Antoine Jacmon

“ Gens d'église, précédés de leurs croix, corporations de métiers, sous leurs bannières avec leurs fifres et leurs tambourins, graves chanoines de Notre-Dame, consuls drapés de rouge, baillis d'épée, juges de robe courte et juges de robe longue, gentilhommes et nobles demoiselles, bourgeois et bourgeoises appointés de satin ou de taffetas, menu populaire joyeux et ébahi, défilent avec cette intensité de vie et de passion que leur conservait la plume vigoureuse et vraie du fidèle témoin oculaire; l'illusion est complète. ”

“ Ladicte année et depuis le carneval dernier, ladicte malladye de fiebvre chaude a régné en ceste ville, laquelle nous a ravy par la mort le susdict sieur juge-maige, sa belle-filhe, l'advocat Bonnet et autre grande quantité d'honnestes jeunes gens, et, par exprès, la plus grande partye regrestés, et que font grand faulte à leur maison. Dieu nous veulhe garder de tumber en telle malladie et nous garantir d'une plus grande disette, par sa saincte grace; ne s'atachant que aux hommes, et fort peu de fammes. ”

“ Antoine Jacmon n'est ni un lettré, ni un esprit dédié comme Étienne Médicis, ni le témoin et le narrateur passionné, comme Jean Burel, de dramatiques événements tels que les guerres civiles et religieuses. Il vit à une époque plus calme et moins mouvementée. ”

“ Il est aussy à remarquer que ç'a à esté un don de Dieu que lhorsque ledict sieur évesque vouloict partir de Parys pour s'en venir icy, il faizoict le plus terrible temps, des pluyes, ventz et autres incommoditez, à ce que en dizent messieurs ses gens et estant party, le jour mesmes le temps s'est esclarcy et se mit en beau pandant son voyage; et estant arivé dans ladicte ville du Puy, dès landemain et la nuict mesmes, il fist, à grand abondance, de nege, bize et jelées, et après, de pluye pandant sept ou huict jours. A quoy l'on recoignoict qu'il est un grand homme de bien. ”

“ Or, Sire, Vostre Majesté de qui la clemance a toujours honnoré les victoires de son espée desire de signaller et randre memorable sa bonté par une seulle grace, c'est maintenant qu'elle peult paroistre en donnant la vie et la liberté à son serviteur très-humble à qui la naissance et la fortune ont promis une mort plus honnorable que celle qui le menasse. ”

“ Le second ouvrage pour la publication duquel l'Académie du Puy a eu la bonne fortune de trouver encore dans M. Chassaing un éditeur modèle, a pour titre Mémoires de Jean Burel, bourgeois du Puy. C'est, en effet, en vé.ritable bourgeois que le chroniqueur s'attache à relever tout ce qui peut faire honneur à sa ville natale. Médicis est le bourgeois de la Renaissance, lettré et bel esprit, expert à raconter dans un style animé et pittoresque les fêtes et les cérémonies publiques ”

“ Mais une maison sy ilustre et d'un sy bon renom, vertueuse et sy bien apuiée d'honneur, d'amis et de moyens, est de mauvais abastre pour tel subject, et après le droict et l'innocence les convaincra et luy seul les ruinera et en sortira en tout honneur avec l'ayde de Dieu et de la Vierge qui scavent le contenu de tout l'afaire. ”

“ Je vous direy encor une foix que nous très-humbles prières et requeste ne tendent qu'à vous demander pardon, non justice. Nous sçavons tous qu'il est coulpable d'avoir entreprins sur vostre Estat. Ayez esguard aulx services de son père et ausy aulx siens. Que vostre clémance ne manque poinct en son endroict, qui n'a heu que le désir de vous offancer, puisqu'elle a toujours esté preste pour ceulx qui ont desjà commis la faute. Ce sont les requestes de vous très-humbles serviteurs et subjectz, lesquelz nous esperons que Vostre Majesté, acompainiée de son ordinaire doceur, nous acordera. ”

“ N'est-ce pas ausy la plus grande de toutes les mervelhes que le 3° septambre de l'année présante 1648 naquirent dans le lieu de Durianne, parroisse collégialle de Sainct-Agrève du Puy, deux enfans malles procréés par la légitime conjonction de Jean Douziou et Catherine Rivette père et mère, tous les deux enfans d'une force et d'une beauté parelhe, sans aucune disproportion en leurs corps, fors qu'ilz se trouvent attachés par le nombril. Mais sans doute la nature a faict ceste chaine d'amour, afin qu'ilz fussent toute leur vie inséparables comme bons frères. ”

“ Lhors ayant mis pied à terre, l'on conduict sa litière avec ses deux mulletz dans l'escurie dudit seignieur évesque du Puy et le reste de son traing au logis du Faulcon de Jehan de Crespon, et estant l'heure de dix heures du soir, un pallafrenier vollant donner à soupper à son baisthal et le pansser, il laisse une chandelle allumée dans l'escurie, et après s'an va soupper. Lors ladite chandelle tumbe sur quelque palhe et commence de gaignier la fenière, la palha, boix et se fort agrandir tellement que les portes estant fermées, car ladite escurie est fort esloigniée de ladite esvesché. ”

“ Lesdictz offices se vandent beaucoup, lesdictz offices estant privilhégés que quiconque en a un il le peult assancer, et, bien qu'il l'asance, il sera exant de tutelle, collecteur et de lever talhes et sont heredictères, et dans le pays de Velley n'y en a le nombre de soixante. Donc c'est au prejudice de ceulx de la Saulnerie du Puy qui vandoient la sal, ladicte rue ayant playdé l'expace d'un lonc tamptz à Parix et à Monpelhier. De quoi lesdictz estrangers guaniarent par deffault, et ledict sieur Motte mena un president dudict Monpelhier en ceste ville pour se fère mestre en possetion. ”

“ Comme l'on s'alloit rancontrer au coing de la rue des Tables et au carré de la Bidoueyre, mesieurs de la justice, et consulz surviendrent et firent fermer les portes de la ville et les bouticques des maisons, et tout le peuple fust constrainct de se mestre en armes pour charger ces mutins et perturbateurs du repos public et principallement de coupe-garrestz que ledict sieur de Monréal avoit faict venir de Sainct-Agrève, de Fayt et de ces montaignies, car ausy ces séditieux ne devroient poinct faire allarmer la ville, mais s'aller bastre dehors, homme par homme, et [au] plus fort la victoire. ”

“ Ladicte année 1642, au mois de décembre, messieurs les chanoines de l'esglize Nostre-Dame du Puy se sont prins garde de remuer les sainctes et révérantes relicques tant de Nostre-Seignieur, Nostre-Daine, que sainctz et
sainctes, que autres belles et sainctes raretés qu'estoient en la chappelle qu'on appelle la Sacristie de Sainct-Pal, à cause que le peuple qui entret pour athandre un prestre qu'allat dire la saincte messe, aucuns ne portoient aucun respect et révérance auxdictes sainctes relicques, car on y parlet d'afères comme en un autre lieu ”

“ A ces traditions légendaires s'ajoutent d'ailleurs des matériaux de .plus de consistance et dont quelques-uns offrent une réelle importance. Citons, par exemple, l'inventaire du trésor de la cathédrale du Puy, le tableau de la division du diocèse en trois archiprêtrés (Monistrol, Solignac et Saint-Paulien) , contenu dans le rôle des redevances dues par les curés et prieurs à l'hostier de Saint-Pierre-le-Monastier. En ce qui concerne
l'histoire civile, outre des lettres patentes de Philippe de Valois, de Charles VII, Louis XI et Charles VIII, octroyant des privilèges à la ville du Puy, Ét. ”

“ Ladicte année 1644, messire Claude Spert de Volhac, habbé de SainctPierre-la-Tour, esmeu de pitié et [voulant] obvier au désordre et escandale et malheurs qui se commettent de nuict et de jour dans ladicte ville et faulxbourgtz d'icelle par de putains publicques et secrettes, a esté la cause qu'il a acquis une maison et jardin ou il a faict fère un grand encloz bien fermé où il est assisté de monsieur l'évesque, justice et police, et faict enfermer lesdictes publicques et habandonnées et icelles entretient à ses fraictz, lesquelles fait trevalher checune en son endroict. ”

“ Que ma vie, Sire, finisse aulx mesmes lieux où j'ey acotumé de respandre mon sang pour vostre service, et permetès que celluy qu'est resté de trante-deux playes, Sire, que les a receues en vous servant, et imitant vostre courage, soit encores respandu pour la conservation et acroissement de vostre empire, plus tot que je périsse ainsi honteusement, Sire, et que de ceste façon je recognoisse la grace que vous m'avès faicte de me laisser la vie. ”

“ Sur cella vient deux faulx-monoyeurs en forme de riches marchantz qu'arrivent audict lieu d'Agulhe, lesquelz demandent sy ne pourroient pas trouver dans ledict lieu quelque beau maguasin pour y se retirer et y repozer leurs marchandiszes, car ilz disoient d'y 1ère un grand sejour; tellement que quelqun des habitans de ladicte ville leur dict sans pansser en mal qu'il n'y en avoict poinct en la ville de plus grand ny plus propre que l'abeye, et que le sieur abé se tenoit dans le Puy et que seroit bien aisse de la leur bailher à louage. ”

“ Prenons à parler dudict sieur evesque que voyant fère la foulle de son foin, comme il estoit dans son evesché à une fenestre d'icelluy et voyant tant de peuple que ne luy apportoient sy peu de respect, il envoya mesire Pascal, curé de Sainct-George de ladicte ville, pour recognoistre iceulx ou une partye qui luy donnoient ce doumaige, à celle fin d'an fère enformer pour les fère punir. ”

“ Que très-expresses inhibitions et deffances sont faictes à toutes personnes, de quelle qualitté et conditions qu'ilz soient, de jurer et blasphémer le nom de Dieu et de la saincte Vierge, à payne de trante livres d'amande pour la première foix, et de punition corporelle, suivant les ordonnances du roy, pour la seguonde. Sont ausy faictes inhibitions et deffances de fréquanter aucungs jeux, berlantz et cabaretz, principallement pendant le divin service, ès jours de dimanches, festes sollennelles et autres dédiées à l'honneur de la saincte Vierge, à payne d'amande. ”

“ Il est à remarquer que ladicte année 1640, il n'a jellé aucunement, ny faict aucune naige en ce pays pendant les trois mois d'iver, qu'est les mois de décembre dernier 1639, et le mois de janvier et la moitié du présent mois de febvrier audict an 1640; qu'est un grand sollagement au pauvre peuple que n'ont poinct de boix, palhe ny foyn pour norrir leur bestailh, et mesmement que le froit ne les garde poinct de trevalher.
Mais le moix de mars a faict un terrible tamptz de pluyes, naiges et de fortes gellées espaisses, qui est un grand préjudice aulx biens de la terre. ”

“ Nonostant toutes les prières, par ce que cella est ung crime de lhèze-majesté, mais cella n'empescha pas de fère ausy mettre en prison ledict abbé quoique innossent; néangmointz l'on les contlampna tous trois d'estre pandus et estranglés et après estre brullés et les cendres jestées au vent. Mais vous heussiez veu ce pauvre abbé, lhorsque l'on les conduissoit au supplice, se sçachant innoscent et se voyant grand riche et avoir de bons amis et s'an aller morir miserablement. ”

“ Ce que fust exécutté, nonostant que monsieur le jeune chanoine Mège, de l'esglize Notre-Dame dudit Puy, et ledit Peyret furent criés à
trois briefz jours par les carrefoux de ladite ville à son de trompe, à cause d'avoir desrobé d'argent des melhisses et avoir faict passer des soldartz en passe vollans, sçavoir ledit sieur Mège de la première, et ledit Peyret de la dernière. Et néangmointz le pauvre peuple patit de tout et eux sont sçauvés. Voillà que l'inocent paye pour le coulpable Je prie Dieu que nous conssolle
[Acquisitions par M. de Polignac du domaine du roi dans le Velay.] ”