Guillaume Budé

“ Summum, crede nefas animam proeferre pudori, Et propter vitam vivendi perdere causas,
vers qu'Andrieux essaye de traduire ainsi : « Croyez qu'il n'y a rien de plus illicite ni de plus honteux que de préférer la vie à la vertu, et de sacrifier à votre existence les fins mêmes pour lesquelles vous existez. » ”

“ Le veneur les ouyant rere au matin aual le vent, cognoit par la voix, s'ilz sont de dix cors, ou autrement de grandeur a estimer ; et, approchant les chiens de la meute, commence la chasse par son lymier, auec lequel il va quester, comme es autres chasses. Ilz sont par l'espace d'un mois fort chaulx des biches, puis leur chaleur et rage diminue peu a peu en l'autre. Par ceste vicissitude ilz deuiennent ores flachs, maigres, et langoureux, puis se portent mieux et engraissent; ores ont cornes et vont les testes le-uées, ores n'en ont poinct, et sont desarmez, et comme honteux. ”

“ Quant aux questeurs, ilz n'usent d'aucune voix ce pendant qu'ilz sont en la queste, afin que ne s'entrefacent faillir, ou plus esloigner en questant quand il se fault retirer ; mais, le premier d'entr'eulx qui par fortune decouure et enceint a propos le cerf, corne la retraitte pour faire assembler les autres. Si est la venerie ordonnée de tele sorte, ou casuellement dressée, qu'il y fault user de prompt et present conseil : comme si l'on a remis la chasse au lendemain, et que le cerf ne puisse estre arresté en certain lieu ”

“ Autrement les maistres de l'art l'estimeront ne faire son deuoir par lascheté : car, comme au chien est requis un sentiment de vautour, ainsy est necessaire au veneur la veue d'aigle. Quelquefois aussy les pas d'un mesme cerf appuyant maintenant sur toute la sole, maintenant sur la pince et les costez, ou quand il est en son lict et reposée, ou qu'il va de vistesse, ne sont tousjours mesmes, pareilz ou semblables, ny de semblable oudeur : dont naist autre difficulté, et erreur non moindre. ”

“ Appeliez donc tous les veneurs, et tous les chiens de la meute amassez : l'on a acoustumé de faire ainsy la repeue. Les veneurs prennent des lopins de pain qu'ilz trempent dedans le sang du cerf, puis les mettent sur la peau, auec lesquelz ilz meslent de la gresse decoupée menu ; davantage si les chiens sont langoureux ou maigres, ou ont tres bien faict ce jour, les veneurs, de grace et liberalité, les traittent mieux, y me-nuisans du col et des espaules. ”

“ Et quand les veneurs veulent signifier un cerf moyen, ilz disent qu'il est venable et de grandeur venable et apte a chasser mais apprentis et nouueau, disans ceux qui vont quester de ces mots, quand ilz font rapport en l'assemblée, de leur queste faicte deuant le jour et au matin. L'assemblée se faict en quelque beau lieu soubs des arbres, et les veneurs assis a l'herbe es-tendent la nappe sur les feueilles et la verdure, prenans leur refection prez la table du roy ou du prince, ou ilz deliberent quel cerf doit estre couru entre ceux qui sont rapportez dignes d'estre chassez. ”

“ Pourtant que ceux qui ont esté nagueres chassez, s'estonnent a tout bruyt, et n'arrestent gueres en place ; il en y a d'autres lesquels excitez en leurs gistes, se mettent incontinent a courir, n'allans et venans autour de leur reposée, comme font la pluspart des cerfs, ains prennans tousjours les droicts chemins. En ce cas, incontinent que le gouuerneur des chiens s'en aperçoit, sonne hautement la trompe afin que ceux qui sont aux relais, et tous les autres veneurs et varlets se retirent entendans que le cerf a changé ”

“ Dont je m'esmerueille, veu qu'elle est pour le present si artificielle, que les lierons et millans cachez dedans les nuées, ne peuuent eschapper les mains des hommes : ains telz oiseaux de hault vol sont combatus par ceux de proie en l'air, a la veue des faulconniers crians en ce con-flict cruel et mortel et comme leur commandans ; tant sont diligens les hommes a dresser les faul-cons, a les instituer et accommoder a ceste haulte chasse, et les rendre a eulx obeissans. — LE ROY FRANÇOIS. Jaçoit que ne saultiez du coq a l'asne, comme l'on dict ”

“ Or sçayje bien qu'en la chasse des bestes vous auez acoustumé de faire tout de-
uoir de bon veneur, en courant de vistesse incroyable par longs espaces et contre les tours du cerf rusé et experimenté, trouuant promptement des destours. Finablement en trauersant forests, taillis, precipices, buissons, mettez seulement le bras de-uant le visage et les yeux, pour vous garder des branches. Ce faisant changez quelquefois de cheual, laissant le las pour en prendre de frais que faittes tenir de relais en certains lieux. ”

“ Il aduient aussy que le cerf choisy trouuant quelque voye pouldreuse et orde, court beaucoup et longuement par icelle. En quoy la sagacité des chiens auec leur experience est deceue, car ilz cuydent que le cerf ayt euité la voie par ou les hommes vont, et s'estre retiré a l'escart en quelque fort, et pourtant se despartent du chemin battu : joinct qu'il y a peu d'oudeur en ces lieux clairs, secs et pouldreux,
veu que l'ardeur du soleil tire et consomme incontinent toute l'humidité et fraischeur, ou demoure l'oudeur du pas. ”

“ Les chiens plus legers doyuent estre cachez au premier relais, puis les autres moins legers, tant que les plus robustes et cruels soient au dernier : ce qui est ainsy ordonné afin que les plus legers par leur vistesse trauaillent le cerf, puis les seconds succe-dans et suruenans aux premiers, les tiers aux seconds, s'il y a trois relais, le rendent las et hors d'haleine aux derniers, s'il vient jusques a eulx et eschappe les meutes susdittes. ”

“ Mais es lieux couuers l'oudeur se garde mieux. Il y a par les fo-rests des lieux descouuers pleins d'herbes seiches et d'arbrisseaux picquans, que les bergers brus-lent, afin que par la chaleur y vienne plus d'herbe utile au bestial : quand le cerf passe au trauers de ces bruslis nouueaux, les chiens empeschez par la fumée, et esternuans souuent, laissent la queste; et encore qu'ilz y perseuerent, n'en peuuent auoir sentiment, a cause de l'oudeur de la fumée qui leur debilite le flairement, et est plus forte. ”

“ J'AY dict parauant qu'on appelle le cerf rusé et malicieux qui sçait plusieurs moyens d'euiter la mort et de sauluer sa vie ; mais vous, nobles et illustres veneurs, ne l'appelez fin et cauteleux, comme les autres, ains courageux et sage, ayans ja faict plusieurs vocables proprde l'art,es usurpez du vulgaire, mais de plus elegante et pleine signification par les forests, quand sont prononcez auec contenance et vesture conuenable a la venerie qui leur donnent merueilleuse grace. ”

“ Ceste repeue faitte s'en faict a l'instant une autre mais non en mesme lieu, des intestins nettoiez et lauez, lesquelz sont aussy de-uouez a Diane et a ses chiens, non taillez par lopins ou decoupez, ains entiers : en sorte que le veneur qui faict la curée, aprez les auoir leuez en hault, et monstrez aux chiens pour leur en donner plus d'appetit, il les jette incontinent au my-lieu d'eulx. En ces entrefaittes tous les veneurs, picqueurs et varlets de chiens doiuent corner la
prise en la maniere susditte, aprez que le cerf est venu en leur puissance. ”

“ Le cerf choisy est pressé par les chiens courans, par les picqueurs, par le son des trompes, par le cry des veneurs et bruyt des abbais. Et si, par aucun accident, il aduient qu'auant la chasse commencée, le questeur rapporte n'estre asseuré, le passetemps est remis au lendemain, et le cerf reserué : car il n'eschoit gueres, qu'il puisse longuement euiter le spectacle et combat. Et quand ores par l'indisposition du temps, ou quelque graue empeschement il eschaperoit, si est ce qu'au premier jour il est recouuert et poursuyui vigoreusement et opinias- ”

“ Sire, vostre coustume est et de voz veneurs, de ne chercher pour courir toutes sortes de cerfs indifferemment, et ne les choisissez poinct qu'ilz ne soient de bonne grandeur et longueur : ce que vous jugez, non par la veue du cerf seulement, mais aussi par les pieds, et par les fumées : lesquelles trouuans les veneurs, ilz les leuent diligemment, et mettent dedans leurs trompes. ”

“ Donques la faulte cogneue, le veneur sonnant de la trompe les retirera arriere, en lieu d'ou ilz pourront plus certainement reprendre leur droict ; ou si l'erreur est aduenue par la ruse de la beste, il les remettra au train de leur vraye course, qu'ilz auoient laissée pour se destourner a la faulse. Voicy encore une autre incommodité qui les fas-che souuent, et les faict faillir au commencement : les chiens ainsy deceuz par erreur ou par malice, et remis a leur droict tombent autrefois en faulte ”

“ Car il me semble que vous entendez toute l'affaire.—BUDÉ. Je ne l'ay touchée que par dessus.—LE ROY FRANÇOIS. Vous l'auez assez cogneue, et suffisamment comprise, pour un homme versant continuellement en autre profession. — BUDÉ. Si est ce, Sire, que je crains fort,
qu'en si peu de poincts par moy touchez, ne me soient eschappées beaucoup de paroles indiscretement, en m'ingerant parler trop auant de l'exercice royale, et plaisir de venerie : a quoy faire j'ay esté incité par l'attrayt de vostre humanité. ”

“ Aprez le rapport des deputez a faire la queste, quand, par l'aduis de l'assemblée, un ou deux grands cerfs sont choisis pour le passetemps de ce jour, vous adjoutez quelquefois la chasse de l'apres disnée a celle du matin, pourtant que vous auez plusieurs meutes de chiens, et double equip-page de venerie. Adonc l'on se rend au lieu destiné ou, de rechef, est monstré l'indice du giste par le lymier retenu de sa longe ou lesse de son collier qui impetueusement excite la beste, que l'on appelle a mon opinion, lancer. ”

“ Quelquefois aussy aprez auoir couru longuement par la forest, il faict a son aise plusieurs ruses. L'office du veneur est de suyure le plus prez et le plustost qu'il peult les chiens de la meute, et picquer droict par les erres et voyes que tiennent a la course du cerf. ”

“ La grandeur des cerfs se juge aussy par les frayeurs qu'ilz font aux arbres auprez de leurs gistes, aux foulées des feueilles et de l'herbe ou ilz gisent : dont se faict rapport en l'assemblée, par les deputez a faire la queste : et a leur aduis est choisy le cerf pour courir. ”

“ La troisiesme, que, par ce moyen, ilz ostent le sentiment d'eulx aux chiens. Entre les exemples de cest animal cherchant par ruses sauluer sa vie, j'ay trouué ceux cy dignes de consideration : l'on veoit le cerf se jet-ter en un troupeau de boeufs, et saillir sur l'un d'eulx, appuyé dessus par les jambes et espaules de deuant, courant assez longuement comme s'il estoit a cheual, touchant la terre auec les pieds de derriere seulement : afin de laisser aux chiens le moindre sentiment de soy et le plus incertain qu'il peult 1. ”

“ Auquel cas le veneur expert et aduisé n'est gueres deceu, pourueu qu'il prenne garde aux chiens passans, ou entende seulement leur voix : car il doit cognoistre les voix de tous, mes-mement des principaux de la meute, et qui ont meilleur nez. ”

“ Comme (dict il) , je chassois nagueres un cerf d'aage et rusé, il aduint en l'ardeur de la chasse assez longuement continuée, que le perdismes de veue, et toutefois les chiens ne vouloient passer outre, ny reprendre leurs erres; tous s'esbahis-soient, consideroient, s'entregardoient, faisoient ce qu'ilz pouuoient veneurs et picqueurs. C'estoit mer-ueille, et comm'enchanterie, que la beste eust esté eleuée en l'air, ou que la terre s'ouurant puis resserrant l'eust engloutie, ou qu'elle eust peu euader les yeux de nous et des chiens. ”

“ C'est merueille comment cest animal se despouille ainsy par chacun an et reuest en peu de mois, recouurant entierement le merrain perdu parauant; comment aussy il emmaigrist en hyuer et durant le rut, puis vers le mois de may il engraisse, sortant des forts ou il s'estoit caché, pour faire sa reposée en quelque beau lieu, prez des gai-gnages, afin de viander plus conuenablement, et recouurer sa beauté et venaison. ”

“ La meute retenue par sons et cris furieux et rudes, l'on requeste de rechef, et retourne l'on auec le lymier pour chercher les erres et brisées du cerf, et le reclamer, lequel se voiant sur-
1 Horuaris, hourvaris. On dit qu'il y a hourvari, quand les chiens tombent à bout de voie ; alors les veneurs retournent et leur crient: Hourvari, chiens! au retour!
pris, fuyt premierement et use de ses ruses, puys est pressé de toutes pars par les chiens et par les picqueurs sonnans de leurs trompes : tant qu'es-chaufé et mal mené il rende les abbais, qui est la fin et yssue du passetemps. ”