Raoul de Houdenc

“ Keux ne cessa pas de se montrer vantard et médisant; Gauvain fut toujours le plus vaillant des chevaliers de la cour d'ArhlS; mais les héros du roman, Méraugis, GorveinCadrus, Laquis, l'Outredouté, Lidoine et Avice, sont des créations neuves, et l'imitation, lorsqu'elle paraît, se déguise sous des traits particuliers. Si l'aventure
de Gauvain rappelle par quelque côté celle du Chevalier au Lion, elle se termine d'une manière tout imprévue, et l'on pourrait en dire autant des autres épisodes pris séparément. ”

“ « Iceste douce penitence « Que vous m'avez enjointe ci, « Reçoi je et la vostre merci a De ce que comander vous plest, a Car nules riens ne me desplest « Qui vous plaise à comander non, « Desour la joie de ce non « Que je sui vostres chevaliers. »
Sachiez, adonc su li beisiers Donez, voire sanz nul arest.
Dist Lidoine : « Je vous revest « De m'amour, si com je devis. »
Et lors lui tendi son douz vis Et sa douce bouche riant.
Meraugis qui se traist avant, L'a prise par son douz menton,
Et sachiez que nous ne mentom, Qu'il la beisa mult doucement De la bouche tant seulement ”

“ Jà ne m'i menras, « Ne voie ne m'i moustreras « Devant que je sache, sans faille, « Li quex est plus fors en bataille « De nous, si te dirai porquoi.
« Si tu eres plus fort de moi, « Ne sai porquoi j'alasse querre « Plus fort ; si je te puez conquerre, « Ne te faing pas; itant te membre, « C'est sanz mentir, tu perdras membre. »
Laquis respont : « Je deffendrai « Mes membres, tant com je porrai. »
Qu'en diroie? C'est la parclose ; Ceste bataille est nule chose, Qu'en petit d'eure su vaincue.
L'Outredoutez, qui touz les tue,
Le vainct par force et l'a conquis. ”

“ On commençait à se fatiguer du récit des interminables combats que se livraient les Sarrasins et les héros chrétiens; le souvenir des luttes nationales qui avaient donné naissance à diverses chansons de geste s'était éteint; à des guerriers farouches on substitua des chevaliers braves aussi, mais courtois, tendres et empressés ”

“ En cel porpens prist Force et vigour, qu'il s'est dreciez Par force, et tant s'est efforciez Qu'il a pris une espée et voit L'Outredouté qui se gisoit Tout envers, les paumes tendues.
Meraugis dresce vers les nues L'espée et fiert desus le poing Contre terre ; deus piez en loing Vole la main et il la prent.
Quant il la tint, tout esraument Souspire, et el souspir qu'il set Lui faut la force et il s'en vet En mi la lande, tout envers, Deseur son piz, tout en travers
A deus braz la main em braci ée Au chevalier, et l'a laciée Contre son piz, par tel pooir Que bien pert qu'il la veult avoir. ”

“ Meraugis l'ot, qui pas n'osa Dire : Tu mentz. S'il desdeïst Son mestre, assez su qui deïst : Cist est vaincuz tot en estant.
Por ce se taist, mes il est tant Vers lui iriez que plus ne puet.
Grant chose à en fere l'estuct, Et puis que fere le covient, Meraugis point, et cil li vient Por assembler. Estez les vous Ensemble, si que li retrous Des lances volent vers les nues.
As chaples des espées nues S'entreviennent, sanz menacier, Si qu'il font les yaumes d'acier Fendre et par force estenceler.
Proesce ne se puet celer ; Mult se merveillent li baron Où li nains prist tel champion. ”

“ Ne sai si Dieu le fist de gré; Mult estoit droite et de bel tour, Et Meraugis ala entour
Trois foiz et puis lor escria : « Dames, par où irai je là? »
ne des dames respont lues : « Amis, il n'i a à vostre œs
« Par où monter; mes ditez nous « Que volez vous? — Je voil à vous « Parler un poi. — Ditez nous donques « Que vous volez. — Ce n'avint onques « Que je de ci, fait Meraugis, Il Die, oiant tos, ce que j'ai quis.
« Mes fetes moi là sus monter. »
Cele cui annuie à parler
Se vet seoir, ne vielt debatre ”

“ Sel conust bien Par les armes; souz ciel n'a rien Qu'il haist autant comme il set lui.
« Qu est ce? set il. Je voi celui « Qui gieta mon escu à terre.
« Je l'ai trové; si ne l'os querre « Là où le voi. Diex, que ferai ?
« Si je vais là, je chanterai « A la quarole de rechief.
« Tout autre jeu, fors cest meschief, « Feroie je. » Lors le menace Et dist que james de la place Où il est ne se movera, Devant que Meraugis istra Fors du chastel; mais c'est noienz, Que Meraugis qui est leenz N'entent de riens à sa parole. ”

“ Gorveinz et tuit li chevalier Viennent encontre et le mercient De s'aide ; et atant lui dient Qu'il sont à lui outreement.
Mesire Gawains erraument Descent et set les gentz traver Entre l'ost Gorvein et la mer, En une plaine; et quant il furent Logié, por assaillir s'esmurent.
Or as armes, et chascun saut As armes. Lors va à l'assaut Mesire Gawains ; O lui vont Tiex cent chevaliers qui tuit sont Coneü d'armes et seürs.
Li assauts su mult granz as murs, Si grans que ce ne su pas gieus ; Mes mult en a dedens de ceus Qui tant se doutent que il n'osent L'œil metre fors, ainz se reposent. ”

“ « Sire; j'ai à non Meraugis « De Portlesguez. Si je vifs sui, « D'hui en un an revendrai ci. »
Lors a li rois le naim saisi De s'amie, puis prent congié Meraugis ; si l'ont convoié Li chevalier à grant deduit.
Onques tel joie ne tel bruit Ne veïstes à nule feste Com après lui, tant qu'il s'areste A l'entrée d'une forest,
Et dist au roi que, si lui plest, Qu'il s'en retourt et il si fist, Et Meraugis son chemin prist. ”

“ Mes n'est pas l'uns à l'autre amis, Ains s'entrassaillent; bien les voient Cil de la cité qui n'avoient Onques mes tel j ouste veüe.
De la jouste ont grant joie eüe, Qui mult lour plest ; mes qui qu'en rie, Lidoine ne s'en joue mie; Non, ainz l'en deult li cuers el ventre De paour, et tant en i entre Por la j ouste qu'ele a veüe Que s'oïe en devient veüe.
Devient, coment dont, n'ot el goute?
Non et si pert sa force toute De la paour qui li apointe,
Et touz ses sens en une pointe Le fiert els iex por esgarder Celui qui ne se puet garder Qu'el ne soit dolente por lui. ”

“ De tant se puet il bien vanter Qu'il ne crient siege de nul homme.
Si tous li empires de Rome Estoit entour, n'auroit il garde, Car la mer d'Escoce le garde D'une part ; si su bien séant Par derriere, il n'ot par devant Plus bel chastel en Engleterre. ”

“ Dames, ce me devoie « Du jugement que ci jugiez, « Que chascuns l'aime par moitiez ; « Je ne puis ci raison veoir « Puisque chascuns la vielt avoir.
« Donque je di par vérité, « Que sa valeur et sa biauté « Est tout un, quant tout tient en lui.
« Coment sera ce departi ?
« Ne sai, ne nuls ne set cornent.
« Ci est li pointz du jugement.
« Or esgardez que vaut li corps, « Si la cortoisie en est hors ; « Noient, ne noient ne vaudrait « La cortoisie, se n'estoit « Li biax corps qui tot enlumine.
— Par mon chief, ce dist la roïne, « Dont ne voi je que ce puet estre. » ”

“ « Si c'est que jel puisse amender,
« Je le ferai, sanz demorer, « Tot mon pooir entièrement, « Car mult me poise durement « De vostre duel, si n'en puis mes. »
Et celes responent après : « Danz chevaliers, c'est chose outrée « Que jà n'iert par vous amendée, cc Ne por pooir que vous aiez.
« Mes d'itant ne vous esmaiez, « Se vostre dame un petit pleure « Por vous ; encor vendra une heure « Qu'ele plorra, mes s'iert por nous.
« Li duels qui or lui muet de nous, « Lui tornera tout autrement, « Car ci n'a fors comencement « De plorer, si plorons ainsi, « Ele por nous et nous por li. » ”

“ « Et s'amours aime ce qu'il doit, « Donc aime Meraugis à droit, « Qu'il aime por sa courtoisie ;
« C'est veritez. Je ne die mie « Que Gorveins qui por sa biauté « L'aime, l'aint si en loiauté « Ne d'aussi naturiels amours.
- Par foi, ce dit Sore d'amours, cC Non set il, et à ce m'acort « Que nuls esgart par cest acort « Ne la puet à Gorvein doner. »
Lors oïssiez dames parler ; Mes en la fin, ce m'est avis, Se tindrent devers Meraugis Toutes les dames à un mot; Et la roïne quant elle ot, Ne dist plus; ainz su apelez Li rois et lors su recontez En plaine court le jugement ”

“ Es sorcilz, es testes, es cous S'entredonent et seur le vis, Gorveinz et sire Meraugis, Fiers et hardiz comme lions.
Onques mes si fiers champions N'assemblerent en nule terre, Car li uns d'euls ne puet conquerre Sour l'autre vaillant un denier; Mes, comme vaillant chevalier, S'entratendent et s'entrecopent.
En la fin depiecent et copent Hyaumes et haubercs et escutz.
Jà fust ne sai li quex vaincutz, Qu'il ne peüssent plus durer ; Mes la pucele oï conter As chevaliers qui la convoient Que tot ainsi se combatoient Li dui chevalier por s'amour.
Mult l'en pesa, et sanz demour
Retorne arrier ”

“ « La rien doner que je mielz voil.
« Ceste demande est sanz orguoil, « Que s'ele est de gentil lignage, « Je sui assez de haut parage « Avec son corps. Que vous diroie?
« Itiex, ne quex gouz que je soie, « Fu mes peres parenz le roi.
— Nains, je n'ai pas honte de toi, Ce dist li rois qui s'en sousrist, « Nains, il est voirs et l'on le dist, « N'est si haut bois qui n'ait buscille.
« Sire, car lui donez sa fille, « La riens el mond qui plus lui semble.
« Ne sai s'il furent né ensemble; « Chascun est si camus naïs « Qu'il s'entresemblent de laïs. » ”

“ Mes l'amour dont ele l'amot N'est pas morte, si la tient près, N'ele ne set se il vist mes, Ne dont ele vit; ne lui chaut De riens qui viegne ne qui aut, Ne jà n'en quiert oïr noveles.
Là sus est o les damoi seles Mue et pensive; nuls n'en puet Avoir bel œil; du cuer lui muet Uns duels qui tel l'a atornée Qu'ele en muert;, jà n'en ert tornée, De ce duel que touz jours i maint, Se n'en muert, en lui ne remaint, Tant het sa vie et ses amis.
Li navrez qui orainz su mis En mi la chambre, ne set mie Chiés cui il est, ne que s'amie Soit el chas tel. ”

“ Einsi enmainent Meraugis Entre les nefs et la cité, Cil qui veulent estre aquité De la mort ; vers la tour s'en vienent ; Là s'arestent et tant se tienent
Que messire Gawains descent Dedenz la nef et erraument Dist as maroiniers qu'il s'esmovent Sans arrester et tant s'il trovent Terre, nul leu, là entour près Que jà mar en iront après, Mes au plus près les metent fors.
Cil qui ont paour de leur corps Tremblent et dient qu'il prendront Terre au plus tost que il porront.
Lors n'i ot plus; au sigler vindrent, Je ne dirai pas que devindrent Les dames ”

“ N'i ot chevalier ne pucele Un trestout seul qui ne deïst Qu'il ert reson qu'ele preïst L'esprevier; ele l'ala prendre.
Lors vielt chascun son non aprendre Et demandent qui ele estoit.
Vient Meraugis de Portlesguez, Desouz le pin où ele estoit, Uns chevaliers moult alosez.
Ensemble o lui i est venuz Uns siens compains mult bien connuz : Gorveinz Cadruz i su o lui ; Chevalier furent ambedui, Li dui meilleur qu'on seüst querre, Qu'il n'eüst jà en nulle terre Tornoiement où il ne fussent.
En genz qui rien ne s'entrefusent N'ot onques ausi grant amour;
Tout sanz tençon et sanz clamour :. ”

“ « De ce, set il, ne sai aprendre « Que ce puet estre. — Sire non, Dist Lidoine, nous ne savon « Que ce sera. — Soit qu'estre vieult,
« Assez cornent, ce que me dieult, Fet li chevaliers, nule chose. »
De la cité qui bien ert close Voient parmi la porte issir La gent et la terre covrir Du peuple qui fors s'en issoit; N'y remaint dame qui ne soit Venue; et toutes vont chantant.
Les puceles, dont i ot tant, Vienent chantant et font quaroles Si grans qu'onques as maierolles Ne veïstes greignour. Devant Vindrent li chevalier vaillant Sus les chevals isnials et forts. ”

“ Si sont venu au retorner Li chevalier qui convoierent Lidoine ; mult s'esmerveillierent Quant il oïrent la tençon, Qu'onques autant de mesprison N'avoient entr'euls deus veü;
Mes grant amour i ot eu.
Si se merveillent durement Et demandent communément, Et qui a droit et qui a tort ; Et cil dient en leur recort La verité de la bataille, Que por Lidoine estoit sanz faille Qu'il ainsi se vuelent combatre. ”

“ Onques ne l'y feri es dentz L'amour, quant ele su lanciée.
Hé, Diex ! de quoi su arachiée L'amour qui dedenz lui vola.
Nesai, mes ses cuers l'engoula Aussi com li poissons set l'aim; Et quant li cuers lui dit : je l'aim, Si n'i a plus, amer l'estuet; Et si ne set dont ce lui muet, Fors itant qu'ele se prent garde En l'eure que si le regarde, Que l'amour naist de resgarder, Et por ce s'en voudra garder.
Une grant piece s'en garda, Qu'onques vers lui ne regarda, Garda, voire, dont su ce force,
Car ses cuers qui touz jours l'esforce, De lui esgarder le destraint. ”

“ Et cil s'en ist, lance levée; A un gué vient, si a passée La riviere; à plus tost qu'il pot S'adresce cele part qu'il sot Que mesire Gawains estoit Logiez. Mesire Gawains voit Le chevalier, si dist : « Par foi, « Cil blancs chevaliers que je voi, « Demande jouste; mult est fiers. »
Calogrenains, uns chevaliers, A tantost dit : « La jouste est moie, « J'irai jouster, je n'en leroie « Por rien. Çà, mes armes. » Tantost L'arment et cil s'en part de l'ost Sor un cheval plus noir que meure.
Quant il vint là, en icele eure S'entrevindrent por encontrer. ”

“ Et quant Gorveinz Cadruz la voit, Si l'aima tant pour sa biauté, Que de toute sa loiauté L'a maintenant de cuer amée, Et apres ce qu'il l'ot nomée, Il dit errant com il la voit : « Si ceste pucele n'avoit „ « L'esprevier, ne sai qui l'eüst; « Que pas ne cuit que nulz peust « En ce mond plus bele trover.
« J'oseroie pour lui prover « Que c'est la plus bele du monde « Et la plus preuz et la plus blonde.
« C'est la plus gente que devis, « Ceste est la mielz fete de vis « Qui onques fust fete à devise. »
Tant plus l'esgarde et plus l'avise,
Et plus lui plest à aviser. ”

“ Fet joie et li baron trestuit Font joie; à joie ont cele nuit Passée, que vous en diroie ?
Au matin se met à la voie Meraugis, jouste lui s'amie; Mult mainent noble compaignie.
Li baron qui en l'ost estoient Vont o lui et tuit le convoient A sa bataille. Tant ala Qu'à la Pentecouste trova Le roi qui tint à Cantorbire Sa court. L'en sot par tot l'empire Que la bataille devoit estre.
Laquis i vint sanz l'oil senestre Que l'Outredoutez lui creva.
Meraugis, quant il le trova, Lui rendi, ce su veritez,
La main dont li Outredoutez Le fist borgne par son orgueil ”