André Mareschal

“ La conclusion de nostre voyage fut, que nous entrerions dans l'Epyre bas, pour nous rendre après chez les Acarnaniens, peuple belliqueux s'il en fut jamais, & qui depuis quarante ou cinquante ans soustient encore la guerre jusqu'à présent contre les superbes Tyrãs de Thrace, conduit sous la vertu incomparable de ce magnanime Prince Matucie, qui
voit de l'Acarnanie un Theatre de guerre & de valeur. ”

“ Que je baise ces mains guerrieres, di soit-il, qui peuvent tout surmonter ou par force ou par amour : que j'embrasse ce sein genereux d'Amazone, qui porte dessous les armes de Mars, celles de Cupidon qu'il cache : que j'adore ces yeux divins, où la valeur & l'amour joints ensemble, tiennent prests des foudres qui consument les hommes & les Dieux : & que je mesure dans un si veritable contentemẽt, puis que la mort ne peut estre en cela que douce & legere, & que la vie ne me sçauroit jamais accorder un semblable plaisir. ”

“ Je ne parle point de vous Clytiman, mais de ces volontaires, que pour prendre & changer tous les jours de nouveaux desseins, nous font voir qu'ils n'en ont jamais de bons : combien pensez- vous qu'il y en a qui se plaisent à tomber dans le mauvais party, & que se rendent aveugles à force de fermer les yeux au bien, puis que Chrysolite mesme accroit le nombre de ces foibles esprits ? ”

“ Clytiman qui ne pouvoit suiure d'autres maximes que celles de l'amour, passoit sur toutes les autres que son pere luy proposoit ; qui vouloit le mettre plus richement ; que de se marier de la sorte c'estoit achepter une femme ; qu'elles estoient en ce temps la ruine des maisons, & principalement dedans Athenes, où le luxe des femmes estoit monté à un si haut poinct, qu'elles sembloient porter sur elles des tresors plustost que des habits, & que le vanité dissipoit en un an ce qui pourroit suffire à une vie entiere. ”

“ D'autant plus qu'il soufroit l'humeur de Chrysolite, Chrysolite luy en donnoit plus à souffrir : elle entretenoit tout le monde, quoy qu'elle n'eût le dessein que pour Clytiman, tous les autres nourrissoient son humeur, sa vanité, & son erprit ; celuy-cy seul tournoit son coeur, mais il n'avoit pas cette victoire à peu de travail & de soucy. Chaque jour elle luy donnoit de nouveaux sujets de soupçon, & le plus souvent luy mesme aidoit à se travailler & se figuroit encore plus de mal qu'elle n'en faisoit, imaginant des choses qui n'avoiẽt rien
de reel, qu'au tourment qu'il en ressentoit. ”

“ Ses souspirs alloient se perdre dans la voile parmy les vents, luy seul parmy tant d'hommes sembloit n'avoir point de resolution, & maudissoit l'honneur qui par ce force luy ostoit des mains une si riche & si belle proye. Demoy, quoy que je ne fusse pas si triste que Clytiman, je n'avois pas moins de pensées ; je consideroit son bon-heur ensemble & son mal-heur m'estonnois que son courage peust davantage sur luy que l'amour, que la fortune se fust presentée si heureusement lors qu'il ne pouvoit s'en servir ”

“ Non non, reposez en paix ma chere ame, je sçay qu'il n'y a rien que les femmes ne se communiquent ensemble, toute vostre faute est de vous estre fiee à la plus legere fille du monde, je suis plustost pour vous vanger de l'injure que Chrysolite vous a faite, & puis qu'elle trouble vos cendres, & le repos mesme de sa Cousine, à qui outre le respect elle devoit le silence d'une chose si secrette, qu'elle s'asseure que je vay mettre du trouble en ses amours, & faire en sorte qu'elle n'aura jamais Validor. ”

“ Il y eust trop de plaisir de nous voir devant cette place rangez en bataille contre un de femmes, à qui l'on crioit qu'elle ouvrissent & qu'on leur sauvoit l'honneur & la vie : elles n'avoient garde de ne pas entendre, la plus hardie n'eust pas soumettre la teste aux fenestres ; & je voy que nous eussions eu tout loisir d'attendre & de nous reposer là devant, si Clytiman ne se fust advisé d'aller enfoncer deux maisons voisines, où d'autres armes s'estoient retirées. ”

“ Ayez plus de pitié de moy, qu'il n'en a pas, souvenez-vous qu'il n'est pas plus vostre frère qu'il est ma vie ; que vous avez deux personnes à conserver en luy ; ménagez pour l'amour de moy ce que son courage prodigue ne luy permettra pas d'espargner au plus fort du comment representez luy mon image comme un miroir où il puisse voir ce qu'il se doit & ce qu'il doit à Philistée ”

“ Il faut avoüer que vous estes dangereux à qui auroit moins de subtilité que vous de moy ; je vous pardonne dés à present tout le mal que vous me pouvez faire, je suis armée contre ces assauts ; mais il ne se peut que je ne plaigne Rosine, à qui vous estes à craindre de quelque costé que ce soit : si vous l'aimez, d'estre si peu touché de son mal si ce n'est de son amour, que vous ayez d'autres pensées & des voeux que pour sa guerison ; si vous ne l'aimez point, de faire tant de feintes de douleurs au subject de sa maladie comme l'on a veu, & d'en porter le dueil mesme jusqu'en vos gãds. ”

“ Le tout ayant succedé selon les desirs de ses amis, plein de gloire & d'honneur il se rejette dans l'amour, mais tousjours avec la mesme discretion qu'il y avoit apportée jusqu'icy : dequoy Chrysolite ne s'estonnoit pas moins, que du secret Genie qui la forçoit de cherir toutes les actions d'un homme qui n'avoit d'amour qu'en apparence, & qui ne luy donnoit que des discours, à elle qui se faisoit croire mériter non seulemen un homme tout entier, mais ce qu'il y en avoit d'honorables dedans l'Achaïe. ”

“ Certes j'oseray dire que l'amour extréme de Philistée me touchoit presque autant que l'amitié de mon frere & deslors je pris une forte resolution de mourir plustost à ses pieds, que de le faire entrer en quelque danger de sa vie, je serois trop ingrat, disois-je, si je ne conservois à un autre ce bien, de qui la perte ne peut estre sans la mienne. ”

“ Tout avoient une espece d'envie sur la pentente Chrysolite, & comme l'orgue ne se fait jamais aymer, elles estoient bien aises que ce mal-heur luy fust arriver pour rabaisser un peu de sa gloire & de presomption, qui l'avoient montee jusqu'à ce poinct de vanité, qu'elle croyoit descendre beaucoup quand elle souffroit leur compagnie, se mocquant vraisemblablement de leur trop grande simplicité & de la bassesse de leur discours & de leur entretien. ”

“ Validor peu à peu rentrant dans les droites de son amitié, se porta mesme à le consoler du mal qu'il luy avoit fait ; luy donna le mesme conseil qu'il disoit avoir pris courageusement pour soy-mesme qui estoit d'oublier tout à fait Chrysolite : qu'elle ne meritoit les soins, encore moins l'amitié de l'un ny de l'autre, & qu'il falloit la laisser en l'estat où son indiscrétion l'avoit mise. Qu'aussi bien ne pouvait-il plus esperer jamais que du mal, d'un lieu où l'on luy en souhaitoit tant ! croiriez-vous, disoit-il, que Chrysolite n'a sceu me cacher le dessein
qu'elle a de vous perdre ”

“ Il y a tant de temps que la nature travaille à produire toutes choses, qui seroit difficile qu'elle ne s'oubliast quelquefois parmy tant de diversitez, qu'elle n'eust enfanté en un autre siecle & sous un autre Ciel, quelques visages semblables à ceux que l'on porte aujourd'huy : & il se peut faire que Chrysolite qui a vescu autrefois dedans Athenes, vive encore aujourd'huy en une autre personne dans Paris. ”

“ Toutefois je ne sçay à la fin de ses prieres & de ses protestations, quelle inégalité se treuva dans le coeur de Chrysolite, qui toute niuriée qu'elle avoit esté, fut encore si lasche de luy pardonner l'outrage sanglant qu'il luy avoit faict & de l'asseurer que ce n'estoit point tant de sa volonté qu'il estoit mal traicté, que de celle de son pere qui ne la vouloit point donner à un homme d'espée. Ne la voila pas tousjours dans son humeur ordinaire, qui ne peut mesme perdre un homme qui l'a querellée, & qu'elle n'aime point ? ”

“ Cleriane n'avoit peu rien gagner aupres de son mary, par tout ce qu'elle luy avoit representé de l'affection, des moyens & de l'honnesteté de Clytiman. Il y restoit encore une autre Dame, qui avoit un merveilleux ascendant sur les volontés de Mironte : jusqu'icy Chrysolite n'avoit point voulu s'en servir ; mais comme elle vit que tout autre chemin luy estoit fermé, & que celle-cy seule pouvoit plus que toutes les autres ensemble, la necessité des affaires la contraignit de se jetter en sa confidence, & de luy remettre une partie du soin de ses amours. ”

“ Les villards remettoient toute la faute sur trop grande liberté que la mere luy avoit donnee, & asseuroient qu'une fille qui se jette dans la cageollerie, & qui ne se peut endormir ni se resveiller que sur un man, se laisse facilement porter aux mesmes fautes qu'elle y a leuës, dont son humeur luy donne la pratique. Que jamais ces longues amours ne reüssissent, & que c'est de la discrétion des Parents, de ne souffrir la poursuitte si longuement ; qui est vray que la connoissance ne se peut faire en un jour ? ”

“ Ah ! miserable que je suis ! que mon sort est cruel, & que l'Astre malin qui preside à mes jours est remply d'infortunes & d'influences mortelles ? faut-il que je sois destinee à n'aymer que des ingrats qui me perdent ? que pouvois-je moins attendre de Clytiman, furieux & abandonné, puis que Validor, tout aymé, me tuë mesme lors que je l'adore, & au milieu du sacrifice que je luy fay de ma foy, veut que je serve à sa passion plustost de victime que d'object d'amour ? ”

“ De là il se jettoit sur son affection, qui le portoit à luy rendre des honneurs eternels ; que de tous les hommes il estoit seul capable de l'aimer, qu'il n'y en avoit point qui pu connoistre son merite au poinct infiny où il le consideroit ; qu'un autre l'aymeroit sans juger dignement de prix de sa possession ; mais que la connoissance parfaicte qu'il en avoit outre la passion de la servir, luy donneroit celle de l'adorer. Que si pour rendre plus d'honneur aux Dieux, o charge leurs Autels & leurs Statues de tout ce qu'il y a de plus rare & de plus riche dans le monde ”

“ Qui n'admirera l'esprit & l'invention de Clytiman, d'estre parvenu par tant de destours au bout de ses intentions, & d'avoir fait jouër tant de ressorts, pour rompre tous les desseins qu'on avoit faits de ce mariage ? & qui eust creu tant de prudence en Validor, de s'en retire si sagement comme il fit ? Il reculoit l'ordinaire le plus qu'il pouvoit : m'en
ayant esté prié de ne voir plus Chrysolite, il en remercia le Ciel, comme d'une faveur extréme plustost que d'un disgrace, & d'avoir esté prevenu en une action qu'il eust esté contraint de faire à la fin, & où il ne sçavoit comment entrer. ”

“ Quoy que Lyvion pour l'amour de Clytiman se treuvast souvent chez les Vranies, il estoit tousjours auprés de Rosine, qui ne l'aimoit pas moins qu'elle en estoit aimée, & qui se payoit de l'offence que Clytiman avoit commise pour sa beauté, par les devoirs, les voeux & les tesmoignages d'affection, que Lyvion luy rendoit à tout heure. La perte qu'elle avoit faite de l'un, s'estoit effacée dans son esprit, par l'acquisition de l'autre ; tellement qu'on eust dit que Clytimã ne l'avoit pas tant offencée en la quittant, & qu'il l'avoit obligée en luy ouvrant les moyens de gaigner son pere ”

“ Je sçay comme j'avoit vescu avecque Chrysolite par le passé, pourquoy un autre n'en seroit-il pas de mesme ? je ne suis point ny stupide ny si vain, que je croye avoir attaint le poinct de cette perfection, ce pouvoir seul gaigner ce que tant de bons esprits & de braves hommes recherchent avecque passion : j'ay ré des preuves de sa folle passion de sa legereté, & non pas des veritables effects de mon esprit ; un autre en eust tiré peut-estre autant ou plus, en moins de temps. ”

“ Tous appreuverent son dessein, le prierent d'avoir courage, & luy promirent de le seconder, opposants leur authorité legitime à une nouvelle tyrannie, & à une puissance injuste qui leur donnoit de l'envie.
Le jour destiné pour entendre Clytiman & Chrysolite, & les mettre d'accord, l'un & l'autre se treuverent dedans Aréopage ; celuy la avecque les habits & les ornements de Sénateur, et un bon dessein de montrer ce que veut l'esprit & l'authoriré d'un homme ; celle–cy accompagnee de sa mere & de Gelasmin, avecque trois visages differents. Gelasmin avoit celuy d'un furieux ou d'un insensé ”

“ Clymanthe à cela plioit les espaules, n'estãt pas pour aller du pai avec Clytiman ; luy remonstroit tout ce qu'il pouvoit pour la destourner de l'amour qu'elle luy portoit, que c'estoit un
esprit superbe, & qui ne reconnoissoit pas le prix de l'honneur de son amitié ; que sa beauté qui meritoit d'estre adorée, n'estoit pas seulement bien servie de luy, que les plus vulgaires recevoient des honneurs plus grands qu'il ne luy en portoit, & que comme elle estoit extrême en toutes sortes de perfections, en esprit, en mérite, en vertus, en beautez, elle le croit en malheurs avec Clytiman. ”

“ Les filles rioient l'une à l'autre, quand elle consideroient que cette-cy autrefois leur avoit esté donnee comme un exemple de vertu, de sagesse & de courtoisie, , & comme un miracle de bon esprit : j'ayme mieux en avoir moins, disoit l'une, mon ambition ne s'estend point à estre fille d'Histoire, & moy, disoit l'autre en baissant les yeux, & faisant la petite bouche, , si je n'en ay pas tant, il me sera
plus aisé de le gouverner, les grands esprits font les plus grandes fautes. ”

“ Tous ceux qui ont veu tantost Chrysolite, abouchée dessus un lict de crainte qu'on entendirst : ses souspirs & ses regrets, faire des plaintes qu'on n'adresse qu'à la mort, & qui la verront maintenant jettée dans les divertissemens, entretenir & les uns & les autres au prejudice de Clytiman, n'auront-ils pas sujet de croire qu'elle ne l'avoit retiré de la mort, que pour le faire mourir plus cruellement ? ”

“ La fortune estoit assez esgale à tous deux ; tous deux avoient l'esprit fort bon, par où ils se faisoient admirer en toutes leurs actions, & de tous les accords il ne leur manquoit que celuy de s'aymer autant qu'ils estoient aymables : mais c'est cela mesme que leurs humeurs orgueilleuses se refusoiẽt comme si la gloire de Clytiman n'eust pû souffrir qu'avec enuie l'esclat de celle de Chrysolite, ou que pour estre tous deux
si agreables à un chacun, ils deussent se hayr par une maxime de vanité. ”

“ L'autre qui voyoit Chrysolite encore estoit un Cavallier, homme de courage & d'esprit, & plus noble que riche, mais elle qui ne vouloit pas le perdre, qui aimoit sa personne, & dédaignoit son pere de bien, luy disoit pour le tenir & ne retenir point, que puis qu'il ne pouvoit prendre aupres d'elle la qualité de son serviteur, d'autant que par le dessein de son pere elle ne pouvoit estre à un homme d'espée, elle luy donnoit le premier degré en son affection. ”

“ En cela certes j'ose dire, Clytiman, que vostre vengeance semble excessive ; j'avouë que son crime estoit de ceux que l'on ne peut flatter, & ayant faussé cette foy, qu'elle ne pouvoit non plus vous oster, que la donner à Validor, c'est un acte de perfidie qui ne peut estre sans punition ou des hommes ou des Dieux mais ne la jugerez-vous pas assez punis qu'en vous voulant perdre pour avoir celui là elle n'ait l'un ny l'autre ? De porter vostre vangeance plus loin, c'est comme vouloir tirer encore du sang d'un homme mort, qui n'en a plus, aussi vostre colere ne durera pas, on n'aura ”

“ Clytiman abusé ne sçavoit rien de tout cecy, que ce qu'il avoit appris par la lettre d'Incelie, & le tout si confusément qu'il ne pouvoit ny comprendre le malheur dont il se doutoit, ny descouvrir le nom de celuy qu'on luy vouloit dõner
pour rival : il se fust moins deffié de Validor que de tout autre, vivant en bõne intelligence avecque luy : qui depuis tousjours avoit pris mesme un souper dans son logis, & luy avoit laissé des asseurances d'amitié que Clytiman avoit prise pour veritables. ”

“ Je suis desja engagé de si prés ailleurs, qu'il me serait impossible de croire seulement que j'eusse rompre les doux liens, qui me nent arresté dans les charmes de ma chere Phylistee, quand j'en aurois la volonté. ”

“ Cette injustice politique, et ordinaire qu'il y a fort peu de bõnes maisons dedans Athenes qui n'en tirẽt quelques fruicts, fut ce qui pensa desesperer Clytiman : qu'ils prennent (disoit-il) biens, & s'ils veulent nostre fortune mais pour le moins qu'ils nous laissent douceur de la vie & celle de la liberté qu'ils prennent le prix des Autels, mais qu'ils n'y fassent point d'offrande à qui ne soit volontaire ? Apres que mon frère eut tout dit, il treuva qu'il n'avoit rien fait, & que l'injustice des hommes l'emporte sur la raison ”

“ Clytiman estoit d'ordinaire au logis d'Amelite, soit qu'il attendict d'y voir Chrysolite qui y venoit quelque fois, & le plus souvent ne s'y treuvoit pas ; ou soit que les charmes inevitables d'Amelite luy eussent donné dedans le coeur : l'un & l'autre ne sont pas peu croyables, puis que s'il aimoit Chrysolite avec passion, Amelite n'estoit pas moins aymable ; quoy qu'elle ne fust pas en estat d'estre aimée, reduitte desja sous le joug d'un premier Hymenée, apres lequel elle ne pouvoit rien aimer. ”

“ Qu'au ceste il ne se devoit point arrester aux mesdisances qu'un homme offensé & desesperé avoit semees, que la gea ce privilege de tout dire, & la raison celuy de n'en croire que ce qui plus apparent & vray-semblable, que nourriture & la sagesse de Chrysolite parloit d'elle-mesme, & que sa mostie & l'estime en laquelle elle avoit vecu dans le monde, avec une gloire quin'estoit pas commune à beaucoup des très filles, estoit plus considérable à croire que la fureur d'un insensé. ”