“ Tandis croissoit touz jors et amen doit li dux Guillaumes, et en sens et en force. Si s'averti cornent sa
terre estoit gastée et troblée par ses barons meismes.
Lors manda touz ses princes et les atraist à amor tant com il pot, et leur pria et commanda que il ne feissent li uns vers l'autre chose qui fust outre raison. Par le conseil de ses barons, fist garde et tutor de roi et prince de sa chevalerie Raoul de Gaçay4. Et plusor des nobles homes, qui Dieu et loiauté amoient, li obéirent volentiers et li aidierent à plaissier ses anemis. ”

“ Droiz est que il sentent et esprovent la deserte de tor orguel, non mie en nostre terre, mais en la lor maimes qui de toz jors est sougiete à France et sovent à esté dontée par la force des rois de France et des François, si que ce que il nos behent à faire covertement et en larrecim, que nos lor rendons aus fers des lances apertement et devant toz. ”

“ Dedenz troverent le cors d'un home mort tout entier; tantost chairent en tenebres d'ignorance et oblierent la paor de Nostre Segneur, pour ce que il voloient essaucier leur lieu, et afermerent au pople que il avoient trové le cors monsegneur saint Denys l'Ariopagite. Tost fu ceste novele par le païs espandue. Li evesques meismes de la cité manda les autres evesques voisins et leur demanda conseil de ceste chose, et leur dist à la parfin que ce estoit de sa volenté que cil cors, qui ensi avoit esté trovez, fu levez sollempnement et mis entre les cors sains. ”

“ Cogneue chose est que ce apartient à la droiture de l'empire, dès le tens à noz ancesors et noz sains peres qui ont esté ou lieu monsegnor saint Pere ou siege de Rome, si come dès le tens le grant Gregoire et des autres après, jusques à hore, que en tote electiom soit gardez et tenuz cit ordres : que ençois que élections soit espandue ne manifestée, que il soit fait asavoir à l'empereor, et se il voit que la persone soit covenable à ce, l'on doit prendre de li aseurement et otroi. ”

“ Mais, ci-endroit, doit chascuns savoir que cete contehez de Vouquesim muet des fiez de l'eglise de Saint Denys en France, et quicunques la tient, il en doit estre en l'omage de l'abbé de laienz; et li servises du fié, si est tex que il en doit porter es batailles et es oz l'oriflambe saint Denys2 totes les foiz que li rois ostoie; et li rois la doit venir querre en l'eglise par grant devotiom et prendre congié aus martyrs avant que il mueve. Et quanta s'en part de l'eglise, il s'en doit aler tout droit là où il muet sanz torner ne ça ne là pour autre besoigne. ”

“ Si avoit-il il autres fiuz, Philippe et Floire, de Bertrade la contesse d'Angiers que il avoit longuement maintenue par desus sa fame espousé. Mais nus ne s'atendoit que nus en deust regner, pour ce que il estoient né en avoutiere, se il avenist par aventure que li nobles Looys moreut; et à ce s'atendoit li rois Guillaumes, si com l'an cuidoit. Mès por ce que ce n'est pas droiz ne chose naturel que François soient en la subjectiom d'Anglois ; ainz est droiz que Anglois soient sugiet à François3, avint tout autrement que il ne cuidoit; si li toli s'esperance la fins de la guerre. ”

“ Mander le fist Ii dux maintenant et li demanda pourquoi il avoit ce dit. Cil ne le pot nier ne desclarier l'entention de la parole. Et li dux li dist touz correciez : « As-tu donques porchacié et fait que Normandie soit par toi troblée et que je soie deseritez par ton porchaz, qui promeis au chevalier soufreteus tens de proie et de rapine? Ensi ne sera pas, se Dieu plaist; ainz aurons pais perdurable par le don de nostre Creator. Si te commant que tu vuides tantost Normandie et que tu ne soies si hardiz que tu i retornes tant comme je vive. » ”

“ Suger dit au contraire qu'Anseau de Garlande fut transpercé par Hugues du Puiset : « Cum dapiferum ejus Ansellum Garlandensem, baronem strenuum, propria lancea perforasset. » Selon M. E. de Lépinois, Histoire de Chartres, t. 1, p. 95, n. 1, Anseau de Garlande vivait encore en 1123 et aurait été tué entre 1123 et 1128.
desaprendre s'acostumée traïsom, tant que la voie d'outre-mer' où il morut mit fin en sa vie. ”

“ Et aucune foiz avenoit que il se combatoit à ex, come cil qui de riens n'es apernoit3, et par ce, demonstroit à tot le monde la noblece et la fierté de son cuer. Mais trop estoit bien ceinte et avironée la terre de Normandie, et por les forz chastiaus que li rois d'Angleterre et Ii duc de Normandie i avoient fermez novelement, et d'autre part, por les granz flueves coranz où l'on ne pooit trover passage.
Et li rois Loois, que tot ce savoit, baoit moult durement à paser et à entrer en cele terre. Là s'en ala a asez poi de gent por plus privehement faire ce que il avoit en propos. ”

“ Ensi estoit li rois troblez de jor en jor, et buvoit tant de manieres de buvrages et de poudres par les fisiciens et par les mires, que trop le travaloient, si que ce estoit mervele comment il le pooit soufrir; car nais li sains et li vertuex ne le poisent endurer. Et entre ces angoisses et ces detreces, estoit-il si douz et si amiables à toz par sa debonaire nature, comme cil qui à toz faisoit biau semblant et les recevoit toz autresi comme se il ne sentit nul mal. ”

“ Mais li fil au deable, qui touz jors s'esjoissent de guerres et de dissensions, s'en alerent en ce point au roi Henri, et tant l'esmurent par leur desloiauté contre le duc Guillaume, 2que il dist que il ne seroit en bone pais de cuer tant comme li chastiaus de Thillieres3 demorroit en ce point. Si ne regard oit ore pas à l'oneur ne à la cortoisie que ses peres, li dux Roberz, li ot ja faite. Lors s'acorderent li prince de Normandie, qui vers leur segneur estoient loial, que l'on s'acordast à faire la volenté le roi pour eschiver le contenz et la guerre. ”

“ Si estoit cil chastiaus de grant force et moult bien garniz et li rois le fit forment asalir. Cil Haimes, qui toz fu desesperez et de sa persone et de son chastel, vit bien que il ne le porroit longuement defendre contre la force le roi. Lors trova en soi maimes cete voie que il s'en vint au roi. A ses piez se laissa cheoir et longuement i jut en priant humblement que il aust de li merci, puis li rendi le chastel et son cors maimes à sa volenté. Et de tant corn il s'estoit plus orguelousement maintenuz, de tant s'umilia plus ”

“ Et quant il fut auques près, si vint-on noncier au conte Raoul que l'on avoit basti un agait d'autre part dou chemin por l'ost le roi destraver et desconfire. Tantost s'arma li cuens et s'en ala cele part, entre li et ne sai quanz de ses chevaliers, par une voie coverte et repoute. Avant envoia de ses chevaliers et il les sui tantost à esperon, et trova ja celi Thomas chau et abatu quant il vint là. Tantost li corut sur l'épée traite et le navra à mort, et tout l'aust occis, se il n'aust esté destorbez. ”

“ Par jor se reponoit que il ne fust aperceuz et pris, et par nuit fuioit tant com il pooit, toutesvoies se porpensa que il essaieroit la debonaireté son frere, et que mieuz li valoit que il se meist en sa merci, que requerre l'aide d'aucun roi ou d'aucun conte qui au derrenier li vaudroient petit. En ce porpos demora et s'en ala à son frere que il trova chaçant en un bois. A ses piez se lessa chaoir et Ii requit merci en plorant, quant il li ot conté cornent il estoit eschapez de la prison. Et li dux qui pitié en ot le leva de terre; tantost li pardona tout son mautalent et Ii dona la contpe1. ”

“ Et por ce que il sa voit bien que saint Denys estoit après Dieu especiaus defenderres des rois et dou regne, si com il avoit oï dire à plusors et esprové en soi maimes plusors foiz, si s'en vint à s'eglise et le commença à prier de tot son cuer que il defendit et gardast sa persone et son regne, et contrestat à ses enemis. Et si comme il avoit toz jors acostumé que se aucuns resnes4 ose asalir le roiaume de France de guerre, ou venir sor li, que cil gloriex martyrs saint Denys et si compagnon sont mis hors de la fort voute où gisent et sont mis ensemble sus l'autel. ”

“ Quant li barom, qui le siege tenoient, sorent que il aprochoit, si envoierent messages contre li, et li mandoientenpriant et en requérant, comme à lor segnor, en totes maniérés, que il se soufrit1 et que il ne les levat pas dou siege, car il lor feroit trop grant honte, et que por i traitor et i desloial, ne perdist pas l'amor et le servise d'aus ne de tant de prozdomes com il avoient en lor ost; et bien saust-il que il mai mes i porroit avoir plus grant honte et plus grant domache que il, se li traitres eschapoit ou se il remanoit en pais. ”

“ CHAPITRE VI. Hugues du Puiset attaque la comtesse de Chartres et son fils Thibaut qui implorent l'aide de Louis VI. Assemblée de Melun ; le clergé demande au roi de le protéger contre la tyrannie du sire du Puiset. Louis VI charge Suger de fortifier le château de Toury pendant qu'il réunit une armée, p. 176-180.
CHAPITRE II. Siège du château du Puiset; entraînées par un prêtre, les troupes royales le prennent d'assaut. Hugues est emprisonné à Château-Landon. Ingratitude de Thibaut, comte de Blois, qui, avec l'aide d'Henri Ier, roi d'Angleterre, attaque Louis YI, p. ”

“ Mès ne fu pas ensi com il cuiderent, car lors parechaufa-il trop durement et enhardi et endobla sa fierté, si com il est costume à proudome qui pas ne se doit esmaier3 au besoing, ainz se doit ravigorer et reconforter et prendre aus denz le frain de vigor et de vertu, ausi com fit cit nobles rois qui tantost raparela ses oz, qui loing estoient, et semont sa baronnie et puis manda au roi Henri que il se combatroit à li à jor nomé emmi sa terre. Et ce que il li manda, se hasta d'acomplir ausi comme se il l'aust juré sor sains. ”

“ Naïs, natifs
corne cil qui grant paor ot de perdre le cors. Et por la petite joie que il ot aue dou mariage, soufri-il puis longue honte dou deseritement et dou mariage, que de sa chevaucheure que de son autre harnois; et aperçut au darrenier, comme hors chaciez et degitiez laidement, que desert1 cil qui contre son segnor se revele orguelousement.
VI.
Comment Hues dou Puisat deserita le conte de Chartres, et comment li rois li aida, et de la plainte de celi Huon au roi de par les eglises, et comment li rois fit garnir le chastel de Thori. ”

“ Comment li rois Henri dechai de sa bone fortune et comment li rois Loois entra en Normandie et fu descontiz par sa male porveance, et comment il rasembla ses oz por soi venchier et retorna por gaster Normendie, et s'en retorna par Chartres en degastant la terre le conte Thibaut.
Fortune la puissanz, qui tost abat celui que ele a monté, quant il li plait, et quant ele voit monte en haut celi qui ainques n'i fu, ovra en tel maniere ou roi Henri d'Angleterre. ”

“ Si s'en midrent en plus grant peril de mort que se il fusent en terre seche, car il se metoient es floz de la parfonde riviere où il periloient et naioient, et li autre s'entredesavancisoient2 et gitoient lor armes et defouloient li un l'autre, et pis s'entrefaisoientl que lor anemi maimes ne faisoient, por ce que il voloient toz ensamble monter sus le pont, et il n'i pooit entrer que uns sous. ”