Pierre Le Loyer

“ Il n’eust ligué à soy les Cocus et l’Amour.
Partout ont les Cocus une belle puissance,
Et sur tous les Oyseaux sont douez d’excellence ;
Regardez mesmement comme tous les Oyseaux,
Soient ou ceux-là de l’air, de la terre, ou des eaux,
Ayans pondu leurs œufs, vont couvant leur nichée,
Et lorsqu’ilz sont esclos leur donnent la bêchée,
Les vont entretenant en la mesme façon
Dont la pauvre femme use envers son enfançon
Que chetifve elle pend au bout de sa mamelle
Et va cherchant du pain tant pour luy que pour elle. ”

“ Comme au vaincu donne loix le vainqueur.
Or je vous viens advertir en cachette
Qu’aucun de vous la paix ne leur permette
Que ne voyez ces deux poinctz arrestez
Par le vouloir des Dieux leurs députez ;
Que les Cocus comme Princes commandent,
Et que les Dieux leur beau sceptre leur rendent,
Lequel jadis ilz portèrent pompeux
Estans prisez et des hommes et d’eux,
Et pour la paix establir davantaige
Que Jupiter presente en mariaige
Au Dieu Coquard des Cocus redouté
Une Deesse excellente en beauté,
Qui est sa fille entre toutes cherie
Et qui a nom Dame Zelotypie. ”

“ Ainsi vous, Dieux, par nostre bénéfice,
Ne perdrez point le promis sacrifice.
Or pour autant qu’aux cieux vous demeurez
Et que jamais vos faces ne monstrez,
Les hommes vains qui en leur esprit croyent
N’estre point veuz d’autant qu’ilz ne vous voyent,
Ne vont craignant, voire en plein jugement,
De parjurer vostre nom par serment,
Et à fureur ainsi ilz vous provoquent
Faschez de voir que de vous ilz se mocquent :
Si que souvent pour le crime d’aucun
Vous punissez tout un peuple en commun,
Et ne mettez aucune difference
Entre le bon et celuy qui offense ”

“ Levez voz cœurs en haut, et dans les cyeux montez,
Contemplez des Cocus les sainctes majestez,
Le renom immortel et la puissance telle
Qu’à Jupiter conçeu de semence immortelle :
Adorez leurs grandeurs, et par veuz solennelz
Presentez-leur vos dons comme aux Dieux eternelz :
Ilz sont plus anciens que la mer, que la terre,
Que l’air, et que le ciel qui tout couvre et enserre,
Devant le viel Chaos, l’Erebe, et les Enfers,
Qui feurent embrouillez parmy tout l’univers,
Devant Saturne aussi dont la belle semence
A produit tous les Dieux autheurs de vostre essence ”

“ La Néphélococugie, que nous mettons sous les yeux de quelques curieux, est une œuvre fantastique et railleuse. Les malheurs des époux trompés n’ont jamais été l’objet de plaisanteries plus mordantes et plus bouffonnes. C’est d’Aristophane que Le Loyer s’est inspiré ; il a emprunté quelque chose aux Nuées, quelque chose aux Oiseaux, et il a produit une œuvre qui n’a pas, ce nous semble, son pendant dans quelque langue que ce soit. En un mot, c’est une débauche d’une imagination spirituelle et d’une verve infatigable. ”

“ Le filz de Maie, interprete des Dieux,
Me vint sommer d’aller faire en personne
L’hommage deu, pour moy et ma coronne,
Au Dieu qui faict trembler dessouz sa faux
Par les jardins tous les autres oyseaux :
Je respondy que tout mon cocuaige
Ne tenoit point à foy et à hommage
De ce Dieu là, ains de ma majesté,
Qui y commande en souveraineté,
Et reffasay d’estre soubz la puissance
D’un Dieu tiran contraire à nostre engeance,
Cruel, félon, sans amour, sans appuy
Et le motif de nostre grand ennuy. ”

“ Ains les laissent couver et prendre nourriture
Au nid d’un autre Oyseau, qui soigneux en a cure,
Comme sien les deffend, les ayde, les cherist,
Leur apprend à voler, les ayme et les nourrist.
Ainsi feirent jadis les illustres Deesses,
Celles que les grands Dieux choisirent pour maistresses,
Car Cybele bailla son enfant Jupiter
À la nymphe Amalthée, afin de l’alaicter
Dans un antre de Crète, et Junon immortelle
Ne nourrist point Vulcan de sa propre mamelle,
Ains l’envoya nourrir aussitost qu’il feut né
Dans l’isle de Lemnos son séjour fortuné. ”

“ Et du grand bruict dont sans celle elle coulle,
L’air retentist et résonne le mont
Et les vallons muglent jusques au fond :
Ainsi les Dieux se font bien loing entendre
Quand leur fureur commence à les esprendre,
Et que sans cesse ilz vont pleuvant des cieux
Mal dessus mal aux hommes vicieux
Qui vont servant de miroir et d’exemple
Envers celuy qui leurs malheurs contemple,
De ne vouloir aux grandz Dieux s’attaquer
Et de leur nom, profanes, se mocquer. ”

“ L’homme n’est plus jaloux de son espouse,
Et du mary n’est la femme jalouze,
Sans nul scandale et sans aucun ennuy
Les deux espoux pondent au nid d’autruy.
Ores à l’homme est la femme publique,
Comme Platon veult en sa République,
Et l’homme aussi à la femme est commun
Et les enfans sont communs à chacun ;
Tous sont Cocus sinon par le plumaige
Au moins d’esprit, de vueil et de courage,
Et ne verriez par les hommes, sinon
Bruire tousjours et vous et vostre nom. ”

“ Et n’ayans point de Cocus charpentiers,
Qui de doler le boys feussent ouvriers,
Le Roy voyant tarder nostre entreprise,
D’un beau moyen en son esprit s’advise :
Il envoya de ces Oyseaux chercher
Qu’on voit au creux des arbres se cacher
Et faire un bruict dans la ramée espaisse
Fendans le boys et becquetans sans cesse,
Robustes, fortz, en leurs plumages verdz,
Oyseaux de Mars et appelez Pycvers. ”

“ Ainsi soigneux de comprendre ces choses
Qui dans le sein de la terre sont closes,
Ilz vont suivant la Nature qui faict
Dedans son moule un ouvrage parfaict,
Et dans leur art font en peu de journées
Ce que nature en mille et mille années
Ne sçauroit faire, encore que ses mains
Passent de loing le labeur des humains,
Que son labeur nostre artifice gaigne
Et qu’elle-mesme est celle qui enseigne
Les plus sçavans, qui leur affection
Dressent tousjours vers sa perfection,
Contr’imitans d’effect et de courage
Ce qui reluict en son divin ouvrage. ”

“ Quelques Oyseaux finement se couller,
Qui tascheroient, cachez en embuscade,
De nous donner une chaude algarade,
Et moyenner que noz murs commencez
Feussent du tout de l’œuvre delaissez.
Puis cela faict il te reste de faire
Ce qu’aux Cocus n’est pas moins nécessaire :
Tu envoiras aux hommes un heraut,
Et aux grands Dieux qui habitent là haut :
Aux Dieux, affin qu’ores ilz nous honorent,
Et aux humains affin qu’ilz nous adorent
Comme les Dieux puissans et immortelz,
Et comme à eux nous façent des autelz. ”

“ Et du Cocu le froid tempere de sa femme
La bouillonnante ardeur, la chaleur et la flamme,
Et de la Caille aussi les attraitz chaleureux
Temperent le Cocu tremblant et froidureux,
Et l’un et l’autre ensemble en si belle harmonie
Passent joyeusement le reste de leur vie,
Sans que l’un par le froid soit esmeu, et transy,
Et que l’autre du chaut soit embraizé aussi :
Bref leur desir, leur soing, leur amour violente
Ne cherche autre plaisir, et autre but ne tente,
Que l’un de reschauffer le grand froid qui le tient,
L’autre de refroidir le chaut qu’elle soustient. ”

“ Le vuide et son espace,
A ce fier ennemy
Que l’on donne la chasse.
Sus, poursuivons ses pas,
Loing de nous il n’est pas,
Tost, tost, qu’on s’appareille,
De ses ailles le bruict
Qui par l’air l’entresuict
A frappé nostre oreille. ”

“ Puisque les Dieux craignans nostre puissance
Seront contraintz nous faire obéissance,
Et que vivrons de metz plus precieux,
Que reste-t-il que nous ne soyons Dieux ?
Genin
Rien ne vous fault, et sans doubte on peult croire
Que vous serez en aussi grande gloire
Que sont les Dieux vers les hommes mortelz ;
Ilz vous feront, comme aux Dieux, des autelz,
Et sacreront à vos grandeurs des temples,
Et de presens et de richesses amples
Les orneront, et de voeux presentez
Apaizeront vos sainctes majestez. ”

“ Vuide pourquoy ? Parce qu’il est ouvert,
Qu’il est tout vacque et qu’il est tout desert.
Mais si tu veux me croire en une chose,
Fais-y bastir une ville bien close
Et bien garnie autour de toutes partz
De boulevertz, de tours et de rempartz,
Et y demeure, et toute la grand’ bande
De tes Cocus auxquels Roy tu commande.
En ceste sorte estant fortifié
De murs, de gens, tu iras sans pitié,
Escarbouillant plus dru que la tempeste,
À gros caillous de Priape la teste.
Et quand les Dieux le pourroient secourir,
Ilz n’oseroient de crainte de mourir
De male faim. ”

“ A vous autres humains, ilz seront un Ammon,
Delphes, Cyrrhe, Dodone, et un autre Apollon,
Et les allant prier comme Dieux admirables,
Ilz vous seront tousjours bénins et favorables,
Ilz vous escouteront, et heureux vous serez,
Aux enfans des enfans de ceux que vous aurez,
Ilz vous don’ront aussi des biens, de la richesse,
De la felicité exempte de tristesse,
Des plaisirs, des grandeurs, des Estats à planté,
Des danses, des esbatz, et de la volupté,
De la paix, du sçavoir, qui les hommes décore,
De la santé, de l’heur, de la sagesse encore ”

“ Les Dieux ensemble et Jupiter supresme
Nous ont commis d’une volonté mesme
Pour moyenner aveques vous la paix
Et faire amys vous et nous desormais.
Genin
Vous ne perdez que le temps et la peine ;
Nous aymons mieux une guerre certaine
Que de laisser dessouz un feint accord
Croistre la force à nostre ennemy fort.
Hercule
Accorde-nous, ô bon Genin, accorde
Que nous soyons vous et nous en concorde :
C’est toy qui as remis en sa grandeur
De tes Cocus l’ancienne splendeur,
Et dessus toy les Cocus se reposent
Et rien entre eulx sans toy ilz ne disposent ”

“ Et n’iront-ilz au reffus que ferons,
Mettre à la mort tous tant que nous serons ?
Genin
Les craignez-vous ?
Chœur
Les craignez-vous ? Ouy.
Genin
Les craignez-vous ? Ouy. Pour quelle encombre ?
Chœur
Ils sont plus fortz que les Cocus en nombre,
Et en puissance.
Genin
Et en puissance. Ostez tous ces emoys,
Vous estes plus de Cocus mille foys,
Que l’on ne void d’oyseaux par tout le monde,
En l’air, en mer, ou en la terre ronde ;
Quant à la force, un Cocu hazardeux,
Comme l’on dict, en vaut tousjours bien deux. ”

“ Ilz les blâment aussi qu’ilz vivent solitaires,
Qu’ilz hayent leur espèce, et qu’ilz luy sont contraires,
Seulz de tous les Oyseaux qui vivent en discord
Et ne peuvent ensemble avoir aucun accord.
Ce n’est tout que cecy, ilz les notent de vice,
Les appellent ingrats et farcis de malice,
De quoy ilz vont tuant ceux qui les ont nourriz :
Et de là les Françoys ont le proverbe appris,
Qui taxant des ingrats la méchante nature,
Les nomme de Cocus l’ingrate nourriture
Et les faict ressembler aux Cocus qui n’ont pas,
Comme est le dict commun, la nature d’ingratz. ”

“ Laquelle estant de soy-mesme amoureuse,
De deux beaux œufs feist engraisser son sein :
De l’un nasquit l’archeret inhumain,
Ce Dieu Amour portant au dos des ailles
Et un carquois plein de flesches mortelles,
De l’autre vint un Cocu printanier
Qui feut l’autheur des Cocus le premier,
Noble Cocu, dont la race feconde
Peuple aujourd’huy la plus grand’part du monde.
Chœur
Si les Cocus à ton dire sont vieux
Plus que la mer, que la terre et les cieux,
Que ne sont-ilz ou Dieux ou quelques Princes,
Ayans souz soy les plus belles Provinces ? ”

“ Sçavoit au style grave autant comme au folastre,
Sa Muse composer s’il en avoit desir.
Mais voyant qu’en la France autre subject plus brave,
N’est commun aujourd’hui que celui qui est grave,
Il a mieux desiré le folastre choisir. ”

“ NOTICE SUR P. LE LOYER ET SUR SES OUVRAGES
Pierre Le Loyer, sieur de la Brosse, est un des plus singuliers de ces écrivains à idées bizarres, à conceptions étranges, qui furent assez communs au seizième siècle. À cette époque, la pensée religieuse et philosophique, si longtemps paralysée, reprenait son essor ; la littérature participait à une semblable indépendance. On voulait du nouveau ; on courait après le paradoxe ; une vaste érudition ne servait souvent qu’à enfanter des productions ridicules. ”

“ Mais où ont-ilz commandé autrefois ?
Conte-le-moy, de grace, je t’en prie.
Genin
Ilz feurent Roys d’Egypte et de Surie :
Qu’il ne soit vray, quand on void au Printems
Quelques Cocus en ces quartiers chantans,
Lors en son champ tout le monde amoncelle
Le fourment, l’orge, et l’aveine eu javelle,
Et en ce tems on se mocque de ceux
Qui d’asserrer leurs biens sont paresseux,
Gens inutilz, qui n’ont en reverence
De leurs Cocus l’honorable présence.
Cornard
S’ilz sont mocquez, aussi le gaignent-ilz,
N’honorans pas des oyseaux si gentils. ”

“ Quand il est doucement à son contraire adjoinct.
Le sec est temperé de son contraire humide,
Et l’humide du sec est retenu en bride ;
Le chaut est par le froid fait tiede et moins brûlant,
Et le froid par le chaut debvient morne et plus lent ”

“ Les amours de nostre ville
Captivent l’homme serville
Sous un vouloir indompté,
La terre ne les recrée,
Ains beaucoup plus leur agrée
L’air des Cocus habité.
Le nectar et l’ambrosie
Qui les grandz Dieux rassasie
Ne les faict point désireux
D’aller au ciel et d’y vivre ;
L’heur qu’ilz desirent de suivre
C’est d’estre Cocus heureux. ”

“ Qu’aillent les Dieux, sinon par l’air liquide ?
Genin
Je n’en sçay rien, si ne voulons nous-pas
Que par nostre air ilz volent plus en bas,
Ores qu’ilz soient célestes et qu’ilz puissent
Nous opposer le droict dont ilz joüissent
D’aller par l’air, et qu’on n’a aucun Dieu
Gardé jamais de passer par ce lieu.
Et si n’estoit que tu es femme et telle
Qu’au ciel n’y a de Deesse plus belle,
Tu ne serois sans danger parmy nous
Dont n’est petit bien souvent le courroux. ”

“ Le Loyer se distingua dans cette carrière, et il aborda sans hésitation des genres fort différents les uns des autres. Ce polygraphe a laissé un nom assez connu des amis de l’histoire littéraire, mais ses écrits, devenus rares, sont fort oubliés de nos jours ; la plupart d’entre eux ne méritent guère d’ailleurs d’être retirés des ténèbres où ils sont plongés ; quelques lignes, voilà tout ce qui doit leur revenir. Deux d’entre eux, la Néphélococugie et le Muet insensé, que nous mettons à la disposition de quelques curieux, peuvent encore être lus avec intérêt. ”