Et dist : « Fiuz, pour quoi ne prenez
Femme, si cum feire devez,
Ausi comme vo frere unt feit ? »
- « N’en pallez plus tout entreseit,
Qu’en mon aé femme n’arei
Ne jà femme n’espouserei. »
Li unze enfant sunt marié ”

“ Ainsi sa honte couverrunt.
Ainsi com il le deviserent,
Toute vive as chans la menerent
Et l’unt ilec vive enterrée :
S’en fu la chose plus celée.
Pour honneur des amis le firent,
Que mout amerent et chierirent. ”

“ Acomplie et la demoustrance
De la benoite Trinité,
Qu’avons en trois parz devisé.
Dou tiers, ce te di-ge pour voir,
Fera Jhesu-Criz sen vouloir,
Qui sires est de ceste chose :
Nus oster ne li puet ne ose. ”

“ Commanda li et si li dist :
« Je vueil touz ces Juis destruire,
N’en i aura nul qui ne muire ;
Bien s’unt séu tout descouvrir
Pour quoi il doivent tout morir. »
Devant lui les ha apelez,
Trente en ha d’une part sevrez ”

“ Et là endroit te serras-tu
Et le cuevre d’une touaille.
Quant auras ce feit sanz faille,
Adonc repenras le poisson
Que t’avera peschié Hebron.
D’autre part le mest bien et bel
Tout droit encontre ten veissel ”

“ Si l’a estranlé en dormant.
Au matin, ainz souleil levant,
Fu li enfès ou lit trouvez
Mors, car il fu estranlez,
Quant li peres ha entendu
Qu’il ha ainsi sen fil perdu,
Courouciez fu mout durement. ”

“ Ta suer est ainz née de toi
Et pour li se pourchacera,
[S] i qu’einçois de toi en aura.
. . . . . . . . . . . . . . . . . . . . . . .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ”