Mathieu d' Escouchy

“ Le Roy paisible preche paix et benit les paisibles, chest assavoir ceulx qui aiment paix. Il enseigne paix à ses disciples; il denonce paix à tous ; il semont et appele ses ennemis à paix, quant pour eulx il fait pryères au Père pardurable. ”

“ O quant tu regardes le Seigneur, de
ses subgez tant durement offendu que bonnement il ne poet estre apaisiés sy non par sa mort, considère combien grande est la pityé et l'amour de la très douce paix du Roy eternel en ses subgez, quant non seulement il leur pardonne selonc leurs merittes, mais se expoza à mort pour leur salut. Desquelx nous ne sommes point pecheurs?Nous nous dechepvons nous meismes et verité n'est point en nous. Ne demandons nous pas chascun jour qu'il nous pardonne? ”

“ O payx très douce qui es de si grant douceur et suavité que tu ne poes estre proferré sans le baisyer et conjoncci on des leffres! O très noble prince ! recœuvre la, embrasse la et n'ayes point paour de perdre avecques elle, comme ainsy soit qu'elle seulle est deffense et garde des prinches, conservacion de couronne, clarté et noblesse de pensée et de corage, lyen d'amour, coupple de humaine aliance, unité des coers, connexion de choses diverses, et maison et arche de toutes vertus. Elle seulle vaint, elle regne, elle commande et oste faintises, elle comprime les fraudes et barras. ”

“ Elle reprime les inimitez, elle depart et dissolve tanchons , elle retranche ryottes, elle extrippe dissensions, tue et ochit hayne. Elle acquiert amis, elle surmonte les anemis, elle comprime les yres et couroux , elle apaise les batailles, elle surmarche et suppe- ditte les orguilleux et vainct les maulx, de quelque manière qu'ilz soyent. O très noble prinche, paix gardée en la maison, c'est à dire en seignourye, estably Romme regnant sur tous les climas du monde, laquelle Sedicion ramena à neant, ainsy que souventes foys elle a tolu et everty les couronnes d'aultres Royalmes. ”

“ Et au regart du gentilhomme, il ne le cuidoit point avoir oultragé ne fait desplaisir, et que vray estoit que ainsi que on estoit devant la place, pour ce qu'il vit ung gentilhomme atout une longue robe, qu'il ne cognoissoit, qui passoit plus qu'il ne devoit, comme il lui sembloit, en certain lieu, tout gracieusement lui mist ung baston au devant, en lui demandant où il aloit et qu'il reculast arrière; mais qu'il lui fist autre mal ne desplaisir n'en fist. ”

“ A messire Pierre de Breszé, seigneur de la Varenne, six cens quatre vins sept livres dix solz tournois, en quoy le Roy lui estoit tenu pour pareille somme qu'il avoit baillée pour ledit seigneur aux Reynfoks, anglois, pour la reduction et tractié de Gisors, sans ce qu'il en eust du Roy cedule ny autre enseignement; laquelle somme ledit seigneur, estant deuement acertené des choses dessus dictes, veult estre
paiée et baillée audit seigneur de la Varenne par ledit tré- sorier, et icelle estre allouée en ses comptes, en rapportant la quictance seulement dudit seigneur de la Varenne. ”

“ J'ay fyance que ta très noble seignourye, ornée de sapience, de soy et de son très bon conseil, s'employera en toute briefté aulx très doulx lienx de paix et, reprinses ses
forces et vertus, pour retourner aux premiers divins consaulx, adfin que de la partye des prinches le Saint Sepulcre de Nostre Seigneur soit rendu à la crestienté. ”

“ Et pour ce que nous avez escript que, se n'avions bien à besongner de vous, vous pourriez faire par delà beaucop de service et diligence, tant pour le fait de nostre logeiz que pour le siège de Fronsac, nous sommes contens que demourez par delà pour besongner èsdictes choses, et brief vous envoyerons noz fourriers pour vous aidier au fait de nostre dit logeiz. Si faites et vous emploiez en tout ainsi que verrez estre à faire et que bien y avons confience. ”

“ Et ce mesme jour sur le vespre, vint monseigneur le duc d'Auterriche1 en ladicte ville de Mantue, accompaignez de trois à quatre cens chevaulx, en gente compaignie et bien en point, avecques trompettes, clairons et menestriers en grant quantité; au devant duquel alèrent, par ladvis de mesdiz seigneurs les ambaxeurs, monseigneur le bailly de Rouen2, messire Guy de Bruilhac, accompaignez tant de leurs gens comme de partie de ceulx de mesdiz seigneurs les ambaxeurs et jusques au nombre de cent chevaulx ou environ. ”

“ Prang la paix de la très noble âme, adfin que tu ne soyes oublieux de ta vertu ainsy grande.
Quele chose, très noble prince, quelle chose t'a profité de chacyer tousjours tes ennemis loing de tes pays et seignou-
ryes, se maintenant tu exerces mortelle vengance contre ceulx qui sont tes effans en gouvernement, posé ores qu'ilz soyent coutumas et rebelles envers toy? ”

“ A monseigneur le conte de Dunois, que le Roy lui a ordonné pour son voiage qu'il fist en Savoye pour la pacifficacion de l'Eglise, l'année passée. M l. t.
A Jaques Cuer, conseillier du Roy, que ledit seigneur lui a semblablement ordonné sur ledit voiage qu'il fist en la compaignie de mondit seigneur de Dunois. Vc l. t.
A monseigneur l'arcevesque de Reims, conseillier du Roy, que ledit seigneur lui a ordonné sur le voiage qu'il fist l'année passée, tant en Savoie que de Savoie devers nostre Saint Père à Romme, pour la pacifficacion de l'Eglise. xvc l. t. ”

“ Tu as exemple des tyens propres et des plus grans Empereurs, Roys et Prinches qui te exortent et admonestent de rechepvoir cheste couronne, et se tu ne voels de prime face ensievuir les hommes, tu as le Roys des Roys et seigneur de ceulx qui ont seignourye, Jhesus-Crist nostre souverain Empereur, en ensieuvant lequel tu ne poes esrer, tu ne dois doubter perdre ta dignité, car ceulx qui sieuvent cheluy qui est vraye voye, verité et vye, ne poent esrer ne doivent avoir honte, ne n'est besoings qu'ilz ayent aulcune doubte. ”

“ Aux secrétaires du Roy estans et servans audit païs de Languedoc, pour don à eu lx fait par ledit seigneur pour leur aidier à vivre et estre plus honnestement, trois cens livres tournois, pour icelle estre departie entr'eulx, selon l'ordonnance de l'evesque de Carcassonne et de Jacques Cuer. ”

“ Jà n'aviengne tele chose estre pensée de loyal courage, car en che est demonstrée chascun jour sa souveraine clemence et misericorde, pour laquelle cause il est appelé misericors, piteux et tout puissant, et comme nous soyons trouvés entre les pecheurs et voellons bien avoir pardon, en rendant à celui qui nous pardonne gloire, louenge et grace, n'avons nous grace, n'avons nous pas honte, et qui plus est, ne sommes nous pas tenus de ainsy faire? Pardonnés doneques et on vous pardonra, dit nostre Seigneur Jhesus Crist. ”

“ A Joachim Rouault, cappitaine de gens d'armes et de trait, quatre harnoiz completz pour 1111 hommes d'armes de sa charge.
A Jehan de Hetre, ung harnois complet. A ung homme d'armes nommé Donot Matassellin, Escoçois, ung harnois complet. A ung homme d'armes Alement du pais de Saxonne, ung harnois complet. A Charlesde la Faiete, escuier de l'ostel dudit seigneur, ung harnois complet. A Pierre de Ycourt, homme d'armes, ung harnois complet. Au chancelier et autres ambaxeurs d'Escoce, que le Roy leur a donné, neuf harnoiz completz. ”

“ Le mercredi XXIlDe jour dudit mois, mesdiz seigneurs les ambaxeurs eurent audience, et se fist apporter nostre Saint Père, du palais où il est logé, jusques en la grant eglise ; et après la presentacion que firent mesdiz seigneurs les ambaxeurs de leurs lettres, et qu'ilz eurent fait chascun la reverence à nostre dit Saint Père, l'un après l'autre, monseigneur de Paris proposa grandement et notablement à l'onneur du saint Siège apostolique, du Roy et de toute l'ambassade; et a esté la chose tant loée de toutes les nacions, que plus ne peult ”

“ A Nicolo de Piere, marchant de Fleurance, la somme de IIm IIIIC LXXV 1. t., à lui deue par le Roy nostre dit seigneur, pour deux draps d'or faiz. sur veloux sur veloux cramoisi, qu'il a fait prandre et achapter de lui ou mois de décembre mil cccc XLVIII, et iceulx a donnez à ma dame Helienor d'Escoce, duchesse de Haustreriche, c'est assavoir : l'un et le plus legier pour couvrir ung chariot, faire carreaulx et autres choses à-elle neccessaires pour son partement à aler en Haustreriche ”

“ Pourquoy nous, comme son lieutenant general èsdiz païs et duché2, et pour garder et deffendre son peuple et subgetz dont il nous a donné la charge, nous sommes mis sur les champs affin de avoir afaire à vous honnorablement, ainsi que faire se doit, sans destruire ne gaster le povre peuple et païs, aussi bien de vostre parti que comme du nostre. ”

“ Se vous pardonnés aulx hommes leurs pechyés, votre père celestre vous pardonra vos pechyés; et si vous ne pardonnés aulx hommes, aussy vostre père ne vous pardonra pas vos pechyés. Et pour ce, très noble prinche, pardonne, pardonne et espargne à ton poeple, et ne voellesdonnerton heritage en reprouches. ”

“ Et tantost après qu'ilz eurent passé le chastel de Piguiston, entrèrent en la rivière du Pô et alèrent coucher à Cremonne, là où il y a par terre dudit chastel de Piguiston XII mille, et par eaue XVIII mille, et furent logez dedans le chastel dudit Cremonne, bien et notablement, comme par avant ilz avoient esté ou palais de Milan et ou chastel de Pavye. ”

“ Veritablement à toy demeurent seulement les perils, comme ainsi soit que la fin des guerres et batailles soyent incertaines, et souventes foys celui qui cuide vaincre est vaincu ; et finablement quelque chose qui demeure de mal ou de damage sera convert y (que Dieu ne voelle !) ”

“ Appele toy meismes cheulx qui esrent, rechoy cheulx qui venront à toy, et par ta digne clemence surmonte les tous et leur bailles touttes choses que ilz te demanderont, adfin que tu deffendes les ames de la mort de sy griefve bataille, pozé ores qu'il y ayt aulcun dommage temporel. ”

“ Pour IXC x grans escussons et XIXc XL petis, pains aux armes de France, couronnez, lesquelz ont servy en la forme et manière qui s'ensuit : c'est assavoir lesdiz grans à mettre et asseoir encontre les pilliers desdictes eglises, et les petis aux torches que l'en porta depuis Nostre-Dame des Champs jusques en l'eglise de Nostre-Dame de Paris et Saint-Denis, aussi en celles qui ardoient dedans lesdictes eglises, le service durant, et sur les povres qui portoient lesdictes torches, au pris de II s. ”

“ Et demourèrent audit lieu d'Ast le jour de Toussaint et le jour des Mors. Pendant lequel temps le conte Francisque2 envoya par devers mesdiz seigneurs audit Ast gens et lettres de creance, pour savoir quel chemin ilz vouldroient tenir à aler à Mantue, pour leur offrir, quelque part que nosdiz seigneurs passassent, son corps, ses enfans, son pays et ses biens pour l'onneur de la sacré megestat du Roy, et de tout faire et ordonner à leur plaisir. ”

“ Pour avoir fait dudit or liii grans fleurs de liz servanstant aux grans escussons comme audit manteau, au pris de XXVII s. VI d. t. pour façon de chascun, valent lui escus. Pour ce, LXXII 1. XVII s. VI d. t. Et pour avoir fait ix couronnes servans aux dessusdiz IX escussons, au pris de III escus pour facon de chascun, valent XXVII escuz. Pour ce, XXXVII l. II s. VI d. t.
(Folio 25 verso.) A Jehan Sevineau, nagueres orfièvre dudit feu Roy, la somme de VIIIXX XIII l. II s. x d. t., pour avoir fait et livré de son mestier les parties qui s'ensuivent. ”

“ Auquel lieu de SaintDenis ne fut aumosne que ladicte somme, pour la grant desordonnance et violence de plusieurs fors et puissans hommes bien disposez à gangner leurs vies à la peine de leurs corps, qui, pour pervenir à icelle aumosne, avoient foulez et oppressez lesdiz povres et impotens estant illec assemblez ”

“ Pour LX a. bougran noir dont a esté doublé ung grant poisle fait de drap d'or et les bourgs d'icellui, au pris de x s.
t. l'aune dudit bougram, valent xxx 1. t.
(Folio 19.) Audit Jehan Pocquet, dit Petit Jehan, tailleur de robes devant nommé, la somme de xx 1. t. pour ses peine et façon d'avoir fait et taillé de xxxv aunes drap d'or fait sur velute
cramoisi vermeil ung poisle servant à mettre sur la lictière sur laquelle fut apporté le corps d'icellui feu Roy ”

“ Ledit jeudi que lesdiz ambaxeurs demourant audit Millan, après le diner dudit jour, Madame voulut venir devers eulx; ce qu'ilz ne vouldrent souffrir, mais alèrent devers elle en sa sale ; laquelle vint au devant d'eulx jusques à l'entrée de ladicte sale, accompaignée de sa mère1 et de ses deux filles, l'une de xlIn à xv ans, et l'autre d'environ trois ans, qui sont très belles filles, et de XL à L autres dames ou damoiselles de grant estat, belles filles et très biens habillées, aussy de ses filz, et de grant nombre de nobles gens de plusieurs estas. ”

“ A Jehan Cousturier, menuisier, demourant à Bourges, la somme de mi l. t. pour ung grant coffre de boys, par lui fait et livré, dedans lequel a esté mis et bouté le serqueur de plomb ouquel ledit feu Roy a esté mis. ”

“ A Maistre Nicole Conne, dit Lamy, mariglier lay de la grant eglise de Paris, la somme de L 1. t. pour la sonnerie qui faicte a esté en ladicte eglise, pour l'obsèque dudit feu Roy, durant le temps que le corps d'icellui feu seigneur a demouré en icelle eglise.
(Folio 5 verso.) A Bertault Hervy et Jehan d'Andely, maistres maregliers de l'eglise monseigneur Saint-Denis en France, la somme de XL 1. t. pour la sonnerie par eulx faicte en ladicte eglise pour l'obsèque dudit feu seigneur. ”