“ Hanc elemosinam Petrus et Rogerus et dictus Rainaldus prepositus de Nancel, in ecclesia Ursicampi Deo obtulerunt, et super altare solemni donatione posuerunt, ipsamque insuper memorati Petrus et Rogerus se quamdiu vixerint firmi tenere, et contra omnes calumpnias warandire, fide interposita pleviverunt. Hujus elemosine largitionem ratam habuerunt et concesserunt Elizabeth uxor Petri et eorum liberi, Petrus, Johannes, Rainaldus, Theophania, Heluidis, Ada, Eustachia, Agnes, Emmelina, uxor que Rogeri Eremburgis cum liberis suis, Adam, Johanne Sabina, Agnete. ”

“ Innocentius, episcopus, servus servorum Dei, dilectis filiis abbati et conventui Ursicampi, Cysterciensis ordinis, salutëm et apostolicam benedictionem. Solet annuere sedes apostolica piis votis et honestis petentium precibus favorem benivolum impertiri. Eapropter, dilecti in Domino filii, vestris justis postulationibus grato concurrentes assensu, vineam quam bone memorie Hugo, decanus Noviomensis, domui vestre contulit intuitu pietatis, sicut eam juste ac pascifice possidetis, vobis et post vos eidem domui auctoritate apostolica confirmamus, et presentis scripti patrocinio communimus. ”

“ Quod idem Guido concessit prius quam seculo renunciare disponens religionis habitum sumeret apud Ursicampum, sicut testantur Petrus Cordella, monachus sancti Eligii, et Symon nepos ejus, filius Boscardi, de Diva, et Godefridus Noviomensis carpentarius. Concessionis quoque Berneri et Odonis testes sunt Guido, Noviomensis ecclesie canonicus, et Rainerus de Betencurt, cum multis aliis qui omnes simul inter fuerunt quando ille hoc ipsum beneficium super altare quodam in ecclesia Ursicampi Deo obtulit. ”

“ Hanc elemosinam concesserunt liberi eorum Petrus, Nicholaus, Willelmus, Agnes et Ada, concedentibus hoc ipsum fratribus Ade prenominate, Petro canonico sancti Vedasti, et Gaufrido de Mûris. Hanc autem elemosinam omnes prefati in manu mea reddiderunt, et ego inde ecclesiam Ursicampi investivi per manum Johannis monachi ejusdem loci. Ego quoque eandem donationem benigne concessi, salvo redditu meo et justitia mea, atque ad perpetuam firmitatem presenti pagine sigillum meum apposui. Actum anno gratie millesimo ducentesimo sexto. ”

“ Petrus Silve Majoris et Balduinus Ursicampi abbates, et utriusque conventus monasterii, universis presentem paginam inspecturis in Domino salutem. Notum fieri volumus ecclesiam
Sancti Leodegarii de Bosco que a monasterio Silve Majbris emanasse dinoscitur, partem illam nemoris que Caisiux dicitur, quam diebus multis incôncusso tenore possidebat, ecclesie heate Marie Ursicampi concessisse jure perpetuo possidendam sub annuo censu triginta quinque solidorum Parisiensis monete, et unius denarii qui ecclesie Sancti Leodegarii a fratribus Ursicampi in festo sancti Remigii sunt reddendi. ”

“ Nos vero, sanam ejus petitionem debita humilitate suscipientes, prefatam terram, terram scilicet Manessiarum et Vadulorum, a fossato Gerardino usque ad territorium Ruminiacense, tam alodium quam terram mansualem, ecclesie sancte Marie de Ursicampo, ex consilio et pleno assensu totius nostri capituli, ex integro cum omnibus appendiciis suis concessimus ac immutabiliter contradidimus absolute ac perpetue libertatis jure possidendum. ”

“ Predictam autem pronunciationem facimus et ordinamus, salvo in omnibus jure alieno, salvo et jure ecclesiarum predictarum in omnibus aliis de quibus nulla facta est vel habita mentio in pronunciatione presenti, retinentes nobis potestatem declarandi usque ad instans festum omnium sanctorum usque ad
quod durât potestas nobis a partibus data, si in prelatione predicta emergeret aliquid dubium vel obscurum in quorum omnium testimonium et munimen sigilla nostra una cum sigillis predictorum abbatis et conventus sancti Medardi et abbatis-Ursicampi duximus apponenda. ”

“ In nomine summe et individue Trinitatis, ego Odo, Dei gratia Belvacensis episcopus, notum fieri volo universitati fidelium presentium etfuturorum quod Agnes, uxor Balduini de Furnival, et filii sui et filia, videlicet Lescelinus et Hubertns et Erma, dederunt in elemosinam sancte Marie Ursicampi quicquid habebant et babere debebat in territorio Gornaci et Fusniville in terra et aqua et pascuis, sub hoc censu scilicet ut eidem Agneti per singulos annos reddantur a fratribus Ursicampi usque ad octavum diem post festum sancti Remigii vu modii de frumento quod cresceret in eadem terra. ”

“ Si autem abbas Ursicampi postmodum aliqua occasione hoc statutum prosequi nollet, monachi sancti Leodegarii ad prefatum campum redirent et deinceps ut prius possiderent. Hoc verbum sic compactum, ratum in sempiternum permanere episcopali auctoritate decernimus, et ne quis infringere aut irritum facere presumat, sub anathemate interdicimus et presenti cyrographo confirmamus. Actum tempore Alelmi de Trachi, prioratum sancti Leodegarii obtinentis. Hoc autem concessit Petrus, abbas Silve Majoris, et sigillo suo muniri precepit. ”

“ Sarraceno vero humanis rebus exempto, post aliquanti temporis intervallum, Radulfus de Sarto, filius ejus, pro via quam pater suus fratribus Ursicampi concesserat, adversus eos calumpniam movit. Fossatum quo terre eorum claudebantur impleri fecit, et per easdem terras veterem viam reparare contendit. Quamvis etiam pascua de Manessiis et de Lier communia essent, ne fratres per territorium de Manessiis pecora sua ad pastum éducerent vel ejusdem territorii haberent aisantias, interdixit. ”

“ Ubi vero Emmelina predicti Petri filia concessit, testes interfuerunt Drogo de Villa, nepos Radulfi comitis, et Hugo de Britoneria, filius Gerardi majoris. Evoluto deinceps tempore, cum ego factus essem episcopus elemosinam hanc rationabiliter et legitime factam esse recognoscens, quia de feodo nostra erat, ob salutem anime mee et parentum meorum, vobis dilectis fratribus eam concessimus, et ut in pace perpetua lianc possideatis, omni censu vel exactione exclusa preter illum annualem denarium qui Petro vel heredi ejus debetur, confirmavimus hiis, coram astantibus Roberto Radulfo. ”

“ Noveritis quod nos obligationem quam karissimi fratres nostri Laurencius, tune decanus domusnostre de Lehuno in Sanguine terso, et ejusdem loci conventus de octo libris Parisiensibus annui et perpetui redditus religiosis viris abbati monasterü Ursicampi, Cysteriensis ordinis, Noviomensis dyocesis, et ejusdem loci conventui annis singulis persolvendis pro quadam domo quam habet dicta domus nostra de Lehuno in villa Perone, sicut in huic annexa littera seriosius continetur, fecerunt, laudamus, approbamus et tenore presentium confirmamus. ”

“ Notandum vero quod eadem Odotha, in prescriptis dotalitii jus habebat, est quod pro concessione sua congrua et bene placita recompensatio amedieta est, et in perpetuum assignata, redditus videlicet de Molincort, dictum quod jus in manu Jacobi, presbiteri de Thorota, sponte et absque ulla coactione liberum reddidit, qui de eodem, per manum Rogeri, monachi, dictam Ursicampi ecclesiam investivit. Hec etiam concesserunt dominus Stephanus, Noviomensis episcopus, et Odo Cacheleu, ad quorum feodum dicte possessiones pertinere noscuntur. ”

“ Noverint universi quod cum querela verteretur inter Odelinam, cognomento Felenesse de Roia, ex una parte et abbatem et conventum ex altera Ursicampi, coram nobis, videlicet a Domino papa delegatis, videlicet supra quinque jornalibus terre arabilis juxta grangiam de Greuni sitis, que ad se pertinere ipsa Odelina nomine dotalicii asserebat, tandem illa, saniori usa consilio, fide interposita, liti mote renuntiavit, et predicta quinque jornalia fratribus Ursicampi pleno jure in perpetuum possidenda quittavit. ”

“ Nos et ecclesiam nostram in perpetuum obligantes quantum ad omnia et singula predicta firmiter et inviolabiliter observanda, prout superius sunt expressa, promittentes etiam dictis abbati et conventui Ursicampi omnia et singula bona fide garandizare contra omnes, et quod contra premissa vel aliqua. de premissis per nos vel per alios non veniemus in futurum, renunciantes in hoc facto omni juris auxilio, tam canonici quam civilis, et omnibus aliis, tam juris quam facti, que nobis possent prodesse et dictis abbati et conventui nocere ad eludendum premissa vel aliquod de premissis. ”

“ Noveritis quod in jure propter hoc constitutis coram nobis magistro Petro, rectore parochiali ecelesie de Primpres et procuratore monasterii Ursicampi, exhibite nobis fuerunt per eosdem quedam littere sigillo abbatis Ursicampi sigillate, modum et formam conventionis cujusdam habite inter predictos abbatem et conventum ex parte una et prefatum magistrum ecclesie sue nomine ex altera, continentes in hec verba. Universis Christi fidelihus ad quos présentes littere pervenirent, frater Egidius, monasterii Ursicampi, Cisterciensis ordinis, dictus abbas ejusdem loci et conventus, salutem in Domino. ”

“ Hec nichilominus reddiderunt in manu mea prenominati Guido et Ivo, ac fide interposita pleviverunt quod bona fide contra omnes qui ad justiciam et legem venire voluerint, warandirent. Ego etiam ad petitionem dictorum Guidonis et Ivonis hec bénigne concessi, ac feodum quem ibi habebam quitum clamavi, concedentibus pariter Agnete uxore mea et socru mea domina Leduide. Inde quoque fratres Ursicampi investivi per manum Wilardi monachi coram testibus Rainero, monacho Ursicampi, Johanne Le Blon, Johanne Egret et Gileberto Petin. ”

“ Nos vero ipsam terram que estimatur ad modium unum ad mensuram Suessionensem, sicut Johannes eam clamabat, annuente capitulo nostro, dedimus ecclesic Ursicampi, ad terragium et decimam, colendam et possidendam in perpetuum. Si quis vero in ipsam terram aliud clamaverit nos eam liberabimus ut warandi erimus. Ut autem firmum sit et ratum, litteris presentibus confirmavimus et sigilli nostri auctoritate roboravimus. Actum in capitulo sancti Medardi astipulantibus testibus subscriptis, Radulfo priore et omnibus aliis qui in carta continentur. ”