Jean-Arnaud Bruneau de Rivedoux

“ Car je croy certainement que vous estes tres resolu de la providence de Dieu, qui gouverne toutes choses, depuis les plus grrandes jusques aux plus petites, Que rien n'advient ni ne se fait qu'il ne le sache & ne le permette, faisant tourner le tout à sa gloire, comme aussi toutes choses tournent en bien à ceux qui le craignent. ”

“ Certes il faut consesser avec le Psalmiste que l'homme n'ap point veu les merveilles du Dieu Vivant, qui n'a veu les furieuses tempestes de la mer : & qu'entre tous les perils qui passent les humains en ce miserable monde, aucun n'approchent de ceux que voient les mariniers en leurs voiages. Et pour la fin, apres tant de perils eschappez sur la mer par les povres mariniers pres d’approcher de leur havre, il ne faut qu’un escueil, un ban de sable, ou de roche, ou le navire ira aborder, pour perdre navire, equipage, richesses & marchandises y estans. ”

“ I'ay veu autresfois la mer grande, mais je ne pense point avoir veu en jour de ma vie les vagues si impetueuses à ladite coste ; le long de laquelle il fut sauvé quelque partie du vin qui estoit esdits navires, & quelque piece d'iceux que la mer y jettoit à la peine & au travait du peuple, qui s'y employoit, dont la coste estoit toute garnie, afin d'aider aux povres maistres desdits navires, qui voyoient devant eux les perdre, & leurs marchandises, sans y pouvoir remedier : bien heureux neantmoins d'avoir sauvé les personnes au milieu d'un si dangereux naufrage. ”

“ IL est certain qu'entre les dangers qui se rencontrent au passage de ceste vie humaine, il n’y en a point de tels, de pareils, ni de si frequents & ordinaires, que ceux qui arrivent & aviennent aux hommes qui frequentent la navigation de la mer ”

“ Car la baleine blessee se jette sous l'eau de telle furie & d'une telle roideur, que quelquesfois l'on à veu perir des chalupes emmenees avec elle, ou ouvertes à la mer, qui faisoit perir l'equipage : puis revenuë sur l'eau, jette un tel fumeau, que c'est chose incroyable du bruit qu'elle meine, & de l'eau qu'elle jette par la gueule : de façon qu'eschappant aux chasseurs, le plus souvent elle va mourir à la mer, laquelle puis apres la jette aux costes ou le vent bat. ”

“ Les prisonniers de guerres qu'ils font sur les Espagnols ou Portugais, ou autres sauvages leurs ennemis, sont mangez sans remission par plusieurs vilages tous assemblez en festin solennel, lors quand il plaist a ceux de qui il est prisonnier. Et si d'aventure c'est un sauvage, celui qui l'a prins l'aiãt amené, le mariera & le gardera quelquefois sept, huict, dix & douze ans sans en faire aucune garde, & qu'il aura eu des enfans de la femme qu'il luy aura donnee, sans que le prisonnier se mette en aucun devoir de se sauver, quoy qu'il sache bien qu'a la fin il sera tué & mangé ”

“ Car icelui esãt renversé, voila tout ce peuple à la mer, sans qu’il se presentast aucun recours pour leur assister, combien qu’il y en eut qui furent une grande heure sur l’eau nageans premier qu’aller au fonds : mais à la fin vaincus du travail, leur fut force de ceder à la mort rapineuse, sans qu’il se sauvast aucun des vingt cinq passagers, ne des mariniers, que un des mariniers, qui ayant demouré plus d’une heure & demie sur l’eau, en fin fut prins par quelque bateau qui passa par là & amené à terre ; ou il fut longue espace de temps sans respirer, & puis remis. ”

“ Le jour venu, le Capitaine Mesmin vid sa prinse sur la roche, desia renversee de costé, sans aucun moyen de la sauver, les mariniers qui estoient dedans tous sur le costé dudit navire, qui esperoient que leur Capitaine ne les voudroit abandonner en si eminent peril, mais au contraire qu'il envoieroit une chalupe pour les retirer. Sur cet incertain & surseance, il y eut douze hommes de l'equipage de la dite prinse qui au deceu des autres furent si subtils qu'il s'emparerent du batteau d'icielle prinse qu'ils avoient desia desengage du vavire ”

“ Mais la puissance de celuy qui conduit l’ordre de ce monde, nous faisanr voir si souvent des effects de sa grandeur, est suffisante à nous faire croire, non seulemenr de transporter des navires de mer en terre, mais de changer les montagnes de lieu en autre: & d’assembler dans le premier cahos tout cet univers. ”

“ Des-lors en faveur dudit marché voila le Portugais qui conduit tellement ses parties, qu'il les meine devant une isle nommee la Lugane, près de laquelle & jusqu'à terre il y avoit un navire de sept à huict-vingts tõneaux, chargé de sucre cuirs & caffe, dans lequel paroissait nombre d'hommes qui ne faisoient plus que minuter le jour de leur retour ; qu'il leur montra & leur dit que c'estoit à eux de se mettre en devoir de se rendre maistres dudit navire suffisant pour les faire riches. ”

“ Qui leur veut faire plaisir, il faut les asseurer que l'on à tué beaucoup d'Espagnols & Portugais, en prenant du sable, & le versant devant eux, pour faire croire que le nombre est infiny. Car toute leur arithmetique ne passe pas les dix doigts de la main, lesquels apres avoir contez les uns apres les autres, s'il y a quelque plus grand nombre, prenent du sable en la main & le versent : ou bien s'il y a grãd nombre en prendront dans les deux mains. ”

“ Qu'ainsi ne soit j'ay veu par plusieurs fois apres quelque naufrage fait a la mer, de là a quelques jours voir arriver sur les costes plusieurs corps morts, & non seulemẽt des hommes, mais mesmes des poissons des plus grands qui s'y nourrissent, comme j'ay veu y apporter la mer une baleine. Et à ce propos je croy qu'il n'y aura point d'inconvenient que je vous raconte icy la venue d'une baleine à la coste de l'isle de Ré, d'autant que peut estre ceux qui pouront lire ce discours n’ont point oui parler au vrai de ce monstre marin, pour n’estre avoisinez des costes de la mer. ”

“ Car c'est un maxime en matiere de guerre de mer, que fi un navire fait prinse ; & que un autre faisãt le mesme mestier se trouve à la veue, quoy qu'il n'y ait nulle association, soit qu'il n'y cõbatte point, il ne laisserai pour cela de participer au butin selon le port & grandeur de son navire. ”

“ Au temps & a la saison de vandanges, & quelque peu auparavant qu’il faille couper les raisns qui sont par les vignes, dont il y a abondance en l’ise de Ré, peu de temps pour la moisson : en ce peuple, dije, il passe en ladite ise une si grande quãtité de peuple tant du Poictou, Gouvernement de la Rochelle, que Xainctonge, que c'est chose incroyable d'en voir la multitude a qui ne l'a veu : tellement que c'est lors que les bateliers & supposts d' Achecron ont le tẽps, pour la presse qu'ils ont à passer les corps & ames d'une terre a l'autre pour le fervice de Bach. ”

“ Ainsi donc cestui-cy leur ayant remõstré que ce n'estoit plus le temps de faire de cõplaintes inutiles en l'air veu qu'il n'y avoit personne qui leur en peust faire raison : que c'estoit desormais à Dieu à qui il se faloit adresser par oraisons & prières affectionnees d'avoir pitié d'eux : & msme de reprendre courage de rehercher tous les moyes dont l'on se pouroit adviseser à les sauver de ce naufrage, & non pas s'arrester en ces pleurs & gemissement, qui ne servoiẽt qu'à leur les effiminer. ”

“ Car de chacun costé de la gueule, elle a une tres-grande quantité desdits barbillons qui font longs de plus de cinq ou six pieds, & larges en la racine d'un bon demy pied, qui luy sert de moyen pour battre le petit poisson lors qu'elle le trouve a mouee, & l'attirer dedans sa gueule. Si est ce pourtant que c'estoit une grande puanteur d'estre aupres d'elle : soit que cela fust cause du long temps qu'il y avoit qu'elle estoit morte, ou bien naturellement elle soit ainsi infecte. ”

“ Savoir si ce marinier, qui estoit l'un des chefs du bateau, ne meritoit pas d'estre pendu apres qu'il fut revenu à soi. veu que de sa folie & temerité, tant d'honnestes gens estoient peris. Quant à moi je croi que sçeust esté justice, veu que de sa meschanceté & des autres ce naufrage estoit arrivé & de povres gens, qui avoyent comme leurs vie entre leurs mains. Touresfois si a-il vescu depuis longtemps, sans qu’il ait esté recerché de personne. ”

“ Par ainsi, foixante six personnes peries, englouties au fonds de la mer, par le moyen de ce naufrage qui apporta par quelque espace de temps une merveilleuse frayeur aux habitans de l'isle, à mesure qu'il leur convenoit monter sur mer. Mais comme ils sont accomparez aux femmes qui en leurs enfantemens promettent & jurent ne retomber jamais en pareils maux : leur espouvante ne dura que trois jours, & puis apres passerent aussi librement & avec aussi peu de souci des coups de vẽt ne de mer qu'auparavant. ”

“ C'est qu'encore que vous eussiez les pieds chaussez dedans des bas de chausses, un escarpin & de mules dessus, cela ne peut empescher qu'il ne se loge sous la plante du pied, un ver gros comme un gros grain de froment, lequel a mesure que vous le sentez, incontinent faut le faire tirer, autrement en danger de perdre le pied ; a quoy les Bresiliens font tellement accoustumez coustumez qu'ils n'en font aucun estat : & sans que les François sont assistez des filles que l'on leur donne pour les servir, plusieurs y laisseroient les jambes. ”

“ Ledit Cap est un lieu & endroit ou touts les navires venãs des Canibales ou de la terre ferme du Perou se viennent rader pour se rafraifchir d'eaux, & de tortues qui y font d'extreme grandeur, & en grand quantité pour de là aller cacher là Avane qui est u ne isle ou tous navires võt païer la douane ou tribut du Roi d'Espagne, qui est a quelque douze lieues du cap, pour dudit lieu de la Avane aller sortir par le Canal de basme cercher les vents d'aval, pour les retourner en Espagne. Car en tous voyages allant jusques là, il ne se trouve que vẽts d'amont ”

“ Le tout consideré cõclusion est prinse de retenir le navire ; & non seulement le navire, mais le pilote d'icelui, qui fut recogneu par quelqu'un d'estre vn habile pilote & suffisant pour la navigation de ces costes du Perou ; dequoi le Signor Portugais aiant receu l'advertissemẽt pensa desesperer pour avoir esté si vilainemẽt trompé de son intention : & de rage & despit en print un tel mal au cœur, qu'il en pẽsa mourir, demourãt quatre jours dans ledict navire sans vouloir boire ny manger, quelque prière que luy en fissẽt les nouveaux possesseurs ”

“ Ladite fregate estant attachee d'assez loin à une corde de la galliotte, les hommes d’icelle jettoient quantité de cette cassive & patades aux nostres qui en recompense leur donnoient du pain, du vin, & quelque couteaux ; essaiant quelquefois de tirer la corde pour les approcher plus pres d'eux : mais s’en appercevans ces tritons quittoiẽt la corde, aimãs mieux faire jetter un homme à la mer pour prendre ce que l'on leur donnoit, que non pas demeurer attachez. ”

“ Lui n'esperant point autre issue de ce mal que le moyen qu'en prenoyent les autres, ne savoit (cõme l'on dit) à quel saint se vouer si ce n'estoit le tout puissãt qu'il implora à ce besoing : lequel l'ayant ouy, le demesle de telle façõ de ceste multitude effroiable, qu'il le rameine sur l'eau, vivant ou il ne s'espargna de continuer son exercice manuel & corporel, avec lequel il demeura sur l'eau deux heures & plus, premier que d'estre sauvé. ”

“ Finalement lors qu'il plaira au premier de faire festin a tous ses voisins, il les fera advertir du jour de la solennité, ou tous se trouverõt quelquesfois iusques au nombre de deux & trois mille personnes, dequoy le prisonnier sera tres bien adverty, qui n'en fait que rire sur l'asseurance qu'il prend d'aller en un autre pays fertil en toutes sortes de fruicts : d'ailleurs qu'il a tant d'amis en son pays, que pour venger sa mort ils en feront mourir cinquante. ”

“ Le vent estant revenu bon, & eux preparez, sortẽt du cap de Vert, & font la route du Bresil, efloigné de quatre cens quatre vingt lieues : ou arrivez qu’ils sont, & a la coste d’icelui, prindrent un petit carvelin chargé de meuillets, & d’autre poisson paré. & apres l’avoir deschargé, le Capitaine Trepaigné fut d'avis de l'equiper en guerre, & lui-mesme avec sa patache courir le long de la coste dudit Bresil, pour voir s'il pourroit faire quelque rencontre pẽdant que ces deux navires se promeneroiẽt a la mer a deux & trois lieues de la coste. ”

“ Finalement il leur remit tellement le courage au ventre avec l'asseurance qu'il leur donnoit, que Dieu leur assisteroit pour leur delivrance ; qu'au lieu de leurs pleurs & regrets, chacun cõmença à mettre la main à la besongne pour bastire du bris & fragments du navire un Cageux ou Rat, ainsi qu'aucuns apellent, pour estãts mis dessus, ils peussent aller a terre. ”

“ La plus grande commodité qu'il trouva pour luy ayder contre la violẽce du froid, c'estoit qu'il se mettoit dans son bateau tout couché dedans l'eau, ou il ne paroissoit que la teste, & lors il ne sentoit tant la rigueur du froid qu'autrement luy estoit insupportable. Vous ne scauriez croire le peuple qui venoit voir ce povre homme a son retour : la pluspart duquel tenoiẽt pour un miracle de le voir retourné vivant, veu le peril qu'il avoit passé. ”

“ Voila qui me l’a fait juger digne d’estre mis en lumière, tant pour la gloire de Dieu, que pour l'instruction de tous ceux qui desirent de profiter es chastimens, & jugemens que le Seigneur exerce en ce monde pour humilier les hommes soubs son obeissance. ”

“ Nous laissõs donc le navire de guerre retourner en France, & reviendrons à nos povres malautruts, lesquels ne pouvans assez blasmer la déloyauté de leur Capitaine & compagnons, ne se mettoient dedans la fantasie ny au courage aucune invention, ne aucune volonté d'essayer à se titer de là ; & avec ces pleurs & lamentations passerent sur le costé dudit navire, attendant ce que fait un criminel jugé à la mort, qui est l'heure de l'execution. Car de pouvoir aller trois grands lieues à la nage jusques à terre, il estoit mal aisé ”

“ En ceste misere donc chacun de ces povres miserables se mit en devoir pour se sustanter, allant au bas de l’eau, quant tla mer s'en alloit, pescher quelques coquillages, comme jambles, sourdons, & autres especes dont ils mangeoient tout cru, sans pain ni aucun bruvage, n'ayant pour tout hebergement nocturne que la voute du ciel ”

“ Or s’il y a homme de nostre siecle qui ait experimenté & expérimeñté tous les jours la vérité de ceste maxime, il faut que je confesse avec verité que c’est vous, Monseigneur, comme il appert par les traverses oppositions que sont à vos actions & faits louables pour la gloire de Dieu, vos envieux, calomniatieurs, & ennemis non seulemēt de vous, mais aussi de l'Eglise de Dieu : laquelle vous taschez d'édiffier par vos saints escrits,& eux de la ruiner pour soustenir leur Confusion par leurs escrits pleins de faussetez. ”