François de Rabutin

“ De laquelle, au lieu que les ennemis s'esjouissoient, par toute la France fut démené un triste deuil : les pères plaignoient leurs fils, les frères leurs frères, les parens leurs amis, les femmes leurs maris. ”

“ Dès lors, tant pour les merveilleuses et grandes froidures qui les empeschoient, que pour les nécessités et défault de diverses choses, à tous leurs soldats défailloit le courage, mesmement aux Allemands. ”

“ Salverne est une petite ville qui est du domaine de l'évesque de Strasbourg, située au pied des montagnes, sur le grand chemin et passage par lequel on descend des pays de deçà pour aller à Strasbourg, Spire, Francfort et en tous endroits des Allemagnes; parquoy est habitée de riches marchands, qui trafiquent en divers endroits d'une part et d'autre. L'assiette est fort belle et plaisante, commode pour le plaisir et proufit, bien bastie de beaux édifices et maisons à leur mode. ”

“ Je ne veux oublier à dire le commandement qui fut fait par ce prince au seigneur de Raré1, gouverneur adonc de Mésières, de faire assembler tant de chariots et charettes que pourroit recouvrer, pour amener et rendre en sa ville tant de bleds, foings et fourrages qu'on trouveroit ès terres du seigneur de Lûmes, afin d'oster le moyen à l'ennemy de s'en pouvoir ayder; aussi que le tout luy estoit confisqué pour la rébellion du vassal contre son souverain. ”

“ Vray est que nous, qui estions à l'avantgarde, qui trottions des premiers sur le pays, avions l'advantage d'en trouver et recouvrer plustost que ceux qui nous suyvoient, bien souvent par grandes traictes surprenans les paysans avant qu'ils eussent moyen de retirer leurs biens, et le plus souvent n'en laissions guères à ceux qui venoient après, pour la mauvaise considération que nous autres François avons. Et ce peu que demouroit à nostre partement, le pauvre homme le cachoit le plus estroictement qu'il avoit le moyen, de crainte que ne luy fust ravy des derniers. ”

“ Toute la fanterie estoit logée et estendue le long de la prairie, faisant une belle et grande monstre; la gendarmerie et cavallerie de l'avant-garde estoit deux lieues plus avant logée en gros et riches villages, ausquels le plus communément trouvions abondance de vivres, mesmement de bleds et vins, et peu de foins et avoines. ”

“ Vray est qu'en recognoissance de la bonne guerre que les Espagnols avoient faite aux François à la prinse de Thérouenne, le roy pardonna et sauva la vie à certain nombre d'eux qui s'estoient retirés dans la grosse tour qui est au-dessus de la ville ; et, usant de son humanité accoustumée, feit sauver les filles et petits enfans, et leur donna pour les conduire un hérauld d'armes et un trompette. ”

“ A un petit quart de lieue près de Mets, du costé de Pont-Camouson, en une plaine, estoit l'armée du roy attendant sa venue, laquelle estoit l'une des plus belles que jamais prince chrestien meit ensemble, et qui m'a semblé mériter d'estre couchée par escrit, selon l'ordre qu'ay veu au plus près qu'elle estoit estendue, non en grandes tourbes d'hommes, mais autant complette de vertueux et vaillans capitaines et soldats, autant bien et richement armés, autant bien à cheval, que depuis mille ans fut armée. De ce que j'en dy j'appelle tous ceux qui l'ont veue à tesmoins, amis et ennemis ”

“ Vaucouleurs (auj. Meuse) sur la rive gauche de la Meuse faisait partie de la Champagne. C'était une enclave française entre le Barrois mouvant et l'évêché de Toul.
posts et mieux montés, au nombre de cent ou six vingts, à la conduite du sieur de Mouy, pour aller rompre et percer la chaussée d'un fort grand estang, en la comté de Vaudemont, afin de noyer et perdre plusieurs villages qui estoient au dessoubs, où se retiroient plusieurs vivandiers, et où les fourrageurs des ennemis y trou voient encore grands quantités de bleds et fourrages. ”

“ A qui fut faitte response par celuy qui estoit demeuré là dedans chef, nommé Colas Loys (lieutenant du sieur de Barson 1, gentilhomme du pays de Lièges, principal capitaine dudit lieu, qui, peu auparavant, ne se doutant de ceste venue, en estoit sort y) , qu'il ne se rendroit jamais s'il ne voyoit le canon ; non pour sentir ce chasteau tenable, sinon pour la hauteur du rocher où il est situé, qui est presque inaccessible par deux costés; mais en une petite plaine qui est devers les bois, on assiégea l'artillerie pour le battre2; ce que ceux de là dedans n'eussent jamais pensé. ”

“ Estant la chose assez commune et publique, par tout les moyens que luy estoit possible, il faisoit amasser et assembler deniers pour tendre à ses fins; mais aussi on ne peut nier que ce n'ayt esté avec une si grande humanité d'un roy demandeur, trouvant son peuple plus libéral et prompt à luy donner et départir de ses biens pour sa tuition, qu'il n'estoit volontaire à leur demander. Tel et si grand heur a donné Dieu aux roys de France, d'avoir en obéissance le meilleur et le plus fidèle peuple qui soit au monde ”

“ Mais estant le certain avéré, tristesse le saisit si aigrement que longtemps il demeura sans parler, et les regrets qu'il faisoit donnoient assez d'apparence du grand deuil qu'avoit Sa Majesté, non de sa perte, lui estant ravie sa ville et le pays à l'environ; mais des vertueux hommes qu'il estimoit en plus grand nombre estre morts là dedans qu'il ne fut trouvé en après; dont, encore que la perte fust assez grande, il estimoit néantmoins les personnes, comme la raison luy commandoit, plus que les biens. ”

“ Parquoy mondit sieur de Guyse se vint rendre où étoit son régiment de gendarmerie le premier de tous, en ceste plaine devers Foquemberge, où commença, avec une grande douceur et un visage riant et asseuré, à remonstrer aux gentilshommes de sa compagnie que le jour estoit venu auquel fortune leur présentoit, en faisant service à leur prince et augmentant leur honneur et estimation, de se faire à jamais redouter et craindre de toutes les autres nations du monde, et que le roy s'en asseuroit tellement, qu'il vouloit honorer ceste glorieuse victoire de sa présence ”

“ La canaille du pays, nostre mesme, qui au commencement y estoit accourue bien eschauffée à la veoir, faisant plus de monstre que d'effects, nonobstant toutes remonstrances ne voulut onc combattre, et entendoit plus à despouiller les morts qu'à nous soustenir. Pour retourner à mon premier propos, parlant de la cruauté des Bourguignons et de la mauvaise guerre qu'ils font aux François, aucuns à ceste rencontre tombés prisonniers en leurs mains l'expérimentèrent, lesquels à sens froid misérablement ils tuèrent, et cruellement feirent mourir. ”

“ Le surplus estoit à la suitte du roy, estant Sa Majesté la première en sa bataille, pour estre exemple à tous de le suyvre, mesmement en justice; car ne se peult nier que durant tout ce voyage, et tant que ses enseignes ont esté desployées aux champs, que n'ait commandé et observé une justice tant grande et sévère en son camp, que les ennemis et estrangers s'en esmerveilloient; qui me fait penser et croire, avec les prières du pauvre peuple, que le supernel Dieu des batailles luy avoit mis les armes au poing pour dompter les hommes qui s'estimoient invincibles. ”

“ Dessus la montagne on avoit mis les six grandes coulevrines, qui tiroient à plomb dedans presque toutes les rues, le long des courtines, droit au dos de ceux qui eussent voulu défendre la brèche : avec une tant admirable, terrestre et terrible furie foudroyoit toute celle artillerie, qu'on eust dit que tout devoit abismer. ”

“ Le roy mesme, meu du bon rapport que l'on luy avoit fait de nostre armée, la passa, pour la veoir en bataille, le mercredy sixiesme de ce mois, et la trouva en fort bon ordre et équippage, dont se contenta merveilleusement.
Or, ne restoit plus qu'un petit fort, appellé le chasteau Thierry1 (qui est au baillif de Namur) , que tout ce qui estoit à l'entour de nous ne fust soubmis à l'obéissance du roy. Pourtant ce mesme jour y fut envoyé un régiment de gens de pied françois, avec artillerie et quelques compagnies de gens à cheval. ”

“ Pour conclusion, eux voyans ceste très forte armée estre proche, et sur leurs bras préparée, et en appétit de s'enrichir de leurs thrésors de long-temps accumulés, estant leur cité désemparée et mal pourveue, fut moyenné par le sieur de Bordillon avec eux, que M. le connestable et les princes cy-dessus nommés, et beaucoup de gentilshommes, avec deux enseignes de gens de pied, y entreroient; ce que passa ainsi. Mais, au lieu que les deux enseignes ne devoient estre que de six cens hommes au plus, on les doubla ; et se trouvèrent près de quinze cens ou plus, hommes esleus et choisis. ”

“ Donc toute l'armée marcha en bataille droit à ceste rivière ; et nos coureurs ayans donné jusques sur le bord, ne trouvèrent un seul homme qui leur feit résistance, et passèrent librement oultre ; que toute la cavallerie légère peu après suyvit, puis la fanterie et gendarmerie, sans perte d'un vallet, si ce ne fut par autre accident; et sceusmes nous depuis, que les ennemis se contenoient lors bien serrés dedans leur fort, et au lieu de nous venir chercher s'y estoient en diligence renfermés et fortifiés avec grandes tranchées. ”

“ Que si l'empereur y vouloit quereller autres advantages ne droicts, estoit là en personne pour luy monstrer et le combattre avec ses forces sur le contraire. Si autrement le faisoient, ils seroient cause de beaucoup de mal pour eux : premièrement, de perdre ce tiltre et privilège d'estre dits neutres, qui est de n'estre affectionnés à la querelle de l'un ne de l'autre; pourquoy avoient liberté de trafiquer ès pays de chacun d'eux. ”

“ Aucuns aussi estans malades s'efforçoient d'atteindre ou leurs propres habitations ou de leurs amis, ou bonnes villes, pour se rafreschiret recouvrer santé. Par quoy, entre tous ne demeura que les
estrangers et les plus loingtains; qui fut en partie cause que tant promptement que le besoing requéroit le roy ne peust rassembler son armée, et en partie l'opinion que chacun tenoit que l'empereur estoit mort, ou de pouvoir fort dénué, veu qu'il n'avoit fait aucune résistance ny à ce duc Maurice ny à nous, qui avions à la rigueur ainsi traité ses pays et subjects. ”

“ Mouzon, appartenant au royaume de France, formait sur la rive droite de la Meuse une tête de pont, vers le territoire du duché de Luxembourg (Ivoy, au nord-est) .
de ce lieu soudainement, laissant, en son lieu, chef et lieutenant de roy, le sieur de Chastellux 1, lieutenant de sa compagnie, avec une partie de sadite compagnie, auquel pour ce mesme effect la reyne et M. l'admiral, avoient favorablement escrit, luy donnans toute authorité et puissance. ”

“ Les enseignes des hommes d'armes estoient au milieu, et les guidons au milieu du rang des archers. Quant à la cavallerie légère, elle estoit en quatre escadrons : celuy des avant-coureurs, qui estoit à l'escarmouche, estoit conduit par le seigneur Paule Baptiste2; l'autre, M. de Sansac le tenoit embusqué dedans un petit cavin, au pendant d'une petite montaigne, à main gauche; M. de Nemours en avoit un autre derrière une cassine entre nostre armée et leur fort; M. le prince de Condé en avoit un embusqué en un petit fond, sur le chemin de la ville, pour empescher l'advenue de ceste part. ”

“ Quant à l'avoine, les bons bleds estoient si chers, que le pauvre peuple estoit fort aise d'en faire son pain et substance, qui l'enchérissoit grandement; encore ce peu qu'en restoit, les gros usuriers l'avoient retiré et resserré dedans les villes ou le vend oient chèrement et au double, à grand'requeste et prière. ”

“ En ce temps commencèrent les grandes chaleurs, lesquelles accroissoient nostre travail de beaucoup, mesmement aux soldats et gens de pied, plus qu'à nous qui montions à cheval à deux heures après minuit et y demeurions jusques à demy jour avant que d'estre logés ; encore le plus souvent logions aux villages, où trouvions vivres et rafreschissemens. Les soldats de pied partoient premièrement que nous, et cheminoient jusques à ceste mesme heure, ayant tousjours les armes sur le dos, marchans en bataille avec la chaleur et la poussière,
qui les grevoit et altéroit grandement. ”

“ Adolphe des Lyons, seigneur d'Espaulx et de Sy, troisième fils de Pierre de Lyons et de Catherine Poust, enseigne à la compagnie d'hommes d'armes du duc de Lorraine en 1543, passa à la compagnie de Nanteuil (Lenoncourt) en 1546, lieutenant à la même compagnie en 1550 (Fleury Vindry, p. 268) . Durant l'occupation de Stenay (Barrois) par les troupes françaises, il épousa Guillemette de la Taste, fille de François de la Taste, dit Montferrand, seigneur de Sy (Ardennes, cant. de Buzancy) . ”

“ Ceste gent se monstroit tant ennemie de ceste misérable ville, qu'elle n'oublioit rien pour faire apparoistre son extreme désir de la veoir à totalle destruction. Et combien que jour et nuict on ne cessast de la tourmenter par toutes les sortes que l'on pouvoit imaginer, de tant plus croissoit le courage aux François à les repoulser; ce que vous peult estre admirable d'ouvr réciter et entendre la très grande diligence qu'ils faisoient à remparer et se fortifier, qu'à moy aisé à le vous escrire et proposer ”

“ Cependant le roy estoit à Ginville3, où séjourna douze ou quinze jours, tant pour l'amour de la royne, laquelle y estoit fort malade; et peu s'en fallut que ceste très vertueuse dame ne laissast les misères de ce monde, pour envoller là sus en l'infinie gloire qui luy est préparée, si celuy qui départ tout bien et mal ne nous eust regardé de son œil de pitié, ne nous voulant oster, en nos persécutions, nostre totale espérance. ”

“ Desquels la pluspart estoit à cheval sur guildins et petits chevaux vistes et prompts, sans estre fort armés, vestus de juppons courts, avec le bonnet rouge à leur mode, et la lance comme une demie picque, dont ils se savent fort bien ayder, et sont bons hommes, qui vont de sçavoir et adresse à la guerre, comme l'ont esprouvé ceux qui y ont esté avec eux. ”

“ Mais l'empereur, tant pour considérer ceste grande ville fort difficile à estre fortifiée, pour le moins qu'avec grands frais et un long temps, que pour n'agraver les habitans soudainement de surcharges, bastiten premier ceste petite citadelle là dessus, pour avoir un pied là dedans, et obvier aux mutinements et rebellions, à fin que, peu à peu, s'y t'eist maistre du tout. Et croy fermement, si on les eust assiégés, qu'ils n'avoient espérance qu'en l'un de ces poincts, à sçavoir : au grand nombre d'hommes qui estoient logés là dedans, estant ceste ville abondam- ”

“ L'autre troupe qui estoit de huict cens hommes d'armes au moins, avec le comte Ringrave et son régiment d'Allemans, fut conduite par M. de Vendôme, prince d'incrédible valeur, reprenant les mesmes brisées que l'armée avoit suivy en ce voyage, où pareillement nous eusmes beaucoup de nécessités. Toutesfois ce gentil prince et tous ceux qui l'accompagnoient y donnèrent un tel ordre, que par faute des vivres n'endurasmes point ; reprenant le chemin au sortir des bois et montagnes pour descendre vers Marsault1 et Chasteau Salins2 ”

“ Or, de ce lieu de Miraumont1 ne peult avoir que deux bonnes lieues jusqu'à Bapaulme, lieu fort, plus pour l'assiette stérile que de naturel ne artifice, mais odieux et dommageable aux François circonvoisins, autant ou plus que Thérouenne estoit à ses voisins les Bourguignons. Parquoy couroit un bruit par nostre camp (controuvé et issu, comme je pense, du commun populaire) qu'avant entreprendre autre chose on raseroit ce chasteau en vengeance des nostres. ”

“ Et faisoit l'empereur en extresme diligence lever tranchées et fortifier son camp, se doutant que le poursuyvrions davantage, comme je croy qu'eussions fait si la nuict n'eust esté si prochaine, aussi qu'on ne vouloit par trop tenter nostre fortune, ayans occasion de nous contenter de la bonne et honnorable issue de ceste bataille, en laquelle la gendarmerie et cavallerie de France augmenta tellement son loz et estimation, que les ennemis mesmes (qui par elle confessoient avoir esté rompus et desfaits) la louent comme la plus escorte et courageuse qu'il seroit possible de penser. ”