Nicolas-Edouard Olier

“ Il s'en saisit de telle façon que sa maladie se tourna en une étrange langueur, sy bien que quatre ans et sept mois devant que mourir il ne bougeoit de sa chambre, sans se soucier d'affaires quelconques, et fist la plus belle et lieureuze fin en mourant qu'homme ayt jamais faicte, sans se tourmenter, sans estre agité de pasmes, de violences et de mouvemens extraordinaires. ”

“ Ce qui fust trouvé nouveau, d'autant que où le roy est pour parain, il n'y a aultres ne parains, ne maraines, si ce ne sont pauvres et des plus pauvres. C'est après disner que cebaptesme se fist. Les rues estoient tendues et tapissées, chose nouvelle et inaudite, d'aultant que cela ne se faict que pour les enfans de France. Et fust faict ce baptesme au soir, sur les six heures, aux flambeaux. L'après disnée, le roy courust la bague dans l'hostel de Guyse avec tous les princes, seigneurs et gentilshommes de sa court ”

“ Sçavoir si ceste requeste civille debvoit estre ouverte, on fust deux grandes heures assemblé en la Grande-Chambre sans dire ung mot, à se regarder les uns les autres. Pendant ce temps, M. Fortia par deux fois se présenta derrière le barreau, et demanda justice à M. le premier président. Néanmoins, sans s'estonner, il luy dist qu'il se retirast et que l'on luy feroit justice. Ce silence dura deux heures entières. Enfin Mes-
sieurs les présidens des Enquestes se levèrent et puis les conseillers, de sorte que Monsieur le premier président vint au dessus de ses prétentions et demeura victorieux. ”

“ Aussi tost vinrent quatre cens chevaux et quinze cens espagnolz de pied qui se saisirent des grands places de la ville et en feurent maistres en ung quart d'heure sans aucune résistance. L'espouvante se mist de telle façon parmy les habitans que pas ung ne fust si hosé de se mestre en armes et en deffense. Le comte Saint-Paul, gouverneur de la ville, de la maison de Longueville, n'eust pas la hardiesse de se présenter, et s'évada par la porte de Saint-Jehan monté sur un cheval d'Espagne. ”

“ Depuis eust la démission pure et simple à la Saint-Martin 1595, et tomba malade sur la fin d'apvril ensuivant 1596. De ceste maladie il mourust, qui estoit une fiebvre continue (il en couroit fort ceste année là) , le 6e de may et fust enterré le 7e à Saint-André. On luy feist semonce au Parlement par toutes les Chambres, -encore qu'il n'eust esté conseiller que six moys. J'apprins dès lors que ceux qui meurent sans résigner, ou ayant esté vingt ans au Parlement, encore qu'ilz résignent, on leur faict tousjours semonce. Monsieur le président Ruelle porta la parolle et estoit de la 3e Chambre. ”

“ Enfin il fust arresté que les ungs et les aultres y assisteroient à la publication de la paix, chacun en son habit, le Chastelet en robbe rouge pour les dessusditz, et les aultres en robbe noire, et du costé droit; la Ville du costé gauche, et avec les robbes mi-parties ; ce qui fust faict et exécuté.
La Ville, dès le matin, devant que aller publier la paix,
fust avec le Parlement à Nostre-Dame pour chanter le Te Deum. ”

“ Deux jours devant que rendre l'âme, il luy survint une grande descente sur le paulmon, sy bien que et par le nez et par la bouche il rendoit et crachoit le sang, qui fust cause de luy acoursir ses jours. ”

“ On luy tira son enfant mort du ventre, et endura beaucoup devant que mourir. C'estoit la bien aymée et grande favorite du roy, et disoit on que le roy la debvoit espouser, après en avoyr jouy l'espace de sept ans et en avoyr eu cinq enfans ; ce qui estonnoit tout le monde, veu mesme que le roy estoit marié, et ladicte duchesse aussi mariée à ung gentilhomme nommé de Liancour. ”

“ Il ne fist son testament à aultre fin que pour estre enterré au monastère Sainte-Croix, à cause du curé de Saint-Paul, qui en faisoit difficulté. Sa maladie fust longue, et la cause première de son mal estoit l'ennuy, la mélancolie et la tristesse qu'il avoit prinse pour les troubles et guerres civiles qui avoient esté par toute la France, et surtout dans Paris. Il voyoit que son bien et son revenu ne venoit plus, et craignoit que les
(1) Sainte-Croix de la Bretonnerie, prieuré de l'ordre de Saint Augustin.
guerres durassent trop longtemps. ”

“ Dès lors feurent députez certains bourgeois de Paris, gens de cervelle, lesquels avec bonnes instructions allèrent en plusieurs provinces et villes de ce royaume, pour rendre capables quelques-uns de la création de la Ligue. ”

“ Le mardy 22e de mars, le roy de France, Henri IVe, la cinquième (année) de son règne, entra dedans la ville de Paris, à quatre heures au matin, par intelligence, deux des postes estant ouvertes, la Porte-Neuve et la PorteSaint-Denys. Ceux de la ville qui estoient de l'intelligence estoient jusques au nombre de sept : le gouverneur, M. de Brissac, M. Dampierre, président au GrandConseil, le prévost des marchands Lhuillier, Langlois, eschevin, qui ouvrit luy-mesme la porte Saint-Denys, M. le président Le Maistre et M. Damours, conseiller, et le sieur de la Chevallerie qui estoit dans l'arsenal. ”

“ Messieurs de la Grande-Chambre seuls avec la Chambre de la Tournelle et celle de l'édict s'assemblèrent et ordonnèrent, sans appeler les Enquestes, que commission seroit décernée pour informer. L'information faicte de troys tesmoins qui tous déposèrent de ce que dessus, et rapportée, fust délibéré, toutes les Chambres assemblées, attendu qu'il estoit pair de France, et fust décrété ungadjournement personnel contre ledict sieur de Mercure, et y en eust huict de la compagnie qui feurent d'advis du décret de prinse corporelle, dont j'en feuz ung ”

“ En ma y, sur la plaincte que le roy tous les jours faisoit des abus et exactions qui se commettoient en la justice, l'on s'avisa aux Enquestes de dresser des mémoires pour la réformation de la justice. Les articles ayant esté dressez, délibérez, concertez et résolus, en chaque Chambre des Enquestes, mesmes signés par les présidens et conseillers de chacune Chambre, Messieurs les présidens Ruelle -et de Noroin assistés de quelques conseillers comme députez, allèrent trouver Monsieur le
(1) Edouard Molé, conseiller au Parlement, pnis procureur général, et enfui président, mourut en 1612. ”

“ Enfin le mal qu'il enduroit luy fist confesser la vérité, et dict que ç'avoit esté luy, et qu'il avoit esté poussé d'ung instinct divin pour le bien et repos de l'église. Jamais on ne vist ung enfant comme il estoit, aagé seulement de 17 ou 18 ans, parler si résolument comme il fesoit. On recongneust, et le confessa aussitost, qu'il avoit esté tousjours nourri au collége des Jésuistes et imbu de leurs fausses doctrines. ”

“ Le soir Monsieur de Mercure accompagné de douze ou quinze gentilshommes et aultres, avec force pages et lacquais, va au logis de Monsieur Servin, où estant à la salle fist descendre Monsieur Servin, et luy dict qu'il n'estoit point venu pour luy donner le bon soir, ains pour luy dire qu'il estoit ung marrault, et qu'il le tueroit, et qu'il luy feroit donner cent coups d'estrivières par ses lacquais, et aultres parolles insolentes et menaces qu'il luy dist et fist. ”

“ Sur les quatre heures, il y eust ung grand feu de joye à la Grève, où il se fist une largesse et aumosne publique à cinq ou six mil pauvres, les muidz de vin défoncez, les cloches sonnantes, les trompettes et clairons; et le soir chacun devant sa porte et par les rues fist faire feuz de joye. Le lendemain samedy 13e du mois de juing, la Cour alla en robbe rouge à Nostre-Dame pour y faire chanter la messe, et y eust pourcession généralle, où la croix de victoire fust portée et les plus pré-
cieuses reliques. ”

“ La Chambre estoit remplie d'honnestes hommes et habilles : MM. Thurin, Montelon, Béranger, Bovin, Bénard, Le Bossu, Jourdin, Fédeau, Le Grand, Faye, de Grieu, Bouchet, Vertamon, Perrot et Danefuge.
Ilz partirent le 27e de juillet pour estre à Lyon le lendemain de la feste (1) , et avoient quatre livres par jour.
(1) Le 15 d'août, fête de l'Assomption. On voit que le voyage n'était guère rapide.
Monsieur de la Cave, maistre des requestes, avoit le seau et estoit comme président en ceste Chambre. Monsieur Le Bossu mourust aux Grands-Jours d'une fiebvre et flux de ventre ”

“ Hz disnèrent tous à l'évesché, et le roy fist disner les ambassadeurs d'Espagne avec luy et à sa table, et à une autre table disnoient les gentilshommes espagnolz ensemble les gentilshommes françoys. Et le mardy suyvant 23e dudict moys de juing, veille de la SaintJehan, le roy mist le feu à la Grève, où l'on brusloit la guerre, qui estoit en figure, avec deux tonneaux, piques, hallebardes et espieux; et tout cela plain de pétards fist ung merveilleux eschet. Le roy estoit assisté de toute sa noblesse qui estoit encore superbement habillée. ”

“ L'on usa des mesmes receptes, et fust si malade quelle perdist le sentiment, l'ouie, la parolle et la veue à mesme heure; fust deux foys vingt-quatre heures sans sentir aucunement et sans ouir; fust. (1) le dimanche au soir, et n'en eust aucune souvenance ni mémoire ; et a esté jusques au vendredy ensuivant sans parler ni voyr, et à cinq heures au matin la parolle et la veue luy revinrent toutes ensemble, et fust six jours entiers en cest estât. ”

“ « Davantage que le procureur général du roy Molé formera son opposition, et que de ceste opposition signification sera faicte à toutes les trois chambres des Estats qui pour lors se tenoient au Louvre (1) .
« D'abondant, que sur ce arrest interviendra, lequel sera lu au sieur du Maisne (2) , en présence de tous les princes qui l'assisteront, sçavoir : le duc d'Aumale, le duc de Guyse et le duc d'Elbeuf; et que toute la compagnie assistera le président Le Maistre (3) , pour luy en faire la lecture, affin qu'ilz n'en prétendent aucune cause d'ignorance. » ”

“ M. le président de Blanmény fist un g bref discours et narré de la vie du défunct, ayant esté quelque temps advocat des parties, et puis bailly de Saint-Martin, du Four-l'Evesque et autres petites jurisdictions, eschevin et prévost des marchands, dix ans advocat du roy au Parlement, et puis président de la Grande-Chambre.
M. le président Forget (3) la receust à la Tournelle et fist fort bien, dist entre autres choses que la France estant en ces derniers hoquetz, que le défunct ayant esté tousjours vray françoys, regrettant le déploré estat de ce royaume, Us singultibus oppressus faerat. ”

“ Et fust ordonné par arrest le mesme jour 12e juing, les Chambres assemblées, sur la contestation et débat des juges du Chastelet contre les Prevost des marchans et Eschevins, chacun prétendant, suyvant ses privilèges, qu'il luy apartenoit de publier la paix par les carrefours de la ville : la Ville, comme estant ung acte concernant le repos de la ville ”

“ Les six jours expirés, les Espagnolz dressèrent leur batterie vers ung bastion creux et la battirent avec quarante pièces de canon. Au bout de huict cens coups de canon ils firent brèche suffisante, et donnèrent trois
(1) Ce mot est d'une lecture douteuse.
(2) Ce mot désigne sans doute un môle qui défendait la ville du côté de la mer. -
assautz les plus furieux du monde, et n'alloient point moins de mil à douze cens à l'assault. ”

“ Enfin le roy esleust et choisit Monsieur Myron (2) président au Grand-Conseil, et vousist qu'il l'eust pour quinze mil livres, lesquelles le roy toucheroit, à la charge d'en bailler bonne assignation à la veufve pour luy faire toucher ceste somme dans six moys avec inté-
(1) Jean Séguier, l'un des fils de Pierre Ier Srguier, le célèbre président à mortier au Parlement.
(2) François Miron, élu prévôt des marchands en 1601. Il était petit-fils de François Miron, médecin de Charles IX.
rest. ”