Jean Taxil

“ Ie laiffe à part plufieurs autres qui ne cedent en rien à ceux-cy, de doctrine & d'entendement, que ie paffe foubs filence, pour efuiter prolixité, tellement qu'on peut conclurre hardiment, que les Epileptiques font la plufpart hõmes d'entendement, & encore que là où il s'en trouue beaucoup, c'eft vn indice que les habitans de tel lieu font la plufpart habiles gens. ”

“ Tous lefquels maux font quelquefois caufez par cefte deteftable maladie : car eftant le cerueau oppreffé, & toute fa faculté expultrice par vne grande quantité d'excremens qui ne peuuent eftre entierement reiettez, ny par le nez, ny par le palais, ny par aucune autre voye, ils decoulent quelquefois aux ventricules d'iceluy, ou au principe, & à l'origine des nerfs, où ils caufent apres vne infinité d'incommoditez. ”

“ Les raifons qui m'induifent à croire cecy font, que les parties de noftre corps, comme fimilaires attirent & fuccent à elles l'aliment le plus familier, & le plus reffemblant à leur nature qui foit en toute la maffe fanguinaire, lequel eftant toutesfois infecté d'aucun vice, il communique de tant plus facilement à la partie | duquel il eft aliment, qui luy eft propre & familier. ”

“ Mais il n'en arriue pas de mefme aux hommes cõme à ces animaux : car bien que lors que le patient eft affligé de fon mal, il rende grande quantité d'efcume, elle n'eft pas mangée ny deuorée, ains haye de tous, comme chofe vilaine & fale. Pour l'authorité d'Ariftote, ie dis que lors qu'il appelle Epilepfie pefte, c'eft une epithete qu'il luy donne, d'autant que comme vne petite pefte elle emporte plufieurs enfans, non point toutesfois qu'il la iuge fi maligne, que comme vne pefte elle fe confere par l'attouchemẽt ou haleine l'vn à l'autre. ”

“ Quand à l'vfage du fourmage, il n'eft guieres bon, pource qu'il engẽdre par trop d'humeur craffe, & vifcueux, ny aufsi le grand vfage des fcargots, defquels on mange abondamment en la ville d'Arles, s'ils ne font appreftez | comme nous auons dit en vn chapitre expres. Pour les poiffons les folles font permifes en oftant la peau, & les rougéz, & principalement ceux qu'on prend loing des emboucheures du Rhofne, car les autres qu'on prẽd pres du Rhofne ne valent rien, pource qu'ils font tous plain de bouë. Les barbeaux ne valent rien, d'autãt que les œufs de ce poiffon font veneneux ”

“ Or l'air peut eftre corrompu ; propre à engendrer l'Epilepfie, ou par les caufes vniuerfeles & fuperieures (dequoy nous parlerõs cy apres) ou par les caufes particulieres & inferieures, entre lefquelles la fituation du lieu à grande force : car fi la ville eft fituee en vn lieu marefcageux, paluftre & aquatique, l'air eftans cras & trop humide, fera fubiect aux putrefactions & à engendrer force humeur cras, & debilitant le cerueau pourroit en fin comme eft dict engendrer ce Virus. ”

“ Ie fçay bien que plufieurs fe font trouués ennemis iurés des mathematiques, combien qu'à la verité ils ne fuffent ignorans d'icelles, & qu'ils recognuffent combien de profit on en pourroit tirer, fi elles eftoyẽt traictées ainfi qu'il faut, & principalement celle qui predit par le mouuement des cieux, le changement de l'air; mais voyant que chafcun s'empefchoit à predire, & que parmi vne infinité de predictions, il n'y en euft pas vne qui rencontraft, à iufte occafion comme il leur fembloit, ils condamnerent pour l'abbus la fcience mefme. ”

“ Les poiffons de rapine en general font fort bons. Au refte i'aduertis meffieurs de la ville d'Arles en paffant, que ce feroit chofe fort vtile, voire tref-neceffaire au public, de faire vn puits dans la poifonnerie, duquel on pourroit puifer de l'eau, & pourroit-on mettre le poiffon tout vif dãs des baffines, & par ce moyen on l'acheteroit tout frais, comme on faict à Lyon, car c'eft vne honte à nous qui auons les paluns contre nos portes, de permettre qu'õ nous vende le poiffon qui le plus fouuent eft à demy pourry. ”

“ Quand au fecond point, il faut de neceffité que l'air aye cefte qualité ennemie de noftre fanté, enclofe dedans foy, laquelle luy arriue, & y foit entretenue par quelque chofe qui le contagie toufiours, & | en tout temps, comme cefte maladie eft toufiours, & en tout temps commune aux habitants de ce pays. ”

“ En fomme on f'abftiendra generalemẽt de toute autre viande qu'on coignoftra eftre trop vapoureufe, comme de celles qui font trop falées, efpicées, & autres femblables : car il feroit difficile de les enrouller toutes ; les capres à l'entrée de table font bonnes, & les oliues auffi, pourueu qu'õ ne s'en charge. Entre les fruicts on permettra l'vfage des pruneaux, des figues, des meures, et des dattes, & des autres qui defcendent facilement dans l'eftomach, & qui tiennent le ventre lafche, comme font les pommes. ”

“ Il faut auffi que le mary fe dõne garde de ne venir auec fa femme ayant fes purgations, car fi elle conçeuoit en ce temps là l'enfant feroit attaint de cefte maladie, ou de quelque autre fort graue. Quand au fõmeil, il eft fort neceffaire à l'entretiẽ de la vie, d'autant que par iceluy les forces font remifes à ceux qui font trauaillés & debiles, l'efprit eft rendu plus ouuert, & plus gaillard, & toutes les operations du corps font mieux faictes, mais auffi fi on en abufe & qu'on dorme par trop, on deuient tout ftupide, & lourd, & le cerueau fe treuue faifi d'vne infinité d'excremens ”

“ On efuitera le fon trop efclattant des trompettes, clairons, tonnerres, artilleries & arquebufes, car tels fons fi impetueux offensent fort le cerueau, & aydent fort à anticiper l'acces de ce mal, par les raifons qu'ont efté alleguées aux caufes. ”

“ Hippocrate dict au liure de morbo facro, que tous les Epileptiques de fon temps eftoient eftimez malades, par caufe fupernaturelle, & encore, comme on voyoit que les particuliers Epileptiques n'eftoient tous trauaillez d'vne mefme façon : mais auoient diuers accidens, felon la vehemence de la caufe, & temperature du corps, auffi n'eftimoit-on eftre attaints de mefme efprit : car fi le patient, en tombant, tournoit le corps à cofté droict, & par vne voix interrompue, approchoit au beeller d'vne chieure : ayants les yeux larmoyans, Cybelle la mere des Dieux en eftoit caufe ”

“ Galen qui n'efpargnoit rien pour fe faire cognoiftre de vif & grand iugement, dict pour toute raifon de ces effects qu'il cognoiffoit cela eftre veritablement par experience, & qu'il l'auoit premierement appris des Egyptiens, & que fans s'enquerir plus auant, il le falloit croire ainfi, attendu que l'experience le faisoit voir veritable : foit doncques affez parlé des influences quelles elles font, & que vrayement il y en a, & retournons à noftre propofition, que l'Epilepfie eft caufée par influence en ce pays de Prouence. ”

“ Si donques ces maladies là qui ne font nullement veneneufes, & mefmes les maladies du feul cuir font par l'experience donnees à plufieurs & diuerfes perfonnes, & lefquelles on fuit & euite : qui ne iugera à plus forte raifon que le Virus de ce mal ne foit plus dangereux ? ”

“ Entre autres chofes qui concernent noftre matiere, ie m'arrefte fur ce que les affligés de cefte maladie Epileptique voyre mefme d'autres affections cephaliques s'abftiennẽt en plufieurs lieux de France de manger d'aucunes teftes, & toutesfois (ce que i'admire) entre tant de grands perfonnages, qui ont traicté de cefte maladie, il y en a bien peu qui ayent faict mẽtion de ce point, qui n'eft pas toutesfois de peu d'importance, parce que tous Epileptiques n'en font pas aduertis (ny voire mefme les ieunes Medecins) ainfi peuuent-ils cõmettre grãds erreurs au regime de viure. ”

“ Il nous eft tref-neceffaire, pour eftre la nourriture, & principal pabulum d'iceluy, d'où vient que nous ne pouuons viure fans le refpirer & humer, tellement que s'il eft infect ou corrompu, il apportera le mefme vice promptement & neceffairement aux efprits, humeurs & parties de noftre corps, qu'il rafraichira & alterera ; mais comme il ne touche pas de mefme force toutes les parties, auffi ne les altere-il pas de mefme façon, fi fort ni fi promptement. ”

“ Toutes lefquelles chofes ne fe font de mefme à l'Epilepfie : car fon venin eft latent & caché dans les parties du corps, & ne s'en efleue aucune vapeur qui puiffe fortir de fon fubiect, & aller à vn autre pour le contagier, eftant ce venin en fort petite quantité, & de nature froide, logée en vne fubftance froide, craffe, & terreftre, comme nous auons dict. ”

“ Si ie n'auois peur d'eftre eftimé flateur, i'en reprefenterois plufieurs lefquels ne cedent ne grandeur d'entendement à nul autre, & ne voudrois feulement qu'entrer en vne feule maifon, où huict freres tous Docteurs font efté appelés pour leur fçauoir, en Théologie, Médecine, & Loix, aux plus notables charges de leur doctorat, & au pres des plus grands de la Frãce, & leurs efcripts & doctrine, font foy de ce qu'ils font. ”

“ De forte qu'eftant cela aueré, que les animaux que nous mangeons font fubiects à ce mal, les teftes d'iceux peuuent aifement communiquer leur Virus aux hommes, que fi les qualités des herbes & alimẽs font communiquées aux animaux, & icelles nous font apres communiquées comme le gouft nous en faict preuue, pourquoy eft-ce que les qualités qui ne font point externes & tranfi- | toires, ains qui font cõme d'habitude en eux, ne nous feront dõnées ? ”

“ En fin meilleur remede à l'Epilepfie que la rafure du crane de l'homme, comme i'ay dit cy deuant, & comme Galen nous tefmoigne ? voire mefme i'oferois dire que le cerueau feroit encore meilleur s'il n'eftoit l'horreur d'vfer de tels remedes, ce que i'ay veu toutes-fois practiquer à vn Empirique, comme chofe fort rare, & fecrete, & mefme en la ville d'Arles y à eu Dame d'honneur qu'eft à prefent morte, qui en faifoit grand cas, & en faifoit vfer aux pauures, & à fes amis qui en |H4| auoyent befoin, difant l'auoir apprins d'vn grand Medecin. ”

“ Il fera permis d'vfer de bourrage, des bettes, & efpinars, comme auffi aucunesfois des courges, mais non pas trop fouuent, pource qu'elles engendrent vn fuc cras, & des laictues auffi quelquefois, & non pas trop fouuent, car elles engendrẽt bien beaucoup de fang, mais il n'eft pas bon ny louable, en fomme les herbes chaudes font meilleures que les froides, comme font l'hyfoppe & la fauge. Les champignons font fort nuifibles, & partant fe faut garder d'en manger. On efuitera auffi l'vfage du faffran, d'autãt qu'il excite mal de tefte, & le parofyxme de l'Epilepfie. ”

“ Nous auons amplement par cy deuant mõftré qu'il y à des Epilepfies idiopathiques lefquelles ont les caufes & le Virus dans le cerueau mefmes, & d'autres qui fe font par fympathie qui ont le virus & les caufes dans les autres parties du corps, & montées au cerueau produifent l'Epilepfie, à toutes lefquelles efpeces faut donner des propres & particuliers remedes. ”

“ Les animaux ayant teftes ont cerueaux & ventricules (comme nul ne doubte, & l'experiẽce nous l'enfeigne) ils ont force pituite, force excremens cras, fubiects à eftre encore augmẽtés & corrompus, & par les faifons, & par les alimens qu'ils vfent, & ainfi toute forte de caufe efficiente, laquelle iointe auec la patiente indubitablement engendrent ce mal, finon que par la forme que le Tout-puifsant leur a donné, is refiftaffent à l'infirmité : mais lors que nous voyons l'experience en plufieurs, on eft contraint à le confeffer. ”

“ Si l'ame esft infufe, ou pour mieux dire crée au corps organifé, (comme la fecte Ariftotelique tient) nuë de fcience, & didiome, pour defcouurir fes paffions, & comme vne table d'attente, à autant dans foy feulement, que l'on luy charactaire, & burine, comme croira-on, que celuy qui fera plainement ignorãt des langues, & de l'alphabet, puiffe parler, & entendre les idiomes plus difficiles, & les fciences les plus abftreufes, s'il n'a en foy quelque chofe plus qu'humain. ”

“ Quelqu'vn ayant donné à vn homme d'honneur de la ville d'Arles quelques conils vifs, il en laiffa vn dans vn grenier, lequel treuuant des aulx là dedans, en mãgea, comme ie croy quelque iours, à faute poffible qu'on s'oublioit de luy donner de viande.Quelque temps apres qu'on le vouluft manger, l'ayant faict apprefter il fentoit en telle façõ les aulx, qu'eftoit impoffible à aucun de la maifon d'en manger, & bien qu'on le fit bouillir pour corriger cefte qualité, il ne fuft iamais poffible de le manger, tãt il eftoit defplaifant au gouft. ”

“ Il faut que les veilles foyẽt mediocres, pource que fi on vouloit trop veiller, le cerueau fe trouueroit eftourdy, pour eftre efpuifé de plufieurs efprits diffipés. Il faut donner ordre que les malades foyent lafches du ventre, ou par nature ou par art, au moins vne fois dans vingt quatre heures, pour ce que les excremens retenus enuoyent plufieurs vapeurs au cerueau qui l'offenfent, ce qui fera commodement faict, fi on mange du borrage dans le potage, & des bettes, & | quelques pruneaux à l'entrée de table. ”

“ Ie fçay bien que telles gens melãcholiques, font plus propres aux fciences, que leur fens peuuẽt eftre meilleurs, mais qu'ils foient la fcience mefme, ou que leur fens ne foiẽt point bornés d'efphere d'actiuité, qu'ils puiffent voir ce qui fe fait dernier vne bonne, & efpaiffe muraille, fans qu'vn corps ainfi opaque, n'empefche les rayfons vifuels de penetrer, naturellement cela ne fe peut faire. ”

“ Que l’air corrompu peut engendrer facilement l’Epilepsie. CHAP. vi. Entre les caufes qui plus promptement & neceffairement alterẽt noftre corps, felon toute l'antiquité, c'eft l'air ambiant, car pour fa fubtilité il eft fi penetrant qu'il perce à trauers des fubftances plus folides de noftre corps, & remplit les lieux, & pores plus imperceptibles d'iceluy, & pour la familarité qu'il a auec noftre feu naturel (comme auec l'elementaire retenu ça bas) . ”

“ Il y a beaucoup de gentils efprits, lefquels brauant l'ignorãce | & ne fe pouuant fentir genés dans l'obfcurité des chofes, veulent rendre raifon de tout, difans, que tous ces beaux effects que nous auons dit, prouiennent de la nature des chofes mefmes, ou bien s'ils viennent du ciel, qu'il faict cela par fa lumiere, mouuement, ou chaleur : mais les bonnes gens ne fe contentent pas eux-mefmes, & on leur propofe, tant & tant d'autres difficultés femblables, qu'en voulant rendre raifon de touit, ils font feulement cognoiftre leur opiniaftretré ”

“ Ciceron eftoit là mefme logé, quand il dit, que ceux qui par le vice de fanté ont efté & font melancholiques, ont en | leurs efprits quelque diuinité & prophetie, & fe fafche d'ailleurs de n'eftre ainfi melancholique, difant, qu'il eftoit lourd d'efprit, pource qu'il n'eftoit pas melancholique adulte. ”