François Rabelais

“ Avant les ouvrir, Panurge dist à Pantagruel : « Le coeur me bat dedans le corps comme une mitaine. Touchez un peu mon pouls en ceste artere du bras gauche : à sa fréquence & élévation vous diriez qu'on me pelaude en tentative de Sorbonne. Seriez vous poinct d'advis, avant procéder oultre, que invocquions Hercules & les déesses Tenites, lesquelles on dit présider en la chambre des sors ? Ne l'un, respondit Pantagruel, ne les aultres. Ouvrez seulement avec l'ongle. » ”

“ Panurge, de ce fasché, leva le poing pour frapper le mut : mais il révéra la presence de Pantagruel & se retint. Alors dist Pantagruel : « Si les signes vous faschent, ô quant vous fascheront les choses signifiées ! Tout vray à tout vray consonne. Le mut prétend & dénoté que serez marié, coqu, battu, & desrobbé. – Le mariage, dist Panurge, je concede, je nie le demourant. Et vous prie me faire ce bien de croire que jamais homme n'eut en femme & en chevaulx heur tel que m'est predestiné. » ”

“ Voicy, dist Panurge, un notable chapitre, & glose fort authentique : est ce tout ce que vouloit prétendre le mot de la Bouteille trimegiste ? J'en suis bien, vrayement. – Rien plus, respondit Bacbuc, car Trinc est un mot panomphée, célébré & entendu de toutes nations, & nous signifie : Beuvez. Vous dictes en vostre monde que sac est vocable commun en toute langue, & à bon droit, & justement de toutes nations receu. Car comme est l'apologue d'Esope, tous humains naissent un sac au col, souffreteux par nature, & mendians l'un de l'autre. ”

“ OULEZ vous, dist Pantagruel, maintenir que la braguette est pièce première de harnois militaire ? C'est doctrine moult paradoxe & nouvelle. Car nous disons que par esperons on commence soy armer. – Je le maintiens, respondit Panurge, & non à tort je le maintiens. Voyez comment nature, voulant les plantes, arbres, arbrisseaulx, herbes & zoophytes une fois par elle créés, perpétuer & durer en toute succession de temps, sans jamais dépérir les especes, encores que les
individus perissent, curieusement arma leurs germes & semences, esquelles consiste icelle perpetuité ”

“ Je, dist Picrochole, le prendray à mercy. – Voire, dirent ilz, pourveu qu'il se face baptiser. Et oppugnerez les royaumes de Tunic, de Hippes, Argière, Bone, Corone, hardiment toute Barbarie. Passant oultre, retiendrez en vostre main Maiorque, Minorque, Sardaine, Corsicque, & aultres isles de la mer Ligusticque & Baléare. Costoyant à gauche, dominerez toute la Gaule Narbonique, Provence, & Allobroges, Genes, Florence, Luques, & à Dieu seas Rome. Le pauvre monsieur du pape meurt desja de peur. – Par ma foy, dist Picrochole, je ne luy baiseray ja sa pantoufle. ”

“ Il faut ajouter que c'est à Lyon précisément qu'on n'aurait pas dû placer le lieu de cette prétendue mystification, car Rabelais y avait ses libraires qui, à cette époque, réimprimaient sans cesse Gargantua & Pantagruel ; il y avait de nombreux amis ; il n'eût pas été embarrassé de trouver de quoi continuer son voyage.
Il vint à Paris où était le cardinal. L'orage que Rabelais avait pu voir s'amonceler à Rome éclata sur la France. ”

“ Alors dist Pantagruel : ce Tout beau, mon amy, tout beau ; parlez à traict & sans cholere. J'entends le cas ; poursuivez. – Vrayement, dist le seigneur de Baisecul, c'est bien ce que l'on dit qu'il fait bon adviser aucunesfois les gens, car un homme advisé en vault deux. ”

“ Mais, dist le moine, le service du vin, faisons tant qu'il ne soit troublé ; car vous mesmes, monsieur le prieur, aimez boire du meilleur ; si faict tout homme de bien. Jamais homme noble ne hayst le bon vin ; c'est un apophthegme monachal. Mais ces responds que chantez icy ne sont, par Dieu, poinct de saison. ”

“ Maintenant, tel est nostre bon frere Jean. Pourtant chascun le souhaite en sa compaignie. Il n'est poinct bigot, il n'est poinct dessiré ; il est honneste, joyeulx, délibéré, bon compaignon. Il travaille, il labeure, il defent les opprimés, il conforte les affligés, il subvient ès souffreteux, il garde le clos de l'abbaye. – Je fais, dit le moine, bien davantaige. Car, en depeschant nos matines & anniversaires au coeur, ensemble je fais des chordes d'arbaleste, je polis des matras & garrotz ; je fais des retz & des poches à prendre les connis. Jamais je ne suis oisif. ”

“ Mais parce que, selon le sage Salomon, sapience n'entre point en ame malivole, & science sans conscience n'est que ruine de l'ame, il te convient servir, aimer, & craindre Dieu, & en luy mettre toutes tes pensées & tout ton espoir ; &, par foy formée de charité, estre à luy adjoinct, en sorte que jamais n'en sois desemparé par péché. Aye suspectz les abus du monde. Ne metz ton coeur à vanité : car ceste vie est transitoire, mais la parole de Dieu demeure eternellement. Sois serviable à tous tes prochains, & les aime comme toy mesmes. ”

“ Et m'esbahis si vostre roy les laisse prescher par son royaume telz scandales. Car plus sont à punir que ceux qui par art magique ou aultre engin auroient mis la peste par le pays. La peste ne tue que le corps, mais telz imposteurs empoisonnent les ames. ”

“ Ce n'est que miel, ce n'est que sucre, ce n'est que manne celeste de tout ce qu'est en vous. C'estoit à vous à qui Paris devoit adjuger la pomme d'or, non à Venus, non, ny à Juno, ny à Minerve : car onques n'y eut tant de magnificence en Juno, tant de prudence en Minerve, tant d'elegance en Venus, comme il y a en vous. O dieux & déesses celestes ! que heureux sera celuy à qui ferez celle grace de ceste cy accoler, de la baiser & de frotter son lart avec elle ! Par Dieu, ce sera moy, je le voy bien, car desja elle m'aime tout à plein, je le cognoy & suis à ce prédestiné des phées. ”

“ Quand je dis femme, je dis un sexe tant fragil, tant variable, tant muable, tant inconstant & imperfaict, que nature me semble (parlant en tout honneur & reverence) s'estre esgarée de ce bon sens, par lequel elle avoit créé & formé toutes choses, quand elle a basty la femme. Et, y ayant pensé cent & cinq cens fois, ne sçay à quoy m'en resouldre, sinon que, forgeant la femme, elle a eu esgard à la sociale délectation de l'homme, & à la perpétuité de l'espece humaine, beaucoup plus qu'à la perfection de l'individuale muliebrité. ”

“ Veu qu'il est le nostre Tout, tout ce que vivons, tout ce que avons, tout ce que esperons est luy, en luy, de luy, par luy. C'est le bon Pan, le grand pasteur, qui, comme atteste le bergier passionné Corydon, non seulement a en amour & affection ses brebis, mais aussi ses bergiers. A la mort duquel furent plaincts, souspirs, effroiz & lamentations en toute la machine de l'univers, cieulx, terre, mer, enfers. A ceste mienne interprétation compete le temps. Car cestuy très bon, très grand Pan, nostre unique Servateur, mourut lez Hiérusalem, régnant en Rome Tibere Caesar. ”

“ C'estoit à dire que tant grande leur sembloit la perplexité & obscurité de la matière, qu'ilz ne sçavoient qu'en dire ne juger. Qui eust décidé le cas au sort des dez, il n'eust erré, advint ce que pourroit. Si contre la femme, elle meritoit punition, veu qu'elle avoit faict la vengeance de soy, laquelle appartenoit à justice. Si pour la femme, elle sembloit avoir eu cause de douleur atroce. Mais, en Bridoye, la continuation de tant d'années m'estonne.
– Je ne sçaurois, respondit Epistemon, à vostre demande categoricquement respondre. Force est que le confesse. ”

“ Je n'iray pas voluntiers. La chose est illicite & defendue en la loy de Moses. – Nous, dist Pantagruel, ne sommes mie Juifz, & n'est chose confessée ne averée qu'elle soit sorcière. Remettons à vostre retour le grabeau & belutement de ces matières. Que sçavons nous si c'est une unziesme sibylle, une seconde Cassandre ? Et, ores que sibylle ne fust, & de sibylle ne meritast le nom, quel interest encourrez vous, avec elle conférant de vostre perplexité, entendu mesmement qu'elle
est en existimation de plus sçavoir, plus entendre que ne porte l'usance ne du pays, ne du sexe ? ”

“ Le filz hardy ne craindra l'impropere De se bander contre son propre pere. Mesmes les grands, de noble lieu saillis, De leurs subjects se verront assaillis ; Et le devoir d'honneur & reverence Perdra pour lors tout ordre & difference. Car ilz diront que chascun en son tour Doibt aller hault, & puis faire retour. Et sur ce poinct aura tant de meslées, Tant de discords, venues & allées, Que nulle histoire, où sont les grands merveilles, Ne fait récit d'esmotions pareilles. ”

“ Je t'entends, respondit frere Jean : ceste métaphore est extraicte de la marmite claustrale. Le laboureur, c'est le boeuf qui laboure, ou a labouré : à neuf leçons, c'est à dire cuict à perfection. Car les bons peres de religion, par certaine caballisticque institution des anciens, non escrite, mais baillée de main en main, soy levans, de mon temps, pour matines, faisoient certains préambules notables avant entrer en l'église. ”

“ Chascun abonde en son sens, mesmement en choses foraines, externes & indifférentes ; lesquelles de soy ne sont bonnes ne mauvaises, pource qu'elles ne sortent de nos coeurs & pensées, qui est l'officine de tout bien & tout mal : bien, si bonne est & par l'esprit monde reiglée l'affection ; mal, si, hors equité, par l'esprit maling est l'affection depravée. Seulement me deplaist la nouveaulté & mespris du commun usaige. ”

“ Car nature eust peu mettre nos testes aux genoulx, ou aux coubdes : mais, ordonnant les yeulx pour descouvrir au loing, les fixa en la teste comme en un baston, au plus hault du corps : comme nous voyons les phares & haultes tours sus les havres de mer estre érigées, pour de loing estre veue la lanterne. Et, pource que je voudrois quelque espace de temps, un an pour le moins, respirer de l'art militaire, c'est à dire me marier, je ne porte plus braguette, ne par conséquent hault de chausses. Car la braguette est première pièce de harnois, pour armer lhomme de guerre. ”

“ Le pourpoint, de drap d'or, d'argent, de velours, satin, damas, tafetas, de mesmes couleurs, deschiquetés, brodés & accoustrés en paragon. Les aguillettes, de soye de mesmes couleurs ; les fers, d'or bien esmaillés. Les sayes & chamarres, de drap d'or, toille d'or, drap d'argent, velours porfilé à plaisir. Les robes, autant precieuses comme des dames. Les ceinctures, de soye, des couleurs du pourpoint : chascun la belle espée au costé ; la poignée dorée, le fourreau de velours de la couleur des chausses, le bout d'or & d'orfevrerie. Le poignart de mesmes. ”

“ « Dieu gard de mal, disoit il, le compaignon à qui la longue braguette a saulvé la vie ! Dieu gard de mal à qui la longue braguette a valu pour un jour cent soixante mille & neuf escus ! Dieu gard de mal qui, par sa longue braguette, a saulvé toute une ville de mourir de faim ! Et, par Dieu, je feray un livre de la commodité des longues braguettes, quand j'auray un peu plus de loysir. » De faict, en composa un beau & grand livre, avec les figures ; mais il n'est encores imprimé, que je saiche. ”

“ Je suis d'advis que, dimanche, nous ayons icy à disner un théologien, un medicin, & un jurisconsulte. Avec eux ensemble nous conférerons de vostre perplexité. – Par sainct Picault, respondit Panurge, nous ne ferons rien qui vaille, je le voy desja bien. Et voyez comment le monde est vistempenardé. Nous baillons en garde nos ames aux théologiens, lesquelz pour la plus part sont heretiques ; nos corps aux medicins, qui tous abhorrent les medicamens, jamais ne prennent medicine ; & nos biens ès advocatz, qui n'ont jamais procès ensemble.
– Vous parlez en courtisan, dist Pantagruel. ”