Achille Delboulle

“ Quant il eust nagé par la mer quelque peu de temps, survint une tempeste si terrible et si merveilleuse qu’il sembloit que le ciel et la mer feussent en feu, et les vagues de la mer se enflerent si grosses qu’il sembloit a nostre nouveau marchant que la navire descendit maintenant aux abismes et que incontinent alast touchier jusques au ciel. ”

“ A quoy luy fut incontinent respondu par son dict hoste, que la cause estoit pour refroidir son potage, qui estoit trop chaut. De quoy le satyre indigné luy respondit : Comment ? d’une mesme bouche tu souffles donc et le chault et le froid ! Va, et saches que ma deliberation ne fut oncques de hanter telle manière de gens qui ont maintenant l’un en la bouche et maintenant l’autre, et en ceste manière il prend congé de son hoste, n’approuvant point ceux qui ont double langue, qui maintenant louent une chose, maintenant la blasment. ”

“ Parmy les fables des anciens poetes j’ay leu qu’une corneille se voyant esclose toute nue et sortie de la cocque sans plumes, eut tant de honte qu’elle s’en alla emprunter les plus belles plumes de chaque oyseau qu’elle peut rencontrer en particulier ; mais la malheureuse oubliant sa naturelle nudité, se mira dans toutes ces despouilles estrangeres avec tant de complaisance et de vanité, que l’orgueil luy enflant le courage, mesprisa tost après les parures naturelles des autres oyseaux du ciel. ”

“ Je scais bon gré a la garse milesienne, qui, voyant le philosophe Thales s’amuser continuellement a la contemplation de la voulte céleste, et tenir tousiours les yeulx eslevez contremont, lui meit en son passage quelque chose a le faire bruncher, pour l’adverlir qu’il seroit temps d’amuser son pensement aux choses qui estoient dans les nues, quand il auroit prouveu à celles qui estoient a ses pieds : elle lui conseilloit certes bien de regarder plustost a soy qu’au ciel ; car, comme dict Democritus, par la bouche de Ciceron :
Quod est ante pedes, nemo spectat : cœli scrutantur plagas. ”

“ Ung laboureur avoit plusieurs enfans, lesquelz avoient continuellement guerre entre eulx, et ne les povoit le dict pere apointer ne acorder ensemble. Pour laquelle chose faire il commanda que on lui apportast une grande quantité de boys, ouquel eust plusieurs verges et basions, ce qui luy fut aporté en la présence de ses dis enfans. Et tantost le dict pere mist tout le bois en ung faisseau et commanda a chascun de ses dis enfans qu’ilz levassent et ostassent, chascun a part soy, ledit faisseau du lieu ouquel il estoit, ce qu’ilz ne peurent faire pour la pesanteur de celuy. ”

“ « Ung jour entre les autres advint que ung pescheur alla en la mer en son basteau pour pescher, et apres qu’il eust getté ses instrumens et les raiz et engins en la mer, il pescha une petite suite ou alose marine, laquelle dist au dict pescheur : « Mon amy, je te prie et requiers, laisse moy aller ; considere que je suis petite et jeune encores et que tu ne peus pas avoir grant argent de moy, quant tu me auras vendue. Laisse-moy encore vivre jusques a ce que je soye plus grande et devenue beau saulmon, duquel tu pourras avoir grant argent et grand prouffit ». ”

“ Le dessus dict Apologue et fable veult innuer et donner a entendre que on doit éviter l’amitié de ceulx qui sont doubles et ambigus en parole, et desquelz la parole n’est pas pure et simple, ains dient maintenant de ung et tantost du contraire, car vraie amitié doit estre pure et simple, sans quelque contrarieté ne ambiguité. ”

“ Le loup, qui contre sa nature voulut exercer euvre de pitié et de charité et soy mesler de médecine, dit a l’asne qu’il levast le pié de derrière en hault, ce que fist le dist asne. Lors le loup se agenouilla et le plus doulcement qu’il peut, empoigna avec les dents le dict estoc et le tyra hors du pié au dit asne. ”

“ D’après l’auteur « cet insecte serait non seulement mesnager, laborieux, prudent, mais encore charitable, et servirait d’exemple à l’homme pour estudier à paix et à concorde ». (p. 549, édit. 1610.)
Comme naturaliste, La Fontaine est très-faible dans cette fable : la cigale ne se nourrit pas « de mouches et de vermisseaux », sans compter qu’elle meurt bien longtemps avant la venue de la bise. ”

“ Advint qu’iceux voyant qu’ils estoient toujours en travail continuel, pour nourrir le ventre, et que le ventre ne faisoit rien que se reposer et faire grand chere, aux despens et labeur des autres membres, et que s’il se vouloit remplir il falloit nécessairement qu’il travaillast comme eux, et de faict feirent entr’eux un monopole, qu’ils ne luy donneroient plus à manger. ”

“ Touttefois, avant que je meure, je te prie, ne me escondis pas une requeste, laquelle je te vueil présentement faire. Tire moy la pointe d’un estoc pointu qui m’est entré dedans le pié, afin que je puisse mourir plus aise sans endurer la paine et le tourment de la pointure de l’estoc. ”

“ Mes fils, tant comme vous vivres ensemble en paix, et que serés d’une niesme voulenté, nul ne vous pourra nuyre ne grever, ains serés invincibles et ne vous pourront vos ennemis esbranler ne mouvoir de vostre estat, nen plus que vous n’avés peu, chascun pour soy, lever le fardeau, lequel avés facilement defaict par parties. ”

“ Telle gens ainsi fourrez et emplumez, pour monstrer leur renardie, peult-on figurer au corbeau qui emprunte estranges plumes pour aller a une assemblée, et pour ce n’en fut-il oncques meilleur ni plus saige. ”

“ Ce gentil astronome Anaximène, lequel regardant une fois trop ententivement les étoilles, et levant le nez en l’air comme une truye aggravée, tomba a l’impourveu dedans une fosse, la ou il fut moqué d’une vieille qui le reprit de vouloir cognoistre ce qui estoit aux cieus, ne pouvant pas seulement voiries choses qui estoyent devant luy à ses pieds. ”

“ La cire d’un royaulme n’eut pas souffi a faire et payer les veuz lesquelz il donna aux dieux et déesses, se il leur plaisoit luy sauver la vie, et fut finablement contraint jetter en l’eaue toute sa marchandise. Et, n’eust esté la clémence et miséricorde des dieux marins Neptunus, Eolus, Triton et autres, lesquelz furent commeus a pitié par les veulx et promesses qu’il faisoit, a paine fust venue la nef toute vuyde a port de salut, ce qu’elle fist. ”

“ Advint un jour assés tost apres les dites injures, qu’il se sourdit un grant et merveilleux vent, par l’impulsion et vehemence duquel ledit Roseau fut agité et meu d’une part et d’autre sans ce touttefois qu’il fust en rien dommaigé, ains retournoit toujours en ung estat. ”

“ Le leoun prist un veel ; si dit à ses compaignons : « Amoi apent le tierz partie par raison de seignurie. L’autre partie a moy apent par ceo qe jeo le pris. Ore covient entre nous combatre pur la tierce partie. — Nenyl, » font les autres, chievere e poleyne, « le vostre seit entierment, sanz nul départir».
Ce n’est là qu’une bien maigre esquisse de la fable de La Fontaine, mais l’affabulation en est très curieuse :
Auxint est de plusours eirs, quant sont fetz executours lour piere, e ont pur compaignons deus simplez hommez de la ville. ”

“ Iceluy jouvenceau, considérant la beauté de la dicte chate, disoit à soy mesmes : « Je vouldroye que j’eusse une aussi belle femme que tu es belle chate, » et luy estant en ceste penser et ardeur de luxure, fist une prière a la déesse Venus, mère de Cupido. dieu d"Amors, qu’il lui pleust muer sa dicte chate en une belle jeune pucelle affin qu’il peust avoir sa compaignie et estaindre l’ardeur dessus dicte. ”

“ Un leon vout jadis reposer, e un sorice vient e le esveilla. Lors dit le leon al sorice : « A poy qe jeo ne te tue ! — Ceo serreit » fet l’antre « petit pruesce quant a vous. — Veire, » fet le leon « Va-t-en de ci : pardonee seit » ! Le sorice s’en va e le leon dormy. L’endemeyn tiel cas avynt que le leon fut pris en un fosse : vynt la sorice e le trova guaymentant et piteousement pleignant. Lors dit la sorice : « Vous me feistez curtesyc; e jeo vous saverai vostre vie ». Et assembla ses compaignons, et rongerent les cordez de la reye dont la fosse fust covert. ”

“ Ce dessus dict Apologue, fable ou facecie, quant au sens moral veult donner a entendre a chascun homme prudent qu’il regarde bien soigneusement quant il se associera ou accompagnera avecques aucun pour quelque chose faire, que celuy avec lequel il se accompaignera ne le déçoive, en regardant la fin de l’entreprinse et la sortie de la chose avant que le faire ne entreprendre. ”

“ Le gopil passa desouz un roche, si garda amont e vist un columbe seer en haut, vers ki le gopil dit : « Mout plus beal vous serreit ici aval entre les bestes giwer en la lande, qe de seer amont entre les freides pierres. — « Veire, » fet l’autre « vous ne estez pas touz mes freres, ne jeo ne m’affye pas en vous. — Si poez » dit le gopil « tut surement : les lettres sont venuz de la court le roy qe touz serroms de un acord, e nul ne fra grevance a autre desornemès. » A ceo vynt un chivaler od quatre levererz suantz. ”

“ Ung homme par sa diligence fist tant qu’il acquist l’amour d’un dieu champestre nommé Satyrus, et ung jour estoientles dis amis, Satyrus et l’Omme ensemble a table, ou ilz faisoient bonne chiere et ou ilz furent longuement tant que le dessus dict homme, amy du dict Satyrus, pour raison de la froidure qu'il faisoit, eust froit aux mains et a ceste cause approucha ses dites mains a sa bouche pour icelles eschauffer de son alayne. ”

“ Cette fable qui semble avoir pour origine un conte oriental se rencontre en français dès le XIIIe siècle :
Un homme vynt jadis chivauhaunt son asne del marchee e son fitz lui suist a piee. Et de ceo fus juggé des uns qe passèrent par le voye. Quant il les oy, il voleit eschure lur parlaunce : si descendi : « Montez, fet-il a son fitz, et jeo m’en irray a piee ». Mès rien ne lui valust, qar tantost fust des autres juggee. La tierz manere vont assaier, e fist son fitz descendre e amena le asne en sa meyn. ”

“ Apres ce qu’ilz eurent parfaitement estaint leur soif, le chevreau se print a regarder contremont et considérer la maniere comment ilz sortiraient du dit puys, ce que le regnart apperceut assez clerement, car sa nature est d’estre toujours cault et subtil. ”

“ « O teste, tant tu as esté faicte par grand sens et exquise subtilité de engin humain, tant tu es décorée et embelie par subtil artifice, et touttefois il n’y a point de sens en toy de utilité ni de prouffit ».
Sens moral. — ... Beauté exteriore, artificielle ou naturelle ne vault se on n’a quelque science ou vertu en sa pensee interiore .
(Guill. Tardif, Apol. de Laurent Valla, 183, Marchessou.)
Sonnet de Gourval dans les Exercices de ce temps (T. II, sat. 10) a mis en vers cette fable ésopique ”

“ Le lou et le moton laverent lur pieez en ewe corant. Lors dit le lou [au motoun] : « Vous avez trublee le ewe que fust avant si clier. — « Nenil, » dit l’autre ; « [ceo ne put estre en nule manere] ; vous estez amont de moy, dount vostre lavure descent a moy. — Veir ! ribaud, » fet l’autre, « me avez respondu en tiel manere ? e te mesderrai : vous verretz tost ceo que jeo frai. » Et hape le moton a lui e son mantel lui tolly.
(Nicole Bozon, Contes moralisés, 67, A. T.)
V. 1. — La raison du plus fort est toujours la meilleure.
Autrement dit : « La force prime le droit. » ”

“ « Ore ne say, » fet lui penseant « en autre manere assayer e lange de foux eschaper, si jeo ne pusse le asne sur mon dos porter. Maudit seit » fet-il « qepur lur emparlance force ne fra ! Dye chascun ceo qe il vodera ».
(Nicole Bozon, Contes moralisés, 158, A. T.)
Huet le savant évêque d’Avranches a traduit cette fable en hexamètres latins, sans doute fort peu de temps après l’apparition du premier volume de La Fontaine. ”