Jean Alexandre C. Buchon

“ Et pour retourner à vous qui commandez dans les places, et vous qui vous y voulez enfermer, si vous craignez tant la mort, n'y allez pas, combien que ce soit une folie de la craindre : ceux qui soufflent les charbons en leurs maisons n'en sont pas plus exempts que les autres: et ne sçay pas quel choix il y a de mourir d'une pierre dans les reins ou d'une balle par la teste : si Dieu me donnoit le choix je n'aurois pas grand peine de le prendre. ”

“ Or, Montluc se croit toujours le premier des hommes, et les instructions qu'il donne sont constamment fondées sur des exemples de sa propre vie, car à ses yeux il n'existe personne ni aussi habile ni aussi brave que lui. ”

“ Si vous y mourez, vous ne vous deshonnorerez ny vostre postérité, et si vous vous enterrerez avec une immortelle réputation, qu'est tout ce que les hommes qui portent les armes doivent desirer; car l'homme qui a peur de mourir ne doit jamais aller à la guerre, puisqu'au monde il y a tant d'autres exercices où l'homme peut appliquer son esprit et son entendement, mesmement en ce royaume de France où il y a tant d'ordres, soit de justice, soit de finances, et trop pour le bien du roy et de son estât ; car tant de belle jeunesse vit inutile , laquelle seroit propre à porter les armes. ”

“ Mes capitaines, mes compagnons, il faut que ce soit chose qui depende principallement de vous : que si vous sçavez gaigner le soldat avec un mot, vous ferez plus qu'avec des bastonnades : il est vray que s'il y a quelque mutin ou rétif, à ses despens il faut faire peur aux autres. Je veux retourner à monsieur de Gyé, lequel ne bougea jamais de sa porte jusques à ce que par le dedans et par le dehors elle fut du tout terracée, avec tous ses gendarmes, qui ne s'y espargnerent non plus que le moindre soldat de nos trouppes. ”

“ Croyez, mes compagnons, que de vostre resolution depend celle de tout le peuple, lequel prend courage à mesme qu'il void que vous en prenez; aussi, quel bien faictes vous, outre l'honneur que vous acquerrez, de sauver une pauvre ville du sac! Tant de familles vous sont redevables, et non seulement la ville, mais tout un pays ”

“ Car si nous croyons qu'une armée de lyons conduite par un cerf est en danger d'estre defaite par une armée de cerfs commandée par un genereux lyon, il nous faut croire aussi que les victoires dependent d'un bon chef armé d'assurance, de valeur et d'experience, n'eust-il pour toutes troupes que des bisoignes fiolantes et pionniers, et eust-il à combattre une armée de Rolands sous la charge d'un Gannes ou d'un Pinabel. ”

“ Et ne vous faut esperer qu'en la mort ny en la vie vous puissiez recouvrer vostre reputation : car, si vous mourez, encore que vous ayez fait vostre devoir, on dira que la grande avarice qui estoit en vous vous a amené à la mort, pour n'avoir eu de gens de bien en vostre compagnie : et si vous vous sauvez en fuyant, asseurez-vous que vous mettez
un tel signal en vostre front, qu'il vous sera bien difficile de jamais l'oster, à tout le moins qu'il ne faille que vous hasardiez à tous périls vostre vie, pour effacer la mauvaise reputation que vous aurez acquise. ”

“ J'apprins là qu'est-ce d'une entreprise, quand tous generallement se deliberent d'en venir à bout, et qu'est-ce qu'une masse de gens tous convoiteux de gaigner honneur au lieu qu'ils entreprennent; et, encoresqu'on puisse acquerir grand louange en departant si bien les choses et les temps, qu'il ne se passe un seul demy quart d'heure inutillement, si est-ce qu'un chef ne fera jamais rien qui vaille si tous generallement ne sont d'un bon accord et n'ont bon desir de sortir de l'entreprise à leur grand honneur, comme fut fait en ce lieu. ”

“ Il est bien en ma puissance, comme vous sçavez, mon mareschal, de m'en deffaire en moins de demie heure; mais ayant servi le roy François mon grand-pere , le roy Henry mon feu seigneur et pere, le roy François mon frere, et moy, aux deux estats de connestable et de grand-maistre de France, qui sont les sublimes et premieres dignités de tout le royaume et de ceste couronne, je le respecte et honore comme mon propre pere; et plus-tost mourir que d'attenter à sa vie; ayant aussi esgard à sa vieillesse : mais, pour n'en mentir poinct, il en abuse par trop. ”

“ Dès lors qu'on est saisi de la peur, et qu'on pert le jugement, on ne sçait ce qu'on fait : c'est la requeste principale que vous devez faire à Dieu de vous garder l'entendement; car, quelque danger qu'il y ait, encor y a-il moyen d'en sortir, et peut estre à vostre honneur : mais lorsque la crainte de mort vous oste le jugement, adieu vous dis : vous pensez fuir à poupe, que vous allez à proue ; pour un ennemy, il vous semble que vous en vovez dix devant vos veux comme font
les yvrongnes, qui voyent mille chandelles au coup. ”

“ Ne pensez pas, vous qui lirez ce livre, que je fisse faire ceste exécution, tant pour venger ma blesseure que pour denner espouvante à tout le pays, afin qu'on n'eust le cœur de faire teste à nostre armée : et me semble que tout homme de guerre au commencement d'une conqueste en doit faire ainsi contre celuy qui oseroit attendre son canon ; il faut qu'il ferme l'oreille à toute composition et capitulation, s'il ne void de grandes difficultés à son entreprise, et si son ennemy ne l'a mis en peine de faire breche. ”

“ Le roy vostre frere a assez de moyens pour vous assister ; vous avez l'âge et la bonne fortune. Je suis marry que vous ayez laissé ce beau et brave nom d'Alexandre, qui a esté, si je ne me trompe, le plus vaillant homme qui porta jamais armes. Sa majesté vous aydera pour mettre sur vostre teste quelque couroone estrangere. Que si Dieu vous faict la grace de mettre fin à ces miserables guerres, essayez à dresser vos desseings et immortaliser vostre nom. Employez tant de serviteurs à conquerir quelque chose. ”

“ Je voulois qu'il demeslast cecy avec monsieur le mareschal, et que personne ne l'entendist qu'eux deux, et luy voulois faire nommer l'homme qui l'avoit dit, lequel estoit près de luy. Cela demeura ainsi, car je ne m'en voulois fier à personne, et encores que je n'en fisse aucun semblant, si le tenois-je fort mal à mon aise dans le cœur, et me suis depuis souvent estonné comme je me peus tant commander , et cogneus bien que les ans desrobent la chaleur; car autres fois le plus grand prince de la terre ne m'eust pas fait avaller ceste pillule. ”

“ Je tiens la victoire nostre, et la mort de nos ennemis desjà pour asseurée : car j'ay je ne sçay quel presage en moy que, quand il me vient, je suis tout asseuré de vaincre, lequel je tiens de Dieu et non des hommes ; parquoy reposez vous sur moy, et resolvez vous tous de combattre et sortir d'icy avec honneur et réputation. Vous ne pouvez mourir qu'une fois, c'est chose qui est destinée : si Dieu l'a ordonné, vous avez beau fayr ; mourons donc avec honneur. Mais il n'y a nulle apparence de danger, ains plustost pour nos ennemis, sur lesquels nous avons tout advantage. ”

“ Que si vous n'avez le jugement, voyant vostre point, de presser et solliciter vos gens, et sans user de consultation, de gaigner pays, vous ne ferez jamais rien qui vaille, ny pour vous, ny pour celuy que vous servirez. Ne craignez en un saut perilleux d'hazarder la vie du soldat ; il n'y a ordre, il faut que quelqu'un se sacrifie pour le public, autrement le monde seroit trop peuplé, pourveu que ce soit en lieu d'où il ne se puisse retirer, comme je fis aux soldats que je poussay dans les casemattes; car lors, se voyant perdus, ils prennent courage et font de nécessité vertu. ”

“ Et vous capitaines, mes compagnons, mirez vous et prenez exemple sur Sainct Auban, afin que vous aymiez plus les vaillans hommes que l'argent ; car l'argent vous menera à la perte de vostre vie et de vostre réputation, et les vaillans hommes que vous aurez près de vous vous sauveront l'un et l'autre, et ne vous feront porter la honte sur le front. ”

“ L'ennemy, qui le sceut, redoubla son courage, et cogneut par là que les eaues françoises estoient basses, puis qu'un tel prince vevoiten équipage, comme si c'estoit seulement pour venir voir le monde. Il ne s'en falloit prendre à luy, mais à ceux qui l'envoyoient.
C'est une grande faute aux roys et aux princes qui entreprennent de grandes choses, de tenir si peu de compte de ceux qu'ils sçavent engagés en entreprise de consequenee, comme estoit celle dudit sieur de Lautrec; car la prise de Naples asseuroit fort l'estat de la France, laquelle eust eu pour longues années les coudées franches. ”

“ Les autres querelles se pacifient aisément, mais celle de la religion a longue suite, et, encore que les gens de guerre ne soient pas fort religieux, ils prennent party, et estant engagés ils suivit puis après. Aux termes que je voy les affaires, je ne croy pas que nous soyons au bout ; pour le moins ay-je ce contentement en moy-mesme de m'y estre opposé autant que j'ay peu, et fait mon devoir. Pleust à Dieu que tous ceux qui ont eu les forces en main, n'eussent non plus connivé que moy. Il faut laisser faire Dieu : après qu'il nous aura prou fouettés il mettra les verges au feu. ”

“ Il faut non seulement rechercher les occasions de se trouver aux combats et batailles, mais aussi estre curieux d'escouter et retenir l'opinion et raison de ceux qui sont gens expérimentés, sur la faute, perte ou gain qui s'en est ensuivy : car certes c'est grand sagesse de bien apprendre, et se faire maistre aux despens d'autruy. La France a long temps ploré ceste perte, et la prise de ce brave prince, qui pensoit trouver la fortune si favorable comme à la journée des Suisses : mais elle luy tourna le dos. ”

“ Il ne faut qu'un poureux pour retarder tout le monde. S'ils fussent venus , les Anglois ne sçavoient quel party prendre; je les cognus gens de peu de cœur, et croy qu'ils vallent plus sur l'eau que sur terre. Voyant l'hyver sur-les bras, monsieur le dauphin, ayant laissé monsieur le mareschal du Biez à Montrueil pour harasser Boulogne, alla trouver le roy, lequel avoit aussi appointé avec l'empereur, s'estant une si grande force évanouie, pour s'estre ces deux princes mal entendus, pour nostre bonheur; j'entens l'Espagnol et l'Anglois: honi soit-il qui les aymera jamais ny l'un ny l'autre ! ”

“ Il en y a un quatriesme : si vous ne le pouvez eviter, au moins allez y sobrement, sans vous perdre; c'est l'amour des femmes. Ne vous y engagez pas, cela est du tout contraire à un bon cœur. Laissez l'amour aux crochets lorsque Mars sera en campagne : vous n'aurez après que trop de temps. Je me puis vanter que jamais affection ny follie ne me destourna d'entreprendre et executer ce qui m'estoit commandé : à ces hommes il leur faut une quenouille et non une espée. Et, outre la desbauche et perte de temps, ce mestier amene une infinité de querelles, et quelques fois avec vos amis. ”

“ Et voyant qu'eux mesmes ne pouvoient venir qu'un à un, ils nous laisserent et retournerent saccager la ville. Leurs Italiens venoient après les Espagnols, et pensoient entrer dans la ville pour avoir leur part du sac; mais les Esnagnols ne leur voulurent jamais ouvrir, et s'amuserent à la porte, et les Espagnols à saccager. Et comme nous fusmes à la
plaine, je fis prendre à mon fils et au capitaine Charry, avec les quatre cens arquebusiers, à main droicte au long d'un coslau à plus de mil pas de nous, et les deux compagnies du duc de Palliane ”

“ Le peuple prend les armes et se soulève contre le mareschal.
Ces parolles, avec ce piteux spectacle, animerent de telle furie le peuple, qu'en moins de deux heures toute la ville fut en armes ; et marchant la compaignie de M. de Villebon, conduicte des trois membres, lieutenant, enseigne et guydon , et cornettes desployées, avec les compaignies populaires, se vindrent présenter en bataille en la grande place de Saint-Ouan. ”

“ Si on m'eust laissé faire à la bataille de Yer, je l'eusse bien gardé de vous faire la guerre, car je luy tenois l'espée à la gorge, lors qu'il me fut osté par je ne sçay qui, pour le sauver. Si monsieur l'admirai est ouy en confession, il ne niera pas que ma seule personne l'empescha d'attaquer Agen, qui ne vaut rien.
Ne faites doubte, sire, que la valeur d'un seul homme arreste tout.
Vostre royaume est le mieux peuplé que royaume du monde ; vous estes riche en bons et grands capitaines, si vous les voulez entretenir sans advancer ceux qui sont indignes. ”