Pierre de Bourdeille seigneur de Brantôme

“ Le Pape, avant que boire & manger, le fit pendre haut & court devant ses yeux, en la place Saint-Pierre , quelque humble supplication que luy sceut faire le Théologal pour son nepveu, qui luy estoit unique, ny aussi l'Ambassadeur d'Espagne, ny tous les Cardinaux Espagnols. Encore dit on, qu'il dit audit Théologal, que s'il avoit autant fait, il le seroit aussi-bien pendre comme son nepveu.
Ainsi finit le pauvre Espagnol, au grand regret, despit & deshonneur des autres Es- pagnols qui estoient dans Rome. Certes aussi, la faute estoit très - grande. Je n'en diray plus. ”

“ Enfin, toute vie bien & honnestement donnée , elle est reconnoissable par tout le monde, sans une féconde recherche de combat : mais le plus beau & le meilleur est, que les Roys, les Princes souverains, les Mareschaux de France, & autres grands Capitaines, pafsent tout cela soubs un bon accord, & que jamais il n'en foit plus parlé : & si le vaincu en sent en foy quelque charge de conscience & d'honneur, & qu'il luy semble que quelqu'un en parle, il faut qu'il s'attaque à luy, & le fasse taire à bon escient par une bonne espée ”

“ Nostre estat, disoit-il, est tel, que qui ne se hazarde, ne fait rien qui vaille; & qui bien hazarde, & fait beaucoup & bien hazardant, aussi il faut qu'il y meure. Et par ainsi, que c'estoit une grande honte de voir un Capitaine de gens de pied vieux, ayant la barbe blanche , & longuement traisné cet estat.
Telle estoit l'opinion de ce brave & vaillant Capitaine. Mais pourtant s'en font veus beaucoup de bons & vaillants soldats, Capitaines & Mestres-de-Camp, en barbe blanche & cheveux grisons, & qui avoient traisné toute leur vie la picque. ”

“ Il estoit très bon François, & point ingrat à la France, qui l'avoit eslevé & noury. Un jour la Reyne-Mere me faisoit cet honneur de m'en ouyr parler aussi; mais entre autres paroles, elle me dit ces mots propres, qu'il estoit homme-de-bien, & très loyal & bon François. S'il eust vescu, nous n'eussions ( si croy-je) tant de guerre en France, qu'avons eu. Son ambition a esté rousjours de l'oster de France, & la traisner ailleurs : non qu'il haye autrement l'Espagnol, encore qu'il en eust quelque subjet, à cause de la mort des siens ; wiais il vouloit oster le venin & la contagion de la France. ”

“ Il y eut, du temps du feu Roy Henry II, à l'advénement de sa Couronne, un combat à Sedan, entre le Baron des Guerres, & le Seigneur de Fandilles, pour une querelle qui leur survint le propre jour que Sadite Majesté sir: son entrée à Paris. Le subjet en est fort salle, car il touche la sodomie. Ce Fandilles estoit un jeune Gentil-Homme bravasche & fou, qui suivoit feu Monsieur le Vidafme de Chartres, qui alors estoit à la Cour la gentillesse de toute Chevallerie. ”

“ En la plus grande tempeste, les plus grands Mariniers prennent bien advis des plus petits.
Jules César, en la journée de Pharsale, ainsi qu'il visitoit les rangs & l'ordre de la battaille, il vit un Centenier, qu'il avoir veu bien faire autrefois, & daigna luy demander : Et bien, que te semble-t-il de cette battaille d'aujourd'hui? Je ne sçay respondit l'autre, mon Empereur; mais je t'asseure bien que tu me loueras aujourd'huy vif ou mort. Comme de vray, il fit rage telle qu'il mourut.
Aussi son Empereur le loüa après comme il méritoit. ”

“ Rosne luy fit response, qu'il y falloit adviser, & que mal-volontiers consigneroit-il sa vie sur sa soy & parole, qu'il ne luy voudroit pas prester vingt escus sur sa mesme foy & parole. En ces choses, l'on y doit bien adviser, mais que le tout se fasse l'honneur fauve, & que le monde n'ait à présumer que c'est pour suyt la lutte & le combat. ”

“ Néantmoins tout le monde ne sçavoit que c'estoit, si-non que tout estoit en allarme & en rumeur si grande, qu'il ne se vid jamais un tel desordre.
Nous estions en la tente du Roy de Pologne pour lors, comme j'ay dit, qui sortismes de là avec la plus grande presse & foule que je vis jamais, dont je m'en puis bien fouvenir; car un honneste & brave Gentil-Homme, qui estoit avec moy, que j'avois nourry, nommé Monsieur de Breuil, en voulant sortir, il tomba derriere un coffre pour la pesanteur de ses armes, & la foule qui y estoit. ”

“ Avant que faire fin, je diray encore ce mot : que feu Monsieur de Montpensier le bon-homme dernier mort, dict Louys, a esté un Prince, qui, en ses coleres, a esté fort subject à gourmander & offenser les personnes. Aussi n'avoit-il en luy autre Sy que celuylà; car c'estoit un Prince, brave, vaillant, magnanime, & très-bon Chrestien, comme son patron le Roy Sainct-Louys, qu'il vouloit imiter en tout. Aux troisiesmes troubles , il gourmanda & brava fort de paroles feulement, pourtant, feu Monsieur d'Auzances, le soupçonnant de la Religion. ”

“ Puis, m'alléguant d'autres que nous sçavions n'avoir esté blessez moins à propos que luy, il me disoit en ryant : Si faut-il que nous nous fassions un peu blesser, au moins quoy qui soit, pour nous faire estimer comme les autres , & parler de nous.
Ce n'est point nostre faute, ny de Monsîeur de Strozze, ny de moy, ny de vous ; car il n'y a hazard que nous ne cherchions, il n'y a factions que nous ne recueillions autant ou plus qu'il y en ayt icy : & pourtant le malheur est tel pour nous, que nous ne pouvons recevoir aucuns petits coups heureux, qui nous remarquent & signalent. ”

“ L'Empereur Charles (disent nos Histoires & nos peres) disoit à soy appartenir l'eslection du lieu, comme se disant provoquant & assaillant ; & pour ce, en pleine assemblée du Pape, de son Sainct College, & de force Ambassadeurs, mesme de ceux du Roy, en voyant une grande difficulté du lieu, dit qu'il n'y avoit rien de meilleur que se battre dans une Isle, ou dans un bateau de grande riviere, ou sur un pont, avec une espée & dague, ou la cappe. Par ces mors, il monstroit tout-à-coup avoir eslection de lieu & d'armes. Enfin, c'estoit un maistre-homme. ”

“ Ce n'estoit autre chose que mon cousin , mon voisin : & que si elle estoit Reyne de France, qu'elle se ressentiroit grandement de ses faveurs & revanches de plaisirs qu'elle recevoit ordinairement de luy à la Cour ; car alors elle n'estoit point si grande qu'elle ne fust fort ayse d'employer mon-dit grand-pere , & d'en tirer quelque plaisir à la Cour, ayant cet heur d'estre furtout aymé du Roy Charles VIII, du Roy Louys XII, & de la Reyne Anne , qui luy faisoit cet honneur de l'appeller ordinairement son coufin, & estoit très-bien en sa grace , mais je dis des mieux. ”

“ Il est bien vray, qu'il y en a aucuns, qui, voyans leurs ennemys de grand cœur & désespérez, craignent de les poursuivre chaudement: car c'est chose qu'on doit autant craindre qu'une personne blessée à la mort; car vous la voyez faire des efforts & des violences, & se lancer contre son ennemy comme lyon enragé. ”

“ Aucuns blasmoient Chastelier dequoy il avoit tant demeuré à venger cette mort, veu qu'ils s'estoient trouvez en Toscane assez souvent, & mangeant à la table de Monsieur de Soubize, lors Général ; mais en table de Général , amis & ennemis se peuvent asseoir en seureté ; & aussi que les vengeances s'allongent & s'accourcissent à mode d'estrivieres comme l'ont veut, & s'en prend l'humeur aux vengeurs. Aucuns pourtant en foupçonnoient Monsieur d'Andelot, puis que le Chastelicr s'estoit-là lors advisé de se venger; car possible n'y songeoit-il pas sans luy. ”

“ En ce combat on y peut beaucoup admirer la valeur & l'heur de ce Comte, & y discourir beaucoup de choses, & mesmes à noter que, quand des gens de bien ont bonne envie de se bien battre, ou qu'ils font une fois aux mains, il n'y a rien qui les fasche plus, & désespere tant, que quand quelques-uns surviennent qui les veulent séparer : & bien souvent a - t - on veu arriver
tout de mesme à aucuns ce que je viens de raconter, & s'entre accorder à tuer le sépa- rant; n'estant rien si fascheux à un vaillant & brave homme & offensé, que quand on luy rompt son coup & son dessing d'armes. ”

“ Je n'aurois jamais fait, si je voulois alléguer quantité d'exemples sur ce subjet. En quoy pourtant faut bien noter, que tous ceux qui meurent à la guerre, ou qui font blessez, ne font pas plus vaillants que ceux qui ne le font point : encore que j'en aye veu de très-braves & fort vaillants, qui ont estéextraordinairement blessez; mais tel estoit leur malheur, leur mauvaise fortune, & leur cruel, meschant, & desastreux destin.
J'ay veu le Capitaine Sainte-Colombe, vaillant & brave foldadin, & déterminé s'il en fut oncques. ”

“ Ils en alléguoient
beaucoup de raisons, & entre autres cestecy est (1) que, en mourant ainsi, que ç'a esté par la permission de Dieu; & que sa querelle estoit injuste ; & que par conséquent il est mort comme un vray criminel : & que le camp clos n'est qu'un vray gibet pour tels criminels, lors qu'il n'y a point de preuves de leur meffaict & crime; & que venant à estre ainsi vaincus, leur sentence leur est donnée du Ciel , & leur crime avéré. Ec Dieu sçait, (comme j'ay dit cy-devant,) les vainqueurs bien souvent n'ont pas le plus juste droir. ”

“ Le voyage d'Allemagne se présenta, où il se trouva commander à cent enseignes de gens de pied : l'Infanterie y fut très-belle & grande, qui, toutesfois, n'estoit pas bien policée, & n'avoir encore appris ces ordonnances; je dis la plus grand-part des Compagnies nouvelles: mais bien leur servit de leur apprendre bien - tost, aux despens de leurs compagnons mal réglez & mal faisants, que l'on voyoit pendus aux branches des arbres plus que d'oiseaux. C'estoient la pluspart de ces soldats nouveaux, qui pensoient vivre en toute pléniere liberté de desbordements anciens. ”

“ Je l'ay ouy conter à Naples à un Seigneur plein de soy & vérité d'un GentilHomme de là-mesme. L'un fut appelle-par un autre, pour quelques paroles qu'il disoit avoir tenu de luy, Ce Gentil-Homme s'en alla à l'estaquade, sur la parole de celuy qui le vint appeller, & d'un autre tiers, auquel il se fioit fort peur sa prudhommie & gentillesse d'armes, luy tout seul, sur la parole de l'appellant. Estant dans le camp, tue son ennemy : & s'en voulant retourner, l'appellant luy dit, qu'il luy desplaisoit fort de voir un tel espectacle ”

“ Mais nos François, bien advisez, firent braquer quelque piece d'artillerie, qui les endommagea tellement, qu'ils se mirent à cryer : Matados femos del Cielo ; vamos à combater los hombres : c'est-à-dire : Nous sommes tuez du Ciel; allons combattre les hommes. ”

“ Ces Meilleurs en parlent bien à leur aise, comme si c'estoit peu de chose, que defobéyr à son Roy. Ils disent pourtant, que la loy de l'honneur commande tellement, que si un pere accuse son fils de crime de leze-Majesté divine & humaine, ou de quelqu'autre, dont il puisse estre deshonnoré, le fils, ne pouvant monstrer son innocence autrement, il peut appeller justement le pere en duel; d'autant que le pere luy fait plus de tort & de mal de le deshonnorer, qu'il ne luy a fait de bien de le mettre au monde, & luy donner la vie. ”

“ Car enfin , quand nous allons à la guerre , nous y allons comme au marché , ainsi que disoit un bon Capitaine que j'ay connu, là- où nous nous contentons d'avoir & achepter ce que nous trouvons: de mesme, à la guerre , nous y. amassons ce que l'on donne & feme ; & si nous n'y allons jamais , nous n'aurons rien.
La fortune est bonne en cela pour ceux qui font grands & de grande qualité. La moindre blessure ou rafflade qu'ils reçoivent, les voilà haut eslevez en gloire pour jamais. ”

“ Telle fortune de combat fut si inopinée & inespérée de plusieurs personnes de la France, qu'en beaucoup d'endroits deux mois après n'en purent jamais croire la mort de mon-dit oncle : mefraes en Piedmont il y eut deux soldats fignallez , qui l'assîgnerent le combat, & combattirent sur ce subjet, que l'un le disoit mort, l'autre non; affermant qu'il n'estoit pas pomble, qu'un si brave & vaillant homme eust finy ses jours de cette façon. Quelle humeur brave de ce soldat! Tous deux sur ce faict en demeurerent fort blessés, sans que le Dieu Mars eust esgard qui avoit tort ou droit. ”

“ Il y a force Espagnoîs qui luy ont voulu mal, pensant que ce fuit leur ennemy mortel. Ils se trompoient; car il ne l'estoit point.
Il aymoit trop leur valeur, leur façon de faire, & sur-tout leur gloire & leur superbeté & leur langage; & cent fois m'a dit, qu'il eust: voulu avoir donné beaucoup, & sçavoir parler Espagnol comme moy.
Jouais pauvre soldat Espagnol ne s'addressa
a luy demander la passàde, qu'il ne luy ayt donné de bon cœur. ”

“ Que la fortune & le Ciel luy avoient fait grand tort de luy avoir ossé cest homme , lequel, estans son particulier ennemy , avoit esté destiné pour son triomphe & sa gloire espérée , d'autant que par avant ayant esté deffié de luy, il desisiroit fort entrer en camp avec luy, pour terminer sa querelle avec son honneur. ”

“ Et ne fallut rien changer, si-non que sa Compagnie fut au premier rang, & celle de Charry, qui estoit premiere, fut la derniere qui fut donnée au Capitaine la Motte, qui estoit Lieutenant dudit Charry, qui la méritoit bien; car c'estoit un très-brave & vaillant Capitaine: mais il ne la garda gueres; car il mourut de peste à Lyon au grand voyage du Roy, & Cadillan, qui estoit son Lieutenant, eut la Compagnie.
Je croy que, dans le Droit Canon, il ne se trouvera pas tant d'extravagances, comme il s'en trouvera icy ; mais c'est tout un : tout est de mise pour moy. ”

“ Nous sommes Gentils-Hommes comme le Roy; il est vray que nous n'ayons pas tant cCefcus* Et voilà pourquoy un Gentil-Homme, quand il est: bien Gentil-Homme, est fort à estimer. Cela s'entend bien Gentil-Homme de race, & de valeur, & de mérite, de nom & d'armes.
Par ainsi, Monsieur d'Andellot, qui estoit conditionné en tout cela, & qui, jeune qu'il estoit, avoit cherché l'advanture de guerre en tous lieux de la France, d'Allemagne, d'Italie, d'Escosse, & d'Angleterre, ne debvoic estre bravé ny mené de la façon comme le cuydoit mener Monsieur le Prince de la Roche-Surion, s'il eust pu. ”

“ S'il y avoit quelque galant homme en France, il falloit qu'il J'eust, fust ou pour combattre ou pour embellir ses trouppes , & pour luy lever, & l'a bien fort fait valoir (a) . On a voulu dire , qu'il l'a aymé, chéry, & porté pour l'amour d'une plus que très-grande Dame (b) , laquelle l'a tousjours aymé & porté jusques au jour de sa viduïté, & donnoit-on ailleurs à ce Sei-
(1) en. ---
(a) Je pense qu'il faut lire : Et pour le verd , il l'a bien fort fait valoir. Catherine de Médicis avoit aimé ce Seigneur, & le verd fut la couleur favorite de cette Princesse jufquà son veuvage. ”

“ Dieu est juste juge du tout. Aussi.
tous deux font morts en combat singulier, ainsi que j'en parle en la vie du Roy. Tant y a que si mon dit oncle ne sust esté ainsi gesné par telles armes, l'on eust veu autre forme de combat, & possible autre issuë. Encore cet empeschement d'armes n'engarda pas le Seigneur de Jarnac, qu'il ne donnait deux dagues, l'une fort longue, pendante sur la cuisse" & l'autre courte, fichée dans la bottine, & tout pour l'appréhension de la prise, & en prist autant pour luy. Il n'en faut plus parler, le dessin en avoir jetté son fort. ”

“ Il demeura aussi assiégé dans Orléans, là- où il ne pardonnoit à aucune faction qu'il ne s'y trouvast, tout fébricitant qu'il estoit : si-bien qu'un jour, luyeftant tiré une grande harquebusade , ainsi qu'il estoit sur le pont pour ordonner quelque chose, elle luy donna dans la rondelle, qui ne perça pas, pour estre à l'épreuve ; mais luy pour estre fort foible, tomba par terre : mais aussi-tost, on le vid relever par plusieurs ; dont Monsieur de Guyse, & autres comme luy, présumerent que c'estoit Monsieur d'Andelot qui estoit mort. ”

“ J'ay ouy parler d'un grand, brave & vaillant Seigneur, defpuis cinquante ans, qui, entrant ainsi en camp clos, avoit résolu d'en faire tout de mesme de son ennemy, qui n'estoit nullement esgal à luy en force ny prouesse : mais Dieu, tenant le party du foible, ne permit la victoire au vaillant, mais la donna au foible, qui ne la pouvoit tenir de luy, mais de Dieu ”

“ Il fane noter que la pluspart de nous au- tres passasmes à Rome, où estoit pour Am- bassadeur Monsieur d'Aises , die Villeparisis (i) , un fort honneste Gentil-Homme, & digne de sa charge. Il le monstra bien en tour. Il nous fie à tous faire la révérence à ce bon Saint-Pere le Pape Pie V, qui nous receut certes de crès bon cœur & d'un fort aymable visage, & la larme à l'œil : nous ditànt, & à Monsieur l'Ambassadeur., qu'encore en France il y avoit de bons Chrestiens & Catholiques, & que l'hérésie ne les avoir du tout gagnez & exterminez ”