Robert de Clari

“ Quant les gens oïrent chou, si en furent tout lié du grant don que li empereres leur eut donné, si alerent, si effondrèrent le trésor, si y trouvèrent tant d’or et d’argent comme une fine merveille, si le départirent entraus. ”

“ Le nuit f. meesme que Androines s’enfuioit, leva une si grant tormente en le mer, et une si grant tempeste que de vent, que de tonnoirre, que d’esclistre, que il, ne se gent, ne seurent quel part il aloient; tant que li orages et le tormente les racacha ariere en Coustantinoble, qu’il n’en seurent mot. Quant il virrent qu’il furent à tere et qu’il ne peurent avant aler, si dist Androines à se gent : « Seigneur, esgardes où nous sommes. » ”

“ Quant li cuens de Flandres oï chou, si feri cheval des espérons et tout li autres après, et poinsent tant qu’il atainsent le bataille le conte de Saint Pol et monseigneur Pierre d’Amiens, et quant il eurent ateinte, si chevauchierent en costé aus tout de front, et le bataille monseigneur Henri chevaucha deriere, et les batailles l’empereur et les noes batailles s’estoient jà si aprochiés que li arbalestier l’empereur traioient bien en nos gens, et nostre arbalestier ensement es gens l’empereur ; et n’avoit que i. tertre à monter entre l’empereur et nos batailles ”

“ Quant li vasles oï chou, et entendi le mandement que li haut homme croisié li avoient mandé, si en fu moult liés, et moult en fist grant feste, et moult fist biau sanlant as messages. Si dist qu’il s’en conseilleroit à l’empereur sen serouge. Quant li empereres l’entendi, si respondi au vaslet que bêle caanche li estoit avenue ; si li loa bien qu’il y alast, et se li dist qu’il n’aroit jamais point de sen hyretage, sen par l’aive de Dieu et des croisiés ne l’avoit. ”

“ Quant li Grieu virrent que leur empereres s’en estoit fuis, si traisent il à un haut homme de le chité (Laskers avoit à nom) ’94 chele nuit meesme ; tantost si en font il empereur. Quant chis fu fais empereres, si n’i osa demorer, ains se mist en une galie, anchois que il fu jours, si s’en passa outre le bras Saint Jorge, et s’en ala à Nike le grant qui une boine chités est, illuec s’arresta, s’en fu sires et empereres. ”

“ « nous vous loons bien que vous vous acordes à aus, car che « sont le plus fort gent et le plus doutée de l’empire, ne de le « tere. » Et tant parlèrent li baron que li empereres i envoia ij. chevaliers haus hommes, et si les fist atorner moult bêlement, et s’en alerent li message moult doutanment en chele f. sauvage tere, et quant il vinrent là, si les vaut on destruire, et toutes eures parlèrent tant il message à chelui Burous, que il leur respondi que il envoieroit volentiers se fille à l’empereur. ”

“ Quant li duxvit qu’il ne pooient mie tous les deniers paier, ains en estoient moult à malaise, si parla à se gent, et si leur dist : « Seigneur, (fist-il) , se nous « laissons aler ches gens en leur pais, nous serons mais tous « jours tenu pour malvais et pour trikeeur, mais alonsdusques « à aus, et si leur disons que, s’il nous veulent rendre ches « xxxvj.m. mars que il nous doivent, des premeraines conques « tes qu’il feront et qu’il aront à leur partie, que nous les mes « rons outre mer. » Li Venicien s’acorderent bien à chou que li dux avoit dit ”

“ « Mais de haut homme, fist li dux, haute justiche; je « vous dirai (fist li dux) que on en fâche:il a en chele vile ij .
« hautes colombes ; n’i a chelui qui n’ait tost Ix. toises ou 1. de « haut; si le fâche on monter en som l’une et puis si le fâche K on tresbukier jus à tere. » Or estoit chou de ches ij. colombes où sus li hermite manoient, et là où les aventures de Coustantinoble estoient escrites, si comme je vous ai dit par devant. A chou que li dux dist s’acorderent li baron ”

“ Saint Pol, ou se on eslit un povre chevalier, que chis qui ert « empereres ait les palais sans nul contredit, ne du marchis, « ne du conte de Flandres, ne dun, ne d’autre. » Quant li marchis oï chou, si ne peut mie estre encontre, ains wida le palais que il tenoit ; et on ala^ si mist on wardes es palais de le kemunité de Fost, qui les palais warderoient. Quant li dux de Venice eut si faitement parlé, après si dist as barons qu’il esleussentles leur x., que il aroit moult tost eslit les siens X. ; et quant li baron oïrent chou, si i vaut mètre cascuns les siens ”

“ Si ne fist mais el mesires Henri, si atorna sen oirre et s’en parti de Tost à chelée par nuit, li trentisme de chevaliers, et asses serjans à cheval avec lui, que waires de gens ne le seurent. Quant il vint à le chité, si fist sen fait, si i sejorna i. jour, et entrementiers que il i ala, fu espiés, et endités à Morchofles. Quant Morchofles le seut, si fist monter bien dusques à iiij. ”

“ Si fist li marchis prendre le palais de Bouke de Lion, et le moustier Sainte Souphie, et les maisons lepatriarke-, etli autre haut homme, si comme li conte, fisent prendre les plus rikes palais et les plus rikes abeïes que on i peut trouver, car puis que le vile fu prise, ne fist on mal n’a povre n’a rike, ains s’en ala qui aler s’en vaut, et qui vaut si remest ; si s’en alerent li plus rike de le vile’9 près, si kemanda on que tous li avoirs des waains fust aportés à une abeïe’o’^
qui en le chité estoit ”

“ Adont s’armèrent li chevalier et tout li autre pèlerin ; si alerent passer à un pont qui estoit presque desit à ij. liuves, ne n’avoit passage à aler en Coustantinoble, à mains de iiij. liuves d’illuec, fors à chu pont ; et quant il vinrent au pont, li Grieu y vinrent qui leur contredisent le passage, tant comme il peuvent, et tant que li pèlerin lesencachierent par forche de bataille, et passèrent ; et quant il vinrent à le chité, si se logierent li haut homme, et tendirent leur tentes devant le palais de Blakerne qui estoit Tempereur ”

“ Or jesoit li cors monseigneur Saint Dimitre en le chité, qui ne vaut onques souffrir que se chités fust prise par forche ; si decouroit si grans pientés d’oile déchu cors saint, que ch’estoit une fine merveille. Si avint, si comme Jehans li Blakis se jesoit une matinée en se tente, que mesires Saint Dimitres vint, si le feri d’une lanche parmi le cors, si l’ochist^^. Quant se gent et li Commain seurent qu’il fu mors, si se deslogierent, si s’en râlèrent en leur tere ; et puis après, si escaï li roiames de Blakie à un neveu Jehans, Burous avoit à nom’^7. ”

“ Li message s’en revinrent ariere et contèrent chou que li Franchois avoient respondu, dont si kemanda H empereres à se gent qu’il s’armaissent, et qu’il li aidaissent à corre sus les Franchois ; et il s’armèrent tout, si s’en alerent vers les Franchois, et h Franchois vinrent encontre aus, si eurent moult bien leur batailles ordenées. Quant li empereres vit qu’il venoient vers lui et vers se gent pour combatre, si dist à se gent : « Seigneur, or penses du bien faire, or vous « poes vous bien venger d’aus ». ”

“ Quant li quens de Flandres vit que li quens de Saint Pol, ne mesires Pierres d’Amiens, ne retorneroient mie, si leur manda par i. message, et pria qu’il retornaissent ; et mesires Pierres d’Amiens li remanda qu’il ne retorneroient nient ; et li quens de Flandres li manda de rekief par ij. messages, que, pour Dieu, cheste honte ne li fesissent, mais retornaissent, que che li avoit on loé. Et li quens de Saint Pol, et mesires Pierres d’Amiens li remanderent que nensi, nensi, ne retorneroient il ”

“ Quant li homme virrent que li vasles venoit, si alerent tout encontre lui, si le saluèrent et se li fisent moult grant feste. Quant li vasles vit que li haut homme l’ouneroient si, et tous li estores qui lueques estoit, si fu si liés que nus hons si ne fu-, adont si vint li marchis avant, si prist le vaslet, si l’enmena avec lui en se tente. ”

“ Quant li haut oïrent chou, si respondirent as messages qu’il n’en voloient nient de sen or, ne de sen argent, ains voloient que li empereres se demesist de l’empire, car il nel tenoit mie à droit, ne loiaument, et se li mandèrent qu’il avoient le droit oir avec aus, Alexe le fil Kyrsaac l’empereur. ”

“ Si avoit i. monchiel dedens le chité, en chel endroit où on devoit assalir, que on pooit bien veir des nés pardeseur les murs, si estoit il haus ; et en chelmonchiel’^^ estoit venus Morchofles, h traîtres li empereres, et de se gent avec lui ; si i avoit fait tendre ses vermeilles tendes, et faisoit ses buisines d’argent sonner, et ses tymbres, et faisoit moult grant beubant, si que li pèlerin le pooient bien « veir, et Morchofles pooit bien veir es nés as f— us r », c 2. ”

“ I. noble leur mur refaire plus fort et plus haut qu’il n’estoit devant, que li Franchois avoient fait abatre bien 1. toises, quant il eurent le vile prise, pour chou que il doutoient que li Grieu ne revelaissent encontre aus ; et quant li baron qui estoient demoré pour le paiement rechevoir, virrent que Kyrsaacs ne leur paioit nient, si mandèrent as autres barons, qui estoient aie avec Alexe, qu’il s’en revenissent, que Kyrsaacs ne les paioit nient, et qu’il s’en fussent tout venu dedens le feste Tous Sains. ”

“ Quant li empereres seut que che fu voirs, si se leva, si prist moult de se gent avec lui, si s’en ala dusques au moustier Sainte Souphie, par uns alooirs’°^ qui aboient de sen palais dusques au moustier. Quant il vint au moustier, si fist tant qu’il fu seur les vautes du moustier, si vit chelui qui estoit corounés. Quant il le vit, si en fu rnoult dolens, et demanda à se gent s’il y avoit chelui qui eust nul arc, tant que on en aporta un et une saiete, et Androines prent chel arc, si entoise, si cuide ferir Kyrsaac qui corounés f. ”

“ Si envoia li empereres ses messages en Franche, qui moult estoient haut homme, et moult y alerent rikement ; ne onques ne vit on gens plus rikement ne plus noblement aler que chil fisent, si que li rois de Franche et se gent se merveillierent de le grant nobleche que li message menoient. ”

“ Kyrsaac Tempereur ? » Si amenoit sa femme avant, et disoit se femme : « Ba, de ne me connissies vous que je sois empereris, et de ne connissies vous mes ij. enfans, que jou euch « de Kyrsaac l’empereur ? » ”

“ Quant il furent en chele mer, et il eurent tendu leur voiles et leur banieres mises haut as castiaus des nés et leurs enseingnes, si sanla bien que le mersformiast toute, et qu’ele fust toute embrasée des nés
1202
qu’il menoient et de le grant goie qu’il demenoient. Adont si alerent tant qu’il vinrent à une chité, Pôles avoit à nom 73 ; illueques ariverent, si se rafreskirent, se y séjournèrent i. peu, tant qu’il furent bien rafreski et qu’il eurent acaté des nouveles viandes à mètre en leur nés. ”

“ Après, li haut homme croisié et li Venicien parlèrent ensanle de l'eskemeniement dont il furent eskemenié, de le vile qu’il avoient prise, tant qu’il se conseillierent entr’aus qu’il envoieroient à Rome pour estre assous ; tant qu’il y envoieroient 78 le vesque de Sessons et monseigneur Robert de Bove pourcachier 79 letres de l’apostoile que tout li pèlerin et tout li Venicien fussent assous. Quant il eurent leur letres, si s’en revint li vesques au plus tost qu’il peut 80 ; et mesires Robers de Bove ne revint mie avec lui, ains s’en ala outre mer droit de Rome 81. ”

“ « Aies là, aies chà, » et les renvoie là où il veoit que li grain des besoins estoit*, et n’avoit mie en tout le navie plus haut de iiij. nés ou de v. qu’il peussent avenir as tours, si erent eles hautes, et tout li estage des tours de fust qui erent faites sur les tours de pierre dont il i avoit bien v., ou vj, ou vij, et estoient toutes warnies de serjans qui les tours deffendoient. f. 119r », c.I. 1204
t tant i assalirent que le nef le vesque de Sessons s’ahurta à une de ches tours par miracle de Dieu, Prise de deux luun
si comme le mers qui onques n’est coie, le porta ”

“ Se li mandèrent ariere que ore le deffioit il, et qu’il se wardast d’aus, et que il n’en partiroient du siège, s’aroient chelui vengié que il avoit mordri, et si raroient pris autre fois Coustantinoble, et si raroient tout plainement les convenanches que Alexes leur avoit en convenant. Quant Morchofles oï chou, si kemanda que on wardast moult bien les murs et les tours, et les hourdast on, si que il n’eussent warde des assaus as Franchois, et il si fisent moult f. ”

“ « VOUS, ne vous n’i enterres, car vous aves tout houni et le tere « toute perdue, et d’autre part le kiertés est si grans chaiens, « que se vous et vo gent i entries, que le vileseroit toute perdue « de fain, et jou ai plus kier (fist li marchis) , que vous soies « perdus et vous et vo gent, de qui il n’est waire grans esplois, « que nous qui chaiens sommes ne le vile’^9 ». ”

“ Tant que li Grieu disent entr’aus : « Faisons le « bien, faisons de chest vaslet empereur « . Tant qu’il s’i accorderent tout entraus. Si envoient il pour [le] patriarciie’°* qui à "ss. meesme d’iluec estoit en sen palais, qu’il venist corouner un novel empereur qu’il avoient eslut. Quant li patriarches oï chou, si dist qu’il n’en feroit nient et commencha à dire. « Seigneur, f. 106 V", c. 2. « mal le faites, soies en pais, vous ne faites mie bien, qui aves « tele cose entreprise ; se joule coroune, liempereresAndroines « me tueroit, et decoperoit tôt en pieches. » ”