Guillaume Du Bellay

“ Chaque jour elle se grossissoit de fantassins italiens, attirés par le désir de prendre part à la conquête et au pillage ; ils se joignoient à ces soldats étrangers, comme c'est l'habitude de notre milice vénale, sans s'informer contre qui ils marchoient, sans rougir de contribuer avec l'ennemi commun à la destruction de leur patrie. ”

“ Et à tant il discourut et déduist, par infinité de paroles, les maux qui estoient à venir de la guerre, outre l'occision et mortalité du peuple chrestien, comme la ruine des villes et pays, suscitation de sectes et hérésies, esmotion de peuple, et rébellion contre les seigneurs, et à eux telle nécessité imposée, qu'ils soient contraints de se rendre subjects aux passions et volontés de leurs propres subjects, voire des plus meschans; là où de paix viennent et procèdent tous biens au contraire. ”

“ Ledit comte luy remonstra les grandes forces qui venoient, avec le grand nombre d'artillerie , et qu'ils estoient envoyez là seulement pour les investir, attendant les forces ; l'asseurant bien que, s'il tardoit tant peu soit de parler, il ne seroit en sa puissance de luy sauver la vie, dont il le vouloit bien advertir, estant son amy. Les choses furent tellement menées, qu'il remist la place entre les mains du gouverneur de Turin, et furent conduits les Imperiaux seurement à Quiers. Ce faict, il fut pourveu à la place, à ce qu'il n'y advint plus d'inconvenient. ”

“ La ville de Landrecy est assise sur la rivière de Sembre. laquelle n'est encores fort grosse, mais, parce qu'elle est profonde et les bords haults, elle se passe malaisément sans pont. Ceste rivière sort du vivier d'Oisy, qui est du duché de Guise, et vient tomber à Chatillon, et de là à Landrecy et à Marolles, de Marolles à Emery et à Maubeuge, et de là au pont sur Sembre, et va se décharger dedans la Meuse, près Namur. Landrecy est deçà l'eaue, et au-delà, à la portée d'un canon, est la forest de Mormaux. ”

“ Alors incapable de supporter davantage la violence de la douleur, il se jette comme un furieux sur son bourreau, lui arrache son poignard, le lui enfonce dans la poitrine, puis le tourne contre lui-même et se tue. ”

“ Et qui eust aussi pensé, disoient-ils, qu'un duc de Savoye eust si avant contemné les forces et authorité d'un roy de France, que d'accepter la comté d'Ast, ancien patrimoine de la maison d'Orléans? Si contre l'empereur on ne s'en veut venger, ou qu'on ne puisse le faire obstant les traittés, contre le duc de Savoye le peult-on faire ; car on a contre luy assez d'autres bonnes et justes querelles. ”

“ Si les assaillans faisoient bien leur debvoir, ceulx de la ville ne se faignoient pas. Et là estoit en personne le seigneur Marc-Anthoine Colonne, qui disoit à ses gens: - Messeigneurs, tenons bon, nous serons secourus demain ou dimanche, je vous en asseure sur mon honneur. La breche est fort petite ; si nous sommes pris, il nous tournera à grande lascheté, et davantage il est fait de nous. Tant bien les confortoit ce seigneur Marc-Anthoinc que le cueur leur croissoit de plus en plus ; et à dire aussi la vérité la breche n'estoit pas très raisonnable. ”

“ Messeigneurs, ne vous attendez pas, tant que vive monseigneur de Bayart, d'entrer dedans Maizières ; je le congnois, et plusieurs fois m'a mené à la guerre ; mais il est d'une condition que, s'il avoit les plus couars gens du
monde en sa compaignie, il les fait hardis. Et sachez que tous ceux qui sont avec luy mourront à la breche, et luy le premier, devant que nous mections le pied dedans la ville ; et quant à moy je vouldrois qu'il y eust deux mille hommes de guerre davantage et sa personne n'y feust point. ”

“ Les sages disent que la vertu croît quand elle est louée, et cela s'entend en celui qui aime la vertu, lequel enreconnoissant le bien et grâce que Dieu (dont tout bien procède) lui a fait mettre peine de multiplier le talent de vertu que ledit seigneur Dieu luy a baillée, pour en rendre le double. Et au contraire le vice, quand il est blâmé, décroît et appétisse entre gens de bonne volonté; car celui qui est obstiné en mal, il fait pis, de tant qu'il rengreige le mal qu'il entend être blâmé sur luy. ”

“ Et sur lesdits bienfaits mondit sieur avoit dressé l'état de luy et de sa maison; et si avoit frayé au voyage de Milan, plus de cent mille livres du sien propre, dont il avoit plusieurs pièces de terre engagées. Et comme est vraisemblable, mondit seigneur fut grandement fâché et ennuyé de vivre et entretenir luy et sa maison toute cette année sans avoir un seul denier d'état du roy. Laquelle chose, si elle luy fut dure, n'est de merveilles, mêmement là où il venoit de sauver et garder de perdre ladite duché de Milan, qui vaut par chacun an un million de francs. ”

“ Le chevalier, qui le genoil en terre remercioit le seigneur des offres qu'il luy faisoit, comme estoit bien raison, luy dist : - Monseigneur, je ne vous demande autre chose sinon que, si vostre courtoisie se vouloit tant estendre que de me faire rendre mon cheval et mes armes que j'ay apportées dedans ceste ville, et me renvoyer devers ma garnison, qui est à vingt milles d'icy, me feriez un très grant bien, dont toute ma vie me sentirois obligé à vous, et hors le service du roy mon maistre, et mon honneur saufve, le vouldrois recongnoistre en ce qu'il vous plairoit me commander. ”

“ Notre auteur respecte, sans faire tort à la vérité, les chefs de l'Empire et de l'Eglise ; et si quelquefois il les dénonce comme auteurs des désordres qui ont eu lieu, au moins ne confond-il jamais leur imprudence et leurs erreurs politiques avec les écarts de leur vie privée. Nulle part il ne laisse percer l'humeur ou l'esprit de parti. ”

“ Le duc de Ferrare estoit un gentil prince, homme de guerre et de bon entendement et hardy ; et prenoit tout son passetemps et exercice à fondre de l'artillerie, remparer et édifier; et n'y avoit fondeur des siens qui le fist mieux que luy. Et en ay veu appartenant audict duc, dedans deux granges bien trois cens grosses pièces, et croy que tous les princes d'Italie ensemble n'en avoient point tant et de si belle artillerie que luy seul. Il avoit trois granges : l'une estoit là où on faisoit la fonderie, l'aultre là où on faisoit les moules, et l'aultre où on faisoit les affuts et les roues. ”

“ De temps en temps ceux de nos soldats qui ne lâchoient pas pied comme les autres et vouloient faire face à l'ennemi, se voyant accablés par le nombre et ne trouvant aucun moyen d'échapper, se glissoient adroitement dans les rangs des vainqueurs et tournoient leurs armes contre les habitants, naguères leurs amis. D'un autre côté, les soldats allemands ayant passé les tranchées élevées çà et là, taillèrent en pièces la populace, qui se hâtoit de jeter ses armes pour demander quartier. ”

“ Davantage, il sçavoit fort bien que, pour le respect et honneur du roy Ferdinand, et mesmes pour le regard de vostre estimation, il ne devoit penser qu'un prince non ambitieux voulust usurper les biens de ses voisins et alliés sans estre jugés par les lois et coustumes, ny que vous, tant estimés prudens et vertueux, deussiez sans occasion imposer et estendre la peine du forfaict du père sur le fils innocent; car si cela n'estoit couvert de quelque exécrable indignité de crime, ce vous seroit à jamais une tache d'inhumanité et de cruauté, et à luy pareillement d'impiété et d'avarice. ”

“ Toutefois, le roy en feust bien marry, et n'en fist pas grand estime; car il se fioit bien en l'amitié qu'ils avoient le pape et luy ensemble. Et en ce temps l'Adventureux fist faire une maison nommée Messencourt, que son père luy avoit donnée, merveilleusement belle et jolie pour la chasse et pour la guerre, et pour toutes autres choses ; et la fit bâtir en fourche ; et estoit un merveilleusement beau commencement de place ; et y fist faire force artillerie, tellement qu'il en avoit assez pour faire une bonne batterie, et la place bien gardée. ”

“ L'armée est très fatiguée, je le sais; elle a besoin de repos ; mais je sais aussi combien la victoire est facile lorsque l'occasion est favorable, et combien un instant de retard peut la rendre difficile et coûteuse. ”

“ Il n'avoit pas encore cinquante-six ans quand il paya le tribut de nature. On le porta en terre à Sainct-Denys, avecques ses bons prédécesseurs, en grans pleurs et cris, et au grant regret de ses subjets. Après luy succéda à la couronne François, premier de ce nom, à l'âge de vingt ans, beau prince autant qu'il en y eust point au monde, lequel avoit espousé madame Claude de France, fille aisnée du roy son prédécesseur et duchesse de Bretaigne. Jamais n'avoit esté veu roy en France de qui la noblesse s'esjouyt autant. ”

“ Le bon homme s'en va incontinent. Or scavoit bien le bon chevalier que impossible estoit qu'il passast sans estre pris des gens du seigneur Francisque, comme il feust, avant qu'il feust à deux gects d'arc de la ville. Incontinent fut amené devant le dit seigneur Siquingue, qui luy demanda où il alloit. Le povre homme eut belle paour de mourir, aussi estoit-il en grand dangier, si dist: «Monseigneur, le grand cappitaine qui est dedans nostre ville m'envoye à Sedan porter une lettre à messire Robert, » que le bon homme tira d'une boursette qu'il avoit. ”

“ Vous entendez le surplus des sentences, et je me déporte volontiers de les achever ; car je voy vos cueurs desjà se mouvoir, et que tacitement, et par signes de visages, vous advouez et recognoissez ce que je dis estre vérité ; mais ne pensez point que ce pendant ces bons forgeurs de calomnies (pourveu que ce que par eux-mesmes ne peuvent ils le puissent faire par vous, soubs l'autorité ou de leur maistre ou de l'empereur) fassent grand compte, ne de ce que le monde en dit présentement, ne de ce qu'à mille ans on en dira. ”

“ Le très chrestien roy, mondit seigneur et maistre, s'il le vouloit, il ne pourroit par les traittés qu'ils ont ensemble; et si par les traittés il le pouvoit, il ne le voudroit, pour l'alliance du sang qui est entre eux ; mais en toutes autres choses que, sans blesser sa foy, son honneur et le devoir du sang, il pourra faire en vostre faveur, vous le trouverez à jamais vostre allié et bon amy, et ne sera son bien espargné en vostre nécessité. Tousjours a esté la cour de France la plus libérale de toutes autres ”

“ Le roy se voyoit paisible de tous costésr jeune, riche et puissant homme, et de gentil cueur, et gens autour de lui qui ne lui desconseilloient pas la guerre, qui est le plus noble exercice que peult avoir un prince ou un gentilhomme, quand c'est bonne querelle. Et ainsi commença à dresser son armée pour faire son voyage d'Italie, car il en estoit pressé par les parts qui tenoient pour lui audict Italie. Le roy fist incontinent despescher partout pour avoir lansquenets, et envoya le duc de Suffolk d'un costé, et manda au sieur de Sedan et au Jeune Adventureux lui en faire recouvrer ”

“ Je vois une armée si florissante, et composée de gens tous esleus, et comme choisis l'un après l'autre ; les gens de pied, tous vrays soldats et vétérans; la cavalerie si bien esquippée; telle compagnie d'artillerie, et si bien estoffée de tout ce qu'il luy fault, qu'à mon advis nous n'aurons plus faulte, sinon d'ennemy qui ose nous attendre, et ne nous priver du moyen d'esprouver la vertu de ceste armée : tant y a que deçà les monts nous ne pouvons le trouver tel qu'il vaille, et soit digne que nous y employions une telle puissance. ”