Jean Bertaut

“ Ne se va tant soit peu dans un feu consumant,
Et d'autant plus ce feu dans son ardeur persiste
Tant plus encore cet or s'anime & luy resiste
Et mille fois remis dans le plomb qu'il soustient
Plus brillant & plus beau mille fois il revient :
Mon amour est de mesme; & tous les maux qu'il treuve
Ne luy servent de rien que d'une vive espreuve,
Dont le brasier, encor qu'il se sente cuisant,
Luy fait l'ame plus nette & le front plus muisant.
Mourez, mes vers, mourez, puis que c'est vostre envie,
Ce qui vous sert de mort me servira de vie. ”

“ Tu branlerois le monde, & le ferois venir,
Comme un faix plus leger de lieu en lieu s'emporte :
Puis que ton arc si beau, ta main estoit si forte
Si tu pouvois encore au monde revenir
Dans l'amour de mon cœur s'esforce à retenir
Tu trouverois ton poinct peut estre en quelque sorte.
Pourroit-on voir jamais plus de solidité
Qu'en ce qui bransle moins plus il est agité
Et prend son asseurance en l'inconstance mesme :
Il est seur, Archimede, & je n'en doute point
Pour bransler tout le monde & s'asseure d'un point
Il te falloit aimer aussi ferme que j'aime. ”

“ Ne nous servent de rien contre nostre malheur :
Car ny te lamenter ne te rend point la vie,
Ny n’allege l’ennuy dont ta mort est suivie :
Et les pleurs que nos yeux versent incessamment
Tombent autant en vain qu’ils tombent justement.
Cependant, ny sentir qu’ils nous sont inutiles
Ne fait point nos regrets en estre moins fertiles,
Ny penser que les cieux l’ont ainsi disposé
Ne rend point pour cela nostre mal appaisé :
Car en estant la cause et si juste et si grande,
La raison parle en vain et le dueil luy commande. ”

“ SATYRE V
LE GOUST PARTICULIER DÉCIDE DE TOUT
A M. BERTAUT, ÉVÊQUE BE SÉEZ 1.
Bertaut, c'est un grand cas : quoy que l'on puisse faire, II n'est moyen qu'un homme à chascun puisse plaire; Et fust-il plus parfait que la perfection, L'homme voit par les yeux de son affection. Chasqu'un fait à son sens 2, dont sa raison s'escrime;
1. Jean Bertaut, né à Caen en 1570 , entra dans les ordres et vint de bonne heure à Paris, où il se lia, comme poëte, avec Ronsard et Desportes ; il réussit à la cour, et obtint ainsi du roi une charge de conseiller au parlement de Grenoble. ”

“ Tous ces nerfs, tous ces os, où l’Ame se depart,
De ceste orde charongne, et se tient à l’escart,
Et laisse un souvenir de nous comme d’un songe ?
Ce corps, qui dans la vie en ses grandeurs se plonge,
Si soudain dans la mort estouffera sa part,
Et sera ce beau Nom, qui tant partout s’espard,
Borné de vanité, couronné de mensonge.
A quoy ceste Ame helas ! et ce corps desunis,
Du commerce du monde hors du monde bannis ?
A quoy ces nœuds si beaux que le Trespas deslie ?
Pour vivre au Ciel il faut mourir plustost icy :
Ce n’en est pas pourtant le sentier racourcy,
Mais quoy ? ”

“ C’est luy seul qui touchant l’esprit d’un si grand roy,
Quand moins on l’attendoit, l’a fait venir à soy
Par le chemin tracé du seul pas des fidelles.
Signe que c’est luy seul qui nous peut secourir
Lors que pour nous sauver du danger de perir,
Inutile est l’effort des puissances mortelles.
Ô que ce changement non preveu des mutins
Changera desormais le cours de nos destins,
Nous guidant au laurier par une heureuse voye !
Non, je n’oserois plus defendre à mes desirs
L’espoir de voir nos maux se tourner en plaisirs,
Et nos pleurs de tristesse en des larmes de joye. ”

“ Et que ma vie estant de tes biens arrousee,
Puis qu’ingrate elle en a la source mesprisee,
Ton courroux a raison d’en tarir les ruisseaux.
Mais aussi sçais-tu bien qu’en sa sphere plus basse
Le Ciel n’a rien enclos, qui sans l’heur de ta grace
D’un pas irreprochable en ta voye ait marché :
Que ta seule pitié nous tient lieu d’innocence :
Et que ceux-là sans plus sont nets en ta presence,
Dont tu daignes toy-mesme effacer le peché.
Ne vien donc point du Ciel en fureur me reprendre :
Pardonne à ceste pauvre et miserable cendre :
N’arme plus ta rigueur contre sa mauvaistié. ”

“ Mais depuis que vostre œil sur moy s'est appaisé
Je ne vous puis parler rien que de ma constance.
L'amour mesme de qui j'espreuve l'assistance
Qui sçait combien l'esprit de l'homme est fort aisé
D'aller aux changemens, se tient comme abusé
Voyant qu'en vous aimans j'aime sans repentance. ”

“ À fin que justement il éprouve en soy-mesme
Les maux qu’injustement il m’a fait endurer.
Car sa main ne se plaist qu’aux méchans artifices :
La seule impieté luy fournit de delices :
Et son cœur, dont la rage est souvent sans effect,
Paist de si fiers desseins le desir qui l’affame,
Qu’au jour où le cruel n’a point souïllé son ame
De quelque méchant acte, il croit n’avoir rien faict. ”

“ Il sembloit que l'amour me prestoit la main forte
Tant il avoit son front serain de tous costez,
Vous mesme, en vos discours, monstriez en quelque sorte
Je ne sçay quoy de plus que les divinitez.
Mais ce calme d'Amour ne couvoit un orage
Qui me devoit bien tost dissiper le repos :
Et vous sous les douceurs de vostre beau langage,
Desguisiez un esprit contraire à vos propos.
Quand vous me vistes pris, au lieu de ma franchise
Meritoit la faveur d'un aimable recueil,
Je n'euz, pour le loyer de si belle entreprise,
Que les esclairs tranchans du courroux de vostre œil. ”

“ Cest air tousjours m’anime, et le desir m’attire,
Je recerche à monceaux les plaisirs à choisir,
Mon martyre eslevé me vient encor saisir,
Et de tous mes travaux le dernier est le pire.
A la fin je me trouve en un estrange esmoy,
Car ces divers effets ne sont que contre moy :
C’est mourir que de vivre en ceste peine extresme.
Voila comme la vie à l’abandon s’espard :
Chasque part de ce Monde en emporte sa part,
Et la moindre à la fin est celle de nous mesme.
VIII.
Voulez-vous voir ce trait qui si roide s’élance
Dedans l’air qu’il poursuit au partir de la main ? ”

“ Rien n’est sacré ny sainct à ces ames barbares,
Les temples bien souvent sentent leurs mains avares ;
Monstrans qu’ils craignent peu de voller les mortels,
Puis qu’ils vollent Dieu mesme en pillant ses autels.
Le malheureux qui tombe en leur main implacable,
Autant qu’il a de bien, autant il est coulpable.
Il a contre leur chef son poignard aguisé,
Si du mal d’estre riche il se trouve accusé :
Ses malheureux moyens luy tenans lieu d’offence,
Et sa seule rançon estant son innocence. ”

“ Ma belle c’est vers toy que tournent mes espris,
Ces tirans-la faisoyent leur triomphe de prendre,
Et je triompheroy de ce que tu m’as pris.
III.
Qui seroit dans les Cieux, & baisseroit sa veuë
Sur le large pourpris de ce sec element,
Il ne croiroit de tout, rien qu’un poinct seulement
Un poinct encor caché du voile d’une nuë :
Mais s’il contemple apres ceste courtine bluë,
Ce cercle de cristal, ce doré firmament,
Il juge que son tour est grand infiniment,
Et que ceste grandeur nous est toute incognuë. ”

“ Tout aussi tost qu'il veit brusler ceste clarté,
Esclata tout en lustre & changea de visage.
Il se leve, ravi de ces flammes nouvelles :
Voici, voici, dit-il, du secours à l'Amour,
Et pour luy faire honneur il volette alentour :
Mais il en fist la preuve & se brusla les aisles.
O presage asseuré, s'escria-t-il à l'heure,
Que ce flambeau si beau n'esclaire point en vain,
Et qu'il faut, en laissant un travail incertain,
Que ce repos certain me serve de demeure. ”

“ Hé ! cuidez vous qu'on puisse ainsi vivre à demi,
Si ce n'est comme on vit au milieu des supplices ?
Luy qui vous avoit fait si prompte compagnie,
Qui couroit genereux aux dangers comme vous,
A-il tout seul laissé, dans le malheur des coups,
L'ame, de luy, de nous & de moy desunie ?
Encore que vostre coup de la coulpe s'exempte,
Et que son meurtrier aille au rang des innocens,
Si faut-il, quel qu'il soit, pour contenter mes sens
Si je ne le condamne, au moins qu'il sen repente. ”

“ Y vit comme un poisson vit estant hors de l’eau,
L’ardante amour du ciel dont le feu la consume,
Ne luy laissant ailleurs rien gouster qu’amertume.
Et cependant la feinte, en ses desirs cachez,
N’imagine qu’honneurs, ne songe qu’eveschez ;
Brusle apres le desir de vivre en une
histoire :
Suit la gloire, et la cherche és mépris de la gloire :
N’ayme à faire en ce monde aucun bien sans tesmoin ;
Et mesme en bien faisant, du bien n’a point de soin. ”

“ Et de tous ces beaux champs en fist un beau desert,
Il maistrisoit n'aguere, & maintenant il sert,
Mais ce service là valloit bien sa maistrise.
Il met son arc, ses traits, es mains de la Deesse,
Pour un gage certain qu'elle l'avoit soustrait ;
Mais gardez vous, dit-il, gardez qu'un jour le trait
Duquel vous blesserez luy mesme ne vous blesse.
Elle les prend soudain d'aise toute ravie,
Se glisse dedans l'air où sont les demi-dieux,
Eslance tout d'un coup cent flesches de ses yeux
En frappe tout un monde, & leur oste la vie. ”

“ Et monstrer par la nuict qui luy bandoit les yeux,
Qu’elle ne vivoit plus qu’ainsi qu’on vit és cieux.
Son esprit invincible à tant d’autres tristesses
Qui de sa fermeté battoient les forteresses,
Rendit alors la place à l’ennuy son vainqueur,
Et la douleur alors triompha de son cœur.
Si bien que le soleil acheva trois carrieres
Devant que sa constance essuyast ses paupieres,
Ou qu’elle obtint du dueil dedans son ame enclos
Qu’il peust former un mot non coupé de sanglots,
Son courage forcé par une angoisse extresme
Cedant à la douleur l’empire de soy-mesme. ”

“ Monstrer une prudence és grands faits exercee,
Et de deux ennemis estre le caducee.
Vous donc qui dépeignez nos malheurs en vos fronts,
Vous qui compatissez aux maux que nous souffrons,
Pitoyables esprits, dont l’heur soit perdurable
Puis que vous deplorez nostre estat miserable,
Accusans avec nous la cruauté du sort,
Aydez nous à gemir et plaindre ceste mort :
Car pour plorer les maux qui d’elle auront naissance,
Le soleil ne voit pas assez d’yeux en la France. ”

“ Luy manquant cestuy-là, tout luy semble manquer.
Il tremble dans le cœur au moindre bruit des armes :
Ne s’ayde que de vœux, de plaintes, et de larmes :
Esbranle de sa peur ses plus fermes soustiens,
Et manquant de courage, en desarme les siens :
Bref comme estant muny de vertus pacifiques,
Est mille fois meilleur, és tempestes publiques,
Pour estre un grand pontife, et juger de la foy,
Que pour tenir un sceptre, et paroistre un grand roy. ”

“ La seule foy m’asseure & m’oste le soucy :
Et ne changera point pourveu que je ne change.
Il faut tenir bon œil & bon pied sur ce point,
A gaigner un beau bien on gaigne une loüange,
Mais on en gaigne mille à ne le perdre point. ”

“ Ravy toy-mesme au temps l’honneur de les seicher :
Se plaindre de sentir des ennuis et des peines,
C’est se plaindre d’estre homme et non arbre ou rocher.
Un cœur qui magnanime à soy-mesme commande
Souvent fait que son mal en bien se convertit :
Une douleur n’estant ny petite ny grande,
Qu’autant que le courage est ou grand ou petit. ”

“ Sur qui peut-estre helas ! Ils vangeront à tort
L’offense de ma fuitte, expiant par la mort
De ceste pauvre trouppe et foible et miserable,
La faute qui me rend innocemment coulpable.
C’est pourquoy je t’adjure, et par les justes dieux
De qui nul œuvre humain ne peut tromper les yeux,
Et par tout ce qui reste en l’humaine pensee
De foy vrayment parfaicte, et non jamais faussee,
Pren pitié de mes maux, pren pitié de ce cœur
Traicté par la fortune avec tant de rigueur. ”

“ S’en venger c’est malheur, et l’endurer c’est honte.
C’est pourquoy si ton ame eust tant sceu mépriser
Ces frivoles soupçons, ou tant les maistriser
Lors qu’encor leur pouvoir estoit en son enfance,
Que bien tost leur trespas eust suivy leur naissance,
Sans leur donner toy-mesme accroissance et vigueur,
Une sage pensee eust logé dans ton cœur :
Car de les estouffer maintenant qu’ils épandent
Leur venin en ton ame et vaiqueurs luy commandent,
Ce seroit le conseil d’un esprit trop parfaict,
Et d’un plus sage advis que d’un facile effect. ”

“ Ou leur foible valeur, se vantent tous les jours
Que ce n’est point le bras du celeste secours,
Mais le leur qui les sauve, ou leur seule conduitte
Qui met sans coup frapper leurs ennemis en fuitte.
Ainsi le simple enfant à qui quelque escrivain
Pendant qu’il forme un trait conduit la foible main
Croit l’avoir fait luy-mesme, et s’en plaist, et s’en vante,
Et trouve qu’en ses doigts l’ignorance est sçavante. ”

“ Bien-heureux est celuy qui parmy les delices,
Dont le monde a sucré le poison de ses vices,
Et parmy tant d’apasts à mal faire allechans,
Regit si prudemment les desirs de son ame,
Que nul secret remors son courage n’entame
Pour auoir augmenté le nombre des méchans. ”

“ Il fist par vanité ce qu’icy me fait faire
Le saint et juste excez d’un dueil non attendu :
Son art l’abandonnoit, nul art ne me seconde :
Et ce que peut en luy la peur de perdre au monde,
Le mesme peut en moy l’ennuy d’avoir perdu.
Perdu l’as ? Et quel bien ? Un prince, un pere, un maistre,
Que perdre c’est se perdre, et quasi ne plus estre,
Ou bien estre un sujet de mal’heur et d’ennuy,
Comme il fut nostre gloire, et comme presqu’il semble
Que ce qu’avec tant d’heur tout ses peuples ensemble
Acquirent par luy seul, ils le perdent en luy. ”

“ Vangez-moy je vous prie, emplissez la pensee
De ce Gernande icy d’une rage incensee
Qui luy porte la main au poignard impiteux,
Exposant à son oeil l’acte le plus honteux
Dont le cœur d’un mary, mesme une ame jalouse,
Puisse estre son honneur blessé par son épouse.
Qu’il soit faux c’est tout un : mon esprit outragé
Cherche non d’estre instruit, mais de se voir vengé :
Vengez moy donc, demons : derechef t’en conjure
Vostre humeur d’elle-mesme assez prompte à l’injure. ”