Clément Marot

“ L'histoire littéraire n'a vu de lui que cette portion de sa vie qui s'écoula entre l'adolescence et l'âge mûr, alors qu'au sommet de sa fortune, au milieu brillant de son existence, il développa, dans toute leur originalité, les plus fines, les plus charmantes, les plus exquises de ses qualités. La Postérité a oublié qu'il a débuté en poëte pédant, et fini en poëte prêcheur, comme elle a pardonné le cynisme répugnant de mainte épigramme en considération de la grâce parfaite de tant d'épîtres et de l'émotion touchante de plusieurs élégies. ”

“ En cet instant que tel desir me tient, Je voy par tout sentence trop diverse Entre mondains : l'un en public soutient Tort contre droict, l'autre equité renverse ; L'opinion plus commune est perverse, Et l'équitable inutile est rendue, La mauvaise est par force deftendue, Et la soutient le monde en son entier Par grand' rigueur ; mais la vérité nue Ne se rencontre en voye ne sentier. ”

“ CLÉMENT MAROT
Le signe particulier du génie de Clément Marot, c'est le mélange de l'esprit du Midi et de l'intelligence du Nord ; c'est la vivacité d'imagination, l'agilité du style, propres surtout aux poëtes de la langue d'oc, unies à la gravité mélancolique de la race normande.
Marot appartient, en effet, par sa naissance, en même temps au Nord et au Midi, et tous les accidents de sa vie ne servirent qu'à ranger sa muse,
tantôt sous l'une, tantôt sous l'autre de ces deux influences qui se disputent son talent. ”

“ Tout est par luy et par tout d'une essence, N'ayant besoin de rien, ou indigence ; Il ne faut donc à aucun simulacre Accomparer l'esprit divin et sacre.
Par ceste foy vive le juste vit, Lequel des mains de Dieu nul ne ravit, Et luy tombé confondu ne sera, Mais la faveur de Dieu l'eslevera.
Par foy, de Dieu vous estes le saint temple, Oui doit monstrer à chascun bon exemple, Et prier Dieu, sans aucune fainctise, Pour les seigneurs et pasteurs de l'eglise, Les honorant ainsi qu'il appartient, Et que de Dieu l'Escripture contient. ”

“ Seigneur, ceçy tu luy commande Pour esprouver ta pauvre créature, y Respondez moy : icy je vous demande Si quelque mal nous vient à l'aventure ?
Puisque n'avons aucune affliction, Mal, ny ennuy, dont maint mortel s'estonne, Sans le vouloir et la permission
Du souverain, qui en ce point l'ordonne, Je nommeray heureuse la personne Celle qui est au joug d'adversité, Oui souffre ennuy, mal ou perplexité, Et qui du monde est pour nulle tenue : Car c'est un signe et marque, en vérité, Que le Seigneur pour sienne l'a esleue. ”

“ Loyre est belle et bonne riviere, Qui de nous reveoir est si fiere Qu'elle en est enflée et grossie, Et en bruyant nous remercie.
Si vous l'eussiez donc abordée, Je croy qu'elle fust des bordée: Car plus fiere seroit de vous Qu'elle n'a pas esté de nous; Mais Dieu ce bien ne m'a donné Que vostre chemin adonné Se soit icy, et fault que sente, Parmy ceste joye presente, La tristesse de ne vous veoir.
Joye entiere on ne peult avoir Tandis que l'on est en ce monde ”

“ Croistre je voy d'un costé ta douleur, Et amoindrir d'un autre ta couleur, Qui monstre assez le nombre de ta peine Et le sejour de ta fievre incertaine, Qui demourra, si ton mal ne s'escarte, Et continue, ou bien en double quarte.
Parquoy, mieux vault tost en sortir blessé Que tard de mort en venir offensé. ”

“ C'est luy qui est l'eau vive et souveraine Qui dans le cueur faict sourdre une fontaine Saillant du ciel, d'un goust tant bon et soef, Que qui en boit il n'aura jamais soif.
A luy avez esté tirez du pere Pour aller veoir ce Pasteur vostre frere: Ne plus ne moins que'si fussiez l'eslite Qu'il a voulu choisir, et sans mérité Que de luy seul, dès le commencement, Quand par son mot il fit le firmament Il a bien dit : « Je cognoy mes ouailles, Et elles moy, et ouvrent les oreilles Pour escouter ma divine parole, Qui n'est en rien menteuse ne frivole. » ”

“ Ne soit donc plus la personne troublée Pour quelque mal qui luy vienne en sa vie, S'elle se veoit d'affliction comblée, De pauvreté ou griefve maladie, Que sa pensée au Seigneur soit ravie, Qui de tous maux seul la soulagera, De ses hayneux aussi la vengera En certain temps, et au lieu qu'on l'opprime, Luy mesme lors ses pleurs essuyera, Et la tiendra en grand prix et estime. ”

“ Commence, Enfant, d'entrer en ce bon heur : Reçois desja et l'hommage et l'honneur Du bien futur. Voy la ronde machine Qui sous le poids de ta grandeur s'encline; Voy comme tout ne se peut contenir De s'esgayer pour le siecle advenir.
0 si tant vivre en ce monde je peusse, Qu'avant mourir loisir de chanter j'eusse Tes nobles faits, ny Orpheus de Thrace, Ny Apollo, qui Orpheus efface, Ne me vaincroit, non pas Clio la belle,
Ny le dieu Pan, et Syringue y fust elle.' Or vy, enfant, vy, enfant bien heureux ”

“ Marot s'enhardira D'escrire au Roy, et ton cas lui dira ; Que pleust à Dieu que ton mal si pervers
Se peust guérir par rimes et par vers, Ou qu'en moy fust tout ce qui est duisant A divertir cela qui t'est nuysant. ”

“ Ilz ont receu vaine philosophie, Qui tellement les homme magnifie, Que tout l'honneur de Dieu est obscurcy, Et le haut mur d'ergotis endurcy, En mesprisant celle qui, tout en somme, Donne louange à Dieu, et non à l'homme, Sinon qu'il est plus vain que vanité, Et plus leger que la legereté, S'il estoit mis aux poids de la balance.
Tout son sçavoir, sans foy, c'est ignorance; Cuydant sage estre, il est fol devenu, Combien qu'il fust en haut lieu parvenu.
Ce qui luy est prudence tant polie N'est rien vers Dieu qu'ignorance et folie. ”

“ EN m'esbatant je fais rondeaulx en rithme, Et en rithmant bien souvent je m'enrime ; Brief, c'est pitié d'entre nous rithmailleurs, Car vous trouvez assez de rithme ailleurs, Et quand vous plaist mieulx que moy rithmasDes biens avez et de la rithme assez : [sez, Mais moy, à tout ma rithme et ma rithmaillc, Je ne soustiens (dont je suis marry) maille.
Or ce me dit (un jour) quelque rithmart : « Vien ça, Marot, treuves tu en rithme art Qui serve aux gens, toy qui a rithmassé ?
— Ouy vrayement (dy je) Henry Macé ; ”

“ Musette dy, laquelle au moindre son Souloit jadis dresser une chanson, Que je sonnois d'un si ardent courage, Qu'à ce hault son ceux de nostre village Sailloient plus dru, plus legier et plus viste Que ne fait pas le lievre de son giste, Quand par veneurs et courantes levrieres Est poursuivy en ces larges bruyeres, Et au rondeau auquel pastres dansoient, Sans y viser promptement se lançoient, Et sçais tu bien, ô Pan, leur promptitude Vient d'un bon cueur, et de fervente estude Qu'ils ont en eux pour tous jours t'honorer, Et avec moy ton sainct nom decorer. ”

“ Mais de la foy, qui l'homme justifie, Tant s'oit meschant, quand en Dieu se confie, Soit deffiant de soy et sa vertu, Que ne luy faut estimer un festu : Car ayant fait tout selon l'Evàngile, Dites : « Je suis serviteur inutile. »
Parlant de foy, j'entens de la foy vive, Laquelle n'est vers son prochain oysive; Qui vient de Dieu par grâce, et en pur don, Et non de nous, faisant l'arbre estre bon , Qui par l'ardeur d'icelle fleurira , Et son bon fruict en son temps produyra :
Car l'homme en foy ressemble à son ouvrage, L'arbre planté l'orée d'un rivage, Qui son bon fruict produit en la saison. ”

“ Si tu dys vray, je te jure et promets Par le hault ciel, où je n'iray jamais, Que des Enfers sortiras les brisées Pour t'en aller aux beaux Champs Elysées, Où liberté faict vivre les esprits Qui de compter verité ont apris. ”

“ Les vrays trompeurs qui ce monde seduysent.
Puis qu'on m'a donc l'esprit mis en mal ayse, Excusez moy si l'Epistre est maulvaise, Vous asseurant, si l'eussiez bien gaignée, Qu'elle eust esté (pour vray) bien besongnée ; Mais tout ainsi que vous avez gaigné, Par mon serment, ainsi j'ay besongné; Non qu'à regret ainsi faicte je l'aye, Ne qu'à regret aussi je vous la paye : Tous mes regrets, toutes mes grans douleurs Viennent (sans plus) de ce que les couleurs N'ay sceu gaigner d'une tant belle dame, A qui Dieu doint repos de corps et d'ame. ”

“ C'est un marchand qui à bon marché preste, Mais au payer c'est une caulte beste, Car son credit est d'une telle attente Qu'il n'est celuy qui ne s'en mescontente.
Doncques, amy, qui aimes amour suivre, Pense le mal qui vient de le poursuivre, Et voy le bien qu'on a de le laisser ; En y pensant ne te pourra blesser, Mais bien plus tost d'une playe guérir Qui te pourroit par temps faire mourir.
Ce que je dy vient de l'affection Et la pitié qu'ay de ta passion, Voyant du tout la raison estre absente, Par folle amour qui en toy est présente. ”

“ Ne cuyde aucun, tant soit bas, tant soit mince, Ne cuyde aucun, tant soit grand, tant soit prince, Se desmeller d'ennuy, peine et esmoy, S'il me veult suyvre et venir après moy.
Si l'Art d'A ymer tu as leu de bien près, Tu trouveras qu'il enjoinct par exprès A tout amant que des mœurs il s'informe De sa maistresse, et puis qu'il se conforme.
De moy souvent donc tu t'informeras, Puis tes effeetz aux miens conformeras,Et mesmement apprendras l'accordance Et la façon de me suyvre à la dance; Car qui ne sçait avecques moy danser, Je ne le puis en m'amour avancer. ”

“ Il est bien vray qu'il est passé De l'Italie en la Provence.
Les Françoys crient Vive France, Les Espagnolz Vive l'Empire : Il n'y a pas pour tous à rire ; Le plus hardy n'est sans terreur.
N'est ce pas un trop grand erreur Pour des biens qui ne sont que terre De mener si horrible guerre ? ”

“ Je dis que quand les peines se présentent, Bien que vos cœurs foibles s'en mescontentent, Que ne devez pourtant les eviter, Mais prendre en jeu, et vous exerciter, Ayant regard aux pires adventures, Que le present vous fait juger futures.
Quand un mary qui d'ennuyer ne cesse, S'en va dehors, et liberté vous laisse, C'est un grand mal; mais si vous l'endurez,. ”

“ De cest amour, sans t'en estre apperceu,.
Qui sous couleur d'un esperé remede A tuer cœur, corps et ame procede.
Premièrement, le plaisir que tu prens Est de souffrir, et ainsi l'entreprens ; Car sans souffrir amour n'est pas parfait, Et sans pouvoir ne vient on à l'effet.
Et quand l'on a eu le fruict de l'attente, Et qu'on parvient au poinct de son entente, Le temps de soy fait le tout oublier, Et bien souvent cause le publier; Je ne dy pas qu'il t'en advienne ainsi, Et ne juge que tu prennes soucy; Mais respons moy, qu'est ce que tu attens De ceste amour ? ou l'ennuy, ou le temps ? ”

“ Petit troupeau, vous n'avez donc plus cure D'estre repeu de l'humaine pasture, Ayant ouy la joyeuse nouvelle De ce pain vif qui rend l'ame immortelle, Du haut du ciel icy bas descendu, Pour estre à tous les humains espandu, Qui vous a faict ce haut bien et cest heur D'ouir la voix de vostre bon Pasteur, Qui est entré dedans la bergerie Pour le salut de la brebis perie, La restaurant de si doux pasturage, Que d'un mauvais il fait un bon courage.
C'est luy qui est vérité, vie, et voye Où nul vivant ne s'esgare ou fourvoyé. ”

“ Le cueur et le corps d'un affaire Dont toy et moy n'avons que faire : Cela n'est que irriter les gens ; Tellement que douze sergens, Bien armez jusques au collet, Battront bien un homme seulet, Pourveu que point ne se defiende.
Jamais ne veulent qu'on les pende.
Si disent les vieulx quolibetz Qu'on ne voit pas tant de gibetz En ce monde que de larrons.
Porte bonnetz carrez ou rondz, Ou chapperons fourrez d'ermincs,
Ne parle point, et fais des mines, Te voyla sage et bien discret. ”

“ C'est luy qui a baillé pour nous sa vie, • Tant il a eu de nous saulver envie, Et a rompu nostre captivité, En nous donnant franchise et liberté.
C'est le Pasteur de nous si fort jaloux, Que ne serez pris ne ravis des loups. ”

“ Le chevaulcheur qui à couvert s'est mis, Laissant passer ou la gresle ou la pluye, Dès que de loing veoit qu'Aquilon essuve Le ciel mouillé, il entre en grand plaisir, Desloge et tire au lieu de son désir, Certes, ainsi, Monseigneur redoubté, Si tost que j'euz mon retour escouté, Et que je vey la grand' nue essuyer Qui en venant me pouvoit ennuyer, Mon premier poinct ce fut de louer Dieu, Et le second de desloger du lieu Là où j'estois, pour au pays venir D'où je n'a y sceu perdre le souvenir.
Nature a prins sur nous ceste puissance De nous tirer au lieu de sa nayssance ”

“ Il en advient aux amys aultrement : S'ilz ont suivy l'amoureux exercice, En eulx se garde une grande justice; Ce qu'appartient à un chascun ilz rendent.
A Dieu l'esprit, et pour ce qu'ilz entendent Que le corps n'est que terre en chair réduite, Donnent au corps d'amy qui le merite Rien ne leur peult trop Amour desgqiser, Suyvant le bien et ce qu'il fault priser, Et d'autant plus que l'esperit repose, Nommer heureux en malheur je les ose.
Pour acquerir le repos que je loue,
Fault qu'un chascun de volupté se joue. ”