Chrétien de Troyes

“ Car ja nus n’en porra mesdire :
Qu’an cuidera par tot l’empire
Que je soie an terre porrie.
Et Tessala, qui m’a norrie,
Ma mestre an cui je mout me croi,
M’en eidera en boene foi,
Car mout est sage, et mout m’i fi. ”

“ Ja vers moi ne vos an covrez !
De ce trop folemant ovrez
Que chascuns son panser ne dit,
Qu’au celer li uns l’autre ocit :
D’amors omecide serez.
Or vos lo que ja ne querez
Force ne volanté d’amor. ”

“ Alys n’i a fors que le non,
Qui empereres est clamez ;
Mes cil est serviz et amez,
Et qui ne le sert par amor,
Servir li covient par peor.
Par l’un et par l’autre justise
Tote la terre a sa devise. ”

“ Tote nuit est an si grand painne
Qu’ele ne dort ne ne repose ;
Amors li est el cuer anclose,
Une tançons et une rage
Qui mout li troble son corage,
Et qui l’angoisse et destraint
Que tote nuit plore et se plaint
Et se degiete et si tressaut
A po que li cuers ne li faut. ”

“ Si que de rien ne la malmet.
Cligés an la fosse se met,
S’en a s’amie fors portee,
Qui mout est vainne et amortee,
Si l’acole et beise et anbrace,
Ne set se duel ou joie face :
El ne se muet ne ne dit mot. ”

“ Por voir acuellent lor veage ;
Si les a pris une tormante
Qui lor nef et lor gent tormante.
En la mer furent tuit noié,
Fors un felon, un renoié,
Qui amoit Alis le menor
Plus qu’Alixandre le graignor. ”

“ L’empereres mout s’esjoï,
Qant son neveu Cligés oï,
Qui si les semont et enorte ;
Mout se resbaudist et conforte,
Et li dus est mout esbahiz,
C’or set il bien qu’il est traïz
Se la soe force n’est graindre. ”

“ Veoir une soe meison,
Et ce c’onques mes ne vit om
Ne fame ne anfant qu’il ait.
Mosterra li ce qu’il a fait,
Se lui plest que avoec lui aille
La ou il oevre et point et taille,
Tot seul a seul, sanz plus de gent. ”

“ Quanqu’il covoite et quanqu’il het,
Ne plus que les voiz qui assanblent
Si que tote une chose sanblent,
Et si ne pueent estre a un,
Ne puet cors avoir cuer que un.
Mes ci nen a mestier demore,
Qu’autre besoigne me cort sore. ”

“ Que, se Cligés vaint la bataille,
L’empereres seürs s’an aille
Et sa pucele o lui an maint ;
Et se Cligés ocit ou vaint,
Qui grant domage li a fait,
Por ce trives ne pes n’i ait,
Qu’aprés chascuns son mialz ne face. ”

“ C’est ses dex qui la puet garir
Et qui la puet feire morir.
Ensi l’empererriz se garde,
Que nus mires ne s’an prant garde,
N’ele ne vialt mangier ne boivre,
Por l’empereor mialz deçoivre,
Tant que tote est et pale et perse. ”

“ Et messire Gauvains le sot,
Qui desor toz l’acole et jot ;
Trestuit l’acolent et conjoient,
Et tuit cil qui de lui parloient
Dïent que mout est biax et preuz.
Plus que nus de toz ses neveuz
L’aimme li rois et plus l’enore. ”

“ Car nus biens n’an puet avenir.
A neant est li diax venuz,
Et l’empereres s’est tenuz
Lonc tans aprés de fame prandre,
Car a leauté voloit tandre ;
Mes il n’a cort an tot le monde
Qui de mauvés consoil soit monde. ”

“ Ne ja por vos nel celerai ;
Et se g’en ai de rien mespris,
Bien est droiz que je soie pris ;
Et se je muir por lui a tort,
S’il vit, il vengera ma mort.
Et feites an mialz que porrez,
Que se g’en muir, vos en morrez. ”

“ Bien s’an savra aparcevoir,
S’il onques d’amors s’antremist
Ou s’il par parole en aprist.
Aprist ? Or ai ge dit oiseuse.
Amors n’est pas si gracieuse
Que par parole an soit nus sages
S’avoec n’i est li boens usages. ”

“ De l’un a l’autre s’an trespasse ;
Si vuelent une chose a masse,
Et por tant c’une chose vuelent,
I a de tiex qui dire suelent
Que chascuns a le cuer as deus ;
Mes uns cuers n’est pas an deus leus. ”

“ La nuit avoec sa fame jut.
Si com il dut ? Ai ge manti,
Qu’il ne la beisa ne santi ;
Mes an.i. lit jurent ansanble.
La pucele de peor tranble,
Qui mout se dote et mout s’esmaie
Que la poisons ne soit veraie. ”

“ Mes por esmai que il en aient
N’ont nul talant que il se randent.
Mestiers lor est qu’il se desfandent,
Car bien mostre li rois a toz
Son mautalant et son corroz,
Et bien voient, s’il les tenoit,
Qu’a honte morir les feroit. ”

“ Qui cest presant pas ne refuse.
Le voloir de son cuer ancuse,
Et par parole et par sanblant,
Car a lui s’otroie an tranblant,
Si que ja n’an metra defors
Ne volanté ne cuer ne cors,
Que tote ne soit anterine
A la volanté la reïne
Et trestot son pleisir n’an face.
La reïne an.ii. les anbrace
Et fet de l’un a l’autre don. ”

“ Ne ne cessent ne fin ne prenent.
Par tote la vile forssenent
Et haut et bas et povre et riche.
Si sanble que chascuns s’afiche
Qu’il vaintra tot de feire duel
Ne ja nel leissera son vuel.
Tote nuit est li criz mout granz. ”

“ La nuit, quant vos m’an voldroiz treire,
Que ja nus fors vos ne me voie
Ne nule riens ne me porvoie
Dont j’aie mestier ne besoing
Fors vos, cui je m’otroi et doing.
Ja mes an trestote ma vie
Ne quier d’autre home estre servie. ”

“ Si que riens nule n’i montast
Se par la tor sus n’i entrast.
Or est Fenice mout a eise,
N’est riens nule qui li despleise
Qant sor les flors ne sor la fuelle
Ne li faut riens que ele vuelle :
Son ami li loist anbracier. ”

“ La floiche et li penon ansanble
Sont si pres, qui bien les ravise,
Que il n’i a c’une devise
Ausi con d’une greve estroite ;
Mes ele est si polie et droite
Qu’an la rote sanz demander
N’a rien qui face a amander. ”

“ S’an ai mout esté a escole
Et par mainte foiz losangiee,
Mes toz jorz m’an sui estrangiee,
Sel me fet si chier conparer
C’or an sai plus que bués d’arer.
Mes d’une chose me mervoil,
Que cil n’ama onques espoir ”

“ « Une coupe de mon grant pris
Li donrai de.xv. mars d’or,
La plus riche de mon tresor. »
Mout iert boene et riche la cope,
Et qui delit avroit de cope,
Plus la devroit il tenir chiere
Por l’uevre que por la matiere :
Mout est boene la cope d’uevre. ”

“ Que por miens ne se reclamast ;
Ne plus que je soe ne fusse
Tote, ne dire nel deüsse,
S’Amors ne m’eüst a lui mise ;
Ne ne deüst an nule guise
Cligés dire qu’il fust toz miens,
S’Amors ne l’a en ses liens. ”

“ Alixandre, fet la reïne,
Amors est pire que haïne,
Qui son ami grieve et confont.
Amant ne sevent que il font,
Qant li uns de l’autre se cuevre.
En amors a mout greveuse oevre
Et mout torne a confondemant ”

“ Demain vos ferai coroner
Et chevaliers seroiz demain.
Tote Grece iert an vostre main
Et de noz barons recevrez,
Si con reçoivre les devez,
Les seiremanz et les homages.
Qui ce refuse il n’est pas sages. ”

“ Ne chose qu’a dame coveingne.
Or n’i a plus mes que ça veingne,
Car mout est bele et aeisiee,
Et s’est par desoz esleisiee
Ceste torz, si con vos verrez,
Ne ja l’uis trover n’i porrez
Ne antree de nule part. ”

“ Par po que il n’anrage vis.
De mautalant li sans li troble,
Mes force et hardemanz li doble,
Et vet ferir de tel angoisse
Le conte que sa lance froisse,
Car volantiers, se il pooit,
La mort son ami vangeroit. ”

“ Li un le tienent a folie,
La vile an est tote esbolie
De la novele quant il l’oent.
Li autre consoillent et loent
L’empereor qu’a la tor voise.
Mout est granz li criz et la noise
Des genz qui aprés lui s’esmuevent ”

“ Estez sanz flor, yvers sanz giel,
Ciax sanz lune, livres sanz letre.
Et s’a neant le volez metre,
Que la ou criemme se dessoivre,
N’i fet Amors a ramantoivre.
Qui amer vialt, crienbre l’estuet,
Ou autremant amer ne puet ”

“ Qui an son neveu mout se croit ;
De la poison.i. grant tret boit,
Et maintenant la force sant
Qui del chief el cors li descent
Et del cors li remonte el chief
Et le cerche de chief an chief ;
Tot le cerche sanz rien grever. ”

“ Car Cligés n’ot d’arester cure,
Qui ot entandu la murmure
De cez qui dïent : « C’est Gauvains,
Qui n’est a cheval n’a pié vains,
C’est cil a cui nus ne se prant. »
Cligés, qui la parole entant,
Enmi le chanp vers lui se lance ”

“ Car Fenice et Cligés la mandent
En une tor ou il l’atandent ;
Car Fenice est mout malbaillie :
S’estuet qu’ele veigne garnie
D’oignemant et de letuaire ;
Morte iert, s’ele demore gaire,
S’isnelemant ne la secort. ”

“ La sepolture si assist
Que nule autre chose n’i ot ;
Bien la seele et joint et clot.
Et lors se poïst bien prisier
Qui sanz malmetre et sanz brisier
Ovrir ne desjoindre seüst
Rien que Jehanz fet i eüst. ”

“ Que il en parole a autrui,
Et si fet quainses que il n’ot
De quanqu’antr’aus.ii. dïent mot ;
Mes s’il cuidoit qu’an ne l’oïst,
Ja ne diroit don cil joïst ;
Et se ses sires vialt mantir,
Cil est prez del tot consantir. ”

“ Est sor toz les autres plus biax
Ne estre n’an pot c’uns ansanble,
Ice Fenyce me resanble :
N’ot de biauté nule paroille.
Ce fu miracles et mervoille
C’onques a sa paroille ovrer
Ne pot Nature recovrer. ”

“ Qant ses sires l’apele ou mande ;
Et qui a Amor se comande
Son mestre et son seignor an feit :
S’est droiz qu’an remanbrance l’eit
Et qu’il le serve et qu’il l’enort
S’il vialt bien estre de sa cort. ”

“ Ne de sa parole escouter.
Sa lance el cors li vet bouter,
Au retreire li sans en vole,
Qu’il li tost l’ame et la parole.
Aprés ces.ii. au tierz s’acople,
Qui mout le cuidoit trover sople
Et lié feire de son enui. ”

“ Lieparz ne huivres ne lieons,
S’ele vit perdre ses feons,
Ne fu si ardanz n’enragiee
Ne de conbatre ancoragiee
Con fu Clygés, car lui ne chaut
De vivre se s’amie faut.
Mialz vialt morir qu’il ne la rait. ”

“ Trois joies et trois enors ot :
L’une fu del chastel qu’il prist,
L’autre de ce que li promist
Li rois Artus qu’il li donroit,
Qant sa guerre finee avroit,
Le meillor reiaume de Gales ;
Le jor l’en fist roi an ses sales. ”

“ L’empererriz, quex qu’ele soit :
L’empereres point ne s’i croit,
Tant con de celi li remanbre ;
Toz jorz la fet garder en chanbre
Plus por peor que por le hasle,
Ne ja avoec li n’avra masle
Qui ne soit chastrez en anfance. ”

“ Qu’an lor chaufast eve an estuve :
De la mer firent baing et cuve.
La reïne la chose set,
Qui Alixandre pas ne het,
Einz l’aimme mout et loe et prise.
Feire li vialt.i. bel servise,
Mout est plus granz qu’ele ne cuide. ”

“ Et cuident, por ce qu’il lor plest
Ce dont amors acroist et nest,
Qu’aidier lor doie, si lor nuist :
Tot ausi con cil qui se cuist,
Qui au feu s’aproche et acoste,
Est cil qui arrieres s’an oste. ”

“ Qant Cligés antant le murmure,
A la cort vint grant aleüre,
Mes n’i ot joie ne deduit,
Car triste et mat estoient tuit
Por l’empererriz qui se faint,
Car li max dont ele se plaint
Ne li grieve ne ne se dialt. ”

“ Li chevalier qui se dormoient,
Et la porte fermee avoient
Par dedanz, que nus n’i entrast.
Cligés ne voit comant i past,
Car par la porte antrer n’i puet
Et por voir antrer li estuet :
Amors li enorte et semont. ”