Honoré de Balzac

“ À ceste heure, le sainct homme ha bon vent pour voguer en paradiz.
L’évesque de Coire monstra combien les gros hommes sont légiers ; pour ce que les gens bien pansus ont, par la graace de Dieu, en rescompense de leurs travaulx, les tubes intérieurs élasticques comme ballons. ”

“ Le Tourangeaud, n’ayant cure ni soulcy de l’orage, s’évada en allant de costé, en silence et l’aureille basse, comme ung chien mouillé que l’on chasse de vespres. Madame poussa ung soupir de cueur ! Elle auroyt singulièrement accoutré le genre humain, pour peu qu’elle l’eust tenu, car le feu qui la possédoyt lui estoyt monté dans la teste, et des pettillons de flammes sourdoyent dans l’air autour d’elle. Il y avoyt de quoy, pour ce que c’estoyt la première fois qu’un prebstre la gaubeloyt. ”

“ Philippe doncques, repensant à la franche lippée qu’il avoyt eue par les yeulx, la veille, se doubta que ce seroyt tout. Lors, feut chagrin ; et, sans mangier ne boire, se pourmena par la ville, en attendant l’heure, d’autant qu’il estoyt cocquet et guallant assez, pour en trouver d’aultres moins rudes au montoir que n’estoyt madame Impéria.
La nuict venue, le ioli petit Tourangeaud, tout reslevé d’orgueil, caparassonné de dezirs, et fouetté par ses — Hélas ! qui l’estouffoyent, se coula comme une anguille au logis de la véritable royne du concile ”

“ Il n’eut qu’un petit penser à peser pour sçavoir comment il debvoyt besongner à ceste fin de bien hypothecquer ses fressurades. Il arrivoyt poussé par un appétit de moyne ; et, pour obtenir sa repue, il estoyt homme à daguer deux moynes, et vendre son morceau de vraye croix, ce qui eust esté mal.
— Hé ! mon ami, fit-il à Philippe en l’appelant à luy.
Le paouvre Tourangeaud, plus mort que vif, en soubpçonnant que le diable se mesloyt de ses affaires, se leva, et dit : — Plaist-il ? au redoutable cardinal. ”

“ Lors, le bonhomme s’aperceut qu’il lui manquoyt une femme en son manoir, et si le vit-il plus triste qu’il ne l’estoyt. Et qu’estoyt doncques ung chastel sans chastelaine ?... autant dire ung battant sans sa cloche. Brief, une femme estoyt la seule chouse qu’il eust à dezirer : aussi la vouloyt-il promptement, veu que, si la dame d’Azay le faisoyt attendre, il avoyt le temps d’issir de cettuy monde en l’aultre. ”

“ Ains de ces vieulx pantagruelistes qui laissoyent faire à Dieu et au Roy leur mestier, sans mettre la main à la paste plus que ne debvoyent, se contentant de rire, il y en a peu, il en chet tous les iours, en sorte que i’ay grant paour de veoir ces notables fragmens d’anciens breviaires conspuez, conchiez, gallefretez, honnis, blasmez, ce dont ie ne me mocqueroys point, veu que ie conserve et porte beaucoup de respect aux rogneures de nos anticquitez gauloises. ”

“ Ce que voyant, l’abbé de Marmoustiers, son voisin, homme libéral en paroles, lui dit que ce estoyt signe évident de perfection seigneurialle, qu’il marchoyt dans la bonne voye, mais que, s’il alloyt desconfire, à la gloire de Dieu, les Mahumetisches qui conchioyent la Terre-Saincte, ce seroyt mieulx encore, et que il reviendroyt sans faulte plein de richesses et d’indulgences, en Tourayne, ou en Paradiz, d’où tous les barons estoyent sortis iadis. ”

“ Flaccons de vin, hanaps altérez, bouteilles d’hypocras, grez pleins de bon vin de Chyppre, drageoires combles d’espices, paons rostis, saulces vertes, petits iambonneaux salez, auroyent resiouy la veue du guallant, s’il n’avoyt pas tant aimé madame Impéria. Elle vit bien que les yeulx de son petit prebstre estoyent tout à elle. Quoique coustumière des parpaillotes dévotions des gens d’ecclise, elle feut bien contente, pour ce qu’elle s’estoyt affolée nuictamment du paouvre petit qui, toute la iournée, luy avoyt trotté dans le cueur. ”

“ Philippe de Mala, comme avoyt nom le prebstre, se resolut à bien faire et servir dignement son promoteur ; mais il vit dans ce concile mystigoricque force gens menant une vie dissolue, et n’en gaignant pas moins, et mesme plus d’indulgences, escuz d’or, bénéfices, que tous aultres saiges et bien rengez. Or, pendant une nuict aspre à sa vertu, le diable luy souffla dans l’aureille et entendement qu’il eust à faire sa provision à pannerées, puisque ung chascun puisoyt au giron de nostre saincte mère l’Ecclise, sans le tarir ”

“ De maulvais gars et homme de meschief, devint bon homme, saige et discretement paillard en perdant ses cheveulx. Rarement se choleroyt, à moins qu’on ne maugreast Dieu devant luy, ce qu’il ne toleroyt point, pour ce qu’il l’avoyt maugréé pour les aultres en sa folle ieunesse. ”

“ Aussy, comme le rire est ung privilége octroyé seulement à l’homme, et qu’il y ha cause suffisante de larmes avecques les libertez publicques sans en adiouxter par les livres, ai-je creu chouse patrioticque en diable de publier une drachme de ioyeulsetez par ce tems où l’ennuy tombe comme une pluie fine qui mouille, nous perce à la longue, et va dissolvant nos anciennes coustumes qui faisoyent de la raye publicque un amusement pour le plus grant numbre. ”

“ Il estoyt deschaussé de la cervelle jusqu’aux talons, et ressembloyt autant à un homme qu’une chievre coëffée de nuict ressemble à une demoiselle ; mais, bridé par son envie, il alloyt, le soir, par les rues de Constance, peu soulcieux de sa vie ; et, au risque de se faire pertuisanner le corps par les soudards, il espionnoyt les cardinaulx entrant chez les leurs. ”

“ Verville, autheur du Moyen de parvenir, et aultres bien cogneuz, desquels nous trions le sieur Descartes, pour ce que ce feut ung génie mélancholicque, et qui ha plus célébré les songeries creuzes que le vin et la friandise, homme duquel tous les pastisciers et rostisseurs de Tours ont une saige horreur, le mescognoissent, n’en veulent point entendre parler, et disent : — Où demeure-t-il ? ”

“ Sentant ung peu tard sa coulpe, et se fiant à l’advenir qui cependant alloyt ruyner tous les iours ung petit ce dont il faisoyt estat pour resgualer sa femme, le senneschal voulut suppléer au faict par la parole. Ores, il entretint son espousée de toutes sortes ; luy promit les clefs de ses dressoirs, greniers et bahusts, le parfaict gouvernement de ses maisons et domaines, sans controlle aulcun ; luy pendant au cou le chansteau du pain, selon le populaire dicton de Tourayne. Elle estoyt comme un jeune destrier, à plein foin, trouvoyt son bonhomme le plus guallant du monde ”

“ Les garses de la ville, celles de Sainct-Martin et du bourg de Chasteauneuf, envioyent toutes les longues et faulves tresses avecques lesquelles, sans doute, Blanche avoyt pesché ung comté ; mais aussi et plus, soubhaitoyent-elles la robbe dorée, les pierreries d’oultre mer, les diamans blancs et les chaisnes avecques quoi la petite iouoyt et qui la lioyent pour tousiours au dict senneschal. Le vieulx soudard estoyt si raguaillardi près d’elle, que son heur crevoyt par tous ses riddes, ses resguards ou mouvemens. ”

“ Un iour de l’an suyvant, environ la Sainct-Jean des foins, ou la Sainct-Jean qui fauche, comme nous disons en Tourayne, advint des Egyptiacques, Bohémiens ou aultres troupes larronnesses qui firent ung vol de chouses sainctes à Saint-Martin, et au lieu et plasse de madame la Vierge, lairrèrent, et en guize d’insulte et mocquerie de nostre vraye foy, une infame iolie fille de l’aage d’ung vieulx chien, toute nue, histrionne et mauricaulde comme eulx. ”

“ Lors, le bonhomme Bruyn apertement et dextrement demonstra, à l’encontre des aultres, que ce seroyt chouse prouffictable et bien plaisante à Dieu de conquester ceste ame affricquaine à la vraye religion ; et, si le diable logé en cettuy corps féminin faisoyt de l’entesté, que les fagotz ne fauldroyent point à le brusler comme disoyt ledict arrest. ”

“ Cecy est ung livre de haulte digestion, plein de deduicts de grant goust, espicez pour ces goutteux trez-illustres et beuveurs trez-précieux auxquels s’adressoyt nostre digne compatriote, eternel honneur de Tourayne, François Rabelays. Non que l’autheur ayt l’oultre-cuydance de vouloir estre aultre chose que bon Tourangeaud, et entretenir en ioye les amples lippées des gens fameux de ce mignon et plantureux pays, aussy fertile en cocquz, cocquardz et raillards que pas ung, et qui ha fourni sa grande part des hommes de renom à la France avecques feu Courier, de picquante mémoire ”

“ Aussy estoyt-ce une enfant fleurie et intacte, ioueuse et naïfve, un ange auquel ne manquoyt que des aësles pour voler en paradiz. Et quand elle devalla du paouvre logiz de sa mère éplourée, pour consommer les fiançailles à la cathédrale de Sainct-Gatien et Sainct-Maurice, ceulx de la campaigne vindrent se repaistre la veue de la dicte mariée, et des tapisseries qui estoyent mises le long de la rue de la Scellerie, et dirent tous que iamais piedz plus mignons n’avoyent foulé terre de Tourayne, plus iolis yeulx pers, veu le ciel, plus belle feste aorné la rue de tapiz et de fleurs. ”

“ Le vieulx rocquentin avoyt trop cuydé de lui-mesme en croyant pouvoir escosser le reste ; et lors, il fit chommer l’amour, maugré les chanlz ioyeux et nuptiaulx, espitalames et gaudriolles qui se disoyent en bas, dedans les salles où l’on balloyt encores. Il se resconforta d’un coup du breuvaige des espoux, lequel, suyvant les coustumes, avoyt esté benni, et qui estoyt près d’eulx, dans une coupe d’or ”

“ Ledict Bruyn, admirant le grant sens du preslat, se despartit du pays, harnaché par le monastère et benni par l’abbé, à la ioye de ses voisins et amis. Lors il mit à sacq force villes d’Asie et d’Africqne, battit les mescréans sans crier gare, escorchia les Sarrazins, les Griecqs, Angloys ou aultres, se soulciant peu s’ils estoyent amis et d’où ils sourdoyent, veu qu’entre ses mérites il avoyt celuy de n’estre point curieux, et ne les interroguoyt qu’après les avoir occiz. ”

“ De faict, nous sommes vieulx et trouvons les longues bagatelles meilleures que les brefves folies de nostre ieunesse, veu que, alors, nous y goustons plus long-tems. Doncques, mesnagez-moi dans vos médisances, et lisez cecy plustost à la nuict que pendant le iour ”

“ Il enrageoyt de ne pas sçavoir comment on abordoyt ces pies guallantes qui rabrouoyent les cardinaulx, abbez commandataires, auditeurs de rote, légats, évesques, princes, ducs et margraves, comme elles auroyent pu faire de simples clercs desnuez d’argent. ”

“ L’archevesque, fronssant l’accent circonflexe qu’il avoyt au-dessus du nez, ne souffla mot. Ores doncques, le trez-humble prebstre trembloyt dans sa peau de s’estre ainsi confessé à son supérieur. Mais incontinent, le sainct homme luy dit : — Vère, elle est doncques bien chiere ? ”

“ Brief, il ne querelloyt plus, veu qu’estant senneschal, les gens luy ceddoyent incontinent. Vray dire aussy qu’il voyoyt lors ses dezirs accomplis ; ce qui rend, voire ung diableteau, otieulx et tranquille de la cervelle aux talons. ”