“ Pour suppléer.
et avec vous (messieurs) m'employer de sa part en toutes choses qu'il vous semblera convenir, pour le service de sad. magesté, bien et utilité dud.
pays, et cognois par les letres de mond. sieur qu'il a bien sceu les causes que meuvent sad. magesté requérir ses feaulx et subgects de ced. pays luy accorder un don gratuit et semble à mond. sieur que l'intention de sad. magesté est sy raisonnable et à ce en quoy elle l'entend employer tant louable comme au bien et prouffit dud. pays que chascun se doibt incliner à complaire à sad. ”

“ Sur quoy a esté resolu entre led. estat des nobles par la plus grande et saine partie d'iceux que pour obéir a sad. magestè l'on debvoit deputer bons personnages pour icelles ordonnances veoir, et après faire remontrances à sad. magesté de ce que l'on treuveroit convenir au bien et utilité du pays, abbreviation de justice et soulagement des subiects, et neantmoings, pour ce que parles estats de med. sieurs des eglises et des villes a esté résolu que lad. ”

“ Il a dez son bas age a l'imitation du sage Salomon choisy sur toutes choses a luy agréables l'ornement de prudence bien cognoissant que entre toutes vertuz nécessaires à la moderation et conduicte de la sublimité a lui deuement, telle vertu est estimée la plus requise par l'addresse et moyen d'icelle, sa magesté a tellement pourveu et donné sy bon ordre que (Dieu grâce) ce pays est demeuré en quiétude et repos, nonobstant toutes fluctuations, motions de guerre et perilz eminentz, ayant regné es pays circonvoisins sans oublier ni omettre chose qu'il a peu penser servir a cest efïect. ”

“ Pour le vœu d'obéissance, il assure que les frères obéissent au gardien quant cela leur plaît, et rien de plus. Il ajoute que depuis le départ du père général,. les femmes entrent indifférement dans le couvent.
En sus, il ajoute que les frères du susdit couvent ne portent plus d'étoffes grossières, mais des
bottines avec haut-de-chausse, selon la mode du siècle. ”

“ Que neantmoins pour les considerations mises
en avant de la part desd estats, singulièrement de l'orvale et accident desd. vignes et fruiets, acceptoient soubs le bon plaisir de S. M. le don gratuit par la maniere qu'a esté accordée et feroient leur mieux envers sad magesté la suppliant vouloir considérer les cœurs et bonnes volontez desd estats plus avant que a la chose donnée bien scachans que tous les subjects dedient comme ils, et leurs predecesseurs ont dedié leur biens, leur corps et leurs personnes a la devotion et service de sad. magesté delaissant le reste aud. ”

“ Et premièrement les nobles du pays sont morts au service de leur prince, les autres prisonniers, payer grandes et excessives rançons, et la pluspart des maisons des gentilshommes dud. pays destruictes et abattues, les villes et villages tous destruicts, pillez et gastez, les églises et monastères semblablement pillez et destruits, tellement que de la mémoire des vivans l'on ne trouvera pas que aultre pays prochain ou loingtain ou que ce soit aye tant souffert et porté d'inconvéniens que led. pays pour l'amour et fidélité qu'ilz ont tousiours porté à leur prince. ”

“ A esté advisé que l'on suppliera sur ce sad. magesté pour y parvenir au bien et soulagement de mesd. sieurs les nobles, selon par la manières des requestes présentées ausd. estats de la part des sieurs de Brandon et de Rambel et que les instructions sur ce faites par l'estat de la noblesse le peullent (peuvent) contenir (*) .
Et le vendredy tiers jour dud. mois de may l'an que dessus en la salle du collége de Mortau de la part dud. sieurs de Commenailles bailly de Dole comme commis de mond. sieur le prince d'Oranges furent dites et proposées plusieurs paroles à moy greffier desd. ”

“ A savoir que veue la grande foule du pays, les frais et dommages qu'il a supporté au moyen de la guerre, en manière que les pauvres gens n'ont plus de quoy vivre, qu'il plaise à mon dict sieur le mareschal se retirer et desloger tous gens d'armes vivans sur ledit pays, et à la charge d'iceluy, A scavoir ceux du pays en leurs maisons, et envoyer les étrangers devers le roy , leur interdisant et deffendant par ses lettres et mandements de doiresnavant tenir les champs, ne de prendre plus aucune chose sur les habitans dud. ”

“ Folle probablement pour Caulle.
leurs loyautez et obeissances dessusd. dont lesdicts subgects ont esté consolez, car la chose qu'ilz désirent plus au monde, c'est que le pays demeure en paix et exemptions dehors de toutes guerres et divisions en l'obéissance de leur souverain seigneur ; car par la paix led. pays pourra ressoldre, et par guerres et divisions en voye de toute ruyne et désolation. ”

“ Messieurs, je reprendray particulièrement le contentement que sad magesté prent que de nous mesmes nous nous soyons imposez que nous doit a mon iujement mouvoir de luy accorder ce quelle demande, car sy de nous mesmes lavons faict, par plus forte et vehemente raison en estant requis par nostre prince souverain le debvons plainement octroyer, et tant plus prenons considerations sur la gratuité dont sad. magesté nous respecte si libéralement. ”

“ Sur quoy a esté conclud par les autres sieurs des deux estats en considération que toutes peines doibvent recevoir salaire, et que les commis et deputez de l'estat de noblesse des villes n'ont des rentes et biens comme ceux desd. eglises, que iceux deputez prendront les gaiges telz que dessus, de laissans a mesd. sieurs de l'église leur bon vouloir pour faire charité pour le soulagement du pauvre peuple. ”

“ Probablement pour convenir.
lectres a messieurs des estats, et à d'autres sieurs en particulier, et suis esté admis par lesd. estats a suppléer l'absence de mond. sieur le prince, en quoy me suis acquitté loyallement et justement tendant principalement a deux fins l'une a procurer avec vous (messieurs) que au faict du don gratuit, et autres choses par sa magesté requises, chascun se deut incliner pour complaire a sad. ”

“ Lesquels des estats en suyvant ce que les dessusd. ambassadeurs leur ont déclairé envoyant devers lad. sacrée magesté royalle luy remercier très humblement ce qu'il luy a pieu se tant incliner envers eulx, les envoyer visiter par bons et grands personnaiges singulière amour et dilection qu'il pourte à sesd. subjects et des bonnes et grandes offres qu'il luy a pieu leur faire de les
vouloir entretenir en bonne paix justice et police, le supplieront très humblement que son bon plaisir soit vouloir continuer affin que led. ”

“ Aussy qu'il plaise à sa magesté encoires et d'abbondant auctoriser ratiffier et confiermer lesd.
privilèges, libertez et exemptions dud. pays et des gens desd. trois estats chascun en son endroit et qualité, et à procurer les aultres choses faites et accourdées au nom de sa magesté par sesd. ambassadeurs ayant pouvoir espécial par ses lectres patentes.
Et qu'il luy plaise veua la grande pauvreté du pays soy contenter dud. don gratuit et libéral desd. ”

“ Car combien qu'il soit en sa main d'appliquer a son particulier et privé prouffit le don gratuit et en disposer comme du sien propre toutesfois elle permect que les deniers soient convertis pour nostre incolumité (10) tellement que l'on peut probablement inférer que le don se fera a nous mesmes finalement et accessoirement à sad. magesté puisqu'il s'agit de nostre salut, nous debvons beaucoup penser et non econduire ceste requeste iuste et raisonnable mesmes pour non desmouvoir (ll) sad. ”

“ Et d'autant plus que la sacrée réelle magesté qu'est le grand père les a en ses mains et puissance et comme ayeul paternel par la disposition de tous les drois à plenière puissance et administration de leurs corps et biens, et qu'il a pieu à sa magesté sur la très humble requeste des ses subgets en prendre et accepter la charge dont ilz ont loué et louent Dieu le créateur en rendant graces et marcy perpétuellement aud seigneur roy. ”

“ Requérans que lesd. sieurs officiers fussent tenuz eux retirer devers eux. A quoy de la part desd.
officiers fut dict qu'ilz avoient esté mandez par S. M. eux treuver aussy esd. estats ce que de toute ancienneté ilz avoient tousiours accoustumé estre en l'assemblée desd. villes, par quoy ne se debvoient retirer joinct que par le passé pour le devoir de leurs offices ils s'estoient acquitez au bien du pays, de sorte que l'estat des villes s'en estoil bien trouvé.
Sur ce par mesd. sieurs des églises et nobles fut advisé (que lesd.) ”

“ Messieurs representans les trois estats de ce pays et Comté de Bourgoigne, présentement assemblez par ordonnance de l'empereur nostre souverain seigneur, Ion vous faict remonstrance et declaration de la part de messire Hugue Marmier président de Bourgoingne, meu d'honneste et raisonnable occasion seruant a la conseruation de son honneur, chose a luy singulièrement recommandée, que sy aucuns de vous ou aultres de quelque estat ou qualité qu'ilz soient prétendant qu'il aye donné ou faict donner en manière quelconque aud. ”

“ Sur quoy monsieur de Saint-Mauris, l'un des commis par S. M. et plusieurs autres se levèrent et me fut dict par led. sieur de Saint-Moris que sy ie me retirois, les affaires de sad. magesté en pourroient estre retardez et pourroient lesd. estats demeurer sans conclusion faisant des protestations contre moy, et que du tout adverliroit sad. magesté demandant au secrétaire des estats instrument, messieurs les mareschal et président feirent le semblable. ”

“ Il y a dans la copie- des Recès, aussy, mais nous croyons qu'il faut ainsi/.
laisser dy pourveoir selon justice et équité et n'entend par ceste présente poursuite vouloir aucunement prejudicier a la liberté du pays, ou aussy en applicquer un seul denier a son prouffit, mais veult le tout estre pour le bien du pays et entend que absolument ceste reddition se fasse, me ayant bien particulièrement enchargé ladvertir par qui restera, et dont la faulte procédera. ”

“ En oyant lesquelles parolles, plusieurs autres se levèrent, merequerans me rasseoir, lors respondis que desirois en communicquer avec aucuns des vassaulx et serviteurs de mond. sieur le prince, illec estant en bon nombre, a quoy led. sieur de Rye respondil qu'il sembloit que ce fut une momeur (15) et pour faire un monopole ou un mutinement. Auquel'feis responce que n'estoit homme pour faire monopole ou mutinement, et que ne voulois (*) eslongner la place, mais que c'estoit pour scavoir sy ie me debvois rasseoir, et sy mond. ”

“ Requisivi idcirco dominum Ludovicum de Vaudré Baillivum d'aval officiarium serenissimi principis Domini nostri archiducis et commissarium specialem super hujus modi reformatione, ut mihi auxilium proeberet et favorem, ad comprimendam audaciam eorum, ut reduci possent, cum protestatione solemni, quod per hujusmodi requisitionem nunquam intendo quod per dictum baillivum, per assistentes seu ejusdem servitores, vel etiam per quemcumque alium, quomodocumque ad aliquam sanguinis effusionem, mutilationem seu corporis oflensionern
procedatur. ”

“ A prendre et relever lesd. deniers sur touz les habitanz dud. comté de Bourgoingne exempz et non exempz privilégiez et non privilégiez, et sans préjudice de leurs privilèges libertez et exemp-
tionz aussy en condition que en cas que aulcuns desd. habitans dud. comté que seront imposés de lad. somme ne payeront ou refuseront les payer le trésoriers ou recepveurs dud. don gratuit pour - led. seigneur roy seront tenuz prandre les payemens, et requerans les sommes qui seront ainsy imposées sur lesd. refusans pour les en faire exécuter comme des propres deniers de notred. seigneur Roy. ”

“ Pour adressées.
roient venir en lad. assemblée de mesd. sieurs les nobles, mais qu'ils n'auroient qu'une voix pour aulant qu'ilz n'ont qu'une lettre de S. M.
Quant es officiers de sad. magesté es bailliages d'amont, d'aval et de Dole, qu'est en chascun balliage, lieutenant advocat et procureur, a esté advisé qu'ilz pourront assister en l'estat de mesd.
sieurs des villes, mais pour ce que mesd. sieurs officiers n'ont en chascun balliage qu'une lettre particulière de sad. ”

“ Vraye est que sa magesté desire que'vous considérez quil ne veult délaisser ce pays despourveu de choses servantes à la diffension d'yceluyet que les charges dont il pourroit estre aillieurs enveloppé le pourroient empescher fournir entièrement aux choses requises le danger advenant que Dieu ne veuille. ”

“ Et lesquelz des estats considérant la perte inestimable advenue par le très doloreux et lamentable déces et trespas de feu de très recommandée mémoire le bon roy Philippe (8) que Dieu absoille jadis nostre souverain seigneur en ont porté merveilleux regret et desplaisir. Toutesfois pour ce que c'estoit chose irrémédiable après qu'ils ont recouru à Dieu le créateur et fait devotes prières et obsèques pour le remède et salut de son ame.
Ils ont pris grande consolation en ce qu'il a pieu au Créateur soy tant encliner envers lesd. subgect
que led. ”

“ Avec ce que son bon plaisir soit ordonner que les provisions sentences et arrêtés de la court souveraine et juges royaulx soient demandez à exécutions selon leur forme et teneur et les ordonnances de lad, court de parlement sur ce faites et, si besoing est par main forte.
En oultre que à un gentilhomme nomme Carmugnet et à plusieurs autres sont esté dehues plusieurs sommes de deniers pour le faict des guerres et deffences du pays, son bon plaisir soit les faire appaiser et contenter et que ledit pays en demeur quicte. ”

“ A esté conclut que pour le présent, attendu l'indisposition du temps, l'on debvoit supplier sad.
magesté vouloir differer lad. reueue jusques à autre temps, et que cependant luy plaise ordonner les anciennes ordonnances estre gardées et observeez.
Et quant à la reddition des comptes des deputez precedens a esté conclud que de chascun estat seroient deputez trois personnages en chasqu'un bailliage pour ouir et clorre lesd. comptes des precedens dons gratuits, et que lesd. deputez precedens seroient tenuz rendre leurs comptes par
devant lesd. ”

“ Et que le bon plaisir du roy nostd. seigneur soit en suyvant qu'il luy a pieu accourder entretenir lesd. pays et sesd. subgects en bon ordre et justice, continuer la court souveraine du parlement de Dole (10) , et tous ses officiers en leur offices et administration ainsy et par la forme que led. feu seigneur roy Philippe son filz les avoit bien et saigement instituez et ordonnez laquelle continuation et entretenement sera tousiours cause de donner couraige à sesd. officiers et aux successeurs les mieux et loyalement servir chascun en
son estat et qualité, comme il fut faict lorsque [led.] ”

“ Aussy pour faire exercer et administrer bonne et breve justice en ce pays pour l'observance de bonne police en iceluy, et finablement pour survenir, secourir, ayder et assister en tous cas de besoing, selon que par voz grands vertuz et prudhommies vous le meritéz. ”