Alexandre Tuetey

“ Et pourtant
à cette époque, il résigna ses fonctions et eut pour successeur Charles Regnard, sieur de Bermont. (Arch. Nat., fonds Montbèliard, K 1955) . De son temps, Guillaume de Vaux était communément désigné sous le titre de seigneur de Chasoy (actuellement Chasot, Doubs, arr. de Baume-les-Dames, cant. de Clerval) . Cette petite localité formait un fief relevant de la seigneurie de Passavant, comme on le voit dans un rôle des vassaux de cette seigneurie, pour l'année 1584, où figure « Guillaume de Vaulx, seigneur de Chasoy. » (Fonds Montbèliard, K 1838.) ”

“ Enquête instruite à Audincourt et à Blamont par le chancelier Jean-Christophe Zenger et le procureur général Hector Lorys, au sujet du pillage et de l'incendie du pays de Montbéliard, systématiquement ordonnés par le marquis du Pont à titre de représailles, et au sujet de l'animosité manifestée contre la personne du comte Frédéric de Wurtemberg. ”

“ Que par la mort de Dieu, si aulcuns d'eux partiroit de son logis sans y mectre le feug, qu'il le brusleroit luy-mesme. Or, quand nous considerons la bonne confiance et correspondence qui a tous jours esté practicqué entre la couronne de France et noz ancestres, lesquels aussy l'en ont faict paroistre par bons effects, (ce que, de nostre costé nous ne desirons pas moins de continuer) , nous ne pouvons aulcunementnous imaginer et encores moings persuader qu'une telle plus que hostille entreprise et degast ayt esté faict de vostre sceu et consentement, ains plustost esperons que suyvant la susd. ”

“ Majesté et le respect qu'elle veult à jamais luy rendre, non pour aucune aultre obligation qu'elle pense y avoir, d'où on la puisse prendre et avoir, luy consigner ou faire consigner à termes convenables la somme de douze ou quinze mil florins, au plus de vingt mil pour en disposer, ainsi que mieulx il luy plaira, aussy soubz ceste attente et esperence que Sad. Majesté, qui sçait également balancer la distribution de la justice' pourveoira de mesme et fera que parties des pauvres subjectz de Sad. ”

“ Frideric, par la grace de Dieu, comte de Wirtemberg et de Montbeliardt, prince du Sainct Empire, souverain seigneur d'Estobon, Blanmont, Hericourt, Chastellot, Clemont, seigneur de Granges, Clerval, Passavant. Comme es mois de décembre de l'an 1587 et de janvier de l'an suigant 1588 infinies voleries, brigandages, sodomies, raptz, meurtres, saccagementz, ravagementz, bruslementz et aultres nouvelles cruautées non ouyes par cy devant seroyent estées commises, es terres de nostre comté dud. ”

“ Girard Quellé de Seloncourt a esté aussy traicté d'eulx en toutte cruaultey, mesmes que entre aultres après avoir receu plusieurs coups et tourmens, a esté d'eulx finalement mis en ung fourg, et après luy avoir mis le feug après et à la bouchée dud. fourg, luy mectans au devant le danger où il estoit d'estre bruslé ou estouffé de fumée, s'il ne leur delivroit rançon ou enseingnast où il y avoit de l'argent, tellement qu'à cause desd. tormens le pauvre homme est fort malade et aura peinne d'eschapper de mort. ”

“ Montescheroux où encoires il receut plusieurs especes de tormens, luy pendirent aux poulces les rouetz de leurs pistolès, sicques le sang luy sortoit par soubz les ungles; l'emmenarent prisonnier, tous jours attaché par le col, jusques delà d'Hericourt proche de Lure, où il a souffert et enduré telle et si grande neccessité par l'espace de six jours qu'il a esté leur prisonnier, qu'il estoit controing, lafain le pressant, de manger des trezies (1) de froment, racines et aultres verdures, et toutesfois Dieu l'a delivré de leurs mains. ”

“ Alteze ni en sa puissance, et que combien le droict en apartienne à son filz, si ne seroit bien seant à luy, (comme pere qui ne doibt rien desirer, soubhaiter ni procurer que le bien, l'honneur, le debvoir, la réputation et le salut d'iceluy) , moins encore raisonable de luy faire ouverture et proposition de chose si elongnée de l'obligation, du debvoir et du service que sur et avant tout mond. seigneur le cardinal doibt à Dieu et à son Eglise, si indigne du rang et de la dignité qu'il tient en icelle, si contraire au serment qu'il a presté à la conservation et soustenement des droictz dud. ”

“ Je ne laysse toutesfoys de continuer de marcher tant que je puis, et espere d'achever l'euvre aussi heureusement qu'il est comancé, ne pouvant assez louer Dieu de la grace qui m'a faict d'une si grande derroute et victoire certayne avec si peu d'homes sur ung si grand corps d'armée, qui se peult dire la plus forte et avantajeuse qui soit jamais entré en France. ”

“ Nous messire Girard de Reynach, chevallier, seigneur de Bellemont et de Moncointin, colonnel de reitres, certifiions que les habitans du village de Buxerel (1) ne sont estez rebelles et se sont rendus volontairement entre noz mains au service de Son Alteze, prions à tous seigneurs colonnelz, capitaines, lieutenans, officiers et aultres ayans charge de gens de guerre vouloir soulager et suporter lesd. habitans en tout ce que pourrez et comme estans subjectz et serviteurs à Sad. ”

“ Dict davantage que pour recouvrer et avoir des escuz d'or, il luy fallut donner de chascun escuz aud. Sainct Ypolitte, ou ailleurs où qu'il en pouvoit recouvrer, trois frans et sept groz, que luy revenoit à grand interestz, de façon que sans la grand perte qu'il a faict en sa maison, en bestial et aultres meubles, sad. rançon luy coster.
comprins despens, interestz et missions, à plus de quattre cens escuz d'or. De laquelle sienne déposition luy a esté faict lecture qu'il a en après maintenuz contenir vérité, me priant icelle signer et attester comme chose veritable. ”

“ Mais nosd. lettres ne luy sont estées délivrées, parce qu'il estoit desja party, qu'est l'occasion que nous adressons présentement à vous comme general de lad. armée et commandant sur icelle en l'absence de monsr le marquis, vous faisant les mesmes doleances et priant, d'aultant que sommes et noz gens catholicques, n'ayant jamais faict ny mal ny desplaisir aux vostres, et partant que sans propos telz griefz ne nous doibvent estre faictz, mesme en considération que sommes prince de Sainct Empire et aussy estroictement alliez et confederez avec mess" les cantons catholicques (1) . ”

“ Montbeliard, et, en tant qu'ilz la surprendroient, de la piller et voler. Et comm' ilz s'en voulurent en aller, commandearent de tirer hors des maisons le bestial qu'y estoit, d'autant que ceulx qui venoient après eulx avoient commandement de tout mettre à feug.
Jacques Cuvyer de Poset, eagé de quarante ans, souvenant de trente, aussy prins par serment a depposé que le mesme jour que les gens de guerre des feu duc de Guise et marquis du Pont arri-
verent en ce païs, il fust prins prisonnier par ung certain cappitainne lorain qu'estoit soubz la conduitte dud. ”

“ Horry Artey dud. lieu a ester prins prisonnier par l'espace d'environ ung moys tant en ces pays que au lieu de Leseu, et le tenoit prisonnier ung nommer Jehan Chapuis dud. lieu, et par iceulx avoir ester pandu par ung pied et ung bras par plusieurs et reyterés foys, et mesme luy avoir aussy par reiterés foys estroin la teste avec une
corde nuer, tellement que sang en sortoit, et pansoit estre mort. ”

“ Croire au surplus que Son Alteze n'a jamais heu et n'ha encor, (de tant plus qu'elle veoit cela revenir à quelque contentement de Sa Majesté) , aultre volunté ni intention que de continuer avec led. sr duc de Wurtemberg ceste mesme et sincere amitié, bonne voisinance et estroite correspondence que de tout temps a esté nourrie entre ses prédécesseurs et elle-mesme, et ceulx de la maison de Wirtemberg, et telle qu'on doibt attendre et esperer de parent bien affectionné, vray et fidel amy, prest aux occurrences d'en faire reussir et paroistre les effectz. ”

“ Nicolas Paris a declaré que de peur qu'il heust des trouppes dud. duc de Lorrainne, il feit mener tout son peu de bien, y ha huit jours, au lieu de Frotey, chez le mareschal dud. lieu, où aulcungs desd. trouppes arrivez luy prindrent (selon que luy a esté dict) trois peaux de chamois, que luy coustoient trente deux gros.
A perdu aussy une poulie.
Claudot le jeusne a declaré que luy sont estées prinses : Une frisse de lard, de la valeur d'environ iii frans.
Une quarte de segle que luy coustoit vingt gros, par ce. xx gros. ”

“ Qu'est tout ce qu'il en scauroit que depposer.
Jehan Apvril de Seloncourt, eagé de soixante ans, souvenant de cinquante, de luy prins et receu le serment sur ce accoustumé, a dict que pendant le sejournement des trouppes ennemies passées par ce pays, furent leogez chez luy le fourrier du marquis du Pont et aultres que luy dirent qu'ilz avoient en charge de ruiner le prince de Montbeliard et ses. subgetz, affin qu'ilz ne sceussent sur quel pied eulx tenir, et que deans ung an ilz retour neroient pour accabler du tout la ville de Montbeliard. Et comm' il y avoit aussy deux boutefeux aud. ”

“ Majesté en la duché de Lucembourg, présentement envoyez par Son Alteze de Parme, en la sorte et maniere que s'ensuit : Premier, que le capitaine et soldardz ayant faict garde de lad. place, en nombre de cent et vingt ou envyron, se pouront librement retirer où bon leur semblera, avec enseignement et sauf-conduicte, affin qu'aulcungs tord, moleste, ny recerche ne leur soit faict en leurs personnes ou biens, pour cause de leur service ou aultrement, et particulièrement sera condhuict led. capitaine avec toutes seureté de sad. ”

“ Pierre, a esté pareillement tenu par lesd. trouppes et encoires plus villainnement tormenté, ayant esté mené prisonnier jusques en ung village delà d'Hericourt, où après avoir souffert tous opprobres, injures et blessures, luy ont arraché toutte la barbe avec la peau du menton, eschappa d'eulx; estant de present à la maison où avec douleurs fault qu'il consume le reste de sa vye, pour avoir aussy esté pendu à la fumée où il a rendu effusion de son sang. Et le plus grand de ces tirans estoit ung nommé Claudot Poulier, bourgeois de Sainct Ypolitte, incitant les aultres à le tant plus tourmenter. ”

“ Italien n'estre cause ny n'avoir nullemant consantu aux maulx qui se faisoient, qu'il estoit seulement à l'entrée du peys et au premier village, neantmoins, après qu'il fut conduict hors la ville, il fut suyvy et harquebousé par la furie du peuple. Il y demeura quelques autres gogeardz et soldatz par les villages au départ, mais ilz ne furent de rien interroguez, pour ce que à cause de la furie du peuple ilz furent à l'instant mis à mort. Et n'ont sceu lesd. cappitaine et officiers aultre chose comprandre, sinon ce qu'est sy en escript. ”

“ Roiches fut aussi prins par eulx, et combien que le pauvre homme leur heust par crainte et frayeur enseingné et declaré où il avoit caché tout son peu d'argent qu'estoit de vingt quattre frans, et que les cruelz et inhumains luy heurent prins tous les meilleurs meubles qu'il pouvoit avoir, neantmoings ne délaissèrent de l'emmener et prandre à rançon, pour laquelle avoir le traicterent en toutte cruaulté et inhumanité ”

“ Depuis estans parvenus en ung village proche Altquelich (2) , duquel ilz ne scavent le nom, led. maire fut prins et attaché sur ung cheval où demeura une nuict, et estoit souvent baptu; il fut avec led. Jehan Penat remis sur une charrette et menez en ung molin près d'Anguecey (3) en certainne valée, où que le mounier les baptoit et traictoit inhumainement, les menaceans de faire mourir.
Le lendemain, il y survint ung cappitainne alemand d'Altkilch, demeurant à Thanne, que leur dict, s'ilz avoient moyen de payer leur despens, qu'il les feroit bien rendre à Montbeliard, et que lesd. ”

“ Voires nous auroit led. passage tellement esté à contrecœur, que si tost qu'ilz -
meirent le pied en ced. païs, edictz de Sa Majesté roialle y furent partout publiez, prohibitifs à tous y vassaulx et subjectz se meslor en lad. armée, ny de sortir en armes hors led. païs, à peine de rébellion et de confiscation de corps et de biens, si que, si led. sr conte de Montbeliard a quelque occasion de plainctes et mescoiitantement de ce costel là, nous n'en avons aussi par deça que par trop nostre part, que j'ay representé à Sad. Majesté et aussi à monsr le duc de Parme. ”

“ De plus, il luy a représenter la grande affection avec laquelle sa Majesté, ses ministres et subgectz de ce peïs avoient tousjours continuer pour l'observance de la Ligue héréditaire, et que en toutes occasions l'en les a tousjours accommodé en ce peïs, comme l'en feroit encores volontiers en ce besoing, mais que l'armée du marquis du Pont estoit deans ce peïs, et particulier son chemin ou quartier de Ponterlier, il seroit fort dangereux que lesd. Suisses prinssent le mesme chemin et rencontrassent lad. ”

“ Joly entendit aussy des pre-
vostz desd. armées logez en sa maison, que luy declairarent que c'estoit oultre le grey dud. seigneur de Guise, et que ceulx qui avoient charge de brusler n'estoient de sa compagnie ny soubs sa charge, et que les plus resoluz de brusler avoient estez reiterés fois à Montbeliard et receuz plusieurs biens faicts de Son Excellence. Led. sr de Guise fut monstré aud. Joly par l'ung desd. prevost, et veit bien iceluy Joly led. sr de Guyse qui avoit une cicatrice en la joue, et entendit de luy lesd. excuses et deffences touchant lesd. ”

“ Nicolas Briche dit et rapporte par serment que luy, Servois et Jaques Migard, ses commungs en biens, ont logez et soubstenuz huict hommes à cheval, lesquelx oultre leur norriture ont emportez et prins plusieurs habillemens de drap et aultres linges, comme trois paires chausses, garguesses, ung manteau, une casaque, deux linceulx, des patenostres de coral, item, deux quartes d'avenne, ung couppot d'orge et ung de febve, le tout en valeur de vingt quatre frans demy, tellement qu'il ont estez intéressez tant desd. habitz et grainnes que de la norriture desd. ”

“ En oultre deppose qu'iceulxd. gens de guerre, pendant qu'ilz estoient en ces quartiers, demandoient où que Son Excellence estoit, s'elle estoit en Allemagne, qu'elle n'estoit qu'ung chasseur, que led. marquis du Pont leur avoit donné le païs d'iceluy en proye, et qu'il leurs avoit esté ordonné de le brusler, aultrement qu'ilz seroient bruslez eulx mesmes. ”

“ Que par la mort Dieu l'on brusleroit, quoy qu'il en dheust advenir. Et comme led. depposant estoit enssemble de son filz en si grand peur en icelle haye qu'ilz heussent voulu estre mortz, ilz en sortirent sur le seoir et s'en allearent deans les bois, où ilz ont demeuré jusques après leurs département, tellement qu'il ne pourroit aultre chose
(1) Vieux-Chal'lllont, Doubs, arr. de Montbéliard, cant. ”

“ Vostre Excellance pour suyvant icelles aller avec monsr le licencier Landisman (1) treuver monseigneur le duc de Guise à Besançon ou la part qu'il seroit, à quoy j'estois et suis bien prest d'obéir et satisfaire, mais ce matin led. Landisman s'est treuvé tormenté d'une colique passion (2) , de sorte qu'il n'a peu abandonner le lict, occasion qu'ay escript ces deulx motz à Vostre Excellance pour luy faire de plus à entendre qu'avons nouvelles que led. duc n'est à Besançon ains du coutté d'Usye (3) , petit chasteau et village appertenant à monsr. ”

“ Supliant tres humblement à Sad. Majesté de voulloir benignement considérer, quelle breche sond. filz feroit à sa conscience quelle attainte il donneroit à son ame, (que Dieu luy a mis et donné en mains) d'entendre et se laisser couler à ce pretendu deporte-
ment; que faict croire Son Alteze que Sa Majesté le sachant trop mieulx considérer, ne trouvera jamais mauvais que mond. seigneur le cardinal sur ce subject n'entre à aulcun traicté, ni face essay d'y entrer, mais bien de suplier Sa Majesté, comme il la suplie tres humblement, de tenir la bonne main que led. ”

“ Richard Mathiot de Villers (2) , bon simple homme, eagé de plus de soixante et dix ans, fut prins et saisy par aulcung d'eulx qui le traictarent et luy feirent tous les oultrages dont ilz sceurent excogiter, après l'avoir despouillé et pour avoir de luy la rançon de quinze escus, luy liarent la teste d'une corde, luy estrangnirent plusieurs fois de telle force et roideur qu'il la pensoit avoir enfoncée et froissée, en estant encoires à present fort malade et indispos. Toutesfois sur promesse qu'il leur feit d'aller querre lesd. ”

“ Le landemain de sad. prinse fut en lad.
chambre par aulcungs examinés, les ungs luy mectans ung courjon de cuir au col avec ung baston pour l'estroindre, faisant semblant de l'estrangler, tellement qu'il ne pouvoyt plus souffler, les aultres luy présentant la pointe de leurs espées, que luy persuadoyt qu'il n'y avoyt espoir de jamais reschapper. Et fut d'eulx enquis et interrogué s'il estoyt subject dud. sr comte Friderich, respondit que non, et qu'il estoyt subject des seigneurs de Tanton-
ville (1) , luy fut repliquer qu'il mentoyt, et que lesd. ”