Jacques Tétardé

“ En ceste bataille, se porta moult valliamment messire Jacques de Lallaing, chevalier. Après ceste bataille, le duc rassembla ses gens et loua Dieu de la victoire qu'il lui avoit donnée, sans que de ses gens fussent morts, sinon son fils bastard, duquel il fust moult dolent ; et à la vérité ce n'estoit point sans raison, car ledit Cornille estoit preux, courtois et valliant chevalier ; et sy estoit aimé en touts lieux où il repparoit. Le duc fit porter le corps dudit Cornille à Bruxelles, et enterrer à Saint-Nicolas; et y fit faire un moult riche service, auquel lui-mesme y fust ”

“ Ce métal , qui, pour l'insensé, est une source de malheurs et qui donne la réputation et la prééminence aux gens inconnus du monde, fut le partage de ceux qui échangent la denrée de l'existence corporelle contre le capital de la vie éternelle. ”

“ Car c'est une chose à remarquer ici en passant, que tous ceux qui furent employés par Jacques Cœur, parvinrent à des postes honorables : ce qui prouve combien il se connaissait en mérite.
Jean de Village était dans un port de Languedoc , lorsque les officiers du roi se transportèrent dans cette province pour se saisir des navires de Jacques Cœur, et de toutes les marchandises qui y étaient. Jean de Village s'opposa à cette saisie : non-seulement il demanda une décharge de la part du roi; mais il voulut encore en avoir une de
Jacques Cœur, après qu'il lui aurait rendu ses comptes. ”

“ La mémoire d'un homme, uniquement occupé à remédier aux maux intérieurs d'un état, en y rétablissant l'ordre et l'abondance, quifontle bon-
heur des peuples, ne passe point à la postérité d'une manière aussi brillante que celle d'un cooquérant, les effets que produit un gouvernement sage, s'opérant presque sans éclat, et étant d'une nature à laisser dans l'obscurité leurs auteurs et les moyens qu'ils emploient, frappent peu les esprits de la multitude, qui, trop superficielle pour discerner le grand de l'éclatant, attache l'idée de grandeur aux actions qui font le plus de bruit. ”

“ Si jamais vouliez, avoir veangeance du duc de Bourgogne, si vuidiés hastivement à toute vostre puissance ; et se lui courrés sus, vous le reurez jus, car la plus grande partie de ses gens s'en sont retournés par faute de payement ; et ne sont à peu nuls gens, car ils ne sont pas plus de quatre mille combattants ; et ne fays nul doubte que si les voullés aller combattre à toute vostre puissance, que lui et ses gens seront prestement rués jus. ”

“ LE Turc, comme cy-dessus est dit, tout deslibéré d'assaillir la ville de Constantinople, trois jours devant l'assaut, commanda que chacun de son costé feit solemnelle jeusne à la révérence du Dieu du ciel, lequel seul il adore; laquelle jeusne, lui et ses gens , feirent trois jours continuels, et ne mangeoient tout le jour rien, fors seulement la nuict, pour sustenter le corps ; et feirent en ces nuicts infinies lumières de chandelles et de bois qu'il brusloit de soy-mesme en mer et en terre, tant qu'il semblast que mer et terre bruslassent ”

“ Desquelles mouches sitost que bestes, hommes ou femmes en estoient prins , ils en mouroient prestement , et n'y se avoit-on remédier ; et en moururent par espécial
audit pays de Brye plusieurs bestes sauvages, ès prairies, et plusieurs bestes à cornes.
Environ ce temps, Jacques de Coymbres, fils de Pierre de Portugal, fils du roy de Portugal, lequel Jacques estoit nepveu à la duchesse de Bourgogne, et par le moyen dudit duc avoit esté évesque d'Arras, puis archevesque, et après fust cardinal, en l'âge de vingt-huit à trente ans mourut. ”

“ Quand le marischal du duc veit ce, se doubta que du traict desdits engins ne fuissent plusieurs de ses gens occis ; pour laquelle cause, adfin qu'ils laissassent leurs engins, feit signe de ung peu reculer. Et à certes tantost que les Gantois les veirent reculer, si allèrent très asprement vers eux en très belle ordonnance , et les conduisoit ledit Jean de Vos. Sitost qu'il fust assés près pour combattre, si frappa son cheval des esporons et s'en vint rendre au duc en lui-disant telles paroles : « Voichy les Gantois que je vous » amaine ; je me mets en vostre merchy. » ”

“ Lors voua le duc de Bourgogne, présents touts ceux qui là estoient, à Dieu le père , Dieu le fils et au benoist Saint-Esprit, ung seul Dieu en trois personnes , à la glorieuse vierge Marie , mère de Dieu, et à toute la cour de paradis que se le roi de Franche volloit tenir ses pays en paix, il iroit où le grand admirai de Turquie estoit, et toule sa puissance , et qu'il le combattroit, se audit admirai ne tenoit de son corps contre le sien, ou puissance contre puissance. ”

“ Le Turc, qui à ceste fois a fait tout son effort, n'a que deux cents mille hommes, tant bons que meschants, entre lesquels y a grande quantité de chrestiens et autres de ses subjects qui le suivent mal voulentiers ; lesquels sentants l'armée des
chrestiens, abandonneroient le Turc et se joindroient aux chrestiens.
Itemy le Turc, par nature et d'usage, n'attend point la guerre ne en cité ne en chasteau ; mais se tient continuellement aux champs, lui, et toute sa force; par quoi se débilitera lui et les siens. ”

“ Après la mort duquel, le pape Calixte, combien qu'il euist, durant la vie dudit Alphonse, accordé que son fils succédast au royaume de Naples, feit publier une bulle révocatoire par laquelle il chassoit le bastard du royaume, non voullant qu'il succédast à son père le roy; et excommunia le bastard et ses adhérants, et touts ceux qui lui prestèroient aide ne confort ; et disoit le pape que le royaume lui appartenoit, puisqu'il n'avoit nuls enfants légitimes. Mais après la mort du pape Cajixte, qui mourut assez tost après ledit roy, le pape Pius receupt le bastard en hommaige du royaume deNaples ”

“ Toutesfois combien que les amis de la fille s'en allassent plaindre au sieur de Criencourt, qui estoit à Arras devers le duc, lequel ne s'en bougea.
A vérité dire, en ce temps on faisoit si peu de justice, pourquoi on faisoit tant d'occisions et de larcins sans nombre ; et n'y avoit homme de pied , laboureur, marchand, ni autre qui osast aller par les champs, qui ne portast ung espieu, hache ou autre baston, pour-doute des mauvais garchons; et sembloit que chacun fust homme de guerre ”

“ En outre, le Haramen, qui est grand seigneur en Turquie, ennemi capital du Turc, s'il est advisé que chrestiens guerroient le Turc, oppressera grandement le Turc en Turquie, et lui fera guerre.
En Grèce, n'y aura paysan ne laboureur qui n'apporte vivres aux chrestiens. Les vivres faudront aux Turcs, en Grèce ; le pays de Turquie leur sera rompu par la mer : les chrestiens de Grèce voudront recouvrer à l'espée, leurs terres ès lieux du Turc. Ainsi, mais que les armées s'ap-
prochent po à po l'une de l'autre, il n'est nulle doubte que brief le Turc et son exercite ne soit affamé et deffait. ”

“ Mais ainsi que , par cas de fortune, on vint sy à poinct qu'encoires n'avoit fait le feu nul mal, jà-soit-ce que ledit feù s'estoit jà abers à ung tonnel plain de poudre , et avoit jà ards deux cercles ; ny oncques on ne peut-scavoir qui ce avoit fait, sinon que ce a voient fait aucuns maronnier ou autre, lequel estoit Gantois ou avoit ses amis dedans la ville de Gand. Toutesfois oncques on ne peut scavoir la vérité. Et aussi jà-soitce que le duc avoit fait publier qu'on fust prest au quinzième jour d'apvril, si rallongea-t-il le jour jusques au quinziesme de may. ”

“ Pour brief dire , c'estoit ung chevallier bien parfait et dressé, de l'âge de trente-deux ans ou environ 1. De laquelle mort dudit Jacques de Lallaing le duc Philippe fust moult courrouchié, car il l'aimoit moult ; et, comme on disoit, c'estoit le chevalier de sa cour que pins il aimoit, tant pour sa bonté que pour sa beauté ; car il estoit grand et bien fait. Avec ledit messire Jacques, mourut du coup dudit veuguelaire ung homme d'armes et quatre archiers. Après laquelle mort dudit messire Jacques, le duc feit prestement lever et affuster touts ses engins et jette r contre la forteresse ”

“ Pour venir au poinct de nostre charge principale, il semble, syre, à monseigneur de Bourgogne, et tou jours à vostre correction, que vostre très noble cœur peut raisonnablement estremeuà faire grasce et estendre vostre miséricorde sur monseigneur d'Allenchon, pour quatre considérations : la première, pour la hauteur, excellence et sublimité de l'estat de vostre dignité et majesté royale, le
roy des roys, le seigneur des seigneurs, nostre benoist Sauveur, fontaine de miséricorde et de grasce, convenant à touts, et singulièrement aux princes miséricorde. ”

“ Quant il veit ce il frappa son cheval tellement des esperons que ains que on le puist rattain*dre, il entra en ung bois et illecq descendit et tua son cheval de son espée qui lui coula plusieurs coups parmi le corps, et puis se boutta dedans le bois et ainsi eschappa ; quant il se veit eschappé , il print son chemin vers Bruxelles, et s'en alla prestement vers le duc, etfeit sa paix : ne sçais s'il estoit en la malle grace du comte d'Estampes , pourquoi il s'estoit ainsi absenté, ou se c'estoit pour le fait dudit Arthus. ”

“ Mais si on n'y pourvoie diligemment , et que on donne temps et loisir au Turc de soi mettre à poinct, par terre et par mer , il n'est nulle doubte qu'il ne fasse grande esclandre en chrestienneté, dont Dieu nous garde par sa bonté ! ”

“ LE vingt-cinquiesme jour d'octobre, l'an mil quatre cent-cinquante et deux, par ung venderdy, Anthoine: bastard de Bourgogne, avecq lui François P Arragonois, chevalier et conduiseur d'icelui bastard, pour tant que ledit bastard estoit josne, et ledit messire Francois estoit renommé d'estre valliant homme de guerre, mandèrent la garnison d'Aloste ; lesquels venus ils se trouvèrent environ mille combattants , touts lesquels s'acheminèrent vers la ville de Gand , pour veoir si les Gantois sortiroient hors de ladite ville. ”

“ Desquelles choses les riches hommes avec le peuple commenchoient à murmurer. Et n'estoit point le peuple si mal content de payer lesdits deniers, car ils apperchevoient bien qu'il en avoit affaire, qu'ils estoient de ce qu'on disoit qu'au prouffit du duc ni à sa cognoissance ne venoit point tout l'argent
qu'on exigeoit, non pas à peu près la moictié ”