Olivier de La Marche

“ Qui plus est, pour monstrer qu'il estoit homme, et chevalier pour rencontrer un autre de sa personne, de son humilité il fit armes en lices closes, et sous pouvoir de juge, et par emprise levee, à l'encantre de messire Claude de Vaudré, signeur de l'Aigle, un chevalier bourgongnon, son suget, mais homme fort, et experimenté à faire armes à pié et à cheval : et en icelles armes se gouverna le Roy chevaleureusement, et en partit à son honneur. ”

“ Le nommerons nous Maximilian Cueur-de-fer ? je dy que non : car trop petit est le nom, selon ses grans merites. Le fer est d'une nature, que la goutte de la pluye, venant du ciel, cave le fer : et par une goutte d'eaue, venant du ciel, souvent tombee sur le fer, et en une placey celle goutte concave le fer, et le perce en telle maniére, que la goutte d'eaue se monstre plus-forte que le fer, qui la reçoit. ”

“ Le grand honneur, la richesse, et l'avoir De ce monde, conquesterez pour voir.
Nul n'osera devant vous faire attente.
Requerez Dieu : et mettez ferme entente, D'estre en brief temps prests pour le Turq combatre : Et vous verrez son grand orgueil abalre. ”

“ Si fut trouvé par conseil, que l'on ne pourroit les corps emmener : et furent mis en une maison : et y fut bouté le feu : et par tout le vilage de Néve : et se remit le comte au chemin , pour retourner à Audenarde : mais les vilains du païs avoyent les arbres abatus sur les chemins : et s'estoyent assemblés et armés : et tout le jour firent desroy et eifioy, ou devant, ou derrière la compaignie : et bien le pouvoyent faire : car tout le païs est tout fossilié (2) , à l'avantage des gens-depié, et au desavantage de ceux de cheval. ”

“ Parquoy je vueil dire que le nom n'est pas suffisant à si-haute personne : mais me conclu que je le nommeray Maximilian Cueur-d'acier : et trouve que l'acier est plus noble chose que l'or, l'argent, le plomb, ne le fer : pource que de l'acier, comme du plusnoble metail, l'on fait les armeures et les harnois : dont les plus-grans du monde se parent, et asseurent leurs corps contre la guerre, et autrement : et de
l'acier se font les espees, les dagues, et autres glaives : dont les vaillances se font d'ennemis sur ennemis. ”

“ Le hasteur tient le compte du rost avec son ayde : le potagier rend compte des potages et son ayde, et livre le potagier toutes les potageries , comme de febves, pois bleds , et laicts, à faire fourmenter le persin (1) , et aussi le sel qui se despense en la cuisine , et ce par un marché faict au bureau une fois l'an comme les autres marchans, et se compte tous les jours par la cuisine à tel pris et somme que l'on doit payer par jour. Et s'il faut espices en iceux potaiges, le gueux en fait la délivrance. ”

“ Car, sans autre prince blasmer, ou amoindrir, je juge l'empereur de Constantinoble, vivant, la plus noble personne du monde : car l'empereur d'Alemaigne n'est empereur que par élection : et cestuy de Constantinoble estoit empereur de ligne en ligne, et de pére à fils, de plus de cinq cens ans de regne : et, puis qu'un empereur précédé les rois en nom et en dignité, je cuide avoir fait seur jugement.
Si conclut iceluy chevalier, si le duc et la maison de Bourgongne avoyent jamais vouloir de servir l'Eglise, qu'il estoit heure de le monstrer par effect. ”

“ Ainsi fut la vile de Lints ravitaillée, et puis prise ; et nous sceut le duc moult-grand gré de la diligence et execution, que nous avions faicte : et ne demoura guéres qu'un debat se meut aux logis, entre les Angloiset les Italiens : et, à la vérité, les Anglois avoyent le pire : car toutes les nations se joindoyent avec les Italiens. Mais le duc de Bourgongne chevaleureusement, l'espee au poing, se mit entre deux, etappaisa le débat : qui estoit bien dangereux. ”

“ Si joustoit le comte tressouvent : et à ce mestier estoit renommé, non pas seulement comme un prince, ou un signeur, mais comme un chevalier dur, puissant, et à douter : et certes il frequentoit les joustes en iceluy temps : et gaignoit bruit et paix : et enduroit le faix et le travail : et donnoit et recevoit grans coups, sans soy épargner : comme si c'eust esté un pauvre compaignon, qui desirast son avancement à ce mestier. D'autre part il jouoit aux barres aveques les plus-forts, et les meilleurs rueurs : et le tenoit on des tres-bons. ”

“ Au regard de Morbecque, messire Anthoine, bastard de Bourgongne (qui poursuyvit et déconfit les Gandois au païs de Quatre-mestiers : comme il escrit cy-dessus) entra à Morbecque, par le costé de Gand, non fortifié, et dont ils ne se doutoyent : et pilla et brula le vilage : et rompit tous les forts : et enchacea les Gandois, à Gand : et en prit et occît plusieurs : et le duc tira ses gens près d'un vilage, nommé Long-Pont (1) , près de la riviére de l'Escaud. ”

“ Le l'endemain, que madame la duchesse fut revenue de voir madicte dame Marguerite, monsieur de Bourgongne se retira au lieu de l'Escluse, à petite compaignie : et entra par derrière, dedans le cliasteau : et, apres qu'il eut soupe, se partit, à tout six ou sept chevaliers de l'ordre seulement : et vint assez secretement à l'hostel de madicte dame Marguerite : combien qu'elle en estoit avertie, et s'estoit acompaignee des plus gens-de-bien de sa compaignie : comme du signeur d'Escalles, frère de la royne d'Angleterre, et de plusieurs autres nobles Anglois : qui estoyent venus à celle feste. ”

“ Ma pauvreté toutesfois maintiendray, Pour essayer Lesquels premier se voudront empleyer A secourir saincte-Eglise, et aider : Qui ne requiers le travail sans mestier.
Ainsi je cours De lieu en lieu, et puis de tours en tours, Criant premier l'Empereur au secours : Et puis-après je gette cris et plours, A toute outrance, Pour estre ouie, et avoir allégeance Devant le treschrestien roy de France, Victorieux : où j'ay bien ma fiance, Et doy avoir. ”

“ A l'encontre de luy se présenta ledict messire Philippe de Poictiers, sur un cheval couvert de martres sebelines, à une bordure d'ermines, de la longueur de la beste. Ils coururent l'un contre l'autre moult - vivement : et gaigna ledict Poictiers la verge d'or : pource qu'il rompit sept lances, et ledict messire Jehan d'Ondevile n'en rompit que cinq.
Le dernier, qui se présenta pour celuy jour, fut le signeur de Ternant : lequel entra dedans les lices, sur un cheval, couvert d'un riche drap d'or cramoisy, semé de grosses campanes d'argent. ”

“ Louis de Sainct-Pol et sa compaignie ( qui ne s'estoyent bougés de la bataille , ne rompu leur ordre, pour chose qui fust avenue) fut assez-tost averti de la revenue des Gandois, tant par la poudre qui se levoit en leur chemin, comme par aucuns chevaucheurs, qui se perceurent d'eux. Si se mit chacun en devoir, et en ordre, pour recevoir iceux Gandois.
Fiérement marchèrent lesdicts Gandois : et reculèrent ce qu'ils trouvérent de noz gens : et avoyent archers et arbalestiers, qui liroyent devant leur bataille. ”

“ Le héraut doit avoir la cotte d'armes vestue, et le prince luy met la couronne en la teste, qui doit estre d'argent doré , et non point d'or, et n'y doit avoir pierres que saphirs, en segnifiant que le roy d'armes ne doit point avoir regard à nulles richesses, fors au ciel seulement, que le saphir figure , et dont il doit tirer vertu et vérité. ”

“ Le duc de Bourgongne a douze trompettes de guerre, les meilleurs qu'il a sceu finer, et sont iceux trompettes gouvernez par un d'eux qui est leur chef, et le matin que le prince doit partir, ils doivent tous ensamble venir faire une basture devant les fenestres du prince, pour le resveiller à l'heure qui leur est baillée, et puis se partent quatre, et vont sonner à mettre selle par les quatre parties de la ville, ou de l'ost, et au retour de chascun ils doivent sonner un mot au rentrer du logis du prince, et se doivent la rallier tous ensamble, et desjeuner aux despens du prince. ”

“ Il laissa son fils pourveu de conseil : comme du chancelier Raolin, du signeur de Crouy, du signeur de Goux, et d'autres grans personnages : et certes ses païs demourérent en telle prospérité, que l'on pourroit dire d'eux ce, que dit le poète, quand il dit que les siécles estoyent dorés : et en ce gouvernement se gouverna le comte Charles si-bien et si-vertueusement, que nulle chose n'empira en sa main : et, quand le bon pére revint de son voyage, il trouva ses païs entiers, comme devant. ”

“ Et si un noble jeune homme qui jamais n'auroit esté armé, vouloit sçavoir de quel costé il devroit prendre son escu, il le verroit aux blasons des officiers d'armes et de quel costé ils le portent.
Et pardeça les officiers d'armes, les portent au destre costé , pource que le dextre est le plus noble pour faire honneur au blason, et ainsi chascun a opinion raisonnable. Et la cause pourquoy le prince leur donne la tasse d'argent à les creer, est pour faire le blason de ses armes , et me tais à tant des cérémonies de l'office d'armes, pour entresuyvre ma matiere. ”

“ De son execution se contenta le duc Philippe, et luy donna congé de poursuivre ses ennemis : et s'en retourna le duc à Brucelles, le plus-tost qu'il le peut faire : et le comte et sa compaignie tirérent apres leurs ennemis : et les trouvérent qu'ils se reposoyent de l'autre costé de la rivière de Haubsbaing : et les eust le comte défaicts, sans nulle faute : mais un che
valier liegeois, nommé messire Regnaud du Rouvray, moult-vaillant et sage chevalier, eut grand'pitié de veoir le peuple de sa nation en danger : car il congnoissoit bien que les gens-d'armes les déferoyent. ”

“ Monsieur de Boussu et messire Philippe de Lalain vouent à Dieu, à Nostre-Dame, aux dames, el au faisan, que, si mon tresredouté signeur, monsieur le duc de Bourgongne, va en Turquie, à l'encontre des Infidelles, les dessusdicts le serviront bien et loyaument, si le plaisir de mondict signeur est qu'ils y voisent : et du jour qu'ils partiront, ils porteront une emprise, pour en combatre deux : et, si le tiers y venoit, ils en prendront telle aventure, que Dieu et Notre-Dame leur voudront envoyer. ”

“ Celuy mesme jour de lundy fut le dernier banquet d'icelle feste : lequel fut en croissant, et en multipliant de plus en plus, tant de mets, que de suittes. Sur les tables avoit trente plats : lesquels plats furent faicts à manière de jardins : dont le pié desdicts jardins estoit faict de bresil, massonné d'argent, et la haye du jardin estoit toute d'or. Au milieu d'icelle closture avoit un grand arbre-d'or : et à l'encontre d'iceluy arbre estoit la viande. Les arbres furent de divers fruits, de diverses fueilles, et de diverses fleurs. ”

“ Et quant à ce que les varlets servans ont le plus affaire à l'office de la paneterie, et aussi des couteaux, car l'escuyer trenchant n'a point de logis pour l'office, n'autre entremise que de trencher, et pource doit tenir place le varlet servant avec les panetiers, et en l'office de la paneterie. ”

“ En ce temps se maria le duc Jehan de Cléves, et Ysabel de Bourgongne, seule fille et héritiére du comte d'Estampes : et se faisoyent grandes chères, et grans festimens : et se mirent sus aucuns convives, que l'on appelle banquets : qui commencèrent à petis fraiz, et montérent et multipliérent en grandes assemblees, et fraiz de viandes, et d'autres mets : et montoyent et croissoyent iceux banquets de chevaliers à signeurs, et de signeurs à princes : et de grand à grand multiplioyent en despense : et vouloit chacun monstrer plus-grande chose, que son par-avant. ”

“ Assez tost après, le mareschal de Bourgongne fit une course devant Gand : et n'avoit point seulement les Bourgongnons aveques luy, mais tresbonne bande de Picards, et de Hannuyers : que conduisoyent les signeurs d'Emeries et de Miraumont, messire Gauvain Quieret, et autres : et en bel ordre chevaucha le mareschal devant Gand : et mit ses coureurs et ses ecarmoucheurs devant, pour cuider attraire les Gandois : mais ils se tindrent en leurs forts, si que peu pouvoit on sur eux profiter. ”

“ Dieu me transmet à voz yeux : et vous mande Qu'à le servir sans sommeiller on veille, Et que m'ayez : afin que je reveille Les lasches cuenrs : qu'on ne peut émouvoir A travailler, pour tous les biens avoir. ”

“ Si fut le peuple léger à émouvoir : et saillirent hors de la vile de Gand en deux compaignies : dont en la première compaignie eut vingt-cinq mille hommes, éleus et nombrés, sans les gens-de-cheval, Anglois, et autres : et conduisoit les chevaucheurs d'icelle première compaignie ledict Jelian Ost, pour les Anglois, et un jeune homme gandois, nommé Jehan Van Nielle , pour lesdicts Gandois : et avoyent canons et serpentines à chariots, et artillerie à poudre assez, et largement.
Apres iceux saillirent une grosse compaignie de gens, où il pouvoit avoir vingt mille hommes, et plus. ”

“ Archers mirent incontinent pie à terre, de l'autre part du grand chemin : et, selon qu'ils abordoyent, ils se mettoyent en bataille : et certes je regarday bien à loisir la contenance desdicts Gandois : mais ils estoyent si effrayés et si-dereiglés, que peu se mirent en ordonnance pour combatre, mais par monceaux : et, si-tost que les archers se trouvérent deux cens à terre, ils crièrent, Nostre Dame, Bourgongne et coururent sus aux Gandois moult-fiérement : et les Gandois, pour toute deffense, s'enfuirent par la maladerie, et par le fauxbourg, contre, Gand : et bien le pouvoyent faire. ”

“ Il doit estre vaillant et hardy, pource que en armes, il doit avoir l'estandart du prince et gouvernement , qui est l'enseigne qui tous jours est portée et veue, et que chascun sceut , et où chascun tient reigle, et où l'on se rallie : et convient que celuy qui le meine et conduit, soit hardy pour emprendre, et vaillant pour soustenir, et doit estre telle sa renommée , pour donner à chascun courage de valloir , et honte de faire le contraire. ”

“ Le premier eschansson, ou autre eschansson en son absence, apporte le gobellet à tous estats, et à toutes assemblées d'estat et d'honneur, et combien qu'un prince ou qu'un grand seigneur serve du drageoir, toutesfois l'eschanson doit servir du gobellet, et fait-on tort à un gentil-homme de luy oster le gobellet qu'il a apporté pour le mettre en un autre main, et nul ne le doit par droit faire quelque grand qu'il soit, si ce n'estoit le fils du prince qu'il voulut servir son
pere. ”

“ Finalement se partit la journee, à foule et perte de noz gens : mais, toutesfois, perdirent les Gandois trop plus de gens, sans comparaison, que ne firent les nostres : et le duc de Bourgongne (qui bien sçavoit que ses gens avoyent eu à souffrir) les attendit au boulovart, outre la rivière : et là fit aporter son souper : et soupérent aveques luy les chevaliers, qui avoyent esté à la journee : et fit seoir messire Jaques de Lalain empres luy, et au-dessus de luy : et dît qu'il vouloit tenir les anciennes bonnes coustumes : qui estoyent que l'on devoit honnorer le meilleur chevalier du jour. ”

“ Si tira le duc, et ses enseignes, en une grande place, qui est entre Vasselle et Ruplemonde, et sur la venue de ceux de Gand. Hervé de Meriadet portoit, celuy jour, l'estendard du duc : et le conduisoit le bastard de Bourgongne : qui moult bien le sçavoit faire : et, combien que le comte Charles fust jeune, et en sa première armee, toutesfois il marchoit, ou l'espee, ou le batton au poing : et tenoit gens en ordre, et en bataille : et se faisoit douter et obeïr ; et monstroit bien que le cueur luy disoit et apprenoit qu'il estoit prince , né et élevé pour autres conduire, et gouverner. ”