Jean de Haynin

“ Le sieur de Bruelle avoit prins un prisonnier qui luy avoit donné sa foy et son gantelet , et desja offert dix mille escus pour sa rançon ; mais il luy arracha des mains, et le tua. La vaillantise dudict comte de Charrolois causa ce recouvrement, qui autrement avoit perdu celle journée, qui luy est tournée tant victorieuse, et en laquelle il n'a perdu nul prince ny seigneur de grand estât, et bien peu de ses gens outre ceux qui furent tuez devant arriver au charroy; car les François furent si empeschez à piller qu'ils ne pensoient point à leurs en= nemis. ”

“ Lesquelles nouvelles venues à monseigneur de Bour= goigne qui estoit auprès de Noyon campé; il feust esbahy merveilleusement de ce peuple qui par trois fois avoit veu sa puyssance, et avoit esté tellement chastyé qu'il debvroit bien à raison le redoubter et arrière penser. Or peu auparavant le chastelain de Namur avoit prins ung messagier liégeois allant vers le roy avec lettres de crédence, par lequel l'on entendist l'entreprinse des Liégeois, et qu'ils n'attendoient sinon certation du jour qu'ilz debvroient à toutes forces
encommencher la guerre contre le duc de Bourgoigne. ”

“ A ce jour et à ceste besongne Lyon d'Avelin portoit l'estendart, et estoit d'entreprise dangereuse pour estre loing du. camp et de secours, et en pays incogneu et montaigneux, et auquel souvent ne peut aller sinon un homme de front, dont la retraitte feust esté fort hazardeuse, si les ennemis les eussent poursuivis ; dont plusieurs dirent que l'on estoit eschappé à bon marché. La nuict Sainct-Simon et Sainct-Jude, le duc alla mettre le siège devant Saintron ; et eut le sieur de Ravestain l'avant-garde, en laquelle on comptoit environ huict cents lances et bien vingt mille hommes. ”

“ Miramont fut logé en la maison d'ung Lombard, où il eut très-grand gaignage. Mondict sieur de Charrolois avoit donné à monsieur de Fiennes Henri de Huy, son hoste, son fils et l'hostel avec les biens y estants, mais ledict Henry de Huy et son fils luy furent destournez par autres, et mis hors la voye; ne sçay s'il les r eut. Le vingt-huictième jour d'aoust, fut publié à son de trompette par le comte de Charrolois, que toutes femmes estants dedans Dynant eussent à sortir hors les portes dudict Dynant devant soleil couchez. ”

“ Le lundy, monseigneur le duc fut le vingt-sixiesme venant au pas, et avoit treize couvertes, la sienne de velour cramoisy chargée d'orfaiverie d'or et treillie ; la seconde de drap d'or gris de feuilles et de chiffres ; la troisiesme géron= née d'orfaiverie dorée et de brodure ; la quatriesme de drap d'or ciamoisy ; la cinquiesme d'orfaiverie pareille à la troi= siesme ; la sixiesme de velour cramoisy chargée de fusilz de brodure d'or. Les autres aussi riches et belles ”

“ Puys alla par les bois luy-mesme à pied et à cheval poursuyvre lesdictz fugitifz, et les trouvant mit à l'espée, et brusla toutes les huttes qu'ilz avoient dressées par lesdictz bois. Il faisoit hideusement froid, et plusieurs des archers eurent les ongles de leurs piedz engelez. Le duc retourna dudict Franchimont par Huy, et en chemin manda à ceux de Mésièrcs qu'ilz lui envoyassent Madolet, qui s'estoit illec sauvé : ce que ceux de Mésières n'osérent refuser. ”

“ Bourgoigne, mère de monseigneur le duc Charles, alla devers elle à l'Escluse, accompagnée de monsieur de Raves= tain, de monsieur Jacques de Luxembourg, sieur deRiche= bourg et de Savignie, de monsieur de Fiennes, et d'autres chevaliers et escuyers; et s'en retourna madicte dame ledict jour à Bruges. Lendemain monseigneur le duc alla à pieddisner au chasteau de l'Escluse, et y entra par la porte de derrière ; et vers le soir alla à la ville au logis où ma dicte dame Margriete estoit logée, et feust la première fois qu'il l'avoit oncques veue, et y alla luy septième ou huic= tième au plus haut ”

“ Mais ce feut à très-grand peine : et pour ce que à tournoyer tout ensemble, la cattefoulle' estoit trop grande, et pooit-on à grand paine veoir qui faisoit le mieulx, monseigneur le duc les fit arrière remectre en bataille les uns à l'encontre des autres, et là endroict il en appelloit ou faisoit appeller ung d'ung costé et ung d'autre, et là tournoyèrent et se battirent très-bien, et bon espace. ”

“ L'entrepreneur eust sa huictiesme couverte de satyn noir à un peu d'orfai= vcrie blanche, et rompit neuf lances, et ledict sieur de la Ferté dix. Ce jour là, pour entremetz, eust Hercules ravis= sant les beufz de Géryon, et Cacus qui les embloit par après audict Hercules, et au dernier le recouvrement desdicts beufz, et la mort de Cacus. Item la chasse du porc-sengier tué par ledict Hercules. Le jeudy monseigneur le duc feust accoustré d'orfaiverie d'or, et madame de
cramoisy, et feust celluy jour le comte de Saumes, le 12 :me venant au pas, et eust deux couvertes ”

“ Et luy= mesmes alla à Huy peu de jours ensuivantz. Ledict messire Raes avoit guères auparavant marié sa fille au filz du sieur de Monso 1. Ceux de Saintron, entendantz la mésaventure des Liégois devant Brusthem, s'eussent bien voulu rendre; car l'on avoit desjà fort commenché à tirer et canonner sur eulx, mais le duc ne voulut ouyr parler d'appoinctement, disant « qu'il n'y avoit ny foy ny loy en eux ; et puis, dit-il, que les Liégeois me sont venus veoir de si près, je les iray veoir d'aussi près ou plus, si à Dieu plaist. » ”

“ Le comte de Charrolois alla loger en ladicte abbaye, et le sieur des Cordes aux Cordeliers toutauplus près des murs de la ville. Landemain on affusta deux grosses bombardes et ung courtau et ung mortier et plusieurs autres engins. Et ce mesme jour on dressa deux ponts sur la rivière, à la rencontre de Bovines, et là endroict tenoit - on le marché des vivres. Les Dinantois firent deux ou trois petites saillies au plain de la montaigne sans aucun effect. ”

“ Lan= demain toute l'armée se rangeoit en bataille devant la ville de Paris, et le comte de Charrolois en personne, et commencèrent ce jour mesme escarmoucher à ceux qui estoient aux premières barrières, et tirer des serpentines dedans la cité. Mais devant approcher de si près, ny
monstrer aucun signe de hostilité, l'on avoit faict sommer ceux de Paris, afin de faire ouverture, et donner passage au comte de Charrolois et ses gens, et de luy obéir comme lieutenant-général du duc de Berry et de tout le royaume de France. ”

“ Puys 19 hommes à cheval ves= tus de robbes de drap violet bordées de fin grys, et cent autres à cheval vestuz de robbes de violet sans bordure : trestous très-bien montez. Les Génevoix en semblable nombre, leurs torses toutes vernies de rouge et accoustrez de robbes de drap vermeil; et après, un homme d'armes à cheval bien monté et armé de toutes pars, représentant la personne de Sainct-George, et trois paiges après luy; les chevaux d'eulx quattre houssez de taffeta blancq à la croix de taffeta rouge à chascun cousté. ”

“ Pendant le temps que madicte dame estoit à l'Escluse, l'on y faisoit journellement des grands feuz de joye, et pareillement à Bruges, si longuement que monsei= gneur le duc y estoit. Et estoient lesdictz feux entassez de bois bien quarante pieds de haut et trente pieds en quarrure ; et coustoit chascun feu plus de trois vingz mailles de Rhyn, faisanz cent vingt livres tournois; et sonnoyent trompettes et clairons, quand on allumoit lesdicts feux qui estoit à neuf heures du soir. Mondict seigneur le duc r' alla
la seconde fois à l'Escluse devers madicte dame, le dernier jour de juing. ”

“ Le duc alla au giste à Otey, auquel lieu fut la grande bataille en l'an 1408. Et là vindrent les douze envoyez de par ceux de Liège, la nuict Sainct-Martin au matin. Mais le duc ne les voulut ne veoir ne ouyr, ains les fist Quyr par son conseil, duquel monsieur Guy de Brimeu, seigneur de Humbrecourt, estoit l'un des spéciaux et des plus avancez en ceste partie, à cause que plusieurs fois auparavant il avoit esté envoyé devers les Liégeois, Et des douze ambassadeurs monsieur Jean del Bouverie en estoit l'un, lequel portoit la parole pour ceux de la cité ”

“ Laquelle chose est vraye, sauf et réservé (ce qui ne se met point en rime) qu'il y a plus belle veue, et plus beau regard du moulin à vent de Bossut, au-dessus de la belle t en Haynaut, qu'il n'y a audict Dammartin.
Le premier jour de juillet on alla loger à Espierres, et landemain à Roisi, le cinquième jour allèrent tous loger à Sainct-Denis, et ce jour mesme le sieur de Fiennes demanda congé au comte de Charrolois d'aller s'esbattre sur lés champs, et chercher quelque adventure, menant avec luy cinquante lances ”

“ Lendemain ceux qui allèrent fourrager environ les trois heures après disner, apperceurent les Liégeois venir à Fen= contre le camp des Bourguignons en belle ordonnance, et en haste retournantz le vindrent annoncer au duc ; et in= continent chacun s'armoit et se mit en bataille sans effroy et sans crier alarme. En vérité nous pensasmes que ce ne fust rien jusques que apperceusmes descendre les Liégeois en un village appelé Brusthem, assez près de Saintron, que alors on entendit que c'estoit à bon escient. ”

“ La dame de Lintre et Colard de la Porte estoient dedans ledict chasteau. L'on tient qu'il y avoit bien deux mille -hommes dedans Huy en garnison ; mais que bonne partie d'eux estoit lors par les villages d'alentour. Du costé des Bourguignons pouvoit avoir environ mille compagnons, quasi tous Namurois. Et cependant le sieur de Fiennes et les chevaux demeuroient à la montaigne pour faire espaule auxdictz piétons, en cas qu'ils fussent esté contraintz eux reculer. Et au vray dire, si ceux de la ville eussent sailly hors, ils eussent mis en danger les Bourguignons. ”

“ Pendant cedict siège, le sieur de Crévecœur, baillif d'Amiens, fut envoyé à Mesières requérir aucuns de France. Combien que ceux de la cité de Liège eussent promis à faire secours et ayde à ceulx de Dynant où qu'ils en auroient affaire, si ne trou= vèrent-ils point en leur conseil de ce faire. Quoy voyantz ceux de Dinant, ils commencèrent à perdre espoir. L'é= vesque de Liège se tenoit lors à Huy, et y faisoit bon guet pour veoir si ceux de la cité s'avanceroient pour donner secours aux Dinantois, et pour en advertir le duc, et aussy
pour ruer dessus ”

“ Cedict jour et la nuict ensui vante on y tua plusieurs personnes que hommes que femmes, jeusnes et vieulx, et les ay ouy nombrer jusques à plus de mille. La pluspart des gens d'église, et autres gens de bien s'estoyent retirez dedans les églises, attendantz d'estre pris à mercy, ou destre pri= sonniers. Monseigneur le duc fist deffendre qu'on ne tuast, ny noyast plus nulluy, et que l'on ne touchast aux églises, ny à leurs biens : et ce feust lendemain au matin. Là dedans fut trouvé messire Jehan de Welle chevalier, qui estoit fort bléché, et lors fut partué. ”

“ De manière que pour ceste fois ils se déporté* rent d'exécuter leur volonté ; mais en mois d'aoust ensuivant, ils parfirent leur testée', et mirent en quatre quartiers ledict Carpentier, qui leur cousta cher par après. Guères après, quelques dix-huict compagnons Liégeois de la verde Tente, allèrent en une des maisons dudict Carpentier pour y faire chose à leur plaisir ; mais ainsi que le baillif de Namur en feust adverty, et les pensoit surprendre, ceulx de Huy le prèvindrent, et ayantz prins lesdictz compagnons, les firent tous pendre à un arbre. ”

“ Elle estoit seule dedans la dicte coche, vestue d'une robbe de drap d'or blancq, ses cheveux espars, et une coronne d'or sur sa teste : et alloyent à pied à l'entour de ladicte lictierre quasi tous les seigneurs de l'ordre de la Toison, tous vestuz des drapz et parures de monseigneur le duc, les robbes de veloux noir, excepté monsieur de Ravestain qui avoit la sienne de drap d'or cra= moisy fourrée de sables, et luy portoit-on le bout de sa dicte robe, à cause qu'il plouvoit et qu'il faisoit ord par les rues. ”

“ Le quinzième, en laissant pour la garde du pont Sainct= Cloud et autres lieux à l'entour, un gentilhomme de Haynaut appellé le sieur de la Motte2, toute l'armée vint loger à Montlehéry, qui est sept lieues de là Paris ; et y estant arrivée l'avant - garde, incontinent le comte de Sainct-Pol manda à ceux du chasteau que s'ils vouloient bailler et addresser vivres pour argent, que l'on ne leur demanderont rien, ny mefferoit rien, ou cas qu'ils ne fissent rien à ceux de l'ost, ce qu'ils accordèrent; et alloient et venoient par l'ost, et faisoient par semblant très-bonne chère. ”

“ Mais Hues de Humières, dict le Liégeois, baillif de Namur, et Jehan de Longchamp, chastellain dudict Namur, assemblèrent environ cinq cens hommes à pied, et quinze cens chevaux, et les poursui= virent de si près que les Dinantois furent contraintz soy sauver en ungbois devers Florines 2; quoy nonobstant il en fut tué plus de quarante, et d'aucuns prisonniers, et les autres s'enfuirent laissantz et abandonnantz leurs armes et bastons. Ce advint le troisième jour de jung, et estoit alors le comte de Charrolois ès villes qui sont sur la Somme. ”

“ Ledict sieur avoit six chevaux tous houssez, le sien de velou noir a ung grand soleil d'or brodé, le tout semé de campanes 1 d'argent, et les autres de housses de diverses couleurs de velour, et aucunes semées de grosses sonnettes, à manière de crappes de rosin d'argent, et les autres de campanes : ses paiges vestus de robbes d'orfèverie de sa devise. L'on payoit ordinairement une maille de Rhyn ou ung escu pour avoir place pour regarder à une Fenestre, tant y eust-il de gens de toutes pars. ”

“ En Payants garde furent lors en premier lieu l'estendart du sieur de Ravestain, puis ccluy de monsieur Jacques de Luxembourg, sieur de Richebourg, du sieur de Fiennes, du sieur de de Bieurene, de monsieur Antoine de Lalaing, de monsieur Baudouin bastard de Bourgougne, de monsieur Guillaume de Sassoigne 1, gouverneur de Luxembourg, du sieur de Crèvecœur, du sieur de la Gruthuse, du sieur de Bossu, de monsieur Philippe de Crèvecœur, du sieur de Perwez en Brabant. ”

“ Monseigneur le duc fit prendre maistre Henry Soleil, maistre de la cité pour celle année, et bien vingt autres, et les condempnoit de payer vingt mil lyons d'or., pour distribuer aux capitaines à la volonté du duc; et en oultre condempnoit la communaulté de la ville, oultre et par deseur toutes promesses par eulx devant faictes et accordées, à la somme de cent mil lyons d'or tout contantz, moyennant laquelle somme leurs héritaiges et meubles seroient sauvés. Aussy feust Huy remise ès mains de mon= sieur de Liège ”

“ Et du matin monsei= gneur le duc alla à l'encontre d'elle au Dam, et l'espousa illecq; auquel espousement l'on fit plusieurs nobles cérimo= nies, et n'estoit que luy quatriesme ou cinquiesme au plus.
Monseigneur avoit faict faire droiet dessus la porte de son hostel ung très-riche blazon de ses armes, et des armes de toutes ses seigneuries, de pierre richement entretaillée, et toutte dorée, et à chascun cousté sourdoyent deux fontaines de vin, qui couroyent le dimenche des nopces et le lundy ensuivant tout le jour. ”

“ Car le dimenche après ladicte bataille ils se montèrent le plus fort qu'ils peurent, et vindrent piller le village de Forest, en Ha ynau, emprès le chasteau de Cambresis, et aultres voisins; et les laissoit-on faire, car le peuple estoit totale= ment abattu de courage par cesdictes nouvelles. Davantaige, ceux que le comte avoit laissé à Lagny en garnison, enten= dants lesdictes nouvelles, abandonnarent ladicte place, et grande partie de leurs harnas et baggues, et se partoient vers Bourgougne, dont aucuns firent trente lieues d'une traitte. ”

“ Je prie à Dieu que par sa douse pité et miséricorde veulle avoir pité et mersi des âmes de tous cheux et chelles qui y perdirte la vie, et qu'il doinst bonne vie au vi vans et par spécial à mondit S. gr le duc et à tous qui l'aimete et quy furte avecque luy à ladite prise et conqueste de la chité de Liège, et fus de che présent quatrième voyage fet en Liège l'an 1468. ”

“ Le sieur de Roussy, fils du comte de Sainct-Pol, pour sa première guerre se porta braivement : il creançea1 de sa main monsieur Geofroy de Sainct-Belin, et eut son espée ; mais, à faire ce présent livre, encores n'estoit-il venu acquitter sa foy, et ledict sieur de Roussy garde tousjours son espée : l'on faict courir la voix qu'il est perdu. ”