Marie de France

“ La reïne se curuça,
iriee fu, si mesparla.
’Lanval’, fet ele, ’bien le quit,
280 vus n’amez guaires tel deduit.
Asez le m’a hum, dit sovent,
que de femme n’avez talent.
Vaslez amez bien afaitiez,
ensemble od els vus deduiez. ”

“ Ariere vait la dameisele,
hastivement sa dame apele.
285 Tute l’aventure li dit,
mult pleint le mort que ele vit.
Respunt la dame : ’Or i aluns !
Se il est morz, nus l’enforruns ;
nostre prestre nus aidera. ”

“ Li reis s’en curuça forment ;
juré en a sun sairement :
s’il ne s’en puet en curt defendre,
330 il le fera ardeir u pendre.
Fors de la chambre eissi li reis ;
de ses baruns apela treis,
il les enveie pur Lanval,
ki asez a dolur e mal. ”

“ N’i a mestier sens ne cointise :
pur la dame l’a si suzpris,
tuz en est murnes e pensis.
65 Or l’i estuet del tut entendre,
ne se purra niënt defendre.
La nuit ne dort ne ne repose,
mes sei meïsme blasme e chose. ”

“ S’amie remest a maisun.
Sis pere li duna barun,
125 un mult riche hume del païs,
mult esforcible e de grant pris.
Quant ele sot cele aventure,
mult est dolente a desmesure
e suvent regrete Milun. ”

“ Mais quant il a en un païs
hume ne femme de grant pris,
cil ki de sun bien unt envie
10 sovent en diënt vileinie.
Sun pris li vuelent abaissier :
pur ceo comencent le mestier
del malvais chien coart, felun,
ki mort la gent par traïsun. ”

“ Il est a sun ostel venuz ;
ses humes trueve bien vestuz.
Icele nuit bon ostel tint ;
mes nuls ne sot dunt ceo li vint.
205 N’ot en la vile chevalier
ki de surjur ait grant mestier,
que il ne face a lui venir
e richement e bien servir. ”

“ Mult fu dolenz, mult fu pensis,
grant doel fist, grant doel demena ;
mes de ceo se recunforta
155 que pres esteit de sa cuntree
cele qu’il tant aveit amee.
Milun se prist a purpenser
coment il li purra mander,
si qu’il ne seit aparceüz,
160 qu’il est el païs revenuz.
Ses letres fist, sis seela.
Un cisne aveit qu’il mult ama ”

“ Sur le demeine lit al rei
truevent dormant le chevalier.
300 Li reis le curut enbracier ;
plus de cent feiz l’acole e baise.
Si tost cum il pot aveir aise,
Tute sa terre li rendi,
plus li duna que jeo ne di. ”

“ Mielz le vueil vers deu amender
que mei hunir ne vergunder.’
95 Celes ki en la chambre esteient
la cunfortouent e diseient
qu’eles nel suferreient pas ;
d’enfant ocire n’est pas gas.
La dame aveit une meschine,
100 ki mult esteit de franche orine ;
lung tens l’ot guardee e nurrie
e mult amee e mult cherie. ”

“ Cil li diënt qu’il unt oï
que li barun erent bani,
a Tintagel deivent venir,
40 li reis i vuelt feste tenir,
a pentecuste i serunt tuit ;
mult i avra joie e deduit,
e la reïne od lui sera.
Tristram l’oï, mult s’en haita. ”

“ Li chevalier encuntre vunt,
ki pur eles grant joie funt.
Il les unt prises par les mains :
cil parlemenz n’ert pas vilains.
255Lanval s’en vait de l’altre part,
luin des altres. Mult li est tart
que s’amie puisse tenir,
baisier, acoler e sentir ”

“ Tant vus vueil dire de Milun :
mult le fist bien en cel estur
e mult i fu preisiez le jur.
405 Mes li vaslez dunt jeo vus di
sur tuz les altres ot le cri,
ne s’i pot nuls acumparer
de turneier ne de juster.
Milun le vit si cuntenir,
410 si bien puindre e si bien ferir :
par mi tut ceo qu’il l’enviot,
mult li fu bel e mult li plot. ”

“ Quant ele vint en tel eé
que nature furme belté,
en Bretaigne ne fu si bele
ne si curteise dameisele.
245 Franche esteit e de bone escole
e en semblant e en parole.
Nuls ne la vit ki ne l’amast
e merveille ne la preisast.
Li riche hume veeir l’alouent. ”

“ El demain par matin leverent,
870 par les ostels se cunreerent.
De la vile issent a grant bruit ;
Guigemar primes les cunduit.
Al chastel vienent, si l’asaillent ;
mes forz esteit, al prendre faillent. ”

“ Mielz valt uns povres huem leials,
se en sei a sen e valur ;
e graindre joie est de s’amur
145 qu’il n’est de prince ne de rei,
quant il n’a leialté en sei.
S’alcuns aime plus haltement
qu’a sa richesce nen apent,
cil se dute de tute rien. ”

“ Il la met a raisun un jur
e dit que mult a grant merveille
que la dame si s’apareille ;
[Bl. 163a] demanda li que ceo deveit.
240 La vieille dist qu’el ne saveit
(kar nuls ne pot parler a li
ne ele n’ot dru ne ami)
fors tant que sule remaneit
plus volentiers qu’el ne suleit ”

“ La est la piere cruese e lee
suz un buissun, dedenz cavee.
95 Mes dras i met suz le buissun,
tant que jeo revienc a maisun.’
La dame oï cele merveille,
de poür fu tute vermeille.
De l’aventure s’esfrea. ”

“ Ore oëz ceo que jeo dirai !
435 S’il ne vus volsist mult grant bien,
il ne volsist del vostre rien.’
’Tu paroles’, fet ele, ’en gas.
Jeo sai bien qu’il ne me het pas :
unc ne li forfis de niënt,
440 fors tant que jeo l’aim durement ;
e se purtant me vuelt haïr,
dunc est il dignes de murir. ”

“ Cil raveit si Milun feru
que jus del cheval l’abati.
420 Desuz la ventaille choisi
la barbe e les chevels chanuz :
mult li pesa qu’il fu cheüz.
Par la resne le cheval prent,
devant lui le tient en present. ”

“ Li Bisclavret le vet siwant ;
mult se tint pres, n’en volt partir,
il n’a cure de lui guerpir,
165 Li reis l’en meine en sun chastel.
Mult en fu liez, mult li est bel,
kar unkes mes tel n’ot veü ;
a grant merveille l’ot tenu
e mult le tint a grant chierté. ”

“ Quant il sera creüz e granz
430 e chevaliers pruz e vaillanz,
a une feste u ele irra
sun seignur e lui amerra.
En une abeïe vendrunt ;
par une tumbe qu’il verrunt
435 orrunt renoveler sa mort
e cum il fu ocis a tort.
Iluec li baillera l’espee. ”

“ Qui Deus a duné esciënce
e de parler bone eloquence,
ne s’en deit taisir ne celer,
ainz se deit voluntiers mustrer.
5 Quant un granz biens est mult oïz,
dunc a primes est il fluriz,
e quant loëz est de plusurs,
dunc a espandues ses flurs. ”

“ A forte corde trai e tir !
90 Il ne purra ja mes murir ;
quant il dut estre baptiziez,
si fu el flum d’enfern plungiez ;
dur sunt li nerf, dures les veines,
ki de vif sanc sunt tutes pleines. ”

“ Mult ai pur vus mun quer dolent.
Le jur que jeo vus enforrai,
ordre de moigne recevrai ;
sur vostre tumbe chescun jur
950 ferai refreindre ma dolur,’
A tant s’en part de la pucele,
si ferme l’us de la chapele. ”

“ Cil unt fait sun comandement.
Ele s’en vet luinz de sa gent ;
sa meschine apela a sei,
90 Brenguein, ki mult ot bone fei.
Del chemin un poi s’esluigna.
Dedenz le bois celui trova
que plus amot que rien vivant. ”

“ Artur, li pruz e li curteis,
pur les Escoz e pur les Pis
ki destrueient le païs ;
en la terre de Loengre entroënt
10 e mult suvent le damajoënt.
A la pentecuste en esté
i aveit li reis sujurné.
Asez i duna riches duns. ”

“ Lungement se sunt entramé,
tant que ceo vint a un esté,
que bruil e pre sunt reverdi
60 e li vergier erent fluri.
Cil oiselet par grant dulçur
mainent lur joie en sum la flur.
Ki amur a a sun talent,
n’est merveille s’il i entent. ”

“ Tant guverna la nef e tint,
le hafne prist, a terre vint.
[Bl. 179a] Quant il furent bien arivé,
870 le pont mist jus, ancre a geté.
Encor jut ele en pasmeisun,
nen ot semblant se de mort nun.
Elidus faiseit mult grant doel ;
iluec fust morz od li sun voel. ”

“ De fin or i aveit une unce ;
130 el chastun out une jagunce ;
la verge en tur esteit letree.
La u la meschine iert trovee,
bien sacent tuit veraiement
qu’ele est nee de bone gent.
135 La dameisele prist l’enfant ”

“ La dame ert bele durement
e de mult bon afaitement.
Gent cors out e bele faiture.
En li former uvra nature.
35 Les uiz out vairs e bel le vis,
bele buche, nes bien asis,
les chevels blunz e reluisanz. ”

“ Od tut l’enfant ultre s’en vint ;
unques del grant chemin n’eissi.
Bien loinz sur destre aveit oï
145 chiens abaier e cos chanter :
iluec purra vile trover.
Cele part vet a grant espleit,
u la noise des chiens oeit. ”

“ Il est muntez, ne targe plus ;
ses cumpaignuns apele a sei.
480 Al chastel vet parler al rei.
La pucele verra s’il puet :
c’est l’achaisuns pur quei s’esmuet.
Li reis est del mangier levez,
[Bl. 176b] es chambres sa fille est entrez. ”

“ Beals chevaliers e bons esteit
e noblement se cunteneit.
De sun seignur esteit privez
20 e de tuz ses veisins amez.
Femme ot espuse mult vaillant
e ki mult faiseit bel semblant.
Il amot li e ele lui ”

“ Quant il le pout partir de sei,
si l’enveia servir le rei.
Li vadlez fu sages e pruz ;
mult se faiseit amer de tuz.
45 Quant fu venuz termes e tens
que il aveit eage e sens,
li reis l’adube richement ;
armes li dune a sun talent. ”

“ Cil ki a mort les unt nafrez,
lur escuz unt es chans getez ;
mult esteient pur els dolent,
130nel firent pas a esciënt.
La noise leva e li criz,
unques tels doels ne fu oïz.
Cil de la cité i alerent,
unques les altres ne duterent ”

“ Il e la mere as noces furent
520 od lur fille si cum il durent.
Granz noces refunt de rechief ;
a un riche hume sereit grief
d’esligier ceo qu’il despendirent
al grant convive que il firent. ”

“ Asez purrez aveir leisir
de mustrer lui vostre plaisir.’
455 Quant ele oï qu’il remaneit,
mult durement s’en esjoeit ;
mult esteit liee del sujur.
Ne saveit rien de la dolur
u il esteit, puis qu’il la vit. ”

“ L’anelet d’or mist en sun dei,
410 la ceinture ceinst en tur sei ;
ne li vadlez plus ne li dist,
ne il niënt ne li requist,
fors tant que del suen li offri.
[Bl. 175d] Cil n’en prist rien, si s’en parti. ”

“ Plusur a mal li aturnerent ;
li suen meïsme l’en blasmerent.
35 Quant il oï qu’um en parla,
mult fu dolenz, mult l’en pesa.
Cumença sei a purpenser
cument s’en purra delivrer
que nuls sa fille ne quesist. ”

“ De part celui la salua
e del present la mercia.
’Di va’, fet el, ’nel me celer !
420 Vuelt il mei par amurs amer ? ’
Il li respunt : ’Ceo m’est a vis.
Li chevaliers n’est pas jolis ;
jeol tienc a curteis e a sage,
que bien set celer sun curage. ”

“ Cil ki ensemble od lui l’en porte
quidot pur veir qu’ele fust morte.
Mult fet grant doel. Sus est levez,
860 vers l’eschipre en est tost alez.
De l’avirun si l’a feru
qu’il l’abati tut estendu.
Par le pié l’en a jeté fors ;
les undes en portent le cors. ”

“ Li chevaliers fu remés sous.
Pensis esteit e anguissous ;
395 ne set uncore que ceo deit ;
mes nepurquant bien s’aparceit :
se par la dame n’est guariz,
de la mort est seürs e fiz.
’A las ! ’fet il, quel le ferai ? ”

“ Ses messages i enveia
e par ses letres li manda
que de sun païs ert eissuz
e en s’aië esteit venuz ;
115 mes li remandast sun plaisir,
e s’il nel voleit retenir,
cunduit li donast par sa terre,
avant ireit soldees querre.
Quant li reis vit les messagiers,
120 mult les ama, mult les ot chiers. ”

“ Il prent cungié, si est muntez,
vers la cité en est alez,
195 Suvent reguarde ariere sei.
Mult est Lanval en grant esfrei ;
de s’aventure vait pensant
e en sun curage dotant.
Esbaïz est, ne set que creire ”

“ Ses dous nevuz qu’il mult ama
e un suen chamberlenc mena
(cil ot de lur cunseil esté
e le message aveit porté)
755 e ses esquiers sulement ;
il nen ot cure d’altre gent.
A cels fist plevir e jurer
de tut sun afaire celer.
En mer se mist, plus n’i atent. ”

“ El ne l’osot araisuner,
e il dutot a li parler,
505 fors tant que il la mercia
del present qu’el li enveia,
unkes mes n’ot aveir si chier.
Ele respunt al chevalier
que de ceo li esteit mult bel ”