Michel de La Huguerye

“ J'adjoustay que nous voyons le mal si grand qu'enfin, si on n'y pourvoit de leur costé comme du nostre nous y faisions tout ce qui estoit possible, il n'y auroit plus de remède. Ledit sieur de Quitry dit que ce n'estoit leur faute. Cela nous fascha, et respondi de qui venoit donques la faute? n'y ayant en un accord que deux parties : celui qui promet et celuy qui reçoit les promesses, qui se plaint, et avec très grande raison; de ne luy voir rien tenir de ce qu'on luy a promis, et que c'estoit à luy, qui en parloit, à le scavoir et recognoistre mieux que nul autre. ”

“ Sur ce point, jamais on ne veid gens plus froids, promettans de faire ce qu'ils pourroyent; mais ce n'estoit rien. Quant aux autres points, mille promesses et protestations de bonne volonté, tant de bouche que par escfit; mais, d'exécution, point, ledit sieur de Quitry faisant tousjours le logis au contraire, de sorte qu'on n'a eu jamais autre occasion de juger de luy, sinon qu'il tendoit par toutes ses actions, conseils et intelligences au mescontentement et ruine de l'armée. Ledit sieur de Chastillon promit de faire son devoir et de soliciter les autres, mais il y perdit sa peine. ”

“ Toutesfois, ayans esgard à la cause publique plus qu'à la ruine qui estoit aparente, nous feumes contraincts de nous y résouldre et de tascher a faire mieulx qu'eux: lesquels, préférans leur ambition et pratiques à la raison et à leur devoir, ne se soucioyent pas qu'on peut arriver, et les estrangers aimeroyent mieulx céder ce qui leur estoit promis et apartenoit du tout à leur conservation que d'abandonner les églises; ce que ledit sieur baron remonstra auxdits collonnels et gaigna tant par ses raisons que tout le monde s'accommoda par force à ceste nécessité. ”

“ Toutesfois je ne luy voulu pas fere semblant de le cognoistre du tout pour le fere parler plus clair, et luy disois seulement que j'estois serviteur très humble du roy de Navarre et avois bon témoignage en ma conscience d'avoir tousjours faict mon devoir au service des églises, lequel seul m'avoit fait laisser mes estudes et tous mes parents et amis et recevoir place au service de Monsieur le Prince, mais que j'estois aussi serviteur très humble et très obligé de Son Altesse, qui me faisoit cest honneur de se fier en moy ; que je sçavois que son seul but estoit d'advancer le service de Dieu ”

“ Les reistres prests l'un de l'autre couverts de leurs lansquenets et des régiments de Monsieur de Chastillon, qui seroit à la teste où il doit et comme il désire aussi, demeurans encores les deux régimens du sieur de Mouy et de Villeneufve, l'un pour couvrir la cavallerie françoise à l'opposite des lansquenets et l'autre derrière près des Suisses et reistres, prennant tousjours douze villages seulement les plus proches que fere se peut, au lieu de s'escarter en 28 ou 30 villages, quelques fois changeant de main selon que l'ennemi se présente et le devoir des François. ”

“ Ledit sieur baron, oyant tels propos, s'en courrouça et dit que ce n'estoit pas ainsy qu'il falloit parler à son général, qu'i avoit très juste occasion de se plaindre et seroit bien insensible s'il ne voyait la ruine en laquelle on le vouloit précipiter, et qu'il s'asseuroit que ce n'estoit point l'intention du roy de Navarre de voir ce jeune seigneur-là ruiné pour son service, comme il seroit s'il advenoit inconvénient de l'armée (les armes estans journalières) et s'il n'estoit bien pourveu à ses places, en faisant le chemin promis. ”

“ Audit logis nous travaillasmes de sorte que tous avoyent fait dresser vers le chenain que désirions, et, si les princes et conseillers françois fussent venus de bon matin avec leurs forces, comme on leur avoit mandé, sans double ils marchoyent. Le soir devant, vint Monsieur de La Graffinière, envoyé par Monsieur le prince de Conty pour sçavoir exprès le nombre que Monsieur le baron espérait mener avec luy, s'il ne pouvoit mener tout. A quoy on ne peut respondre autre chose, sinon qu'on feroit tout ce qu'on pourrait et que tousjours mènerat-on les principaux. ”

“ Estant toute nostre cavallerie arrivée au bord de deçà, et le sieur de Mouy avec quelque nombre des soldats de son régiment, on attacqua l'escarmouche, pendant laquelle, si Villeneufve et les Suisses eussent suivi et que ledit sieur de Bouillon fust demeuré pour les fere advancer avec luy, comme on l'en avoit prié, cependant que nous eussions entretenu l'ennemi et fait advancer le collonnel Schregel, qui y arriva d'assez bonn'heure, il est sans doubte que dès ce jour-là nous eussions contrainct et obligé l'ennemi, et la victoire toute aparente eust esté nostre. ”

“ Je vous diray somairement, comme il me tombe en l'esprit, les principalles faultes, dont le mal c'est ensuivy si promptement que, si nos ennemis eussent eu du courage, il y a longtemps qu'ils eussent ruiné nostre armée et sans grande peine. ”

“ Et, après disner, j'étois fort triste, prévoyant nostre ruine, mais plus de ce que je craignois ne me tromper pas beaucoup de juger qu'elle estoit artificieuse et par complot, quand, en attendant lesdits sieurs de Quitry et Monglas, pour employer le temps, ledit sieur de Clervant nous parla d'une lettre; qu'ils avoyent advisé de fere escrire par ledit sieur de Bouillon au Roy, au nom de toute l'armée, pour empescher, disoit-il, que Sa Majesté ne se résolût à joindre la Ligue et nous combattre, luy donnant au contraire telle asseurance de nos forces qu'il en peust faire comme estat des siennes. ”

“ En marchant, nous rencontrasmes ledit sieur de Chastillon qui venoit vers nous, ayans eu advis de nostre combat, et fut aise d'en voir le succès, qui estoit honorable, et nous demanda la cornette de rouge cramoisi pour le porter avec luy à Vimori, où il alla voir la place et y trouva forcé gens de guerre ennemis, qui y estoyent venus despuis nostre deslogement recognoistre leurs amis et compaignons. Il les chargea et deffit soubs ladite cornette rouge qui les trompa. Il vid de nos chariots, lesquels il feit brusler. ”

“ Nous trouvasmes ledit sieur de Bouillon et ledit sieur de Quitry, et, entrans en un lieu à part, luy fismes ce discours. Couvrelles porta la parolle. Ils furent bien estonnez et nous demandèrent: quel chef? Nous respondismes que nous ne sçavions rien d'avantage. Lors ils en firent l'interprétation selon leur crainte et passion. Ledit sieur de Bouillon dit qu'il s'en retournerait et que, Son Altesse ne marchant point, il ne cognoissoit personne en l'armée auquel il vouloit obéir. Quitry dit davantage que toute la noblesse françoise se retireroit. ”

“ Le lundy 25 de septembre 1, nous séjournasmes à Nice pour ce que ledit sieur de Quitry nous avoit mandé que les Suisses et l'artillerie estoyent encores derrière, et que ledit sieur de Couvrelles se plaignoit fort des chevaux, qui estoit une chose ordinaire, afin de leur donner loisir de s'advancer pendant nostre séjour. Il en avoit autant mandé audit sieur de Bouillon, qui le trouva bon, et nous escrivit au soir pour aller demain: au conseil adviser aux affaires. ”

“ Quelqu'un des conseillers françois, qui cognoissoit bien le mal et la ruine de l'armée par son authorité, très mal choisie par son maistre pour le service des Églises, me feit dire par un de mes amis que je continuasse à parier rondement, ne me souciant de ses braveries et menaces, que toutes les gens de bien m'en sçavoyent fort bon gré et m'en avoyent beaucoup d'obligation, recognoissans eux-mesmes beaucoup plus de mal que nous en beaucoup des choses que nous ne sçavions pas, me prians derechef de continuer à toutes occasions faire establir Monsieur de Chastillon ”

“ ÉPHÉMÉRIDE. 179
rance et de créance, qui n'eust jamais laissé passer une si belle occasion et eust bien sceu faire taire ceux qui y eussent voulu directement ou autrement contredire, au lieu d'en donner la charge à un jeune seigneur sans autorité, expérience ne créance quelconque. Ils vouloyent mettre le feu par toute la Lorraine et la noyer en partie en rompant la chaussée de l'estang de Diouse ; mais, quand ils veirent l'ennemi auquel il se falloit adresser, non aux maisons et à la terre, le coeur leur faillit et me souvint lors de ce que m'avoit dit le sieur d'Aussonville 1. ”

“ Je luy répliquay qu'il ne devoit pas ainsi parler; qu'il sçavoit, mieulx qu'il ne disoit, qu'il n'y avoit rien de faulx en ladite capitulation, qu'il avoit leüe et releüe à son aise avant l'accorder et signer, avec les adjonctions qui ont esté à sa requeste apostolées à aucuns articles de l'original qu'il a; que Son Altesse en avoit une autre de la main de Monsieur Sarrasin de leur part ; que les sieurs de Clervant et de Quitry l'avoyent, auparavant luy, leüe et releüe; que Son Altesse estoit un prince chrestien et vertueux, qui avoit trop fait pour parler si indignement de luy ”

“ Sur quoy ledit sieur baron fût contrainct, pour la réputation de ses trouppes, de se résouldre à avoir, la raison d'un tel refus, comme on avoit fait à Sainet-Sauveur et sur la rivière d'Yonne 2, estant bien marri d'estre logé dans les bourgs fermez et forcé à. ceste occasion de faire ses logis à la haye es environs de ladite ville, la faisant investir par le régiment des lansquenets qui se logea dans les vignes, dépeschant vers le sieur de Couvrelles, pour faire venir l'artillerie toute nuit, et vers ledit sieur de Bouillon, et d'envoyer ledit sieur de Chastillon. ”

“ Je luy dis que c'estoyent gens d'honneur auxquels on ne devoit pas espérer par ce moyen de fere oublier leur devoir ; qu'on auroit bien recognu et préveu cela en demandant les trois gentilshommes allemands pour députez de nostre part, afin d'en traiter avec eux ”

“ Je demanday à voir le sauf-conduit que ledit sieur de Buy me bailla, et, l'ayant leu, je trouvay que le nom de sieur Wambolt n'y estoit point et en désiray la réformation pour sa seurté. Ledit sieur de Buy nous dit qu'il n'y avoit point de danger et qu'il y aurait autant d'ostages que nous serions, qui estoit le point principal de la seurté, qu'il avoit bien veu cela en chemin, mais que pour fere diligence il n'avoit voulu retourner. ”

“ Ledit sieur baron se plaignit aussi que l'on ne voyoit autres choses parmy les François que trompettes et tambours de l'ennemi et une inimité d'autres gens venant librement vers eux soubs couleur de sauvegardes, leur remonstrans que c'estoyent autant d'espions qui venoyent aussi librement en l'armée qu'en leurs maisons ; qu'il estoit nécessaire d'y pourvoir mieux que devant à ceste heure; que l'armée diminuoit fort tous les jours et le mescontentement y croissoit. ”

“ Ledit sieur de Clervant nous exhorta derechef de ne prendre garde à la folie de Ségur; que luy-mesmes avoit esté contrainct en endurer beaucoup, comme d'un fol auquel il est permis de dire tout ce qu'il veut ; qu'il nous en avoit, hier au soir, escrit son advis ; qu'il ne viendroit en l'armée, tant pour cela que pour l'injure qu'il a aussi faicte à Messieurs les collonnels; et, quant à Monsieur de Bouillon et eux tous, qui seroyent au conseil avec nous, que nous n'en recevrions point de difficultez ”

“ Pour quoy je montay à cheval et m'en allay au cartier pour donner ordre que du moins nos reistres et lansquenetz n'entreprinssent rien davantage ; comme ils ne feirent sur la promesse qu'on leur donna de leur bailler des vivres; dont ledit sieur baron escrivit incontinent au sieur de Bouillon, affin qu'il y voulust donner ordre ; qu'autrement on ne pourrait pas empescher les reistres et lansquenetz d'entrer en la ville comme les autres; et, ayans faict retirer tout le monde d'auprès de la ville, nous retirasmes au cartier. ”

“ Je luy dis que les collonnels estoyent vieux serviteurs de ce parti et sçavoyent assez comment on les traitte, quand on les tient au milieu de la France, mais que ce qui plus les a mis en ceste volonté est qu'ils sçavent très bien comme, en Allemagne mesme, les François traittent l'honneur et personne de Son Altesse avec des injures qu'on ne dirait pas à un laquays, comme on dit tous les jours qu'on ne veut rien tenir de ce qu'on luy
1. Robert de Harlay, seigneur de Monglat, gentilhomme et ambassadeur du roi de Navarre ; voyez sur lui les Lettres missives de ce prince. ”

“ Sur quoy estans venus les François aux voix, ils discoururent 1 amplement tous l'un après l'autre : que ledit sieur de Lorraine estoit en bref le chef de la ligue, l'autheur de tous leurs maulx et le nourrisson de la guerre en France ; qu'il aspirait par ses practiques et armes à la courronne de France ; que, sans son authorité et moyens, ses cousins 2 n'eussent jamais rien osé entreprendre ; qu'il estoit caution de leurs promesses et traictez avec le roi d'Espagne ; que d'ailleurs nous voyons par ses lettres sa résolution de nous empescher et ruiner ”

“ ÉPHÉMÉRIDE. 15
ser encores, il n'y avoit personne qui l'osast et voulust faire en bonne conscience; que c'estoit grand pitié de veoir les propres serviteurs et négotiateurs du roy de Navarre convertir en leur usage particulier ce qui estoit destiné au secours de leur maistre et des églises; que j'avois bien apris encor autre chose du mesnage du port des deniers d'Angleterre; que tout cela monstroit bien ce qu'on devoit espérer du recouvrement promis des finances au progrèz de l'armée pour son entretennement ; que chacun en feroit son profit. ”

“ Je leur dis que l'arrest des rooles feroit assez voir à combien tout ce monterait, et que, s'il y avoit quelque chose de reste, il seroit es mains du trésorier Wicker, qui en rendrait compte. Le sieur de Clervant répliqua qu'il n'estoit point solvable pour telle charge et qu'ils craindroyent inconvénient. Je leur dis que je ne cognoissois pas ses moyens, mais qu'il estoit homme de bien et qu'il avoit desjà esté employé deux fois en ceste charge, en laquelle on ne l'auroit pas estably encores pour ceste fois, si on n'en estoit pas bien asseuré. ”

“ Donc, le mescontentement ne leur fit faire ce qu'ils avoient faict dès le commencement, et le mescontentement ne procéda de là, mais de la conduitte de leur chef et le mespris d'icelluy, comme il parut sur la rivière de Madon où l'on les laissa toute la nuict sans les faire advertir de leur logis, lequel néantmoins. avoit esté donné de fort bonne heure, et le baron de Dhona et le felt-mareschal, le quartier-mestre et La Huguerie conduits par le sieur de Quitry jusques à l'entrée dudit logis pour leur monstrer s'il s'en contentait, comme ils firent ”