Pierre de Bourdeille seigneur de Brantôme

“ Néantmoins tout le monde ne sçavoit que c'estoit, si-non que tout estoit en allarme & en rumeur si grande, qu'il ne se vid jamais un tel desordre.
Nous estions en la tente du Roy de Pologne pour lors, comme j'ay dit, qui sortismes de là avec la plus grande presse & foule que je vis jamais, dont je m'en puis bien fouvenir; car un honneste & brave Gentil-Homme, qui estoit avec moy, que j'avois nourry, nommé Monsieur de Breuil, en voulant sortir, il tomba derriere un coffre pour la pesanteur de ses armes, & la foule qui y estoit. ”

“ Ce n'estoit autre chose que mon cousin , mon voisin : & que si elle estoit Reyne de France, qu'elle se ressentiroit grandement de ses faveurs & revanches de plaisirs qu'elle recevoit ordinairement de luy à la Cour ; car alors elle n'estoit point si grande qu'elle ne fust fort ayse d'employer mon-dit grand-pere , & d'en tirer quelque plaisir à la Cour, ayant cet heur d'estre furtout aymé du Roy Charles VIII, du Roy Louys XII, & de la Reyne Anne , qui luy faisoit cet honneur de l'appeller ordinairement son coufin, & estoit très-bien en sa grace , mais je dis des mieux. ”

“ Mais nos François, bien advisez, firent braquer quelque piece d'artillerie, qui les endommagea tellement, qu'ils se mirent à cryer : Matados femos del Cielo ; vamos à combater los hombres : c'est-à-dire : Nous sommes tuez du Ciel; allons combattre les hommes. ”

“ Car enfin , quand nous allons à la guerre , nous y allons comme au marché , ainsi que disoit un bon Capitaine que j'ay connu, là- où nous nous contentons d'avoir & achepter ce que nous trouvons: de mesme, à la guerre , nous y. amassons ce que l'on donne & feme ; & si nous n'y allons jamais , nous n'aurons rien.
La fortune est bonne en cela pour ceux qui font grands & de grande qualité. La moindre blessure ou rafflade qu'ils reçoivent, les voilà haut eslevez en gloire pour jamais. ”

“ Le Pape, avant que boire & manger, le fit pendre haut & court devant ses yeux, en la place Saint-Pierre , quelque humble supplication que luy sceut faire le Théologal pour son nepveu, qui luy estoit unique, ny aussi l'Ambassadeur d'Espagne, ny tous les Cardinaux Espagnols. Encore dit on, qu'il dit audit Théologal, que s'il avoit autant fait, il le seroit aussi-bien pendre comme son nepveu.
Ainsi finit le pauvre Espagnol, au grand regret, despit & deshonneur des autres Es- pagnols qui estoient dans Rome. Certes aussi, la faute estoit très - grande. Je n'en diray plus. ”

“ Nostre estat, disoit-il, est tel, que qui ne se hazarde, ne fait rien qui vaille; & qui bien hazarde, & fait beaucoup & bien hazardant, aussi il faut qu'il y meure. Et par ainsi, que c'estoit une grande honte de voir un Capitaine de gens de pied vieux, ayant la barbe blanche , & longuement traisné cet estat.
Telle estoit l'opinion de ce brave & vaillant Capitaine. Mais pourtant s'en font veus beaucoup de bons & vaillants soldats, Capitaines & Mestres-de-Camp, en barbe blanche & cheveux grisons, & qui avoient traisné toute leur vie la picque. ”

“ Je n'aurois jamais fait, si je voulois alléguer quantité d'exemples sur ce subjet. En quoy pourtant faut bien noter, que tous ceux qui meurent à la guerre, ou qui font blessez, ne font pas plus vaillants que ceux qui ne le font point : encore que j'en aye veu de très-braves & fort vaillants, qui ont estéextraordinairement blessez; mais tel estoit leur malheur, leur mauvaise fortune, & leur cruel, meschant, & desastreux destin.
J'ay veu le Capitaine Sainte-Colombe, vaillant & brave foldadin, & déterminé s'il en fut oncques. ”

“ Aucuns blasmoient Chastelier dequoy il avoit tant demeuré à venger cette mort, veu qu'ils s'estoient trouvez en Toscane assez souvent, & mangeant à la table de Monsieur de Soubize, lors Général ; mais en table de Général , amis & ennemis se peuvent asseoir en seureté ; & aussi que les vengeances s'allongent & s'accourcissent à mode d'estrivieres comme l'ont veut, & s'en prend l'humeur aux vengeurs. Aucuns pourtant en foupçonnoient Monsieur d'Andelot, puis que le Chastelicr s'estoit-là lors advisé de se venger; car possible n'y songeoit-il pas sans luy. ”

“ En la plus grande tempeste, les plus grands Mariniers prennent bien advis des plus petits.
Jules César, en la journée de Pharsale, ainsi qu'il visitoit les rangs & l'ordre de la battaille, il vit un Centenier, qu'il avoir veu bien faire autrefois, & daigna luy demander : Et bien, que te semble-t-il de cette battaille d'aujourd'hui? Je ne sçay respondit l'autre, mon Empereur; mais je t'asseure bien que tu me loueras aujourd'huy vif ou mort. Comme de vray, il fit rage telle qu'il mourut.
Aussi son Empereur le loüa après comme il méritoit. ”

“ Il y a force Espagnoîs qui luy ont voulu mal, pensant que ce fuit leur ennemy mortel. Ils se trompoient; car il ne l'estoit point.
Il aymoit trop leur valeur, leur façon de faire, & sur-tout leur gloire & leur superbeté & leur langage; & cent fois m'a dit, qu'il eust: voulu avoir donné beaucoup, & sçavoir parler Espagnol comme moy.
Jouais pauvre soldat Espagnol ne s'addressa
a luy demander la passàde, qu'il ne luy ayt donné de bon cœur. ”

“ Il demeura aussi assiégé dans Orléans, là- où il ne pardonnoit à aucune faction qu'il ne s'y trouvast, tout fébricitant qu'il estoit : si-bien qu'un jour, luyeftant tiré une grande harquebusade , ainsi qu'il estoit sur le pont pour ordonner quelque chose, elle luy donna dans la rondelle, qui ne perça pas, pour estre à l'épreuve ; mais luy pour estre fort foible, tomba par terre : mais aussi-tost, on le vid relever par plusieurs ; dont Monsieur de Guyse, & autres comme luy, présumerent que c'estoit Monsieur d'Andelot qui estoit mort. ”

“ J'ay eu cet heur de m'estre trouvé avec luy souvent; car il m'aymoit uniquement, & croy plus qu'homme de France. Je n'eus jamais charge soubs luy, que deux ansen Capitaine de gens de pied ; mais pour certain caprice, je quittay tout : & pour ce, je ne l'abandonnay jamais pourtant, fust à la guerre , fust à la Cour, tant il m'aymoit , & je l'aymois, & me disoit-on son compagnon & fidele confident. Dès le commencement du siege de la Rochelle, jusques à la fin, je ne bougeay jamais d'avec luy, mangeant, beuvant, & couchant tousjours chez luy, & en sa chambre. ”

“ S'il y avoit quelque galant homme en France, il falloit qu'il J'eust, fust ou pour combattre ou pour embellir ses trouppes , & pour luy lever, & l'a bien fort fait valoir (a) . On a voulu dire , qu'il l'a aymé, chéry, & porté pour l'amour d'une plus que très-grande Dame (b) , laquelle l'a tousjours aymé & porté jusques au jour de sa viduïté, & donnoit-on ailleurs à ce Sei-
(1) en. ---
(a) Je pense qu'il faut lire : Et pour le verd , il l'a bien fort fait valoir. Catherine de Médicis avoit aimé ce Seigneur, & le verd fut la couleur favorite de cette Princesse jufquà son veuvage. ”

“ Le voyage d'Allemagne se présenta, où il se trouva commander à cent enseignes de gens de pied : l'Infanterie y fut très-belle & grande, qui, toutesfois, n'estoit pas bien policée, & n'avoir encore appris ces ordonnances; je dis la plus grand-part des Compagnies nouvelles: mais bien leur servit de leur apprendre bien - tost, aux despens de leurs compagnons mal réglez & mal faisants, que l'on voyoit pendus aux branches des arbres plus que d'oiseaux. C'estoient la pluspart de ces soldats nouveaux, qui pensoient vivre en toute pléniere liberté de desbordements anciens. ”

“ Et ne fallut rien changer, si-non que sa Compagnie fut au premier rang, & celle de Charry, qui estoit premiere, fut la derniere qui fut donnée au Capitaine la Motte, qui estoit Lieutenant dudit Charry, qui la méritoit bien; car c'estoit un très-brave & vaillant Capitaine: mais il ne la garda gueres; car il mourut de peste à Lyon au grand voyage du Roy, & Cadillan, qui estoit son Lieutenant, eut la Compagnie.
Je croy que, dans le Droit Canon, il ne se trouvera pas tant d'extravagances, comme il s'en trouvera icy ; mais c'est tout un : tout est de mise pour moy. ”

“ Bien est vray, que Mon- sieur d'Andelot luy (1) façonna un peu , lors qu'il vint de prison du Chasteau de Milan, où il les apprit des Espagnols. Car il n'y a nul vieux Capitaine , ny routier fan- taffin de guerre, qui ne die que nostre harquebuferie , le temps passé, n'estoit pas telle en armes comme elle a esté depuis : car ce n'estoit que peries meschants canons mal montez, qu'on appelloit à la Luquoise, en forme d'une espaule de mouton; & le flasque, qu'on appelloit ainsi, estoit de mesme, voire pis, comme de quelque cuir bouilly, ou de corne, bref, toute chose chétive. ”

“ Que faisons-nous en France ? nous y mourrons de faim. De reprendre nos premiers mestiers & arts méchaniques, nous les avons oublié. Ne vaut-il pas mieux que, comme soldats que nous avons esté si longtemps, nous vivons & mourions comme soldats ? ”

“ Pour fin , Monsieur le Connestable dit, que, pour complaire à Monsieur de Strozze, il luy falloit laisser passèr celle-là , & qu'il méritoit bien d'estre gratifié en de plus grandes choses.
Pour conclure, l'estat d'un Sergent-Major est un honorable estat : & les Espagnols, ce me semble , en sont encore plus grand cas que nous. Il peut aller à cheval tousjours, non - seulement par les ordres & battailles,
mais par tout le camp : voire, s'il trouve le Roy & le Général d'armée, il doit parler à luy à cheval, sans mettre pied à terre ”

“ Il envoya ses deux Colonnelles, que certes il fit beau voir : & le Capitaine Monins en avoit une, & quelques autres, montant au nombre de quatre ou cinq, & estoient toutes belles : car c'estoit l'eslite des bons soldats Huguenots : aussi firent-ils bien; car ils faisoient à l'envy des Catholiques.
Si-bien que les uns & les autres menerent & fatiguerent de telle sorte les Anglois, que nous les eusmes enfin par composition. Bien est-il vray que, sans la grande peste qui s'estoit mise dedans, & qui en tua plus que nos harquebufades, nous n'en eussions eu si bon marché. ”

“ Il fane noter que la pluspart de nous au- tres passasmes à Rome, où estoit pour Am- bassadeur Monsieur d'Aises , die Villeparisis (i) , un fort honneste Gentil-Homme, & digne de sa charge. Il le monstra bien en tour. Il nous fie à tous faire la révérence à ce bon Saint-Pere le Pape Pie V, qui nous receut certes de crès bon cœur & d'un fort aymable visage, & la larme à l'œil : nous ditànt, & à Monsieur l'Ambassadeur., qu'encore en France il y avoit de bons Chrestiens & Catholiques, & que l'hérésie ne les avoir du tout gagnez & exterminez ”

“ C'étoient proprement les Fantassins François qu'on appelloit Laquais, ou plutôt Lacquets , à la différence des Fantassins Allemands , qu'on nommoit Lansquenets , de l'Allemand , LandsKnecht, dont Laquais n'est aussi qu'une corruption , comme Allaquais l'est d'all-Lands-Knecht, c'est-à-dire Piétons de tous Pays. ”

“ Car comme me disoit un jour la Reyne-Mere du Roy, ayant tel honneur de parler à elle, sur un subjet d'une personne de sa Cour, la vieillesse nous apporte assez d'incommodirez , sans nous surcharger de la pauvreté , qui sert au comble du malheur des personnes ”

“ Ainsi qu'en cas pareil arriva au généreux César-Auguste, lors que Varrus luy perdit ses Légions en Allemagne, qu'on vid souvent donner de la cette contre les murailles, & de rage cryer : Rendez-moy mes Légions, Varrus. Et oncques plus ne le virent , disoient les braves soldats. Son compagnon, Pierre Gourde, le trouva bien mort avec une chemise bien blanche desjà defpouillée, & sur-tout une fort belle fraise, bien & mignonnement froncée & gaudronnée , comme on portoit alors; car il s'aymoit & se plaignoit fort : aussi estoit-il un fort bon Gentil-Homme , & de fort bonne grace, & fort vaillant. ”

“ Mais si les Compagnies estoient composées de pareils soldats, que j'ay veu aux Gardes du Roy , lors que Monsieur de Scrozze les alla quérir aux garnirons de Picardie, pour venir à Paris aux fécondés guerres , ce feroit bien le meilleur ; car il n'y avoic gueres soldat qui ne méritait d'estre Capitaine, jusques au jeunes Cadets, qui eussent combattu jusques nu dernier souspir, comme les dix mille Grecs que souhaita un jour Marc-Antoine, & aussi qu'aucuns y entrent, qui ne valent pas fim- ples soldats : & tels soldats avons-nous veu autrefois, qui s'estimoient plus que plusieurs Capitaines. ”

“ D'argent, il ne s'en trouva dans ses coffres, ny un sol à l'intérest : si-bien que Monsieur du Gua, son frere aisné, qui estoit un trèshonneste & brave Gentil - Homme, & qui avoit commandé autrefois aux vieilles guerres du Piedmont, ne s'en enrichit gueres, ainsi que j'en puis tesmoigner pour l'avoir veu à l'œil, & qu'il me dit; car ce généreux homme despensoit tous pour la gloire & fervice de son maistre. S'il ne fust mort, il soft.
♦fié Mareschal de France par le premier va-
quant, & ne fust pas esté des pires du troupeau. ”

“ Le Capitaine Saline, le bon-homme, qui estoit marié dans Ast, le jour du secours qu'envoya le Roy d'Espagne à Malthe, pour lever le siege, & qu'on pensoit donner la bataille aux Turcs, fit ce jour-là oiffice de Mestre deCamp- Général, & de Sergent- Major, parce qu'il le méritoit, & que le bon-homme estoit vieux & cassé, & ne pouvoit estre bon piéton, à cause de ses vieilles playes passées, & aussi qu'en toute cette armée, il n'y avoit aucun cheval que celuy-là, qu'on avoit fait em- barquer pour toutes ces causes , comme la raison le vouloit ”

“ En ce voyage donc d'Allemagne mondit Sieur de Chastillon y acquit beaucoup de gloire, tant par ses beaux réglements, ordres, polices & loix, que par les autres vertus , valeurs & vaillances qu'il monstra en toutes les prises de Villes, où il se trouvoit tousjours le premier. Aussi est-ce tousjours affaire au Colonnels, Mestres de-Camp, & Maistres de l'Artillerie, & Mareschaux-des Camp, d'avoir toute la charge & toutes les corvées des sieges des Places. ”

“ Je mets à part les Romains; car ce mot leur estoit inconnu, & chacun commandoit à sa légion. Bien est vray qu'avant le combat, les Consuls, Préteurs, Dictateurs & Généraux de leurs armées, leur ordonnoient leur forme, rang & champ de battaille. Et bien souvent mettoient pied à terre pour combatttre avec l'Infanterie ; comme nous lisons de ce brave César, qui, bien souvent, à servy de Colonnel , comme de SergentMajor, s'il nous en faut parler ainsi, 11 son Infanterie : aussi estoit-il bon homme de pied & de cheval. ”

“ Mais aujourd'huy, nostre Infanterie est si fort corrompue , & si bien différente à celle qui a esté. Aussi dit-on qu'il n'y a plus de soldats d'assaut : non que je veuille dire qu'il n'y en ayt encore de bons, & y en avoit (1) d'aussî bons que jamais ; mais ils regardent plus à piller, desrober, laronner, & à faire leur profit, qu'à gagner de l'honneur : la cause en est, qu'ils n'ont plus de discipline militaire , n'ont plus de ré- gle, n'ont plus d'obéyssance ; & sur ce, ils alleguent, qu'ils ne sont plus payez, & ne reçoivent aucune solde du Roy. ”

“ J'ay ouy dire à la Reyne-Mere, qui me failoit cet honneur de m'addresser quelquefois sa parole, que le feu Roy Henry avoit esté en la jeunesse un des meilleurs fauteurs de la Cour, & mesme au plein faut; & que nul ne luy tenoit pied que Bonnivet, & ne se pouvoient vaincre l'un l'autre des deux doigts, quelquefois l'un, & quelquefois l'autre, selon que les hommes font journaliers : & mesme qu'ils se plaisoient fort à fauter des fossez de vingt-deux & trois pieds, qu'ils franchissoient souvent; & ledit Bonnivet s'y fust noyé une fois, dans un plein d'eau, sans que le Roy son maistre le sauva. ”