“ Ce que j'entends se pourroit faire en eslevant en icelle ville le stil de la draperie qui par bon temps estoit en assez grand valeur audict bailliaige et comté de Sainct-Paul entre aultres lieux ès bourgades desdicts pays ; lesquels artisans, puisque leurs maisons sont bruslées, aimeront aultant et mieulx eulx loger et amaser audict fort que ès lieux champestres, pourveu qu'ils ayent quelques privilèges et liberté, comme dict est. ”

“ Que la sollicitude des choses spirituelles est d'aultant plus utile et nécessaire comme l'âme surpasse le corps (b.)
ausdictes personnes ecclesiasticques en sera advisé par Sadicto Majesté ou par iceluy evesque sur l'information desdicts commissaires, en delaissant audict pasteur pour luy en traictement de ses chapellains et aydes tous les fruicts, profficts et revenus des cures qui estoient paravant audict Hesdin ”

“ Car. (comme dictCicero, homme vraiement politique) une ville ne consiste ès parois des maisons, mais en société de religion, de loix et de fortune ; et la fin à laquelle toutes villes se doibvent ediffier est pour resister conjuinctement aux périls communs, secourir mutuellement aux affaires l'un de l'aultre et vivre en repos et tranquillité ; ce que faire ne se poeult, si deux choses, Dieu et la loy, ne dominent en icelles, c'est-à-dire, sy le faict de la religion qui concerne l'âme et la policie temporelle tant en [temps de] paix que [de] guerre", n'est mise en bon ordre et estât ”

“ Et pour ce qu'il n'y a chose plus aggreable ne plus idoine pour allicer un poeuple à faire quelque nouveau domicile [ou captiver la bonne volonté d'icelluy] que liberté et exemption de tous maltostes et imposts, Sadicte Majesté pourra octroyer aux manans et habitans de ladicte ville et dudiet bailliaige de Hesdin plaine immunité et descharge de toutes maltostes , tailles, aydes et impositions nouvelles et anciennes pour quelque espace de temps, affin de donner moien que ledict pays se puistressourdre des pertes etdommaiges qu'il a comporté ceste guerre durant qui sont quasy inestimables ”

“ Avec ce à luy sera d'avoir le soing que toutes personnes en quelque qualité que ce peust estre ne soient indifferamment receùes en ladicte ville ou au quartier dudict Hesdin ; ains seullement ceulx qui ne sont suspectez porter faveur aux François tant par unissance (?) , alliance ou par avoir suivy le party dudict François depuis la réduction d'icelluy bailliaige en l'obeissance de Sa Majesté, dont il aura la congnoissance. Aussy de luy conviendra impetrer congié devant que pooir venir faire resiv dence en icelle forteresse. ”

“ Sçavoir est que pour maintenir ung poeuple, ville, pays ou royaulme, mesmement une maison princière en son office, il est besoing penser que la religion ne se passe et que peu à peu ne vienne en nonchalloir ”

“ Ne souffira aussy que ledict gouverneur sçace bien le mestier de la guerre pour manier armes aux champs en rencontre, mais qu'il soit homme expert et idoine pour soustenir ung siège, si par adventure on n'avoit loisir de y envoyerung plus grand que luy pour proveoir (?) ”

“ Sa Majesté doncques pour mettre ordre au premier point qui est de la religion aura à faire incontinent designer et limiter audit Hesdinfert le lieu (si jà faiet n'est) propice, si comme vers le meillieu de la ville, pour à la première opportunité pouvoir eriger un temple et église paroichiale qui soit spacieuse et capable du nombre de poeuple qui pourra demeurer en la dicte ville, lequel temple avec le temps conviendra orner tant en ediffices que aultrement, selon la puissance dudiet poeuple, qui fera le debvoir de conférer quelques aulmosnes à l'achefvement d'iceluy. ”

“ Que s'il ne poeult sy tost revenir en sa pristine vigueur et habundance de vivres pour l'extrême calamité et destruction en quoy il se trouve, du moins serail mis en tel estat qu'il suffira pour sustenter les habitans d'iceluy et suppediter competemment tous vivres nécessaires tant pour gens de guerre que ceulx du pays. La mesme provision pourra estre donnée par Sa Majesté pour la comté de Sainct Paul, aultant ruynée*des mengeries des gens de guerre que des feuz et hostilitez des François (2) . ”

“ Sy sera aussy pourveu que ne soient audict pays aulcuns adventuriers de guerre ou gens oiseux, ains que chascun qui n'est actuellement rechepvant soulde se mecte [incontinent] à son premier stil ou quelque vaccation pour vivre, à peine que s'ilz sont trouvez oisifz d'estre mis à la question pour rendre raison de leur manière de vivre ; deffendant à tous capitaines d'en advouer aulcuns sur peine de se prendre à eulx pour telz malefices. ”

“ On pourrait isy adjouster les parties de munitions, tant d'artillerie, pouldre, boulletz, vivres, medicamens et toutes choses dont le nombre est quasi infiny, qu'il convient avoir en une telle place, pour furnir à sy grande multitude de gens. qui y sont, n'estoit que dès maintenant on entend y estre tellement pourveu et en telle quantité et habundance que n'en sçauroit estre fait davantaige. ”

“ Oultre ces choses, (ce qui est un poinct à quoy ledit gouverneur ou le magistrat municipal doibt incontinent et avant tout oeuvre proveoir) est nécessaire que la place ou lieu ordonné pour le marché soit accommodé et mis en meilleur ordre et le plus tost que faire se poeult pour y tenir ordinairement le marché de ladicte ville. Principallement que une fois ou deux la sepmaine le marché public et privilegié y soit faict et tenu aux jours qui estoient accoustumcz de ancienneté en ladicte ville de Hesdin ”

“ Ordonnant aussy à iceulx hommes de servir à tour de rolle aux plaidz ou mectre hommes deservans pour ceulx qui ny pourront bonnement vaghuer, et mesmement à ceulx qui auront seigneurie de commectre lieutenans et aultres officiers et mestres et destroicts de leur juridiction, à peine de privation de leur justice soit haulte, moienne ou basse, et ce à celle fin que par le moyen de la justice le plat pays puist vivre en plus grande tranquillité et union , sans laquelle n'y poeult avoir seureté ny repos ung seul jour. ”

“ Lesquelles provisions sont totallement nécessaires pour aultant qu'il est notoire que sans observance rigoreuse de la discipline militaire un Prince ne sçauroit faire bons exploictz de guerre ny tirer service de ses soldars, et que la trop grande licence et impunité cause tousjours en fin calamité, desarroy et confusion, pour à quoy eviter est force que le solder soit bien payé, sy faire se poeult, plus tost convient augmenter les aydes et impostz quelques grandz qu'ilz soient présentement que endurer lesdictes mengeries ”

“ Finablement pour faire que ladicte ville noeufve soit tant mieulx habitée de poeuple et accommodée d'ediffices (fonvenables, pourront estre advisées aulcunes ordonnances particulières selon l'exigence des cas ; entre aultres de ne habiter ny reediffîer par aulcun au Viel-Hesdin ny es faulbourgs ; aussy deffendre que allentour ladicte ville ne face maisons ny
(1) Sestaint (b.)
bastimentz si avant que la chose semblera le requerir ; de donner à ceulx qui vauldront ouvrer quelques chesnes ainsy que l'ediffice et amasement qu'ilz entendront faire le desirera. ”

“ Prendant tousjours bon regard à toutes personnes. chercez en fin du 4e chapitre (passage biffé) .
(3) Mais semble (b.) En marge est le mot tornez avec un renvoi Aiinuel rien ne rénond.
^4) De guerre (hj
et remuer de résidence cesseront, car ne prendront aulcune cure ou plaisir à la decoration et accroissement d'icelle ville ny du pays ; au contraire ne feront que foulles et aux champs et en la ville pour tirer le plus de proffict qu'ils pourront, ainsy que communément gens de guerre sont coustumiers faire (1) . ”

“ Mesmement ceste provision est de telle et si grande importance et à quoy est tant nécessaire pourveoir que le salut ou totalle ruine du poeuple et pays en deppend, aultrement la fontaine [dont les biens et richesses sourdent] tarist et le moyen se pert (1) par où la guerre se poeult nourrir, consequamment le pays demoure habandonné et en peril d'estre perdu. ”

“ Les monarchies et royaulmes ont été transferez d'une gent à l'aultre, les poeuples dispersez, les villes ainsi exterminees et subverties, qu'il n'en reste aulcun vestige ni memoire ; ou s'il en reste c'est pour la détestation et abhomination de leur faict. Quy doibt donner terreur à tous poeuples de ne devenir en telle malice, que Dieu ayt matière d'extendre sa fureur sur eulx, comme il a fait sur iceulx poeuples , depuis qu'ilz sont tumbez en désordre, délaissans les moiens par ou s'estoient agrandis. ”

“ A ceste cause ne seroit hors propos que Sa dicte Majesté par le mandement ou placart qu'elle pourra faire pour empescher lesdictes mengeries, feit narrer iceluy de la nécessité, honneur et dignité dudict estât, du bon traictement qu'elle voeult donner audict prevost, ensemble à ses aydes, officiers et sergentz ; par le moien de quoy ledict estat seroit incontinent en aultre reputation qu'il n'a esté jusques ad present, et mesmement se pourroit poursuivre par gens suffisamment qualiffiez ”

“ Par l'espace de trois ans (b.)
aultres ; apposant par iceulx mandements peine du dernier supplice contre les transgresseurs, lesquelles peines il fera mectre en execution sans dissimulation ni faveur, usant plustost en ce regard de rigueur que misericorde, car es cas où il est besoing d'exemple, toute clemence est prepostere et sy perd son nom n'estant aultre chose que une injustice et iniquité très pernicieuse au pays. ”

“ Doncques un bon prevost qui sera terreur des maulvais et protecteur des bons pourra grandement servir à mectre toutes choses en bon ordre et repos ; et pardessus ce, à cause que la dissimulation et connivence de plusieurs capitaines sur les mengeries, [oultraiges] et foulles quefaisoient leurs souldars dont ilz estoient ou debvoient estre advertis a donné l'occasion que le mal a serpé et creut sy avant que voions ”

“ Par le moien de quoy l'Estat seroit servy d'homme de bien et les souldars d'icelluy ne seroient complices et adherens des criminelz, ainsy qu'ilz sont ordinairement ; et pourroit devenir en telle estime que tel estât le merite ”

“ Oultre ce samble que par la mesme ordonnance debvroit estre faict commandement à tous capitaines et conducteurs de gens de guerre, tant de cheval que de pied et leurs lieutenans, qu'ils ayent à prendre plus songneux regard à leurs gens qu'ilz n'ont faict du passé, s'informantz comment ils vivent ; sy trouvent aulcuns fort mal conditionez qu'ilz les depportent ; et sy iceulx ont vescu à l'advantaige qu'ilz les mectent ès mains dudiet prevost, pour en faire la punition ”

“ Hesdin, comté de Sainet Paul et aussy quelquefois le surplus d'Artois pour apprehender tous malfacteurs et deprehendez au faict ou sommierement leur procez instruit les mectre au dernier supplice ou aultrement les punir rigoreusement, sans pour raison desdictes mengeries , compositions et exactions dont ils seroient attainctz, les remectre ez mains de leurs capitaines. [Dont plusieurs (1) ont trop abusé de leur pouvoir n'ayans aucuns d'iceulx crimes (?) fait punition exemplaire des malversations de leurs souldars, chose nullement tolléràble.] ”

“ « De quoy advertiz, changeans de propos retournèrent « passer la riuière d'Authie, et descendirent en vn marets « au dessoubs de lIedin, entre icelle et vn autre (3) qui « vient de la comté de Sainct-Pol : ou en un lieu appelé « Mesnil propre à estre fortifié pour la garde et asseu« rance du bailliage de Ifedin et comté de Sainct-Pol, le « douzième de septembre commencèrent à dresser et « bastir un fort, ayant pour plustost le mettre en défense « leué des païs des environs grand nombre de pionniers « et manœuvres, en quoy nepouvoient estre empeschez, « etc. » ”

“ Administreront, distribueront et (b.)
(2) Toutes (h.)
ehapistre huitiesme, provoyans ainsy aux inconveniens du feu de meschief (?) ou aultrement, pourquoy à ce commenchement que les maisons parfactes sont plus subjectes au peril dudict feu, ne fauldra laisser le principal lieu des munitions de pouldres sans gardes de jour et nuiet mectant encoires le lieu desdictes munitions en tel estat que le feu n'y puist facillement prendre ou estre endommagiez par quelques cas fortuitz. ”

“ Et affin que nul prétende cause d'ignorance pardessus la publication generalle qui s'en fera ès lieux accoustumez, encoires chascun capitaine fera lire ladicte ordonnance ausdictz soldars [à la monstre ou estatz] assemblez, par son du tabourin maieur et du trompette principal, les enseignes ou guidons desployez, les adver-
(1) Chiefz (b.) ”