Antoine Perrenot de Granvelle

“ Si Dieu ne faict miracle en telles gens comme ceulx à qui l'on ha affaire, et que les bons succès qu'il a pieu à sa divine bonté donner à monseigneur le Prince en la basse Flandre et ce de Menin, et veoir Alançon hors des pays, en estant parti si honteusement, se perdant par ce bout toute opinion des belles protections qu'il avoit tant promis, se veoir si longuement en tant de misères, chargés de contributions, de garnison, et de gens de
Borluc. ”

“ Je tiens que Borlut sera jà pardelà, et est contre ma volunté que l'on le tire de Joux (1) . Dieu doynt que mieulx en advienne de ce que j'espère. Touteffoys nous ne scavons quelle practique monsieur de Champagney peult avoir sur quoy il se fonde, mais ce qu'il ne permet que le maistre des comptes Appelleren voyse à Gand me faict tant plus craindre, et penser que tout ce qu'il dict et escript soit de contraincte. Je le sens extrêmement pour la crainte que j'ay du danger, car j'ay tousjours dict que ce que nous avions Borlut entre noz mains estoit ce que luy saulvroit la vie. ”

“ Qui ne tiendra la mesme bride, adieu noz deniers, comme vous dictes ; car tout ce que l'on prétend n'est sinon la manience. Je voidz bien qu'il sera mal possible de joindre les Estatz que l'on ne procure aussi de faire les surjetz (1) pour les récompenses, mais véritablement l'excès y est si grand qu'il n'est pas comportable, et s'en plainct l'universel du pays. ”

“ Je tiens que le Président ne diffère le vuydange que pour fouyr la penne ; je luy en ay escript deux ou troys foys, et luy respondant à une lettre qu'il me escript en la recommandation de son propre frère et de aulcuns aultres ses parentz et amis, je faiz mon compte de luy en encoires escripre ung mot de ma main, pour luy recommander le brief vuydange ; et certes je sentz que pour bien faire (comme véritablement je le croys) il sera travaillé avec passion de vengeance. Il est certain que plusieurs luy portent envie, qu'est mal, dont sont ordinairement persécutez ceulx qu'ont quelque valeur. ”

“ Dieu doint que le succès en soit tel; et de raison, il seroit temps que ces pauvres aveuglez se recogneussent, se treuvans las d'avoir si longuement soubtenu tant de misères, pouvant fort bien considérer qu'icelles ne cesseront, ny la guerre, que Sa Majesté ne soit remise en sa possession. Le ressentement de ceulx de Gand nous aydera grandement, et Dieu veulle qu'il soit vray qu'ilz ayent permis à monsieur le comte d'Egmont et monsieur de Champagney que chascun les peust hanter librement ”

“ Il est vray que ce sera la ruyne desdictz pays que reviendra à grant dommaige à Sa Majesté propre. Mais vous scavez enfin ce que l'on dict, qu'il vault mieulx pays destruyt que pays perdu, oyres qu'il se deust repeupler tout de nouveau. La faulte de vivres nous faict grande guerre ; mais quoy que commande le Roy de--France, je tiens que l'on en aura de là, s'il y a argent, car les François ne vouldront perdre le prouffit qu'ilz tirent de vendre leurs vins et leurs grains aux Pays-d'Embas. ”

“ Nous avons encoires icy monsieur le Président d'Artois, et faisons tout ce que nous pouvons pour le tost dépescher, mais nous avons à faire à gens que difficilement l'on peult faire sortir de leur pas ordinaire. Les bonnes nouvelles que nous avons heu par letres du XXV de moys passé, qu'il ha pieu à Dieu donner à monseigneur le Prince, contre le mareschal de Biron, tant vieulx et bon soldat, du moings tenu pour tel en France, nous doibt bien servir d'esperon pour non perdre le fruyt des occasions que Dieu nous donne ”

“ Les députez de Illustrissime cardinal de La Baulme, du Chappitre et de la cité de Besençon, pour soliciter la restauration de la justice ecclésiastique, sont en chemin pour venir icy. Les abuz ne sont nullement soubstenables, et noz anciens, nonobstant les excommunions, sont demeurez fermes, graces à Dieu, en la religion catholicque. ”

“ Je vous prie, continuez à tenir soing des affaires de Bourgogne, dont vous avrez cougnoissance ; et ne craignez que pour rien à ce bon debvoir l'on vous en puisse mal imputer, surtout en ce où vous besougnez maintenant, pour redresser la justice; faictes tout ce que vous sera possible pour mectre le tout en bon chemin; et comportez le pas lent de voz compagnons, puisque vous ne les pouvez changer à votre voulenté, et ne vous donnez penne. ”

“ Car s'il n'y a quelqu'ung qui tienne soing de l'auctorité du maistre, je tiens que tout ira de mal en pis; et il y a beaucop de choses à faire, dont je ne veulx faire mention, pour ne me sembler temps. Car mal se pourroient elles éxécuter, que lesdicts Pays d'Embas ne soient remis soubz l'obéissance de Sa Majesté, et que la saison ne soit plus paisible.
(i) Les rentiers du puits à muire ou petite saline de Salins.
Je n'ay heu moindre contentement que vous mesme du placet que vous a esté accordé pour la coadjutorie de l'abbaye de Mont-Sainte-Marie, pour monsieur le Prieur, vostre frère. ”

“ L'on est après pour l'amender'; et la conquestè de la Tercera et aultres isles, et l'arrivée des flottes des Indes si riches, aydera beaucop pour donner chaleur aux choses de par de là, et avra moyen Sa Majesté d'y entendre, estant deschargé d'une bonne partie du soing de Portugal, des isles Tercera et aultres, et des Indes; et, s'il me croit, pourvoira aux choses de la mer, de sorte que tout yra, s'il plait à Dieu, mieulx que du passé. ”

“ Monsieur de Brossia, oultre les letres vostres ausquelles j'ay respondu par une aultre mienne, j'en ay trouvé encoires une venue avec icelles qu'est du XIX de juillet. Je tiens que monsieur le prévost Foncq soit content de la response que vous luy avez faict à ses letres ; du moings me semble il qu'il havroit raison de s'en contenter; et s'il se socie moings que à vostre advis il ne conviendroit des affaires de Bourgogne, et qu'il ne soit fort amoureux des Bourguignons, à ce que je puis appercevoir, aussi n'est il de ceux de la nation Valone, estant du tout adonné à ceulx de la langue Thioise ”

“ Ladicte armée est fort belle et bien pourveue de tout ce que convient, et passe de cent voiles ; et à Lisbone demeurent aultres galères, et les deux galiaces nouvelles, meilleurs et mieulx porveues que les deux précédentes, et plusieurs navieres en ordre, et les galères de Naples, Sicile et Gennes, pour contre Luchali, s'il vient, et pour tout ce que pourroit estre de besoing. Et se porte Sa Majesté fort bien, Dieu mercy, comme aussi font tous ceulx du sang ”

“ J'avois pensé ung aultre point pour brider les nominations, et afin qu'elles ne viennent si cornues et appassionnées, que, se traictant de nommer, chascun die de voix son opinion librement de ceulx qui se mettront en avant, et qu'icelles opinions s'annotent, avec l'arraisonnement de chascun sur ce qu'il dira, mais que après la détermination se fit par febves, afin que plus librement chascun y puisse donner son suffrage, sans en voir le mauvais gré, puisque l'on ne pourra scavoir qui auront donné les blances ou les noires ”

“ L'abbaye de Saint-Vincent de Besançon, dont Granvelle était abbé.
que pour empescher que l'on ne louge gens de guerre sur ce qu'il penseroit avoir par le partaige ; et je trouve bonne l'opinion du Conseil de vuyder premier le poinct de la souverainneté, et que l'on ne traicte des limites contre les Pays d'Embas , sans conjoinctement vuyder le différent de ceulx du comté de Bourgogne; l'ungle fera venir à l'aultre; et synon, il y avra bonne couleur pour demeurer comme nous sûmes, en ce qu'il désireroit fut changé aux frontières de Luxembourg, du propost icy de son ambassadeur ”

“ Affranchissement de la main-morte en faveur des communautés (communes) et des particuliers.
pays en espargne pour fornir en une soubdaine néccessité, et que aultrement l'on n'y touche; mais pour mon advis, l'on ne remectroit l'arbitrage de ceste soubdayne nécessité pour pouvoir mectre la main aux deniers audit sieur comte de Champlite seul, ny la maniance desdicts deniers, ny ne les mectroit on point à rente pour maintenant ; mais puisque la nécessité apparente cesse, ilz se tiennent en sheures mains pour les avoir plus promptz, et que touteffois l'on n'y touche. ”

“ Si seroy je bien d'advis que celluy qui seroit esleu composa avec luy de quelque pension, puisque (comme qu'il soit) l'on en avroit meilleur marchef par ce bout que de le mettre par force dehors. Il a perdu un grand appui des François, desquelx les Allemandz se fièrent aussi peu que les Flamandz, car ilz ont jà nouvelles de ce qu'est passé; et si avra perdu Alançon grand crédit avec les Huguenotz de France , qui imputent ce succès au mareschal de Biron, et sur ceste occasion font courir le bruict qu'il fut autheur du massacre de Saint Bartholomy à Paris. ”

“ Ledict apostat (si je ne me forconte) avra bien à faire de supporter les frais, et les princes protestants ne mettront pas voluntiers la main à leur bource pour luy. Car leur principale religion sont les florins, desquelx ilz ne sont pas fort pourveuz. Je m'asseure que les villes impériales se garderont fort bien d'entrer en ce jeux, se souvenans de la ligue de Smalcald et comme elles y furent traitées des princes. Et me recommandant bien af-
Cologne,
fectueusemement à vostre bonne souvenance, je prie le créateur qui vous doint, monsieur de Broissia, l'accomplissement de voz désirs. ”

“ Combien que le tout s'en vad esbranlant de sorte, s'accroissant la diffidence et se diminuant le crédit d'Oranges et se resfroidissantAlançon, qu'il est fort apparent que, continuans les exploictz de guerre prôspéréement audict sieur Prince, avec le peu d'apparence qu'il y ha que les rebelles se puissent si tost renforcer, et ne cessans les practiques pour soliciter plus grande diffidence et l'ouffre de clémence, l'on en peult concepvoir quelque bon espoir, avec l'aide de Dieu, que favorise Sa Majesté et sa juste cause. ”

“ Dieu doint que ce que l'on ha dit despuis des Gantois soit véritable, et que l'on aye plus eslargy monsieur d'Aigmont et monsieur de Champagney. Je m'assheure que, si l'on donne accès libre à plusieurs pour parler audict sieur de Champagney, qu'il procurera de leur ouvrir les yeulx. Ilz sont faciles à se mutiner et non pas tpusjours les plus difficiles à se réduyre. Ce de la religion nous empes- chera beaucop, si ne fault il pour riens consentir exercice de religion que de la catholicque; avec ce, se pourra comporter beaucop pour donner temps aux desvoiez de par bons moyens se réduyre ”

“ Les François, que sont entrez au Pays d'Embas, ne pouvoient faire en ung temps deux chemins, pour envahir joinctement et lesdicts Pays d'Embas et le comté de Bourgogne ; et touteffois à l'accoustumé l'on nous en donne de belles alarmes du costel dudict Bourgogne. J'ay veu ung discours qu'en a faict monsieur de Chassey, où il y a beaucop de bonnes choses; et je luy respondz je ne vouldroie veoir tant aguerriz nos subjectz audict Comté , qui ne sont jà que trop farouches ; et nous voyons les maulx que nous recepvons plus grandz des assemblées qui se font au pays que des ennemys propres ”

“ Marie de Bonière, veuve de Jacques de Marnix, dame de Tououse (Jura) , belle-mère du célèbre Philippe de Marnix de St-Aldégonde.
l'occasion d'icelles, et fault considérer que par delà Sa Majesté n'a à présent le moien. Aultre chose seroit ce, si elle estoit remise en la possession de ce que luy appertient, comm'il fault espérer qu'il succédera. Sa requeste tumbera entre les mains de monsieur le prévost Foncq, à cause de sa charge, en quoy je ne fauldray de faire ce que je pourray, mais il me desplait de ce que je ne puis donner asseurance de ce qu'en succédera. ”

“ Je vous ay aussi adverty que j'ay receu la coppie de ce que l'on ha dressé au Pays d'Embas, pour au Comté de Bourgogne redresser la justice, pour la faire procéder icy de meilleure sorte ; et à la vérité il y ha très grand besoing de la réformation, et n'ay trouvé lesdicts escriptz rigoreux, comme vous doubtez que t'elz sembleront ilz à aulcuns, plus amis de leur intérestz et commodité que du bien public ; mais les jugeront plusieurs trop doulx, actendu le désordre qu'a besoing de sérieux remède. ”

“ Madame d'Achey.
Quant à ma niepce d'Achey, je ne scavroie aussi que dire d'advantaige de ce que j'en ay escript; elle se veult assheurer , c'est raison que nous le soions aussi ; tous demandent, et l'on ne peult pas faire pour tant de gens en ung coup. L'on verra les poursuytes que fera Vateville, qui ne pourroit ouvrir chemin pour mieulx faire noz affaires et nous préparer l'occasion ; vous mercyant ce pendant cordialement ce que vous m'en escripvez, meu de bonne affection et des bons offices, que en tout vous faictes pour mon respect, que je tiens à grande obligacion. ”

“ Mais considérant les termes du concile, et comme cela s'entend à Rome, il y avra bien à faire de persuader à Sa Saincteté que l'on face playe à la jurisdiction éclésiastique, soubtenant l'édict que je n'ay veu, mais j'entendz qu'il est couché en assez maulvais termes, et que cela altère tant plus sadicte Saincteté. Enfin je tiens que le monde ne prospérera que l'on ne laisse à chacun sa chacune, et que l'église ayt sa jurisdiction entière, et les princes la leur, sans que les ungz entrepreignent sur les aultres. ”

“ Je louhe Dieu que le secrétaire Garnier se refaict, et luy suppl'e qu'il luy rende entière santé ; il nous ha tenu icy longuement en penne pour son indisposition
Renard.
Renard est encoires icy, oyres qu'il ha prins son congé, que je luyays ouctroié, pour non retenir personne par force; il m'a trompé et n'a gardé sa promesse de 4 ou 5 ans. Il s'en fault passer, et vous n'y avez culpe quelconque. Il y a bien à faire de rencontrer en nostre pays sur qui faire fondement; cela nous faict abhorrir de plusieurs.
Ce des maistre.
aux requestes. ”

“ J'ay veu tout ce que vous m'escripvez touchant le bailliage de Dole, et ne le puis sinon fort bien prandre, cougnoissant encoires en ce clèrement la bonne affection que vous portez à moy et aux miens, dont procède tout ce que vous m'en dittes; mais vous me pardonnerez si je vous diz que je ne suis pas de vostre opinion de debvoir embrasser toutes les occasions pour faire pour les miens; je cougnois à qui j'ay à faire ”

“ Et a peu de contentement ledict d'Alençon des rebelles, et encor de la roynne d'Angleterre, qui l'a ainsi amusé et abusé, et de son frère, pour luy sembler qu'il n'ayt pas faict pour luy tout ce qu'il eust voulu. L'on verra ce qu'en adviendra et de Cologne, où jà est piéça arrivé le cardinal d'Austriche légat, et vous aurez entendu du costel de Rome que consistorialement l'apostat a esté privé de l'archevesché, et commandement faict à ceulx du chapitre de procéder à nouvelle élection; et comme je l'ay tousjours dict dois le commencement, c'est le vray remède ”

“ Quant à l'éxécution des ordonnances, Sa Majesté escripvra sérieusement, comme il vous ha semblé etainsi convient il ; et que l'on ayè grand regard à ceulx que contreviendront, et s'attacher à ung qui feroit faulte, afin qu'il serve d'exemple à aultres.
Le Président n'est que trop bon, mol et doulx, mais il le fault animer, auctoriser et porter, afin qu'il ose et face ce que convient, sans respecter en ce de faire son debvoir, ny craindre personne quelconque. ”

“ Les rebelles debvroient considérer que, s'accordans, la vexation des gens de guerre cesseroit, car l'on n'en avroit besoing, et Dieu voulu que ce que aulcuns qui profitent de la guerre ne l'entendent ainsi, et qu'ilz ne nous empeschent, au lieu de nous ayder. Ces pauvres aveugles sont bien nices, s'ilz se laissent persuader que le Roy ne pourra continuer la guerre, ou que icelle puisse cesser qu'il ne retourne en son ancienne possession. ”

“ Et il monstre trouver fort bon ce que s'est faict, et le louhe, et ny fera pas grand changement, oyres que en aulcuns pointz il eust désiré plus de sévérité. Je ne vois encoires dressées les letres pour la convocation des Estatz, mais si ledict sieur prévost Foncq a escript à monsieur le comte de Champlite que tost se tiendront lesdicts Estatz, peult estre faictil dresser lesdictes letres sans bruyt, et ne m'en veulx enquérir, puisque je ne veulx plus contredire la dicte assemblée, comme j'ay bien faict cy devant ”

“ Son Altesse (1) est sage et prudent prince, et, à la vérité , il procède de sorte en ses emprinses , et en donne si bon compte, avec si bonnes raisons, que je ne scay ce que l'on luy pourroit demander d'adventage ; il avra prins l'advis des gouverneurs et de ceulx du Conseil d'Estat et aultres, pour résoldre ce qu'il debvoit faire. Et fault considérer que, où il y a si grandes faultes de vivres et fourrages, et le pays tout mangé , il ne peult pas poursuivre ses dessings comm'il vouldroii, et comm'il conviendroit encor, si ceste faulte n'y donnoit empeschement. ”

“ Mon opinion quant à l'haulsement du sel a esté tousjours conforme à la vostre, et en ay escript de mesme audict sieur comte de Champlite , au Président, au Pardessuz de la Saulnerie et aultres; et parle icy de mesme, quoy que les dessus dictz soient d'aultre opinion, et ce que l'on veult tromper ceulx du puys, et les priver de ce que, oultre leur droit, ilz ont si chièrement freschement acquis, ne me semble bien, mais fort mal, et contre ce que se doibt à la bonne foy; ny ne me convainquent les argumentz dont l'on use pour soubstenir avec apparence la fraulde. ”

“ Monsieur de Broissya, au lieu de respondre à une letre que m'a escript le secrétaire Grimaldi, je la vous envoye, mais c'est à condition que vous ne la lirez, sinon quand vous aurez tant de loisir que vous ne sachez que faire, et ce seullement afin que vous voyez la façon de son stil, et comme telles gens abusent de la familiarité et de l'accès que l'on leur donne, comme si je n'avoye icy aultre chose à faire que de lire telles belles letres si mal compilées; et certes au lieu de s'excuser non n'avoir escript, il avoit plus besoing d'excuse d'estre trop prolixe, et en termes peu convenables. ”

“ Je ne m'apperçois (grâces à Dieu) que jusques à ores s'en soient perdues aucunes ; avec ce se peult tant mieulx comporter qu'elle arrivent tard. Et monsieur le Prieur, vostre frère , m'escript que celluy qui a charge des postes de Bourgogne alloit au Pays d'Embas, afin que l'on pourveut au paiement des maistres des postes particuliers de Bourgogne et de Lorraine, puisque sans ce il leur est impossible de faire la diligence, et je m'asseureque vous l'assisterez en ce que vous pourrez et qu'en ce aydera le réverendissime de Tornay. ”

“ Tout ce que vous dictes du désordre, à faulte d'argent, est trop véritable ; comme aussi est-il que je fais ce que je puis pour procurer le remède, et monsieur le Président d'Artois n'y obmect riens de son coustel. L'on nous donne espoir de brief remède, et jà sont prests de mectre à la voile plusieurs Espagnolz, pour aller trouver monseigneur le Prince, et les conduyt don Pedro de Tassis, que demeurera pardelà pour verdor général. ”

“ Le chemin de Cologne, je tiens que vous le treuveriés long, comme je l'ay escript audict sieur Eleu de Tornay ; car il vad par Ausbourg, et par Ispruch, et par Milan, pour venir à Lyon. Et pour les letres dois Bourgogne jusques audict Lyon, je tiens que nous serons forcez de retorner à nostre piéton, à faulte dudict ordinaire.
Ma conduitte par deçà.
Vous vous conduysez de sorte que vous n'avez besoing d'aultre que vous admoneste de ce que vous convient ; mais l'affection que je vous porte me force
à vous dire le peu que j'entendz ”

“ Mademoiselle Marie, sa fille, demande remède à Sa Majesté, et à la vérité il y a grande considération; et ne fauldray de recommander fort voluntiers son prétendu et de l'ayder en tout ce que me sera possible, comme aussi ayderay je de bien bon cueur messieurs du privé Conseil pour estre mieulx traictez.
Madame d'Achey.
Quant à madame d'Achey, ma niepce, vous avez faict et faictes beaucop pour elle. L'on verra ce
qu'elle fera de son coustel, pour après prendre advis de ce que l'on pourra et vouldra faire. ”

“ Touchant la justice de Branq (1) , il fault, comme je luy ay escript, encoires pacience, car l'on ha tant imprimé en la teste de Sa Majesté qu'estant luy des finances, il ne doibt prétendre pour soy contre les ordonnances, qu'il ne souffit luy dire que la cause de l'ordonnance cesse, puisque ce que en cecy l'on luy demande est au prouflit de son domaine. Le temps la pourra accomoder, et l'on n'y perdra occasion. Il me desplairoit que monsieur Foncq, soit pour ce que vous dittes ou pour aultre cause , print umbre de luy ”

“ Le commerce ayec les rebelles.
Quant à ce que vous touchez par vos letres de permettre aux villes où la religion est corrompue que l'exercice de la faulse religion se continua, pourveu que aussi librement s'y exerca la catholicque, je vous diray en ung mot que (nonobstant que je voidz que voz raisons sont urgentes) l'exemple de la France, oultre tant d'aultres raisons, me retiennent en l'opinion que je vous ay escript. ”

“ Dieu doynt que mon désir en ce s'effectue, dont je ne perdz espoir ; et pour ce que toutes les chançons de par de là tumbent sur ce point de la faulte d'argent, je vous en ay voulu dire ce mot, ne voyant que j'y puisse faire d'adventage.
Deniers par defà.
Les affaires de Coloigne sont de bien maulvaise digestion; j'en ay escript et à Sa Majesté, et à la court de l'Empereur, et à Rome, com'il convient, disant le remède que me semble l'on y pourroit tenir, qu'est ce que j'y puis faire. ”

“ J'espère que les affaires de Cologne passeront mieulx que du commencement l'on ne pensoit. La cité tient bon. Si l'on procède à privation et élection nouvelle d'ung que luy face teste, il (1) se treuvera bien esbey. Les princes que luy ouffrent faveur ne vouldront ouvrir leur bourse pour luy; chascun en Alemaigne garde le sien, et la religion de la pluspart est l'intérestz. La noblesse ne vouldra pas perdre l'avancement de leurs parens par le moyen des éveschez et prébendes, que cesseroient par ce que l'apostat vouldroit introduyre ; et la salie des François nous servira là aussi beaucop. ”